ဆောင်းပါး — ဖေဖော်ဝါရီ ၁၄၊ ၂ဝ၁၃

မြန်မာနိုင်ငံ၏ လက်ရှိ အခြေအနေမှာ အောက်ပါအတိုင်း ဖြစ်ပေါ်နေသည်ကို လူတိုင်းသိရှိပြီး ဖြစ်ပါသည်။

အလုပ်အကိုင် လက်မဲ့များ ပြားနေခြင်း

ယင်းမှာ အလုပ်အကိုင် အခွင့်အလမ်း နည်းပါးနေ၍ လည်းကောင်း၊  စက်ရုံ အလုပ်ရုံနှင့် အတည်တကျ ဆောင်ရွက် လိုသည့် လုပ်ငန်းများ အတွက် လုပ်ကိုင် ဆောင်ရွက်လိုသည့် လုပ်ငန်းရှင် နည်းပါးနေ၍ အလုပ်နေရာ ရှားပါးမှု ဖြစ်ပေါ်ကာ အလုပ်လက်မဲ့ များပြားနေခြင်း ဖြစ်ပါသည်။

လုပ်ငန်းရှင် နည်းပါးရသည့် အကြောင်းအရင်း

ပြန်လည် ဆန်းစစ်မည်ဆိုပါက လျှပ်စစ်မီး လုံလောက်စွာ မရရှိခြင်း၊ အခြေခံ အဆောက်အအုံ မကောင်းခြင်း၊ မရှိခြင်း တို့ကြောင့် ယင်းတို့ကို ကိုယ် တိုင်ဆောင်ရွက်ရ၍ ကုန်ကျစရိတ် များပြားခြင်း၊ ဘဏ်လုပ်ငန်း မဖွံ့ဖြိုး ခြင်း၊ အတိုးနှုန်း များပြားခြင်း၊ ကျွမ်းကျင် လုပ်သား ရှားပါးခြင်း၊ အထောက်အကူပြု လုပ်ငန်းများ မထွန်းကား၍ လုပ်ငန်း လိုအပ်ချက် အားလုံးဆောင် ရွက်ရခြင်း၊ ဥပဒေစောင့်ရှောက်မှု အားနည်းခြင်း၊ မြေဈေးကြီးမြင့်ခြင်း၊ လာဘ်ပေးလာဘ်ယူမှုများပြားခြင်း စသည်တို့ကြောင့် လုပ်ငန်းရှင်များ ရှားပါးနေခြင်းဖြစ်ပါသည်။ တရားစီရင်ရေး မဏ္ဍိုင်ခြစားနေကြောင်း လွှတ်တော် အသီးသီးရှိ ပြည်သူ့ကိုယ် စားလှယ်များ ကျယ်ကျယ်လောင် လောင်အော်နေ ကြသည်မှာလည်း အထင်အရှားဖြစ်ပါသည်။ ထို့ကြောင့် ဥပဒေတွင် ထောင်ဒဏ် အပြစ်ပါရှိပါက တရားရင်ဆိုင်ရမည်ကို လုပ်ငန်းရှင်များကြောက်ရွံ့နေမည် မှာ သေချာ ပါသည်။

ယခုဥပဒေအရ စာချုပ် စည်းကမ်းကို ဖောက်ဖျက်ပါသည်ဟု လုပ်သားတစ်ဦးမှ တိုင်ကြားလျှင် အလုပ်ရှင်ထောင် ကျပေတော့မည်။ သို့အတွက် အလုပ်ရှင်တိုင်း အလုပ် သမားကို ကြောက်ရွံ့နေရသည့် အနေအထားဖြင့် လုပ်ကိုင်ဆောင် ရွက်ရမည်ဆိုပါက ယင်းလုပ်ငန်း များပျက်စီးခြင်းသို့ ရောက်ရှိတော့ မည်ဖြစ်ပါသည်။ ယနေ့အခြေအနေ မှာ စာရိတ္တ မဏ္ဍိုင်ခြစားနေသည်ဟု လည်း လူတိုင်းလက်ခံထားသည့် အနေအထားဖြစ်ပါသည်။ အူမ မတောင့်၍ သီလမစောင့်ရင်းမှ တစ်စ တစ်စ ပျက်စီးလာခြင်းဖြစ်ပါသည်။ ယင်းအခြေအနေတွင် လုပ်သားများ ကို စည်းကမ်းစနစ်ကျစွာ အုပ်ချုပ် လုပ်ဆောင်ရမည့်အစား အလုပ်ရှင်သည် အလုပ်သမားခြေသလုံး ဖက် ၍ အလုပ်လုပ်ရမည်ဆိုလျှင်… ။

