အယ်ဒီတာ့စကား — November 29, 2012

စာပေအရေးနှင့်နိုင်ငံသားများ၏ တာဝန်

စာပေမြင့်မှ လူမျိုးမြင့်မည်၊ စာပေပျောက်က လူမျိုးပျောက်မည်ဟု မြန်မာ့ဆိုရိုးစကားရှိပေသည်။ ယနေ့မြန်မာ့ စာပေလောကသည် မည်သည့်အဆင့်အတန်းတွင် ရှိနေသနည်း။ ကမ္ဘာ့စာပေလွတ်လပ်ခွင့် ညွှန်းကိန်းတွင် မြန်မာသည် နောက်ဆုံးတန်းနားတွင်သာ တ၀ဲလည်လည် ရှိနေခဲ့သည်။ ထိုအဖြစ်မှာ စာပေစိစစ်ရေးတည်းဟူ  သော ဆင်ဆာမူဝါဒကြောင့်ဟု ယူဆနိုင်သော်လည်း ထိုဆင်ခြေမျှဖြင့် လုံလောက်သည်ဟု မပြောနိုင်ပါ။

ဆင်ဆာမရှိသည့် ရှေးခေတ်တွင် ဘုန်းတော်ဘွဲ့ရေးသားသူများကိုသာ နေရာပေး၊ သူကောင်းပြုသည့် ဓလေ့ သည်လည်း မတူသောအမြင်ရှိသူများနှင့် ဆန့်ကျင်ဘက်တွေးသူများအား တားမြစ်ပိတ်ပင်ရာကျသည့် ဆင်ဆာ နည်းတူ ထိရောက်သောနည်းလမ်းတစ်ခုဖြစ်ပေသည်။ ထို့ကြောင့် နိုင်ငံတော်အဆင့် စာပေဆုများချီးမြှင့်ရာတွင် ရှေးခေတ်ဓလေ့နှင့်အညီ ဘုန်းတော်ဘွဲ့သမားအများစုကို သူကောင်းပြုနေသရွေ့ စာပေအဆင့် မြင့်လာစေရန် အထောက်အကူပြုမည်မဟုတ်ကြောင်း သတိချပ်သင့်လှ ပါသည်။ ပြန်လည်ပြင်ဆင်ဖွဲ့စည်းသည့် ရုပ်ရှင်၊ ဂီတ အနုပညာ  အစည်းအရုံးများသည် လွတ်လပ်သော အဖွဲ့အစည်းများဖြစ်ရန် အလို့ငှာ အစွမ်းကုန်ကြိုးစားကြ သည်ကို တွေ့မြင်နေရရာ မြန်မာစာပေလောက   သားများအနေဖြင့် စောင်းငဲ့ကြည့်ရှုသင့်လှပါသည်။ မြန်မာ့ ရုပ်ရှင် ထူးချွန်ဆုပေးပွဲနှင့် ဂုဏ်ပြုပွဲများကို ဘုန်းတော်ဘွဲ့သမားများအား မပေးအပ်နိုင်ရန် အားထုတ်မှုမျိုးကို လည်း အသိအမှတ်ပြုကြရပါမည်။ မြန်မာ့ ရုပ်ရှင်အဆင့်အတန်းနှင့်ပတ်သက်လျှင် မျက်နှာငယ်နေရသေးသည့် တိုင် မြန်မာ့ရုပ်ရှင်လောကသားများအနေဖြင့် ယင်းတို့လောက၏ လွတ်လပ်စွာ ရှင်သန်တိုးတက်မှုအတွက် အားထုတ်ကြိုးပမ်းချက်မှာမူ မျက်နှာငယ်စရာ အလျဉ်းမရှိဟု ဆိုရပါမည်။ သို့ဆိုလျှင် မြန်မာစာပေလောကသား များအနေဖြင့် မြန်မာစာပေလောက လွတ်လပ်စွာရှင်သန်တိုးတက်ရေးအတွက် အားထုတ်မှုကိုမူ မေးခွန်းထုတ်ရ တော့မည် ဖြစ်ပါသည်။

