ပြည်တွင်းသတင်း — ရန်ကုန်၊ စက်တင်ဘာ ၂၄၊ ၂ဝ၁၂

အမေရိကနှင့် မြန်မာ့ကာကွယ်ရေး အရာရှိများက ယခင်ကကဲ့သို့ မြန်မာ့ တပ်မတော်ကို သင်တန်းများ ပြန်ပေးရန်နှင့် ပညာသင် ဖလှယ်ရေး အစီအစဉ်များ ပြန်စတင်ရန် တိတ်တဆိတ် ပြောဆိုခဲ့ကြသည်။ ထိုအစီအစဉ်တွင် နှစ်ဖက် ကာကွယ်ရေးဌာနမှ တပ်မတော် အရာရှိများနှင့် အရပ်ဘက် ကာကွယ်ရေး အရာရှိ များ ပါဝင်ပြီး အမေရိကန် ကာကွယ်ရေး ဝန်ကြီးဌာန၏ လက်ထောက် အတွင်းရေးမှူး အရာရှိကြီးများ ပါဝင်သည်။

မြန်မာနိုင်ငံတွင် သမ္မတ ဦးသိန်းစိန် တက်လာပြီးနောက် ပြုပြင် ပြောင်းလဲရေးများ ပြုလုပ်လာရာ တိုးတက်မှုမှာ မြန် ဆန်နေပြီး တရုတ်၊ မြောက်ကိုးရီးယား တို့နှင့် စစ်ရေး ဆက်ဆံမှုများ ရှိနေသည်မှာလည်း အမေရိက အတွက် စိုးရိမ်စရာ ဖြစ်စေသည်။ ထို့ပြင် အင်္ဂလန်နှင့် ပြင်သစ်တို့ကလည်း  နိုင်ငံတကာ စီးပွားရေး ပိတ်ဆို့မှု များကြောင့် ဆိုင်းငံ့ထားခဲ့သော စစ်သံတမန် ခန့်အပ်ခြင်းကို ပြန်လည် လုပ်ဆောင်လာသည်။

ထို့ကြောင့် အမေရိက-မြန်မာ နှစ်နိုင်ငံကြား ဆွေးနွေးပွဲတွင် မူလက အမေရိက ဥာဏ်ကြီးရှင် အဖွဲ့များကဲ့သို့ တပ်ဘက် မဟုတ်သော အဖွဲ့များ ဖလှယ်လေ့ကျင့်ရေးကို ဦးတည်ခဲ့ကြသည်။ အဆင့်မြင့် တပ်အရာရှိများ၏ အပြန်အလှန် လည်ပတ်ရေး အစီအစဉ်လည်း ပါဝင်ခဲ့သည်။ သို့သော် ပဏာမ အစီအစဉ် ချောမွေ့သွားလျှင် တိုးချဲ့သွားရန် သဘောတူခဲ့ကြသည်။

စစ်ရေး လေ့ကျင့်မှု ပြုလုပ်နေကြသည့် မြန်မာစစ်သားများ

စစ်ရေး လေ့ကျင့်မှု ပြုလုပ်နေကြသည့် မြန်မာစစ်သားများ

မြန်မာဘက်မှ တောင်းဆိုသည်မှာ ဒေသတွင်းရှိ အမေရိက တပ်များ၏ စစ်ရေး လေ့ကျင့်မှုများကို လေ့လာခွင့် ရရန် ဖြစ်သော်လည်း အမေရိကဘက်မှ အဖြေပေးခြင်း မရှိသေးချေ။

“နှစ်ဖက်စလုံးက ပူးတွဲလေ့ကျင့်မှု ဆိုတာလိုမျိုး တစ်ခုခုကို လုပ်လိုကြတယ်။ အမေရိက ဘက်က နောက်ကြောင်း အရှုပ်အထွေး မရှိတဲ့ အရည်အချင်း ရှိတဲ့ လူငယ်စစ်ဘက် အရာရှိတွေကို ပြုပြင်ပြောင်းလဲရေး အတွက် အကျိုးရှိအောင် လေ့ကျင့်ပေးချင်တယ်”ဟု ဆွေးနွေးပွဲ အကြောင်း သိထားသူ အနောက်နိုင်ငံသား လေ့လာ ဆန်းစစ်ရေး သမားတစ်ဦးက ဆိုသည်။

ယခုအချိန်ထိ တင်ပြထားသမျှမှာ အာဆီယံနိုင်ငံများ မှတစ်ဆင့် လေ့ကျင့်ရေးကို ဆောင်ရွက်ရန် ဖြစ်ကာ ဝါရှင်တန် အစိုးရကလည်း စစ်ရေးဆက်ဆံမှုများ အပေါ်ယံ အနေအထားမှ နက်ရှိုင်း မသွားမီ ယင်းကို ကွန်ဂရက်မှ ထောက်ခံမှု ရရှိရန် လိုလားနေသည်။