လုပ်သားများ၏ အခြေအနေကို ကြည့်ပြန်လျှင်လည်း ပညာရေး ကဏ္ဍနိမ့်ကျနေမှုကြောင့် စာသင် သော်လည်း ပညာ မတတ်ဖြစ်ရကာ လုပ်ငန်းခွင်၌ စွမ်းရည်နိမ့်သော လုပ်သားများအများစုဖြစ်ကာ ကျွမ်း ကျင်သူနည်းပါးသောကြောင့် ရသည့် လစာနှင့် စားဝတ်နေရေးမပြေလည် သူ အများစုဖြစ်ပါသည်။

ယခုဥပဒေမှာ ကျွမ်းကျင်မှု အတွက် သင်တန်းကျောင်းများ ထူထောင်၍ ကျွမ်းကျင်လုပ်သားများ မွေးထုတ်ပေးခြင်းဖြင့် လုပ်သားများ လုပ်ခလစာပိုမိုရရှိနိုင်သဖြင့် စား ဝတ်နေရေးပြေလည်စေမည့်အပြင် အလုပ်ရှင်အတွက်လည်း လုပ်ငန်း အထောက်အကူပြုနိုင်စေသဖြင့် ကောင်းမွန်သည့် ဥပဒေအမည်တစ် ခုဖြစ်ပါသည်။ ဥပဒေ၏အမည်မှာ အလွန်ကောင်းပါ သည်။ အခန်း ၂ ပုဒ်မ ၄ (က) ၂ တွင် အလုပ် အကိုင်အခွင့်အလမ်းများ ထုတ်ဖော် ရန်လည်းကောင်း၊ အလုပ်အကိုင်ရှာ ဖွေသူကို ကူညီရန်နှင့် သင့်လျော် သော အလုပ်သမားရရှိရေးအတွက် အလုပ်ရှင်ကို ကူညီပေးရန်သော် လည်းကောင်း၊ အလုပ်သမားရှာဖွေ ရေးရုံးများ ဖွင့်လှစ်ခြင်းဖြစ်စေ၊ အခြားနည်းဖြင့်ဖြစ်စေ လိုအပ်သည့် အစီအစဉ်များကို ဆောင်ရွက်နိုင် သည်ဟု ဖော်ပြပါရှိသော်လည်း အခန်း ၃ ပုဒ်မ ၅ (က) ၁ တွင် အလုပ်ရှင်သည် အလုပ်သမားကို သတ်မှတ်အလုပ်တစ်ခုခုကိုလုပ်ကိုင် ရန် ခန့်အပ်ပြီးပါက ရက်ပေါင်း ၃ဝ အတွင်း အလုပ်ခန့်ထားမှုဆိုင်ရာ သဘောတူစာချုပ်ချုပ်ဆိုရမည်။ အခန်း ၃ ပုဒ်မ ၅ (ဆ)တွင် အလုပ် သမားရှာဖွေရေးရုံးသို့ သတ်မှတ် ကာလအတွင်း ပေးပို့အတည်ပြုရ မည်ဟု ပြဋ္ဌာန်းထားပြီး အခန်း ၉ ပုဒ်မ ၃၈ (က)နှင့် (ခ)တွင် အလုပ် ခန့်ထားမှုဆိုင်ရာ သဘောတူညီချက် စာချုပ်ချုပ်ဆိုရန် ပျက်ကွက်လျှင်၊ ထည့်ဝင်ကြေးပေးသွင်းရန် ပျက် ကွက်လျှင်၊ ထောင်ဒဏ် ၆ လဖြစ် စေ၊ ငွေဒဏ်ဖြစ်စေ ကျခံရမည်ဟု ပြဋ္ဌာန်းထား၍ ပေးအပ်ထားသော တာဝန်မှာ ကူညီရမည်ဟု ပြဋ္ဌာန်း ထားသော်လည်း ဥပဒေ၏လုပ်ရပ် မှာ တားမြစ်ထိန်းချုပ်၍ ဌာနမှ အန္တရာယ်ပေးနိုင်ရန်သာ ပြဋ္ဌာန်း ထားပါသည်။ ထို့ကြောင့် ဥပဒေ၏ ရည်ရွယ်ချက်နှင့် ဆန့်ကျင်ပြဋ္ဌာန်း ထားခြင်းဖြစ်ပါသည်။

