ခေါင်းကြီးသတင်း — ရန်ကုန်၊ ဖေဖော်ဝါရီ ၈၊ ၂ဝ၁၃

စည်ကားသိုက်မြိုက်စွာ ကျင်းပခဲ့သည့် ရှမ်းပြည်နယ်နေ့ အထိမ်းအမှတ် ကပွဲ

စည်ကားသိုက်မြိုက်စွာ ကျင်းပခဲ့သည့် ရှမ်းပြည်နယ်နေ့ အထိမ်းအမှတ် ကပွဲ

လာရောက် ဆင်နွဲသူများဖြင့် စည်ကားခဲ့သည်

လာရောက် ဆင်နွဲသူများဖြင့် စည်ကားခဲ့သည်

ရှမ်းပြည်နယ် ကိုယ်စားပြု ရှမ်းတိုင်းရင်းသား ၁၂ ဖွဲ့ရှိရာတွင် အဆိုပါ အဖွဲ့များ ပူးပေါင်း၍ ဖြစ်မြောက်ရေး ကော်မတီ ဖွဲ့စည်းကာ ရန်ကုန် ရောက် ရှမ်းတိုင်းရင်းသားများ ဦး ဆောင်ပြီး ဖေဖော်ဝါရီ ၇ ရက်တွင် ကျရောက် သည့် ၆၆ နှစ်မြောက် ရှမ်းပြည်နယ်နေ့ကို ရန်ကုန်မြို့ အမျိုးသားဇာတ်ရုံတွင် ပထမဆုံး အကြိမ် ပြောင်းလဲ ကျင်းပခဲ့ရာ ယခင်နှင့် မတူဘဲ ပိုမိုစည်ကား သိုက်မြိုက်စွာ ကျင်းပနိုင်ခဲ့သည်။

၆၆ နှစ်မြောက် ရှမ်းပြည်နယ်နေ့ကို အမျိုးသားဇာတ်ရုံသို့ ပြောင်း ရွှေ့ကျင်းပလိုက်ခြင်းသည် နေရာ ဒေသအရ ပိုမိုကျယ်ဝန်းသည့် အပြင် ယခင်ကထက် ပို၍ လူစည်ကားလာ ကြောင်း၊ သို့ဖြစ်၍ တိုင်းရင်းသား များ၏ စည်းလုံး ညီညွတ်မှုကို ပြနိုင် ခြင်းသည် ဝမ်းမြောက်ဂုဏ်ယူဖွယ် ဖြစ်သည့်အပြင် နောက်လာမည့် မျိုးဆက်သစ် များအတွက်လည်း ပင်လုံ စိတ်ဓာတ်ရှင်သန်စေလိုကြောင်း၊ လူ တန်းစားမရွေးလာရောက်ကြည့်ရှုနိုင် ရန် လက်မှတ် နှုန်းထားများကို ၂ဝဝဝ ကျပ်တန်း၊ ၃ဝဝဝ ကျပ်တန်း၊ ၅ဝဝဝ ကျပ်တန်းဟူ၍ ၃ မျိုးခွဲခြား ထားကြောင်း၊ ရှမ်းတိုင်းရင်းသား များအပြင် လာရောက်ကြည့်ရှုသူများ  အတွက်လည်း နေရာထိုင်ခင်းများ စီစဉ်ပေးထားပြီး ဖြစ်ရာ ထင်ထား သည်ထက် ပိုမိုစည်ကားလာသဖြင့် နေရာအခက်အခဲများလည်းရှိကြောင်း၊ လက်မှတ် မရရှိသူများအတွက် ဇာတ်ရုံအတွင်းသို့ ဝင်ရန် အဆင်မပြေ ဖြစ်မည်စိုး၍ ဇာတ်ရုံအပြင်ဘက် တွင်လည်း ဖျော်ဖြေမှုများကို ကြည့် ရှုနိုင်ရန် အစီအစဉ်ဆွဲကာ ပြသပေး ထားကြောင်း ပြခန်း တာဝန်ခံ ရှမ်း တိုင်းရင်းသား ဦးခွန်ကျော်က ပြော သည်။

