ပြည်တွင်းသတင်း — ရန်ကုန်၊ မေ ၂၂၊ ၂ဝ၁၂

မြန်မာနိုင်ငံ၏ ရေလုပ်သားများ အိန္ဒိယ ရေပိုင်နက်အတွင်း ပင်လယ်မျှော့ (Sea Cucumber) များအား ဖမ်းဆီးခြင်း မပြုရန်၊ ဖမ်းဆီးခြင်း ပြုလုပ်ပါက အိန္ဒိယနိုင်ငံ၏ ဥပဒေအရ ပြင်းထန်သည့် ပြစ်ဒဏ်ပေးအပ်ခံရမည် ဖြစ်ကြောင်း၊ မြန်မာ-အိန္ဒိယ နယ်စပ် နယ်ဘက် အာဏာပိုင်များ၏ ၁၇ ကြိမ်မြောက် နိုင်ငံတော်အဆင့် အစည်းအဝေး၏ သဘောတူညီချက်ကို​   မြန်မာနိုင်ငံ ငါးလုပ်ငန်းအဖွဲ့ချုပ်က ထုတ်ပြန်ခဲ့သည်။

ဈေးကွက်ဝင် ပင်လယ်မျှော့ခြောက်များကို တွေ့ရစဉ်

ဈေးကွက်ဝင် ပင်လယ်မျှော့ခြောက်များကို တွေ့ရစဉ်

ဧရာဝတီတိုင်းဒေသကြီး ဟိုင်းကြီးကျွန်းနှင့် ပြင်စလူမြို့နယ်တို့မှ ရေလုပ်သားများသည် အိန္ဒိယနိုင်ငံပိုင် အက်ဒမန်ကျွန်းသို့ ပင်လယ်မျှော့ ဖမ်းဆီးရန်အတွက် မကြာခဏ သွားနေကြကြောင်း၊ ၎င်းတို့အနေဖြင့် အက်ဒမန်ကျွန်းကို အိန္ဒိယပိုင်​​   ဖြစ်ကြောင်းကိုမူ မသိရှိကြကြောင်း၊ ထို့ကြောင့် အိန္ဒိယအစိုးရက ပင်လယ်မျှော့ ဖမ်းဆီးသူကို ဥပဒေအရ​ ​  လှေသား ၆ လ၊ လှေသူကြီး ၉ လ ဟူ၍ အပြစ်ဒဏ် ချမှတ်လျက်ရှိကြောင်း၊ ၎င်းအပြစ်ဒဏ်များကို ပင်လယ်မျှော့ ဖမ်းဆီးသူများက မမှုကြတော့ကြောင်း၊ ထို့ကြောင့် ယခုကဲ့သို့ ထိရောက်သည့် အပြစ်ဒဏ်ပေးရန် သဘောတူခဲ့ကြကြောင်း ငါးလုပ်ငန်းအဖွဲ့ချုပ် အတွင်းရေးမှူး ဦးဝင်းကြိုင်က ပြောကြားခဲ့သည်။

““ဟိုင်းကြီးကျွန်းနှင့် ပြင်စလူ မြို့နယ်တို့မှ ရေလုပ်သားများသည် အိန္ဒိယနိုင်ငံပိုင် အက်ဒမန် ကျွန်းကို သွားပြီးတော့ ပင်လယ်မျှော့ကို သွားပြီးငုပ်ကြတယ်။ အိန္ဒိယကမိတော့ လှေသား ၆ လ၊ လှေသူကြီး ၉ လဆိုပြီး အပြစ်ပေးတယ်။ ဒါကို သူတို့က မမှုကြတော့ဘူး၊ ဘယ်မှုမလဲ သူတို့ တစ်ခါသွားငုပ်ပြီး ပြန်လာရင် ၁၈ သိန်း၊ သိန်း ၂ဝ လောက် ကျန်တယ်၊ အိန္ဒိယက ဒီပင်လယ်​ မျှော့တွေကို စားရကောင်းမှန်း မသိကြဘူး၊ အခုတော့ ဒါတွေကို ထိထိရောက် အပြစ်ပေးဖို့ နှစ်နိုင်ငံ သဘောတူခဲ့ကြတယ်””ဟု ဦးဝင်းကြိုင်က ပြောကြားခဲ့သည်။

အိန္ဒိယနိုင်ငံပိုင် ကျွန်းများထဲသို့ ဝင်ရောက်၍ ဖမ်းဆီးကြသော ရေလုပ်သားများသည် ၁ဝဝဝ ကျော် ခန့်ရှိကြောင်း၊ ၎င်းဖမ်းဆီးခံရမှုများကို နှစ်နိုင်ငံချစ်ကြည်ရေးအရ လွတ်ငြိမ်းချမ်းသာခွင့်​ပေးရန် အိန္ဒိယ-မြန်မာနိုင်ငံ​    ခေါင်းဆောင်များ ဆွေးနွေးရန် အလားအလာရှိကြကြောင်း၊ အိန္ဒိယနိုင်ငံတွင် သဘာဝတောရိုင်း၊ တိရစ္ဆာန်များ ကာကွယ်ရေး အက်ဥပဒေအရ ပင်လယ်မျှော့များအား ဖမ်းဆီးခြင်းကို တားမြစ်ပိတ်ပင်ထားကြောင်း၊ ၎င်းတို့အနေဖြင့်လည်း ရေလုပ်သားများအား ပင်လယ်မျှော့ မဖမ်းဆီးကြရန် အသိပညာပေးသွားမည် ဖြစ်ကြောင်း ဆက်လက် ပြောကြားခဲ့သည်။

ဝ၁၁

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.