ဆောင်းပါး — ဧပြီ၊ ၂ဝ၁၃

ကျေနပ်ခြင်း၊ မကျေနပ်ခြင်း၊ ရင်ဘတ် စည်တီး ငိုကြွေးမြည်တမ်းခြင်း၊ ကက်ကက်လန် ရန်တွေ့ခြင်း၊ ယုံကြည် ခြင်း၊ မယုံကြည်ခြင်း၊ ထင်ကြေးဖြင့် စွပ်စွဲခြင်း၊ တစ်လုံး တစ်ပါဒမျှ ဖတ်ရှုဆင်ခြင်မှုမပြုဘဲ ခြေကန် ငြင်းဆန်ခြင်း၊ သဘောတူခြင်း၊ သဘော မတူခြင်း၊ ကြွင်းကျန်ခဲ့သော အချက် အလက်နှင့် ပညာရပ်ဆိုင်ရာ တွေ့ရှိချက်၊ ကွဲလွဲချက် များကို ထောက်ပြ ခြင်း၊ ဖြည့်စွက်ဝေဖန် ဆွေးနွေးခြင်း စသည်ဖြင့် အများပြည်သူတို့က မျက်လုံး ဒေါက်ထောက် ကြည့်ခဲ့သည့် လက်ပံတောင်းတောင် စုံစမ်း စစ်ဆေး ရေးအဖွဲ့၏ အစီရင်ခံစာအပေါ် အုတ် အော်သောင်းတင်း တုံ့ပြန်ခဲ့ခြင်းများနှင့် စပ်လျဉ်း၍ အလွန်အမင်း အံ့ဩဖွယ် မရှိပါချေ။

စီရင်ဆုံးဖြတ်ချက်တစ်ရပ်ဟူ၍ မဆိုသာစေကာမူ၊ စီရင်ဆုံးဖြတ်မှု ဆန်ဆန်ပြုလုပ်ရသည့် အများပြည်သူ ဆိုင်ရာ ကိစ္စများတွင် တွေ့ရ၊ မြင်ရ၊ ကြားရတတ်သည့် သဘောသဘာဝ အတိုင်းပဲဖြစ်ပါသည်။

သည့်ထက် ပိုလွန်၍ ဖြစ်ပွားပေါ် ပေါက်ခဲ့သောအချက် တစ်ချက်မျှ မရှိ ခဲ့ပါချေ။

အများပြည်သူ ဆိုင်ရာ သို့မဟုတ် အများပြည်သူ စိတ်ဝင်စားသောအကြောင်း ခြင်းရာ ပြဿနာတစ်ရပ်ကို မည်မျှပင်  မှန်ကန်အောင် မျှတအောင် ကြိုးကုတ် အားထုတ်၍ သုံးသပ် ဆုံးဖြတ်ခဲ့စေ ကာမူ၊ အကျိုးအကြောင်း သင့်မြတ် လျော်ကန်ခြင်း ရှိ မရှိ စဉ်းစားချင့် ချိန်ခြင်းမပြုနိုင်သူ မသိနားမလည်နိုင် သူတို့၏ စိတ်ခံစားမှု အလျောက် တုံ့ ပြန်မှုများ ငြင်းဆန်ကန့်ကွက်မှုများ၊ စွပ်စွဲချက်များကို ရင်ဆိုင်ရတတ်သည် ပဲဖြစ်သည်။ ချင့်ချိန်နိုင်၊ စဉ်းစားနိုင်သူ တို့ကလည်း ယင်းတို့၏ သိမြင်နား လည်မှု အလျှောက်ဝေဖန်တတ်၊ စော ကြောတတ်၊ ထောက်ပြတတ်၊ အကြံ ပြုတတ် (ခါတစ်ရံ-ပြစ်တင်မောင်းမဲတတ်) သည်ပဲဖြစ်သည်။

ထိုသို့သော တုံ့ပြန်မှုမျိုးစုံကို ရှောင်လွှဲနိုင်သော အကောင်းဆုံးနည်း လမ်းတစ်ခုရှိသည်။

ယင်းမှာ စီရင်ဆုံးဖြတ်ချက် တစ်ရပ် သို့မဟုတ် စီရင်ဆုံးဖြတ်မှုဆန်ဆန် ပြုလုပ်ရမည့် အများပြည်သူ ဆိုင်ရာ ပြဿနာတစ်ရပ်ကို စီရင်ဆုံးဖြတ်ရန် တာဝန်ပေးအပ်ခြင်း ခံရပါက ထိုတာဝန်ကို  လက်ခံခြင်း မပြုဘဲ ငြင်းပယ် ရှောင်လွှဲ ၍ နေလိုက်ဖို့ပဲ ဖြစ်သည်။