ယခင်က ရှမ်းပြည်နယ်နေ့ကို လူကြီးပိုင်းများသာ စုစည်း၍ ကရဝိက် ကဲ့သို့ နေရာမျိုးတွင် လက်ဖက်ရည် ပွဲများနှင့် ဧည့်ခံရုံ မျှသာ ပြုလုပ်နိုင်ခဲ့ရာ အများအားဖြင့် လူ ၂ဝဝ ခန့် သာဝင်ဆံ့ပြီး ငွေကြေးတတ်နိုင်သည့်  သူများသာ တက်ရောက်နိုင်ကြောင်း၊ သို့တစ်ဖန် တက္ကသိုလ် ကျောင်း သားများ၏ အင်အားများနှင့်စုပေါင်း ၍ ယခုကဲ့သို့ အဖွဲ့အစည်းများ စု ပေါင်းတိုင်ပင်ကာ ပြုလုပ်ရာတွင် အောင်မြင်ခဲ့သော်လည်း ကြာရှည် မခံခဲ့ကြောင်း၊ ထို့နောက်တွင် လုံခြုံ ရေးဟူသော အကြောင်းပြချက်များ ကြောင့် ဆက်လက်မလုပ်နိုင်ခဲ့ ကြောင်း၊ သို့ဖြစ်၍ ရှမ်းပြည်နယ်နေ့ ဟူ၍ ကျင်းပခွင့်မရရှိခြင်းသည် အာဏာပိုင် အဖွဲ့အစည်းများအပေါ် တွင်လည်း မူတည်ကြောင်း ယင်း က ထပ်မံပြောကြား ခဲ့သည်။

ရှမ်းပြည်နယ်နေ့ ကျင်းပရာ တွင် ရှမ်းတိုင်းရင်းသားအသင်းများ ဖြစ်ကြသည့် တောင်ကြီးအသင်းမှ ရိုးရာအက ဖြင့် ကပြဖျော်ဖြေခြင်း၊ အင်းသားအသင်းမှလည်း အင်းလေး တိုက်တေးသီဆို၍ အိုးစည်တီးခတ် ကပြခြင်း၊ ဓနုအသင်းနှင့် တအာင်း (ပလောင်)ယဉ်ကျေးမှုအသင်း (ရန် ကုန်)မှ အိုးစည်တီးခတ်၍ သိုင်းက ခြင်း၊ ကျောက်မဲအသင်း(ရန်ကုန်) မှ ပင်လုံသက်သေတေးသရုပ်ဖော် ဖြင့် ကပြခြင်း၊ သီပေါအသင်း၊ ကျိုင်းတုံ လူမှုရေးအသင်း၊ ရှမ်းစာပေ နှင့် ယဉ်ကျေးမှုအသင်း(ရန်ကုန်) နှင့် လားဟူအသင်းတို့မှ ရိုးရာအက များဖြင့် ကပြဖျော်ဖြေခြင်း၊ ပအိုဝ်း စာပေနှင့် ယဉ်ကျေးမှုအသင်း(ရန် ကုန်)မှ လူကြီးအဖွဲ့က တီးဝိုင်းဖြင့် ကပြ ဖျော်ဖြေ ခြင်း၊ မူဆယ်နမ့်စမ် (ထုံ့မောင်းဝ်) အသင်းမှ မောက်မန်လီ သီချင်းဖြင့် ကပြဖျော်ဖြေခြင်း၊ ရှမ်းစာပေနှင့် ယဉ်ကျေးမှု (တက္ကသိုလ်များ) အသင်းမှ အိုးစည်မောင်းလင်း ကွင်းဖြင့် ကပြဖျော်ဖြေခြင်း စသဖြင့် ရှမ်းတိုင်းရင်းသား အသီးသီးတို့ ၏ ကပြဖျော်ဖြေမှုများအပြင် အဆိုတော် စိုင်းလိတ်၊ မိုမိုခမ်းအေး၊ ဒေါ်နန်းငွေကြည်၊ နမ်းခမ်းဆက်၊ ပူစူးတို့မှလည်း တေးသီချင်းများဖြင့် ပါဝင်သီဆိုဖျော်ဖြေခဲ့ကြသည်။

