နိုင်ငံတကာသတင်း — နယူးဒေလီ၊ မတ် ၁၄၊ ၂ဝ၁၃

အိန္ဒိယ နိုင်ငံ၏ နိုင်ငံပိုင် ဘားရတ် အီလက်ထရောနစ်လီမိတက် (Bharat Electronics Ltd-BEL) သည် မြန်မာနိုင်ငံ ၏ ရေတပ် သင်္ဘော များတွင် အသုံးပြုမည့် ရေဒါများ ရောင်းချပေးရန် ကန်ထရိုက် စာချုပ်တစ်ခုကို ချုပ်ဆိုခဲ့သည်။

အဆိုပါစာချုပ်ကို ဇန်နဝါရီလ လယ်တွင် ချုပ်ဆိုခဲ့ပြီး RAWL-02 MK III L-bond 2D သည် ရှာဖွေရေး ရေဒါ ၃ စုံ တင်ပို့ရန် ဖြစ်သည်။ ထိုရေဒါများမှာ Thales LW-08 အမျိုးအစား COTS ရေကြောင်းသုံး ရေဒါများ၏ ပုံတူမူကွဲ ဖြစ်ပြီး သင်္ဘောကိုယ်ထည် တွင် တပ်ဆင်သည့် ဆိုနာစနစ်ပါဝင်သည်။ ယင်းတို့ကို မြန်မာနိုင်ငံတွင် ဆောက်လုပ်ဆဲ စစ်ရေယာဉ်များတွင် တပ်ဆင်ရန်ဖြစ်သည်။

မြန်မာနိုင်ငံ ရန်ကုန်မြို့ရှိ ရေတပ် သင်္ဘောကျင်းတွင် ဖရီးဂိတ်စစ်ရေ ယာဉ်တည်ဆောက်ရေး အစီအစဉ် တစ်ခု ရှိသည်။ အရှည် ၁ဝ၆ မီတာ ရှည်သော ပထမဆုံး ဖရီးဂိတ်ရေ ယာဉ် UMS အောင်ဇေယျ (အချက်ပြ အလံ အမှတ် F11) တွင် RAWL အမျိုးအစားဟောင်း ရေဒါတစ်ခုတပ် ဆင်ခဲ့ဟန် ရှိပြီး ကိုယ်ပျောက်သင်္ဘော ပုံစံ ဒုတိယ တစ်စင်းဖြစ်သည့် UMS ကျန်စစ်သား (F12) ကို ၂ဝ၁၂ ခုနှစ်၊ စက်တင်ဘာလတွင် ရေချခဲ့ပြီး ပစ္စည်း ကိရိယာများ ထပ်မံ ဖြည့်ဆည်းလျက် ရှိရာ ၂ဝ၁၄ ခုနှစ် စောစောပိုင်းတွင် အပြီးသတ်မည်ဟု မျှော်လင့်ရသည်။

တတိယမြောက် ဖရီးဂိတ်ကို ရန်ကုန်မြို့၊ ဆင်မလိုက်ရေတပ် သင်္ဘောကျင်း၌ တည်ဆောက်နေဆဲ ဖြစ်ကြောင်း မြန်မာ သတင်းရပ်ကွက် များ၏ အဆိုအရ သိရှိရပြီး သင်္ဘော ကိုယ်ထည်ကို ၂ဝ၁ဝ စက်တင်ဘာ ၅ တွင် စတင် တည်ဆောက်ခဲ့ရာ ၂ဝ၁၂ ဖေဖော်ဝါရီတွင် ကိုယ်ထည် တည်ဆောက်ရေး အများစု ပြီးစီးခဲ့သည်။ ဘီအီးအယ်(လ) ကုမ္ပဏီနှင့် ချုပ်ဆိုခဲ့သော စာချုပ်က စတုတ္ထမြောက် ဖရီးဂိတ် တစ်စင်းအတွက်ဟု မှတ်ယူနိုင်ဖွယ် ရှိပြီး သတင်းများ အရ ရှစ်စင်း တည်ဆောက်ရန် စီမံထားကြောင်း သိရှိရသည်။

Ref: janes.com

ဝ၄ဝ

ဆက်စပ်သတင်းများ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်း၊ အောက်တိုဘာ ၁၃၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*