ထိုသို့ ဆိုပါက သင့်မြတ်သော အဖြေ ရလဒ်ကိုမူကား ရှာဖွေတွေ့ရှိနိုင် မည်မဟုတ်ချေ။

ကျွန်တော်သည် လက်ပံတောင်း တောင် စုံစမ်းစစ်ဆေးမှုအစီရင်ခံစာကို အာရုံ စူးစိုက်နိုင်သမျှ အသေအချာ ကြိုးစား၍ဖတ်ခဲ့ပါသည်။ အစီရင်ခံ စာအပေါ် စိတ်ခံစားမှုအလျှောက် တုံ့ ပြန်သံများ ၊ ထောက်ခံချက်၊ ကန့် ကွက်ချက်၊ ဝေဖန်ချက်၊ ဆွေးနွေး ချက်များကိုလည်း (ကာတွန်းဆရာ တို့၏ လှောင်ကွက်များပါမကျန်) အတတ်နိုင်ဆုံး စူးစိုက်နားထောင် ဖတ်ရှုကာ ဥာဏ်မီသမျှ ဆင်ခြင်ကြည့် ခဲ့ပါသည်။

ကျွန်တ်ာတို့ သဘောမတူသို့မဟုတ် ဘဝင်မကျနိုင်သော အချက်အလက် တစ်ခုမကပါကောင်းပါနိုင်ပါသည်။

သို့သော် သဘောမတူနိုင်ရုံမျှဖြင့် စုံစမ်းစစ်ဆေးရေးကော်မရှင်တွင် တာဝန် ပေးအပ်ခံရသူများကို အလွယ်တကူ ပြစ်တင် စွပ်စွဲရန် လျော်ကန်ခြင်း မရှိချေ။ သဘောတူ-မတူ စော ကြောဝေဖန်ခြင်းကတခြား၊ အလွယ် တကူ ရှုတ်ချပြစ်တင်ခြင်း၌ မွေ့လျော် ပျော်ပိုက်သူများ၏ သဘော သဘာဝ က တခြားဖြစ်ပါသည်။

ဦးစွာ ကျွန်တော်တို့သည် စုံစမ်း စစ်ဆေးရေးအဖွဲ့၌ အကန့်အသတ် များရှိနိုင်သည်ကို နားလည်ပေးဖို့လို ပါသည်။

စုံစမ်းစစ်ဆေးရေးအဖွဲ့အနေဖြင့် ယင်း၏ ပယောဂနှင့်သဘောဆန္ဒမပါ ရှိဘဲ ဖြစ်နေရှိနေခဲ့ပြီးသည့် အခြေ အနေတစ်ရပ်ကို လက်ခံရပါသည်။ ဥပမာ နှစ်ဦးနှစ်ဖက် သဘောတူ ချုပ်ဆိုထားခဲ့သည့် စာချုပ်စာတမ်းတစ်ခု တည်ရှိနေခဲ့ခြင်း၊ စာချုပ်အရ တစ်စိတ် တစ်ပိုင်းဆောင်ရွက် ပြီးစီးခဲ့မှုများ ရှိခဲ့ခြင်း၊ ထိုသို့သော ဆောင်ရွက်မှု များ ကြောင့် ဒေသခံပုဂ္ဂိုလ်တို့၏ ထိခိုက် နစ်နာမှုများ၊ မကျေချမ်းမှုများ၊ ဆန့် ကျင် ကန့်ကွက်မှုများနှင့် လက်လွန် ခြေလွန် ဖြေရှင်းမှုများ ရှိခဲ့ခြင်းတို့သည်  မြင်သာသော ကန့်သတ်ချက် များဖြစ် သည်။

စုံစမ်းစစ်ဆေးရေး အဖွဲ့သည် ဖြစ် နေရှိနေခဲ့ပြီးသည့် အခြေအနေတစ်ရပ် ကို  နှစ်လိုသည်ဖြစ်စေ မနှစ်လိုသည် ဖြစ်စေ  လက်ခံခဲ့ရပါလိမ့်မည်။ ခရီး မတ်တပ်၊ လမ်းခုလတ်က ပါဝင်ခဲ့ရ ခြင်းဖြစ်ရာဖြစ်ပြီးခဲ့သည့် အခြေအနေ အရပ်ရပ်ကို လက်မခံလိုပါက ထို တာဝန်ကိုငြင်းဆန်လွှဲဖယ် လိုက်ရုံပဲ ဖြစ်သည်။ သို့သော် ဥက္ကဋ္ဌနှင့် အဖွဲ့ဝင် တချို့တို့သည် ဖြစ်ခဲ့ပြီးသည့် မလှပ သော ရုပ်ပုံကို ပရိသတ် ဗိုလ်ပုံ အလယ်သို့ အထုပ်ဖြည်ပြရန်ထက်၊ အချောကြီး မဟုတ်စေကာမူအဖြစ်နိုင် ဆုံး အကျိုးရှိအောင် ကြည့်သူမြင်သူ တို့ လက်ခံနိုင်အောင် ပြုပြင် တည့်မတ်၍ ကုစားပေးရန် ရည်သန်မျှော်လင့်ခဲ့ ဖွယ်ရှိပါသည်။ ဖြစ်ခဲ့သမျှကို နတ် ရေကန်ထဲ ပစ်ချ၍ လုံးဝဥဿုံပြောင်း လဲပစ်ဖို့ ဖြစ်နိုင်ဖွယ်ရာ မရှိသည့်အခါ  အရှိတရားကိုလက်ခံ၍ အကောင်းဆုံး အဖြေရှာရန် မှတစ်ပါး အခြားရွေးချယ် ခွင့်မရနိုင်သည်ကို ယုံမှားဖွယ် မရှိပါ ချေ။

