ခေါင်းကြီးသတင်း ပြည်တွင်းသတင်း — ရန်ကုန်၊ ဧပြီ ၂၆၊ ၂ဝ၁၂

တွေ့ဆုံပွဲအပြီး သတင်းစာရှင်းလင်းပွဲတွင် တွေ့ရစဉ်

အီတလီနိုင်ငံခြားရေးဝန်ကြီး Guiliomaria Terzi နှင့် အမျိုးသားဒီမိုကရေစီအဖွဲ့ချုပ်ဥက္ကဋ္ဌ ဒေါ်အောင်ဆန်းစုကြည်တို့သည် ၂ဝ၁၂ ခုနှစ်၊ ဧပြီလ ၂၆ ရက်နေ့တွင် ဒေါ်အောင်ဆန်းစုကြည်၏ နေအိမ်ခြံဝန်း အတွင်းတွင် တွေ့ဆုံခဲ့သည်။ အဆိုပါ တွေ့ဆုံပွဲအပြီးတွင် သတင်းစာရှင်းလင်းပွဲပြုလုပ်ပြီး မြန်မာနိုင်ငံ ရှေ့ရေးအတွက် တွေ့ဆုံဆွေးနွေးခဲ့ ကြောင်း ပြောကြားသည်။ သတင်းစာရှင်းလင်းပွဲတွင် အီတလီနိုင်ငံခြားရေးဝန်ကြီးက ၎င်းတို့အနေဖြင့် မြန်မာနိုင်ငံသူ၊ နိုင်ငံသားများ၏ အကြမ်းဖက်မှု မပါဘဲ ဒီမိုကရေစီနှင့် လူ့အခွင့်အရေးအတွက် တိုက်ပွဲဝင်မှုများကို အထူးလေးစားပါကြောင်း၊ ဧပြီ ၁ ရက် ရွေးကောက်ပွဲရလဒ် အပေါ်တွင် အီတလီနိုင်ငံအနေဖြင့် ဝမ်းမြောက်ဝမ်းသာစွာ ကြိုဆိုပါကြောင်း၊ ၎င်းတို့အနေဖြင့် မြန်မာနိုင်ငံနှင့် အတူတကွ လက်တွဲလုပ်ဆောင်ပြီး ဒေါ်အောင်ဆန်းစုကြည်နှင့်လည်း နိုင်ငံ့အရေးများကို လက်တွဲလုပ်ဆောင်သွားမည် ဖြစ်ကြောင်း ပြော ကြားသည်။ ထို့အပြင် အီတလီနိုင်ငံအနေဖြင့် ကျန်ရှိနေသေးသော နိုင်ငံရေးအကျဉ်းသားများအားလုံး လွတ်မြောက်ရေးနှင့် လူမျိုးစုများ နှင့် ဖြစ်ပွားနေသော အကြမ်းဖက်မှုများကိုလည်း ဖြစ်နိုင်သမျှ မြန်မြန် အဆုံးသတ်နိုင်ရေးတို့ကို အထူးကြိုးပမ်း ဆောင်ရွက်သွားမည်ဖြစ်ကြောင်း ၎င်းက ဆိုသည်။ အီတလီနိုင်ငံသည် မြန်မာနိုင်ငံအပေါ်၌ ထားရှိသည့် Sanction (ပိတ်ဆို့မှု) ကို ဆိုင်းငံ့ထားခြင်းသာဖြစ်ပြီး ပယ်ဖျက် (cancel) လိုက်ခြင်း မဟုတ်ကြောင်း၊ ထိုသို့ ဆိုင်းငံ့ထားခြင်းသည်လည်း အနာ ဂတ်တွင် ရင်းနှီးမြှုပ်နံမှု အခွင့်အရေးများ ရရှိအောင် ကူညီပေးနိုင်လိမ့်မည်ဖြစ်ပြီး၊ အီတလီကုမ္ပဏီ၊ ကော်ပိုရေးရှင်းများနှင့် ပူးပေါင်းကာ လုပ်ဆောင်နိုင်ဖို့ ဦးစားပေးဆောင်ရွက်သွားမည် ဖြစ်ကြောင်း ၎င်းက ပြောကြားခဲ့သည်။

သတင်းစာရှင်းလင်းပွဲ တွင် ဒေါ်အောင်ဆန်းစုကြည် က ““ကျွန်မတို့ မြန်မာနိုင်ငံရဲ့ အနာဂတ်အတွက် ဆွေးနွေးခဲ့ပါတယ်။ လူ့အခွင့်အရေးနဲ့ ဒီမိုကရေစီစံနှုန်းတွေပေါ်မှာ အခြေခံပြီး ဆွေးနွေးမှုတွေ ပြုလုပ်ခဲ့ပါတယ်””ဟု ဆိုပါသည်။ မြန်မာနိုင်ငံအနေဖြင့် စစ်မှန်သည့် ပြည်ထောင်စုအဖြစ်၊ လူမျိုးစုပေါင်းစုံ ပါဝင်သည့် ပြည်ထောင်စုကြီးဖြစ်ဖို့ ကြိုးပမ်းဆောင်ရွက်သွားကြမည် ဖြစ်ကြောင်း၊ သူမအနေဖြင့် အီတလီနိုင်ငံသည် မြန်မာနိုင်ငံကို စစ်မှန်သည့် ဒီမိုကရေစီနိုင်ငံကြီးဖြစ်အောင် ဆက်လက်ပံ့ပိုးကူညီသွားလိမ့်မည်ဟု အပြည့်အဝမျှော်လင့်ပါကြောင်း ပြောကြားခဲ့ပါသည်။

၀၂၇

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.