“ရှမ်းပြည်နယ်အတွင်းမှာရှိတဲ့ တိုင်းရင်းသားပေါင်းစုံတွေ စုပေါင်း ပြီး အခုလို စုံစုံညီညီနဲ့ ရှမ်းပြည် နယ်နေ့ကို ကျင်းပခွင့်ရတဲ့အတွက် အားလုံးအားလုံးသော လူတွေရဲ့ ရင်ထဲမှာ အတိုင်းအဆမရှိ ဝမ်းသာပီတိ ဖြစ်နေတာတွေ ကို မြင်တွေ့ရပါတယ်။ ကိုယ့်ပြည်နယ် တောင်မှပဲ မပြန်နိုင်တဲ့ လူတွေလည်း ရှိကြတယ်။ ဒီနေ့ ဒီအချိန်ကျမှပဲ ရိုးရာ ဝတ်စုံတွေကို ဝတ်ပြခွင့်၊ ရောင်းချ ခွင့်၊ ကြည့်ရှုခွင့်တွေရရှိတဲ့အတွက် တော်တော်လေး ကို ပျော်ရွှင်နေကြ ပါတယ်” ဟု ရှမ်းပြည်နယ်နေ့တွင် စည်ကား သိုက်မြိုက်စွာ ကျင်းပခွင့် ရရှိခဲ့သဖြင့် အားရ ကျေနပ်မိကြောင်း ဦးခွန်ကျော်က ပြောသည်။

နောင်နှစ်များတွင်လည်း ယခု ထက်မက ပိုမိုစည်ကားစွာ ကျင်းပနိုင်ရေးအတွက် ပွဲဖြစ်မြောက်ရေး ကော်မတီ အနေဖြင့် အမြဲစဉ်းစား လျက်ရှိကြောင်း “သွားတဲ့ လူတွေ လာတဲ့လူတွေ ကြည့်တဲ့လူတွေရော အားလုံး အဆင်ပြေမှု ရှိအောင် လွဲချော်မှု မရှိအောင် ကြိုးစားပြီး လုပ်သွားပါမယ်”ဟု တအာင်း(ပလောင်) စာပေ ယဉ်ကျေးမှု ကော်မတီမှ ဦးစိုင်းအုန်းမောင်က ယခုကဲ့သို့ ပြောသည်။

ထို့နောက် ရှမ်းတိုင်းရင်းသား တစ်ဦးဖြစ်သူ ပြခန်းတာဝန်ခံ ဦးခွန် ကျော်ကလည်း “ဒီပွဲနဲ့ပတ်သက်ပြီး ပြောရမယ် ဆိုရင်လည်း အင်မတန် မှ အတိုင်းမသိအောင် ဝမ်းသာပါ တယ်။ ကျွန်တော်တို့ရဲ့ ရှမ်းပြည်နယ် ဆိုတာကြီးက ကိုယ့်အမေအဖေ လိုပဲ၊ အဲဒီတော့ သူတို့က ရှမ်းပြည်နယ်နေ့ဆိုတဲ့ နာမည်ကြီးကို မပေး ခြင်းဟာ သားသမီးနဲ့ မိဘကို သွေးခွဲလိုက်သလို ကျွန်တော်တို့မှာ ခံစားခဲ့ရတယ်။ အခုလို ရှမ်းပြည်နယ်နေ့ လို့ ခေါင်းစဉ် တပ်ပြီး ကျင်းပခွင့် ရတဲ့အတွက် အစိုးရအနေနဲ့ လေးစား  မှုကို ပြရာလည်းရောက်တယ်။ ကျွန်တော်တို့ ကလည်း ဂုဏ်ယူတယ်။ နောင်မှာလည်း အခုလို တိုင်းရင်းသား တိုင်းရဲ့ ရပိုင်ခွင့်ကို ဆက်လက် ကျင်းပခွင့် ရနိုင်မယ် လို့ မျှော်လင့်ပါတယ်” ဟု ဆိုသည်။

