ခေါင်းကြီးသတင်း ပြည်တွင်းသတင်း — ရန်ကုန် ဧပြီ ( ၂၀ ) ၂၀၁၂

ဗဟိုအလုပ်အမှုဆောင် ဦးဥာဏ်ဝင်း

ကြားဖြတ်ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ် ၄၃ ဦးတို့သည် လာမည့် ဧပြီ ၂၃ ရက်နေ့ ကျင်းပမည့် လွှတ်တော်အစည်းအဝေး တက်ရောက်ရန် မသေချာသေးဟု NLD ဗဟိုအလုပ်အမှုဆောင် ဦးဥာဏ်ဝင်းက ယနေ့အဖွဲ့ချုပ်ရုံးတွင် ဒုတိယအနေ့အဖြစ် ပြုလုပ်ခဲ့သော လွှတ်တော်ရေးရာသင်တန်းအပြီး တွင်ပြောသည်။

အမျိုးသားဒီမိုကရေစီ ဗဟိုအလုပ်အမှုဆောင် ဦးဥာဏ်ဝင်းသည် ဖွဲ့စည်းပုံ အခြေခံဥပဒေခုံရုံး၏ ဖိတ်ကြားချက်အရ နေပြည်တော်သို့ သွားရောက်ခဲ့ပြီး အဆိုပါ ခုံရုံးသည် ဖွဲ့စည်းပုံ အခြေခံဥပဒေဇယား(၄)နှင့် ပတ်သက်၍ ရှင်းပြကြောင်း၊ ရှင်းပြသောအချက်များ အားလုံးကို သဘောမတူကြောင်းနှင့် သဘောမတူသော အချက်များကို စာဖြင့် သက်ဆိုင်ရာရုံးများသို့ ပေးပို့ပြီး ငြိမ်းချမ်းစွာ ဖြေရှင်းသွားမည်ဟု ပြောသည်။

အမျိုးသားဒီမိုကရေစီအဖွဲ့ချုပ် ဦးဥာဏ်ဝင်းက လွှတ်တော်အစည်းအဝေးတက်ရောက်ခြင်း၊ မတက်ရောက်ခြင်းနှင့် ပတ်သက်၍ “ဒေါ်အောင်ဆန်းစုကြည် အပါအဝင် လူကြီးတွေရဲ့ညွှန်ကြားချက်နဲ့ စာရေးပြီး သက်ဆိုင်ရာဆီပို့မယ်။ စာတွေ သွားလိုက်လာလိုက်နဲ့ ဆိုတော့ ကျွန်တော့်အမြင် ဧပြီ ၂၃ ရက်နေ့ မတက်ဖြစ်မယ့် ရာခိုင်နှုန်း များပါ တယ်” ဟု သတင်းထောက်များကို ပြောသည်။

အဆိုပါ လိပ်မူပေးပို့မည့် စာနှင့် ဖွဲ့စည်းပုံအခြေခံ ဥပဒေဆိုင်ရာဇယား (၄)နှင့် ပတ်သက်၍ ခုံရုံး၏ ရှင်းပြချက်ပေါ်တွင် သဘောမတူသည့်အချက်များကို မေးမြန်းရာတွင် ဦးဥာဏ်ဝင်းက “ကျွန်တော်တို့က သတင်းဌာနတွေကို ပြောပြီး ဖိအားပေးတယ်လို့ ပြောခံရမှာဖြစ်တဲ့အတွက် မပြောပါရစေနဲ့” ဟုပြောသည်။

အမျိုးသားဒီမိုကရေစီအဖွဲ့ချုပ်သည် ဖွဲ့စည်းပုံအခြေခံဥပဒေဆိုင်ရာ ခုံရုံး၊ သမ္မတရုံးနှင့် ပြည်သူ့လွှတ်တော်သို့ လိပ်မူ၍ စာပေးပို့မည် ဖြစ်သည်။ ကြားဖြတ်ရွေးကောက် ပွဲ အနိုင်ရ NLD လွှတ်တော်ကိုယ်စားလှယ်များသည် လက်ရှိတွင် တစုတစည်းထဲရှိပြီး အဖွဲ့ချုပ်ရုံးတွင် ဒေါ်အောင်ဆန်းစုကြည် အပါအဝင် ကိုယ်စားလှယ်များအား ဖွဲ့စည်းပုံ အခြေခံ ဥပဒေရေးရာများ၊ ဘတ်ဂျက်ဆိုင်ရာ ကိစ္စရပ်များနှင့် လွှတ်တော်ကိုယ်စားလှယ်များ လွှတ်တော်အတွင်း ဆောင်ရွက်ရမည့် ကိစ္စရပ်များ သိရှိနိုင်ရန်  သင်တန်းပေးလျှက်ရှိပြီး သင်တန်းကို ဧပြီလ ၂၂ ရက်နေ့အထိ တက်ရောက်ကြရမည်ဖြစ်ပြီး ရှေ့နေဦးဝင်းမြင့်က ပို့ချပေးလျက်ရှိကြောင်း ဦးဥာဏ်ဝင်းက ထပ်လောင်းပြောကြားသည်။

၀၁၇, ၀၁၁

ဆက်စပ်သတင်းများ

ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.