ထို့ပြင် နိုင်ငံအနှံ့စာပေဟောပြောပွဲများ ခေတ်စားလာနေသည်မှာ ကောင်းသော်လည်း ထိုစာပေဟောပြောပွဲများ ကို နိုင်ငံသားများက ကြည့်ချင်ပွဲ၊  အပျင်းပြေရယ်ချင်ပွဲ သို့မဟုတ် နိုင်ငံရေးအယားဖြေပွဲ သဖွယ်သဘောထား ကာ စာကိုဖတ်စရာမလို စာပေဟောပြောပွဲခွေကို ကြည့်လျှင်လုံလောက်သည်ဟူသည့် အတွေးမျိုးရှိသည့် နိုင်ငံ သားများ တိုးပွားလာမည်ဆိုလျှင် ကြောက်စရာကောင်းပါလိမ့်မည်။ သက်မွေးပညာ သည် ပီသသောစာရေး ဆရာများ၏ အခန်းကဏ္ဍထက် နာမည်သတင်း ကျော်စောသည့် ပုဂ်္ဂိုလ်များ၏အခန်းကဏ္ဍကို ဦးစားပေးသော စာပေဟောပြောပွဲများနှင့် စာဖတ်သူများက စာဖတ်နှုန်းတိုးတက်ရေးအတွက် အထောက်အကူမပြုနိုင်သည့် စာပေဟောပြောပွဲများ ထွန်းကားလာမည်ဆိုလျှင် မြန်မာစာပေလောက လွတ်လပ်စွာ ရှင်သန်တိုးတက်ရေး သည် အန်္တရာယ်ရှိနေပြီဟု ဆိုနိုင်နေပြီဖြစ်ရာ ယင်းကိစ်္စကိုလည်း အလေးအနက်ထားစဉ်းစားသင့်ကြလှပါသည်။

အနုပညာပုံသဏ္ဍန်အသီးသီးတွင် စာပေနှင့်ပတ်သက်လျှင် နိုင်ငံသားအားလုံးက အလေးအနက်အထားကြဆုံး ဖြစ်သည်မှာ လူမျိုး ပျောက်မှာ၊ နိမ့်ပါးမှာကို ကြောက်ကြသဖြင့် မဟုတ်ဘဲ စာပေသည် သူတို့အတွက် မီးရှူးတန် ဆောင်ဟု သဘောထားလက်ခံနိုင်နေကြသေးသောကြောင့် ဖြစ်ပါသည်။ သို့ရာတွင် ယနေ့မြန်မာစာပေလောက တွင် ကျင့်ဝတ်ကို သွေဖည်သော သတင်းသမားနှင့် ဘုန်းတော်ဘွဲ့ရေးသော ရသသမားများသာ သူကောင်းပြုခံ နေရသေးခြင်းသည်လည်းကောင်း၊ စာပေနှင့် ဆက်စပ်နေသည့် ရုပ်မြင်သံကြားအစီအစဉ်များနှင့် ရေဒီယို အစီ အစဉ်များတွင် မြန်မာစာပေကို စံထုံးနှင့် မညီဘဲရေးသားပြောဆို တင်ဆက်နေကြခြင်းသည်လည်းကောင်း မြန်မာ့စာပေလောက၏ အကျည်းတန်ပုံရိပ် ဖြစ်နေသေးသည်ကို သတိမူကြရပေမည်။ ထိုပုံရိပ်များသာ ဆက် လက်ရှင်သန်တိုးပွားနေလျှင် နိုင်ငံသားများ၏ စာပေ လောကအပေါ် သဘောထားသည်လည်း အရောင်ပြောင်း မှေးမှိန် လာနိုင်ပေသည်။

လူမျိုးမြင့်ရေးအတွက် စာပေမြင့်ရန် ကြိုးပမ်းရာတွင် စာပေလော ကမှ စာရေးဆရာများ၊ အယ်ဒီတာများ၊ စာပေ ဝေဖန်ရေးဆရာများ၊ စာဖတ်သူများနှင့် မလုံလောက်ဟု ဆိုချင်ပါသည်။ မြန်မာ့စာပေလောကအပေါ် တစ်နည်း နည်းဖြင့် သြဇာသက်ရောက်မှုပြုနိုင်သည့် စာပေဆိုင်ရာ အဖွဲ့အစည်းများ၊ ဆုရွေးချယ်ရေးကော်မတီများ၊ စာပေ ကို တိုက်ရိုက် ဖြစ်စေ၊ သွယ်ဝိုက်ဖြစ်စေ သုံးစွဲဆောင်ရွက်နေကြသည့် ပညာရေးဆိုင်ရာဌာနများနှင့်အဖွဲ့အစည်း များ၊ မီဒီယာ အစုအဖွဲ့များနှင့် လုပ်ငန်းများမှ ပုဂ်္ဂိုလ်ကြီးငယ်များအားလုံးက စာပေ၏ အခန်းကဏ္ဍအပေါ် အသိ အမှတ် ပြုတန်ဖိုးထားကြမှသာ မြန်မာ့စာပေသည် အဆင့်အတန်းမြင့်လာမည် ဖြစ်ပေသည်။ ထို့ကြောင့် လူမျိုး မြင့်ရေးနှင့် စာပေမြင့်ရေးအတွက် နိုင်ငံသားအားလုံးတွင် တာဝန်ရှိကြောင်း နိုင်ငံသားအားလုံးက သဘော ပိုက် သင့်ပါကြောင်း တိုက်တွန်းနှိုးဆော်အပ်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*