လွတ်လပ်မှုဟူသည် အတိုင်းအတာရှိ၏လောဟု မေးခွန်းထုတ်မည်ဆိုလျှင် ရှိသည်ဟု ဖြေရပေမည်။ လွတ်လပ်မှုသည် အချုပ်အနှောင် ကင်းခြင်း၊ အမှီအခို ရှင်းခြင်း၊ အကူအညီမလိုခြင်း၊ အထောက်အပံ့ မရှိခြင်း၊ အတားအဆီးကင်းမဲ့ခြင်း စသဖြင့် အနက်များကို ဆောင်သော်လည်း တာဝန်ယူမှု မရှိသော လွတ်လပ်မှုသည် လည်းကောင်း၊ အခြား တစ်ပါး၏ လွတ်လပ်မှုနှင့် ဂုဏ်သိက္ခာကို ထိပါးသော လွတ်လပ်မှုသည်လည်းကောင်း စစ်မှန်သော လွတ်လပ်မှု မဖြစ်နိုင်ချေ။ ထို့ကြောင့် လူ့အဖွဲ့အစည်းကြီးတွင် မှီတင်းနေထိုင်ကြသော လူတစ်ဦး တစ်ယောက်သည်လည်းကောင်း၊    နိုင်ငံတစ်နိုင်ငံသည်လည်းကောင်း အများအကျိုးစီးပွားကို ကာကွယ်ပေးထားသည့် တရားဥပဒေဘောင်များ အတွင်းတွင်သာ မိမိတို့၏ တစ်ကိုယ်ရေလွတ်လပ်မှု အသီးအပွင့်များကို ခံစားနိုင်မည် ဖြစ်ပါသည်။ ထို့ကြောင့် လွတ်လပ်မှုတွင် အချုပ်အနှောင် မရှိသည့်တိုင် အတိုင်းအတာကဖြင့် ရှိပေ၏။

သို့ဖြစ်ပါသဖြင့် နိုင်ငံသားများအနေဖြင့် မိမိတို့၏ လွတ်လပ်မှုအား မထိပါးစေရန် စောင့်ရှောက်ရာတွင် အများအကျိုးစီးပွားကို ကာကွယ်ပေးထားသော တရားဥပဒေများအား လေးစားလိုက်နာရေးကို အလေးအနက် လိုက်နာရန် အရေးကြီးလှပါသည်။ တရားဥပဒေ၏ အကာအကွယ် အောက်မှ လုံခြုံမှုရှိသည့် လွတ်လပ်မှုသည်သာ အစစ်အမှန် လွတ်လပ်မှုဖြစ်ကြောင်း သဘောပေါက်ရန်လည်း အရေးကြီးပါ၏။ တစ်စုံတစ်ဦး၏ အတိုင်းအဆမဲ့ လွတ်လပ်မှုသည် မိမိနှင့် ဆက်နွှယ်နေသော အခြားသူများကို ထိခိုက်နစ်နာစေမည်ဆိုလျှင် ထိခိုက်ခံရသူများ၏ နစ်နာမှုအတွက် တုံ့ပြန်ချက်များသည် ကာယကံရှင် အတိုင်းအဆမဲ့ လွတ်လပ်သူအပေါ် တန်ပြန်ထိခိုက်မည်ဖြစ်ရာ ထိုသူ့အဖို့ လုံခြုံမှုရှိတော့မည် မဟုတ်ပါ။ လုံခြုံမှု မရှိသော လွတ်လပ်မှုသည် မည်သူကမျှ မလိုလားမည့် လွတ်လပ်မှုမျိုးလည်း ဖြစ်နေပေမည်။ ထို့ကြောင့် လွတ်လပ်မှုသည် အတိုင်းအတာရှိသည်ဟု ဆိုရပါသည်။

