အမေရိကန်သမ္မတ ရွေးကောက်ပွဲ ပြီးနောက် တစ်ဒေါ်လာကို ၁၂၉၀ ကျော်မှ ၁၂၈၃ကျပ် အထိ ဈေးကျခဲ့ပြီးနောက် ယနေ့တွင် တစ်ဒေါ်လာကို ၁၂၉၉ ကျပ် အထိ ပြန်တက်လာခဲ့သည်။

အမေရိကန် ရွေးကောက်ပွဲအပြီး ငွေဈေးကျနိုင်ကြောင်း ခန့်မှန်းချက်များ ရှိသော်လည်း အဆုံးသတ်ရလဒ်မှာ ၁၃၀၀ နားကပ်လာခဲ့ခြင်း ဖြစ်သည်။

နိုဝင်ဘာလ ၁၀ ရက် ညနေ ဘက်တွင် ပြင်ပငွေလဲလှယ်သည့် ဈေးကွက်တွင် တစ်ဒေါ်လာလျှင် ကျပ်၁၂၉၉ ပေါက်ဈေးရှိသည်။

ထိုမျှမကသေး အိမ်ခြံမြေ လုပ်ငန်း သူဌေးကြီး ထရန့်သည် သမ္မတဖြစ်လာရန် သေချာခဲ့မှုက ကမ္ဘာ့စီးပွားရေးအတွက် ဂယက်ရိုက်ခဲ့ပြီး မက္ကဆီကို ပီဆိုတန်ဖိုးသည် စံချိန်တင် ကျဆင်းမှုနှင့် ကြုံခဲ့ရသည်။

မက္ကဆီကို ပီဆိုတန်ဖိုးသည် တစ်ဒေါ်လာလျှင် ၂၀ ပီဆို အထက်သို့ ရောက်ရှိခဲ့ပြီး ၁၉ နှစ် အတွင်း အနိမ့်ဆုံး ဖြစ်ခဲ့သည်။

အထောက်အထား မရှိသော ရွှေ့ပြောင်း အခြေချများအား နှင်ထုတ်မည်ဟူသော ကတိ၊ နယ်စပ်တွင် တံတိုင်းဆောက်မည် ဟူသော ကတိ၊ ကုန်သွယ်ရေး သဘောတူညီချက်အား ဖျက်သိမ်းမည်ဟူသော ကတိများ အပါအဝင် ထရန့်၏ မက္ကဆီကို ဆန့်ကျင်ရေး ကတိများက ပီဆိုကို အကြီးအကျယ် ထိခိုက်စေခဲ့သည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*