လုပ်သားများအတွက်ဆိုလျှင် လည်း အခန်း ၉ ပုဒ်မ ၃၄ တွင် ကျွမ်းကျင်မှု အသိအမှတ်ပြု လက်မှတ် အတု ပြုလုပ်ကြောင်း ထင်ရှားပါက ထောင် ၇ နှစ်ဟု ပြဋ္ဌာန်းထားရာ အသိဉာဏ် ဗဟုသုတနည်းသော တောသူတောင်သားများ မြို့ပေါ်တက်၍ အလုပ်ရရန် အတွက် လက်မှတ်အတုကို လူလိမ်များထံမှ ဝယ် ယူအသုံးပြုမိ လျှင် ထောင်ဒဏ်မှာ လူသတ်မှုနီးပါး ကျခံရမည်ဆိုသော ကြောင့် ယင်းတို့အတွက် များစွာ နစ်နာပေလိမ့်မည်ဖြစ်ပါသည်။ ယခုအခါ၌ အတုပေါင်းစုံ လုပ်စားနေကြ သည်မှာ အထင်အရှားဖြစ်ပါသည်။ ထောက်ခံချက်အတု၊ အောင်လက် မှတ်အတုများဖြင့် နိုင်ငံတကာသို့ သွားရောက်လုပ်ကိုင်သူအများအပြား ရှိပါသည်။ ယင်းကိစ္စတွင် အတုပြု လုပ်သူအတွက် ပြစ်မှုဥပဒေ ပုဒ်မ ၄၆၈ တွင် အရေးယူရန်ပြဋ္ဌာန်းပြီး ဖြစ်ပါသည်။ မသိနားမလည်သူ လုပ်သားများ၏အမှားကို ပြင်းထန် စွာ အရေးယူမှုမှာ ပြစ်မှုနှင့်ပြစ်ဒဏ် မမျှတသော ဥပဒေဖြစ်ပါသည်။ ယင်းပြင် အခန်း ၉ ပုဒ်မ ၃၇ တွင် မည်သူမဆို အလုပ်အကိုင်ရရှိရန် ဆောင်ရွက်နေသူတစ်ဦးဦးထံ မမှန်ကြောင်း သိလျက် ဖော်ပြပြောဆိုမိလျှင် ထောင်ဒဏ် တစ်နှစ်နှင့် ငွေဒဏ် ကျခံရမည်ဆိုသည့်အတွက် ယင်း ဆောင်ရွက်နေသည့် ဌာနဝန်ထမ်းနှင့် မပြေလည်ပါက တရားစွဲခံရလျှင် ယင်း လုပ်သားထောင်ကျပေအုံးမည်။

အခန်း ၉ ပုဒ်မ ၃၆ တွင် ပြဋ္ဌာန်းချက်အရ ကုမ္ပဏီတိုင်း၏ အလုပ်ရှင်၊ လုပ်သား၊ ဝန်ထမ်းများ အားလုံး ဌာနဆိုင်ရာမှ အချိန်မရွေး တရားစွဲထောင်ချနိုင်ကြောင်း ပြဋ္ဌာန်းချက်မှာလည်း တိုင်းပြည်အတွက် ရင်လေးစရာဖြစ်နေပါသည်။