သို့ရာတွင် ထိုအတိုင်းအတာဟူသည် ကန့်သတ်ချုပ်ချယ်မှု မဟုတ်မူဘဲ အများအကျိုးစီးပွားကို ကာကွယ်ပေးသော တရားဥပဒေ အရိပ်အာဝါသသာ ဖြစ်သည်ကိုလည်း သတိချပ်ကြရပေမည်။ ထို့ကြောင့် လွတ်လပ်မှုကို တန်ဖိုးထားသော လူပုဂ္ဂိုလ်ဖြစ်စေ၊ နိုင်ငံဖြစ်စေ တရားဥပဒေစိုးမိုးရေးနှင့် လိုက်နာရေးသည် ယင်းတို့၏ လွတ်လပ် မှုအား တန်ဖိုးထားရေးနည်းတူ အရေးပါသည်ကို လက်ခံရပါမည်။ လုံခြုံမှုရှိသော လွတ်လပ်မှုသည် အစစ်အမှန် လွတ်လပ်မှုဟု ခံယူကြလျှင် တရားမျှတသော ဥပဒေများ ပေါ်ထွန်းရေး၊ ထိုဥပဒေများအား လေးစားလိုက်နာရေးနှင့် တရားဥပဒေစိုးမိုးရေးတို့ကို နိုင်ငံသားတိုင်းက အားပေးရပါမည်။

မကြာသေးမီက ဖြစ်ပေါ်ခဲ့သော အကြမ်းဖက်မှုများတွင် လူအုပ်စုနှင့် နိုင်ငံတော်၏ လွတ်လပ်မှုကို ထိပါးသည့် အပြုအမူများအဖြစ် သုံးသပ်ကြသူများ ရှိကြပါသည်။ သို့သော် ထိုထိပါးမှုရန်မှ ကာကွယ်ရန် နည်းဗျူဟာကို တရားဥပဒေဘောင်အတွင်းမှသာ ချမှတ်ရန်ဟူသည့် လွတ်လပ်မှု၏ အတိုင်းအတာကိုမူ မေ့လျော့သွားကြသူများ အများအပြားပင် ရှိပါချေ၏။ ထို့ကြောင့် လုံခြုံမှုမဲ့သည့် အတွေ့အကြုံများကို နိုင်ငံသားများကိုယ်တိုင် ခံစားခဲ့ရခြင်းဖြစ်ပါသည်။ နောက်ဆက်တွဲအဖြစ် အခြားသော အကျိုးဆက်များ ကိုလည်း ခံစားခဲ့ရရာ ပြီးခဲ့သည့် အကြမ်းဖက်မှုသည် သူတစ်ပါး၏ အမှီအခိုနှင့် အထောက်အပံ့ကို လိုအပ်သည့် လူအမြောက်အမြားကို   မွေးဖွားပေးလိုက်တော့၏။ နိုင်ငံသားများအနေဖြင့် ထိုဖြစ်ရပ်အား နမူနာ ယူသောအားဖြင့် ကိုယ်ပိုင်လွတ်လပ်ခွင့်ကို တရားဥပဒေဘောင်အတွင်းတွင်သာ တာဝန်ယူကာ ခံစားသင့်ကြပေသည်။

မြန်မာအင်ဒီပဲန်ဒင့်အနေဖြင့်လည်း အများအကျိုးစီးပွားကို ကာကွယ်ပေးသည့် တရားဥပဒေ၏ အရိပ်အာဝါသအောက်တွင် တာဝန်ယူမှု ရှိစွာ လွတ်လပ်ရသည့် အရသာကိုသာ လုံခြုံစွာ ခံစားလိုပါသည်။ မိမိတို့ဘက်မှ တာဝန်ယူမှုအပြည့်အဝ ရှိသော ကြိုးစားအားထုတ်မှုများကို မည်သည့်အနှောင်အဖွဲ့၊ အတားအဆီးမျိုးနှင့်မျှ အထိပါး အဆုံးရှုံး မခံဘဲ စတုတ္ထမဏ္ဍိုင်၏ လွတ်လပ်မှု အရသာကို အပြည့်အဝ ခံ စားလိုပါသည်။ ထို့တူ မိမိတို့၏ တာဝန်ယူတတ်မှုအတွက် (ထွက်ပေါ်လာတော့မည့်) မီဒီယာဥပဒေ၏ အဂတိကင်းသည့် အကာအကွယ်ပေးမှုကိုလည်း အပြည့်အဝ ရယူခံစားလိုကြောင်းလည်း အသိပေးလိုက်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*