ထို့ပြင် ရှမ်းစာပေနှင့်ယဉ်ကျေး မှုအသင်း၏ ရုံးတာဝန်ခံ ဦးစိုင်းလိုင်း ဟန်ကလည်း “ဒီလိုမျိုးဇာတ်ရုံ အကြီးကြီး မှာ ရှမ်းတိုင်းရင်းသား အကတွေနဲ့ ဖျော်ဖြေ ကျင်းပခွင့် ရတဲ့ အတွက် အရမ်းဝမ်းသာတယ်။ ဒါ့ အပြင် ရှမ်းပြည်နယ်နေ့ ရယ်လို့ သတင်းစာတွေက ကြေညာခွင့်ရတယ်။ Sky Net ကနေ ကြေညာခွင့် ရတယ်။ ခါတိုင်းပွဲ တွေ ကတော့ ရိုးရာ ပဒေသာကပွဲ ဆိုရုံလောက်ပဲ ပြောခွင့်ရတာ ကြေညာခွင့် မရဘူး။ ပွင့်ပွင့်လင်းလင်း လုပ်ခွင့် မရခဲ့ဘူး။ ကွာခြားချက် ကတော့ အများကြီးပဲ။ ဟိုမှာက နေရာသေးသေးလေးနဲ့ ဇာတ်စင် သေးသေးလေးနဲ့ လုပ်ရ တယ်။ ဒီမှာ ရောက်တဲ့အခါ ဇာတ်စင်ကလည်း အကြီးကြီးပဲ။ ကျွန်တော်တို့ စီစဉ်တဲ့အခါ မှာလည်း အစီအစဉ်ကို တစ်ခုပြီးတစ်ခုစီစဉ်တဲ့ နေရာမှာ အားနည်းချက်တွေရှိတယ်။ ပွဲအကြီးကြီး မကျင်းပနိုင်သေးဘူး ဆိုတဲ့ အတွေ့အကြုံရသွားတာပေါ့” ဟု ပြောသည်။

အင်းလေးအသင်းမှ ရှမ်းကလေး က “ဒီနေ့ဟာ ကျွန်တော့်ရဲ့ မွေးနေ့ (Birthday) လည်းဖြစ်တယ်။ ရှမ်း ပြည်နယ် နေ့လည်း ဖြစ်တဲ့အတွက် အရမ်းပျော်ပါတယ်။ အဲဒါကြောင့် ကျွန်တော့်ကို ရှမ်းကလေးလို့ခေါ် ကြတယ်။ အရင်တုန်းက ပွဲတွေကို တော့ တက်ရောက်ခဲ့ပေမယ့် အခုလိုမျိုး အကတွေနဲ့ တက်ရောက်ခဲ့တာ မျိုးမဟုတ်ဘူး။ အခုတော့ အင်း လေးရိုးရာအက၊ တိုက်တေးအကနဲ့ ပါဝင်သွားမယ်။ အရင်တုန်းက ထက်စာရင် ဒီမှာဆိုတော့ ပိုပြီးတော့ ကောင်း တယ်။ ဒီမှာလည်း ပိုစည် တယ်လို့ ထင်တယ်။ နောင်လည်း ဒီထက်မက ပိုပြီး ကျယ်ကျယ်ပြန့် ပြန့်လေး လုပ်နိုင်ပါစေလို့ ပြောချင်ပါတယ်” ဟု ရှမ်းပြည်နယ်နေ့နှင့် ပတ်သက်၍ ယင်း၏ ခံစားချက် များကို ပြောသည်။

ရှမ်းပြည်နယ်နေ့ ဈေးရောင်းပွဲတော်တွင် စားသောက်ကုန် ဆိုင်ခန်း  အရေအတွက် ၂ဝ ကျော်နှင့် ရှမ်း အင်္ကျီ၊ ရှမ်းဘောင်းဘီ၊ ရှမ်းတဘက်  တို့အပြင် ကုန်ခြောက် ကုန်ရောင်း ပြခန်း ၂ဝ ကျော်စသဖြင့် စုစုပေါင်း ဆိုင်ခန်း ၄ဝ ကျော်ရှိရာတွင် စီးပွား အဖြစ် ငွေကြေးရယူခြင်းမျိုးမဟုတ် ဘဲ ရန်ပုံငွေအဖြစ် ဆိုင်ခန်းငှားခများ ကိုလည်း ဖြစ်နိုင်ခြေရှိသည့် အတိုင်းအတာ ပမာဏသာ ကောက်ခံခဲ့ခြင်း ဖြစ်ပြီး ဆိုင်ခန်းငှားခမှ ရရှိလာ သည့် ရန်ပုံငွေ များကို ဆွမ်းအတွက် အခက်တွေ့သည့် ကိုးမိုင်ရှမ်းကျောင်း တွင် ရှိသော စာသင်သံဃာတော် များအား လှူဒါန်း သွားမည်ဖြစ်ပြီး ယခင်က ရှမ်းပြည်နယ်နေ့ကို ကိုးမိုင် ရှမ်းကျောင်းတွင် ကျင်းပခဲ့ကြောင်း သိရသည်။

ဝ၁၅

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*