ပြည်တွင်းသတင်း — ရန်ကုန်၊ ဧပြီ ၂၆၊ ၂ဝ၁၂

အီတလီနိုင်ငံခြားရေးဝန်ကြီးနှင့် ပြည်ထောင်စုဝန်ကြီး ဦးကျော်ဆန်းတို့ အမျိုးသားအမွေအနှစ်နေရာများကို ကမ္ဘာ့အမွေအနှစ်စာရင်းသွင်းရန် တွေ့ဆုံဆွေးနွေးပြီး နောက် မြန်မာနိုင်ငံ အမျိုးသားပြတိုက်၊ စာကြည့်တိုက် နှင့် ရှေးဟောင်းသုတေသနဌာနမှ အဆိုပါစီမံကိန်းများ နှင့် သက်ဆိုင်သော သင်တန်းများ ဖွင့်လှစ်ပို့ချမည်ဟု ဧပြီ ၂၁ ရက်နေ့က သတင်းထုတ်ပြန်သည်။

““အဓိက ကတော့ စီမံကိန်း ၁ အနေနဲ့ သင်တန်း ၃ ခု သင်ကြားပေးသွားမှာပါ။ ဒါပေမဲ့ သင်တန်းပေးမယ့် နေရာနဲ့ အချိန်တွေ ကတော့ အတိအကျ မသတ်မှတ်ရသေးပါဘူး၊ နိုင်ငံတကာက ပညာရှင်တွေ လာရောက်သင်ကြားပေးမှာပါ”” ဟု အဆိုပါဌာန၏ လက်ထောက်ညွှန်ကြားရေးမှူး ဒေါ်အေးမိစိန်က ပြောကြားခဲ့သည်။

ယင်းသင်တန်းများမှာ ပျူမြို့ဟောင်းသုံးမြို့ဖြစ်သော ဗိဿနိုး၊ သရေခေတ္တရာ၊ ဟန်လင်းနှင့် ပုဂံမြို့ဟောင်းရှိ ယဉ်ကျေးမှု အမွေအနှစ် ဒေသနေရာတို့၏ အရေးပေါ်ဆောင်ရွက်ရမည့် ထိန်းသိမ်းမှုနှင့် စီမံခန့်ခွဲမှုဆိုင်ရာလုပ်ငန်းစဉ်များ ရရှိစေရန်အတွက် လုပ်ငန်းခွင်အတွင်း လေ့ကျင့်သင်ကြားပေးရန် ရည်ရွယ်သည်ဟု သိရှိရသည်။

အဆိုပါသင်တန်း ၃ ခုမှာ (၁) ယဉ်ကျေးမှုအမွေအနှစ်ဒေသများ ပြုပြင်ထိန်းသိမ်းရေးနှင့် စီမံခန့်ခွဲမှုစွမ်းရည် လေ့ကျင့်သင်ကြားပေး ရေးသင်တန်း(၂) ပုဂံမြို့ဟောင်းမှ ရှေးဟောင်း အဆောက်အဦးများရှိ နံရံဆေးရေးပန်းချီနှင့် အင်္ဂတေပန်း လက်ရာများ ထိန်းသိမ်းရေးဆိုင်ရာ လက်တွေ့သင်တန်း၊ (၃) သရေခေတ္တရာမြို့ဟောင်းရှိ ဗိသုကာလက်ရာများ ကာကွယ်ရေးနှင့် ထိန်းသိမ်းရေး၊ ရှေးဟောင်း သုတေသနဆိုင်ရာ လေ့လာတူးဖော်ရေး လုပ်ငန်းများနှင့် စီမံခန့်ခွဲရေးဆိုင်ရာ လက်တွေ့သင်တန်းတို့ ဖြစ်သည်။ ၄င်းအလုပ်ခွင်အတွင်း လေ့ကျင့်သင်တန်းများတွင် အုတ်အဆောက်အအုံနှင့် ကျောက်အ ဆောက်အအုံများ ပြုပြင်ထိန်းသိမ်းခြင်းပညာနှင့် မှတ်တမ်းပြုစုခြင်းပညာများ နံရံဆေးရေးပန်းချီနှင့် အင်္ဂတေပန်းများ ပြုပြင်ထိန်းသိမ်းခြင်း များ ပါဝင်မည်ဖြစ်သည်။

ထိုသတင်းထုတ်ပြန်ချက်တွင် စီမံကိန်း ၂ အနေ ဖြင့် ပထဝီဆိုင်ရာ သတင်းအချက်အလက် နည်းပညာစနစ် GIS ကိုအသုံးပြု၍ ယဉ်ကျေးမှု အမွေအနှစ်ဆိုင်ရာ သတင်းအချက်အလက် စီမံခန့်ခွဲမှုစနစ်ကို ဖော်ဆောင် တည်ဆောက်ရန်ဟု ဖော်ပြထားသည်။ ယင်း စီမံကိန်း ၂ အတွက် ပစ္စည်းကိရိယာနှင့် Software များ ထောက်ပံ့ခြင်း၊ အချက်အလက်နှင့် နည်းပညာများ လေ့ကျင့်သင် ကြားပေးခြင်း၊ စွမ်းရည်မြှင့်တင်ပေးခြင်းနှင့် GIS စာတွေ့၊ လက်တွေ့သင်တန်း ၃ ကြိမ် သင်ကြားပေးခြင်းများ ပါဝင်မည် ဖြစ်သည်။GIS အတွက် ဆွေးနွေးပွဲ အစည်းအဝေးကို မေလ ၁၄ ရက်နေ့မှ ၁၉ ရက်နေ့အထိ ပြည်မြို့တွင် ကျင်းပသွား မည်ဟု သတင်းရရှိသည်။