ကနဦးကာလ လွန်လျှင် အဆင့်မြင့် အရာရှိများ အတွက် လေ့ကျင့်ရေးမျိုး ဖြစ်လာနိုင်သော်လည်း ၂ဝ၁၅ ခုနှစ် ရွေးကောက်ပွဲ တွင် မည်ကဲ့သို့ ဆောင်ရွက်ကာ မည်သည့်ရလဒ် ပေါ်ထွက်လာသည် ဆိုသည့် အချက်အပေါ် တွင် အဓိက မူတည်နေသည်ဟု ထိုဆန်းစစ်ရေးသမားကပင် ဆိုသည်။

မြန်မာနိုင်ငံရှိ အမေရိကန်သံရုံး သည်လည်း အနောက်နိုင်ငံ သံရုံးများအနက် စီးပွားရေး ပိတ်ဆို့မှု ကာလ တစ်လျှောက် စစ်သံတမန်များကို မရုပ်သိမ်းဘဲ ထားရှိခဲ့သည့် တစ်ခုသောသံရုံး ဖြစ်သည်။ သို့သော် ကာကွယ်ရေး ပူးပေါင်းဆောင် ရွက်မှုနှင့် လက်နက်ရောင်းဝယ်ရေး များမှာမူ အနောက်နိုင်ငံ အစိုးရများအတွက် အကဲဆတ်သော အနေအထားတွင်ပင် ရှိနေသေးသည်။ မြန်မာနိုင်ငံတွင် ဖြစ်ပွားနေသော တိုင်းရင်းသား လူမျိုးစုများနှင့် စစ်ရေးပဋိပက္ခများ မှာလည်း ထောက်ရှု စရာ အကြောင်းအဖြစ် ရှိနေသေးသည်။ သို့သော် အမေရိကနှင့် အနောက်နိုင်ငံ အရာရှိအချို့က မြန်မာ့ စစ်ဘက် ခေါင်းဆောင်များကို (အထူးသဖြင့် ကာ ကွယ်ရေး ဦးစီးချုပ် ဒုတိယ ဗိုလ်ချုပ်မှူးကြီး မင်းအောင်လှိုင်) ကို ချီးကျူး ပြောဆိုမှု ပြုတတ်ကြသည်။ ယင်းက တပ်မတော်ကို တဖြည်းဖြည်းနှင့် ဘားတိုက်ဆီ ပြန်သွားရန် ရည်ရွယ် ထားကြောင်း ထုတ်ဖော် ပြောဆိုခဲ့ဖူး သည်ဟု သံတမန်တစ်ဦးက ဆိုသည်။

ကာကွယ်ရေး ဦးစီးချုပ်သည် လွှတ်တော် တက်ရမည့် တပ်မတော်သား ကိုယ်စားလှယ်များကို ရွေးချယ်ပြီးလျှင် ယင်းတို့ကို “နှလုံးသားဖြင့် မဲပေးပါ။ စိတ်အားဖြင့် မပေးပါနှင့်” ဟု မှာကြား ခဲ့ကြောင်းလည်း ယင်း က ထုတ်ဖော် ပြောခဲ့ဖူးသည်ဟု ဆိုသည်။

အမေရိကန် ဥာဏ်ကြီးရှင်အဖွဲ့ တစ်ဖွဲ့ဖြစ်သော စီအက်စ်အိုင်အက်စ် က ဝါရှင်တန် အစိုးရကို တပ်မတော်နှင့် ဆက်ဆံ သွားရန် မကြာသေးမီကမှ တိုက်တွန်းခဲ့သည်။ “ထိတွေ့ ဆက်ဆံရေး မူဝါဒကို အခွင့်ကောင်း ယူသော အားဖြင့် မြန်မာ့ တပ်မတော်မှ မျိုးဆက်သစ် တပ်မတော် အရာရှိငယ်များကို အရပ်ဘက်-စစ်ဘက် ဆက်ဆံရေး၊ စစ်ဥပဒေနှင့် ပွင့်လင်း မြင်သာရှိမှုများ အကြောင်း လေ့ကျင့် ပေးသင့်”ဟု ယင်းတို့၏ တိုက်တွန်းချက်တွင် ဖော်ပြ ပါရှိသည်။ မြန်မာ တို့နှင့် ဆွေးနွေး ရာတွင် မြန်မာ့တပ်မတော်သည် နိုင်ငံရေး ဦးဆောင်ကဏ္ဍမှ ဆုတ်ခွာ ကာ အမျိုးသားလုံခြုံရေးကို ဦးတည်သော ပညာသည် ဆန်သည့် ရပ်တည်မှုမျိုးကို လုပ်လိုနေသည်ဟု ဆိုသည်။ သို့သော် ယင်းအဖွဲ့က ကချင်ပြည်နယ် တိုက်ပွဲများကဲ့သို့ စစ်ရေးပဋိပက္ခများ ရှိနေချိန်တွင် ထိုကဲ့သို့ လေ့ကျင့်ပေးရေးမှာ အထူးသတိပြုရမည့် အရေးလည်း ဖြစ်ကြောင်း ထောက်ပြထားသည်။

Ref: Gwen Robinson’s article at The Financial Times

ဝ၃၆

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*