ယခုပြဋ္ဌာန်းမည့် ဥပဒေတွင် မြန်မာနိုင်ငံ၏ အဓိကလုပ်ငန်းဖြစ် သော လယ်ယာစိုက်ပျိုးရေးလုပ်ငန်း များ၊ မွေးမြူရေး လုပ်ငန်းများတွင် ကျွမ်းကျင်လုပ်သားများ အထူးလို အပ်နေသော်လည်း ထည့်သွင်းပြဋ္ဌာန်း ထားခြင်း မရှိသည်မှာ အံ့သြဖွယ်ဖြစ် ပါသည်။ စိုက်ပျိုးရေးတွင် ထွန်ယက်ခြင်း နည်းစနစ်၊ စိုက်ပျိုးခြင်း နည်းစနစ်၊ ဓာတ်မြေသြဇာ သုံးစွဲ ခြင်းနည်းစနစ်၊ မြေပြုပြင်ခြင်း နည်းစနစ်ကောင်းများ များစွာ လိုအပ်နေသော်လည်း ကျွမ်းကျင်မှုမရှိသော လုပ်သားများ ဆောင်ရွက်လုပ်ကိုင် နေကြ၍ အကျိုးဖြစ်ထွန်းမှု နည်းနေသည့်အပြင် စားသုံးသူများ အတွက်ပါ အန္တရာယ်ရှိနိုင်သဖြင့် ကျွမ်းကျင် နားလည်သူများ အဓိက လိုအပ်နေ သည်မှာ အထင်အရှား ဖြစ်ပါသည်။ တတ်ကျွမ်း နားလည်သူများ မွေးထုတ်ပေးနိုင်ပါက လယ်ယာ စိုက်ပျိုးခြင်း ကဏ္ဍ ဖွံ့ဖြိုးတိုးတက်ပြီး တောင်သူ လယ်သမားများ၏ ဘဝကို မြှင့်တင်ပေးနိုင်မည် ဖြစ်ပါသည်။

ယခုဥပဒေကို ပြဋ္ဌာန်းမည်ဆို ပါက-

နိုင်ငံခြားရင်းနှီးမြှုပ်နှံသူများ

ကြောက်လန့်စိုးရိမ်မှုဖြင့် ဝင်လာစရာ အကြောင်း မဖြစ်တော့ပါ။ အလုပ် လုပ်ကိုင်လိုသော လုပ်ငန်းရှင်များ လည်း ပပျောက် သွားနိုင်ပါသည်။ အလုပ်သမား များ အတွက်လည်း ရင်တထိတ်ထိတ်ဖြင့် နေထိုင်ရမည့် ဘဝသို့ ရောက်ရှိသွားနိုင်ပါ သည်။ လာဘ်ပေးလာဘ်ယူမှု အလွဲသုံးစား ပြုမှုများသာ ထွန်းကားလာ နိုင်ပါသည်။

အကြံပြုချက်

ဥပဒေ၏ ရည်ရွယ်ချက်အတိုင်း  ဆောင်ရွက်နိုင်ရန် ပြဋ္ဌာန်းမည်ဆိုပါ က လုပ်ငန်းဆောင်ရွက်နေသူများ သည် မိမိတို့၏ တတ်ကျွမ်းသော အတတ်ပညာအသိတရား၊ အခြေ အနေများပေါ်မူတည်၍ တစ်ဦးနှင့် တစ်ဦးလုပ်ပုံကိုင်ပုံနည်းစနစ်များ ကွဲပြားခြားနားကြပါသည်။ ကုန် ထုတ်လုပ်မှုနည်းစနစ်၊ ထားသိုမှု၊ စာရင်းပြုစုမှု အစရှိသည်များမှာ တစ်ဦးနှင့်တစ်ဦး၊ တစ်ဌာနနှင့် တစ် ဌာနကွဲပြားခြားနားစွာ လုပ်ကိုင် လျက်ရှိကြပါသည်။ ယင်းကိစ္စကို အားလုံးညှိ၍ မရပါ။ ထို့ကြောင့် ယင်းလုပ်ငန်းများအဆင်ပြေမည့် နည်းလမ်းကို ရှာဖွေရန်အတွက် သုတေသန လုပ်ငန်းများဆောင်ရွက်ရန် အရေးကြီးပါ သည်။ ဝန်ကြီးဌာန များ၊ ကုမ္ပဏီများ၊ ကျွမ်းကျင်လုပ် သားများ၊ သုတေသီများ စုပေါင်း အဖြေရှာ၍ လုပ်ငန်းအစိတ်အပိုင်း တစ်ခုချင်းအတွက် လိုအပ်ချက်များ၊ လုပ်ကိုင်ပုံနည်းစနစ်များ၊ ကုန်ထုတ် လုပ်မှုစနစ်များကို ရှာဖွေသုတေသန ပြု၍ ရရှိသော ကောင်းမွန်သည့် နည်းစနစ်များအတိုင်း လုပ်သားများ ကို လေ့ကျင့်သင်ကြား ၍ မွေးထုတ် နိုင်မည် ဆိုပါက အလုပ်ရှင် အတွက် ရော၊ အလုပ်သမားများအတွက် များ စွာအကျိုးရှိစေမည်ဖြစ်သည့်အပြင် တိုင်းပြည်ဖွံ့ဖြိုးတိုးတက်ရေး အတွက် အထောက်အကူ ရစေမည်ဖြစ်ပါသည်။ သင်ကြားမှုနည်းစနစ်မှန်ကန်ပါက အမှန်တကယ်တတ်ကျွမ်းသည့် လုပ် သားများ မွေးထုတ်ပေးနိုင်ပါမည်။ ယခုအခါ သင်တန်းဆင်းလက်မှတ် ကိုင်ဆောင်ထားသူ အများစုမှာ လုပ် ငန်းခွင်၌ လက်တွေ့အသုံးချနိုင်မှု မတွေ့ရသေးပါ။ ဌာနမှဖွင့်လှစ် သည့် သင်တန်းဆင်းလုပ်သားများ ဖြင့် ဆောင်ရွက်ခဲ့သော အစိုးရစက် ရုံများ အရှုံးပေါ်နေသည်မှာ သာဓက  ဖြစ်ပါသည်။ လူမှုဖူလုံရေးအတွက် ငွေကြေးထည့်ဝင်ထားသော လုပ်သား ၉၉ ရာခိုင်နှုန်းကို ကျန်းမာရေး စောင့်ရှောက်မှုပင် မပေးနိုင်သည်မှာ လည်း သတိထားစရာအချက်တစ် ချက်ဖြစ်ပါသည်။

