ပြည်တွင်းသတင်း — မအူပင်၊ ဇန်နဝါရီ ၁၇၊ ၂ဝ၁၃

ဧရာဝတီတိုင်း ဒေသကြီး၊ မအူပင်မြို့နယ်၊ မအူပင်နည်းပညာ တက္ကသိုလ်နှင့် စွန်သိုက်ကျေးရွာ၊ ရေလဲကလေး ကျေးရွာ အထိ ပေါက်သော အဝေးပြေး ကားလမ်းမကြီးကို ဇန်နဝါရီ ၁၇ ရက်တွင် ပြင်ဆင် မှုများ ပြုလုပ်လျက် ရှိပြီး ထိုသို့ ပြင်ဆင်မှုများသည် ယခုမှလုပ်ခြင်း မဟုတ်ဘဲ ယခင်ကလည်း ပြင်ဆင် မှုများပြုလုပ်ခဲ့ကြောင်းနှင့် ပြင်ဆင် မှုများသည် မိုးတွင်းသို့ ရောက်သောအခါ ပြိုကျပျက်စီးကာ အသုံးပြုရန် ခက်ခဲနေသည်ဟု သိရသည်။

အထက်ပါကိစ္စနှင့် ပတ်သက်၍  စွန်သိုက်၊ ရေလဲကလေး အစရှိသော ကျေးရွာများမှ မအူပင်မြို့ထဲသို့ ဆိုင် ကယ် (သို့) စက်ဘီးဖြင့် အသွားများလေ့ရှိပြီး မအူပင်နည်းပညာ တက္ကသိုလ်မှ ကျောင်းသားများလည်း  ထိုလမ်းကို ကျောင်း သွား ကျောင်းပြန် အသုံးပြုလေ့ရှိကြောင်း၊ လမ်းပြုပြင် မှုလုပ်ရာတွင် ကျောက်ခဲများပေါ် သဲများဖုံးထားခြင်း သာဖြစ်သော ကြောင့် မိုးတွင်းရောက်သောအခါ သဲများပျော်ကျကုန်ပြီး လမ်းများ ယိုယွင်း ပျက်စီးလေ့ ရှိကြောင်းနှင့် မကြာခဏ ဆိုသလို လမ်းဘေး တစ်ဖက်တစ်ချက်ရှိ ကျောက်ပုံများ နှင့် တိုက်မိကာ သေဆုံးမှုများ ရှိခဲ့ ကြောင်းနှင့် နွေရာသီသို့ရောက်သော အခါတွင်လည်း ခဲများကြောင့် ဆိုင်ကယ် ဘီးပေါက်မှု ကြုံပြီး သွားလာရေးအရ ခက်ခဲမှုများစွာ ရှိနေကြောင်း ဒေသခံတစ်ဦးက ဆိုသည်။

အဆိုပါ မအူပင်ကားလမ်းမ ကြီးကို ဒေသခံရွာသားများ၊ မအူ ပင်နည်းပညာတက္ကသိုလ်မှ ကျောင်းသားများ သည် ဆိုင်ကယ် သို့မဟုတ် စက်ဘီးဖြင့် မအူပင်မြို့ထဲသွားရာ  တွင် အသုံးပြုရသည်။ လမ်းဘေး တစ်ဖက် တစ်ချက်တွင် လမ်းပြုပြင် လက်စကျောက်ပုံများထားရှိပြီး ရံဖန်ရံခါ ညဘက်ခရီးသွားသူများ ဆိုင်ကယ် မတော်တဆမှုများဖြင့် အသက်ဆုံးရှုံးမှုများ ရှိခဲ့သည်။ ပြင် ဆင်မှုများမှာလည်း မိုးတွင်းရောက် သောအခါ ပြိုကျပျက်စီး၍ ဒေသခံများ၊ မအူပင် နည်းပညာ တက္ကသိုလ် ကျောင်းသားများအနေဖြင့် သွားရေး လာရေး အခက်အခဲ ကြုံနေရကြောင်း သိရသည်။

ဝ၈၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*