ထို့အတူ မည်သူမဆို ခြွင်းချက် မရှိ အကြွင်းမဲ့သဘောတူ ကျေနပ် လိမ့်မည် မဟုတ်သည်ကိုလည်း မျှော်လင့်ရန် မဖြစ်နိုင်ပါချေ။ ဤသည်ပင် လျှင် အငြင်းပွားဖွယ်ရှိသည့် အများ ပြည်သူ ဆိုင်ရာ တာဝန်တာထမ်းတစ်ခု ကို ငြင်းပယ်ခြင်း မပြုခဲ့သူတို့၏ ကံကြမ္မာဖြစ်ပါသည်။ အစီရင်ခံစာ တစ် စောင်၏ ကံကြမ္မာဖြစ်ပါသည်။ စီရင် ချက် တစ်စောင်၏ ကံကြမ္မာနှင့်လည်း တော်တော် တူပါသည်။

အလွန်အမင်း အငြင်းပွားစရာ အချက်များနှင့် ကြီးမားသော အာဃာ တများ လိမ်းကျံစွန်းပေနေသည့် အမှု အခင်းတစ်ခုကို စစ်ဆေးစီရင်ရန် ဝန် လေးတွန့်ဆုတ်နေသော တရားသူကြီး များစွာကိုတွေ့ဖူးပါသည်။

အမှုအခင်းဆိုသည်မှာ အမှုစစ် ဆေးမည့် တရားသူကြီး၏ ပယောဂ နှင့်သဘော ဆန္ဒ တစ်စုံတစ်ရာမပါရှိခဲ့ ဘဲဖြစ်ရှိပြီးခဲ့သည့် အခြေအနေတစ် ရပ်ဖြစ်ရာ တရားသူကြီး သည် ထိုအခြေအနေကို ငြင်းပယ်ရန် မစွမ်းသာသည့် အလျောက် နှစ်လိုသည် ဖြစ်စေ၊ မနှစ် လိုသည်ဖြစ်စေ၊ လက်ခံ သိမ်းပိုက် ရသည်ပဲဖြစ် သည်။ ဖြစ်ပြီးခဲ့သည့် အမှု အခင်းတစ်ခုသည် မည်မျှပင် အရုပ် ဆိုး အကျည်းတန်ခဲ့စေကာမူ လုံးဝ ဥဿုံပြောင်းလဲ ပစ်နိုင်ရန် သူ့၌ အစွမ်း မရှိချေ။ လူတစ်ဦး တစ်ယောက် ပြင်းထန်စွာ ထိခိုက်ဒဏ်ရာ ရခဲ့ခြင်းကို ကုသရန် တာဝန်ယူရသည့် ဆေး ပညာရှင်တို့က လုံးဥဿုံအကောင်း ပကတိပြန်ဖြစ်လာရန် စွမ်းဆောင် ကောင်း စွမ်းဆောင်နိုင် မည်ဖြစ်သော် လည်း အမှုအခင်းကို စီရင်ရသည့် တရားသူကြီးက မှုခင်းမဖြစ်မီကကဲ့သို့ အကောင်းပကတိပြန်ဖြစ်ရန် မစွမ်း ဆောင်နိုင်ချေ။ ထိုတာဝန်မျိုး သူ့တွင် မရှိချေ။

မိမိစီရင်ပိုင်ခွင့် ရှိသည့် နယ်မြေ အတွင်း ဖြစ်ပွားပေါ်ပေါက်ခဲ့သည် အမှုအခင်းကို စစ်ဆေးစီရင်ခြင်းမပြု လိုပါ ဟူ၍လည်း ငြင်းပယ်ရန် အခွင့် မရှိပါချေ။ တရားစွဲဆိုသော အဖွဲ့ အစည်းက အမှုတည်ဆောက်၍ စွဲတင် လာသော စွပ်စွဲခံရသူ(တရားခံ)အား ပြစ်မှုထင်ရှား ကျူးလွန်ခြင်းရှိမရှိ သက်သေခံချက်များ၊ ဥပဒေများ၊ ဖြတ်ထုံးများ၊ ဆင်ခြင်တုံ တရား စသည်တို့ဖြင့် ဝေဖန်ရ၊ ဆန်းစစ်ရ၊ ပိုင်းဖြတ်ရသည်။ အဆုံးအဖြတ်တစ်ခု ခုပြုရသည်။