စီမံကိန်း ၃ တွင် ကမ္ဘာ့အမွေအနှစ်စာရင်း၌ အမည် တင်သွင်းနိုင်ရေးအတွက် မူဝါဒဆိုင်ရာနှင့် နည်းပညာပိုင်းဆိုင်ရာ ပံ့ပိုးကူညီမှုပေးရန်ဟု ပါဝင်သည်။ ယင်းမှာ နောက်ထပ်တင်ရန် အမွေအနှစ်စာရင်းပြုစုခြင်း၊ အမည်စာရင်း တင်သွင်းရာတွင် ကူညီရေးသားတင်ပြခြင်း၊ လိုအပ်သော ကိစ္စများ ပံ့ပိုးဆောင်ရွက်ခြင်းများ ပါဝင်သည်။ ထိုနောက် ကမ္ဘာ့ယဉ်ကျေးမှု အမွေ အနှစ်များအဖြစ် မြန်မာနိုင်ငံမှ ““အင်းဝ၊ ပြဒါးလင်းဂူတို့ ရခိုင်ပြည်နယ်က မြောက်ဦးတို့ ပြီးတော့ သဘာဝနဲ့ ယဉ်ကျေးမှုတို့ ပေါင်းစပ်နေတဲ့ အင်းလေးကန်တို့ ဖြစ်သင့်တယ် ””ဟု ဦးကျော်ဦးလွင်က ပြောသည်ဟု မဇ္ဈိမသတင်းဌာနက ဖော်ပြထားသည်။

ကမ္ဘာတစ်ဝန်းလုံးရှိ ယဉ်ကျေးမှုအမွေအနှစ်နှင့် သဘာဝအမွေအနှစ်များအား ကာကွယ်ထိန်းသိမ်းရေးဆိုင်ရာ ကွန်ဗင်းရှင်းကို ၁၉၇၂ ခုနှစ်တွင် ထုတ်ပြန်အတည်ပြုခဲ့၍ မြန်မာနိုင်ငံအနေဖြင့် ၁၉၉၃ ခုနှစ်၊ ဧပြီလ ၂၉ ရက်နေ့တွင် အဖွဲ့ဝင်နိုင်ငံအဖြစ် လက်မှတ်ရေးထိုးခဲ့သည်။ ၁၉၉၆ ခုနှစ်တွင် မြန်မာနိုင်ငံမှ မြန်မာ့ယဉ်ကျေးမှု အမွေအနှစ်စာရင်း ၈ ခုကို တင်သွင်းခဲ့သည်။ ၂ဝဝ၉ ခုနှစ်တွင် ပျူသုံးမြို့အား ကမ္ဘာ့ အမွေအနှစ်စာရင်း တင်သွင်းနိုင်ရေးအတွက် UNESCO နှင့် ကမ္ဘာ့အမွေအနှစ်အဖွဲ့သို့ ဆက်သွယ် ဆောင်ရွက်ခဲ့သည်။ ယခုအခါတွင် အဆိုပါပျူမြို့ဟောင်း ၃ မြို့ ကမ္ဘာ့စာရင်းတွင် ပါဝင်နိုင်ရေးအတွက် ဝန်ကြီးဌာန၏ လမ်းညွှန်မှုဖြင့် ဦးစီးကော်မတီ၊ လုပ်ငန်းကော်မတီများ ဖွဲ့စည်းဆောင်ရွက်နေသည်ဟု သိရှိရသည်။ စီမံကိန်းဆိုင်ရာ ပထမအကြိမ် အစည်းအဝေးကို ၂ဝ၁၂ ခုနှစ်၊ ဧပြီလ ၄ ရက်မှ ၆ ရက်နေ့အထိ ရန်ကုန်မြို့ Park Royal Hotel  တွင် ကျင်းပခဲ့သည်။ ထို့အပြင် ၂ဝ၁၂ စက်တင်ဘာလတွင် ပျူမြို့ဟောင်း ၃ မြို့အား စာရင်းဝင်အဖြစ် သတ်မှတ်ရန် တင်သွင်းမည်ဖြစ်ပြီး တင်သွင်းပြီးပါက ကမ္ဘာ့အမွေအနှစ်အဖွဲ့ World Heritage Organization မှ လာရောက်စစ်ဆေးမည်ဟု သတင်းရရှိပါသည်။

၀၀၃

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.