ထို့ကြောင့် ရန်ပုံငွေထူထောင် ရာတွင် ဝန်ကြီးဌာနဘတ်ဂျက်ငွေ နှင့်လည်းကောင်း၊ ကုမ္ပဏီကြီးများ ၏ အထောက်အပံ့ ရယူ၍လည်း ကောင်း၊ လူမှုရေးအဖွဲ့အစည်းများ ၏ အလှူငွေဖြင့်လည်းကောင်း ထူထောင်သင့် ပါသည်။ ငွေကြေး အင်အားမလုံမလောက်သဖြင့် ဆောင် ရွက်နေရသော လုပ်ငန်းရှင်ငယ်များ ထံမှ ကောက်ခံ ပါက စီးပွားရေး ယိမ်းယိုင်သွားနိုင်သဖြင့် မကောက် ခံသင့်ပါ။ ကျွန်တော်တို့မှာရှိသော ကုမ္ပဏီကြီးများထံမှ အလှူငွေ ကောက်ခံခြင်းဖြင့် လုံလောက်နိုင် ပါသည်။ ယင်းရန်ပုံငွေကို သုတေသန လုပ်ငန်းအတွက် အသုံးချပြီး သင်တန်းကျောင်းများကို ပုဂ္ဂလိက လုပ်ငန်းရှင်များကို ထူထောင်နိုင်ရန် တွန်းအားပေးဆောင်ရွက်၍ လူမှု အဖွဲ့အစည်း များမှ ပေးအပ်သော ထောက်ပံ့ကြေး ကို နွမ်းပါးသည့် သင်တန်းသားများအတွက် ထောက် ပံ့ပေးခြင်း၊ ကုမ္ပဏီ လုပ်သားများ အတွက် ကုမ္ပဏီမှ ကျခံခြင်းဖြင့် အဆင်ပြေနိုင်မည်ဖြစ်ပါသည်။

ထိုသို့ လုပ်ဆောင်ရန်အတွက် ဥပဒေတွင် သုတေသနလုပ်ငန်းများ ကို ထောက်ပံ့ခြင်း၊ သင်တန်းကျောင်း များကို ဖွင့်လှစ်နိုင်ရန် စီစဉ် ပေးခြင်း၊ စည်းကမ်းစနစ်များ ကူညီ သတ်မှတ်ပေးခြင်း၊ သင်တန်းသား များအတွက် ထောက်ပံ့မှု အစီအစဉ် များကို ပြဋ္ဌာန်းပေးပါက ဥပဒေ အမည်နှင့်လိုက်ဖက်သည့် ကောင်း မွန်ပြည့်စုံသည့် ဥပဒေတစ်ရပ် ထွက်ပေါ်လာနိုင်မည်ဖြစ်ကြောင်း ရေးသားတင်ပြလိုက်ပါသည်။

ကိုကိုထွေး

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*