သက်သေခံချက် ဆိုသည် တို့ကလည်း အလွန်တိမ်းပါးလွယ်သည်။သက်သေခံချက်များကို “ဆန်မှ ဆန်ကွဲကို ရွေးထုတ် သကဲ့သို့” ဟူ၍ ဖြတ်ထုံးတို့ကဆိုသည်။ ယုတ္တိရှိရှိ လိမ် လည်ထွက်ဆိုသော သက်သေ၊ အကွက် ချစီမံတတ်သော ပညာတတ် လူလည်တို့နှင့် ကြုံကြိုက်လျှင် ခါတစ်ရံ “ဆန်ကွဲမှဆန်ကိုရွေး ထုတ်ပစ် လိုက် သကဲ့သို့” ဖြစ်တတ်ကြောင်းကို မာ ယာများ၍  ဖိအားကြီးမားသော အမှု အခင်းများကို  စစ်ဆေးစီရင်ဖူးသည့် တရားသူကြီးတိုင်း အလွယ်တကူ စာနာနိုင်ကြပါသည်။

တရားစီရင်မှု ဆိုသည်ကလည်း အခါခပ်သိမ်း ဆန်ပြာသလို လွယ်ကူ ခြင်းမရှိဟု ဆိုလိုခြင်းပဲဖြစ်သည်။

သေချာသည့် အချက်မှာ လက်ပံ တောင်းပြဿနာကို စုံစမ်းစစ်ဆေးမှု အဖွဲ့က ဖန်တီးခြင်း မဟုတ်သကဲ့သို့ အမှုအခင်းကို တရားသူကြီးက ဖန်တီးခဲ့ခြင်း မဟုတ်ချေ။

ထို့ကြောင့် မူလအမှုစစ်ဆေး သည့် တရားရုံးက ဥပဒေကန့်သတ် ချက်များနှင့်လည်း ညီညွတ်အောင်၊ မှန်ကန် မျှတခြင်းလည်း ရှိအောင် မည်မျှပင် ကြိုးကုတ် အားထုတ်၍ စီရင် ဆုံး ဖြတ်ခဲ့စေကာမူ အငြင်းပွားဖွယ်မရှိ သည့် သို့မဟုတ် အပြစ်ဆိုဖွယ်ရာ မရှိ အကြွင်းမဲ့ မှန်ကန်သည့် စီရင်ချက်တစ်ခုကို ချမှတ်နိုင်ရန် ခဲယဉ်းတတ် ပါသည်။

ထို့ကြောင့် အယူခံမှု ပြင်ဆင်မှု များကို ဖွင့်လှစ်၊ လက်ခံ၊ ကြားနာပေး သည့် တရားရုံးများရှိနေခဲ့ရခြင်းဖြစ် ပြီး၊ ထိုရုံးများ၌ လျှောက်လဲ တင်ပြ သူတို့ကလည်း ယင်းတို့၏ သိမြင်နား လည်မှု အလျှောက် ဝေဖန်တတ်၊ ထောက်ပြတတ်၊ မူလရုံးသည် ဤ အချက်ကို ဆင်ခြင်ရန် ပျက်ကွက်ခဲ့ပါ သည်ဟူ၍ ယဉ်ကျေးစွာ အငြင်းပွား စရာ ရှိနေတတ်ပါသည်။

ထို့ကြောင့် အစီရင်ခံစာ တစ် စောင်အပေါ် အုတ်အော်သောင်းတင်း ဝေဖန် တုံ့ပြန်ခဲ့ခြင်းများနှင့် စပ်လျဉ်း၍ အလွန်အမင်းအံ့ဩဖွယ်မရှိဟူ၍ ဆိုခဲ့ခြင်းဖြစ်ပါသည်။ စီရင် ဆုံးဖြတ်မှု ဆန်ဆန် လုပ်ရသည့် အများပြည်သူ ဆိုင်ရာ ကိစ္စများတွင် တွေ့ရ၊ မြင်ရ၊ ကြားရတတ်သည့် သဘာဝအတိုင်း ဖြစ်သည် ဟုဆိုခဲ့ခြင်းဖြစ်ပါသည်။ စီရင်ချက် တစ်စောင်နှင့် ကံကြမ္မာ တူသည်ဟူ၍ ဆိုခဲ့ခြင်းဖြစ်ပါသည်။

ကောင်းမြတ်သော၊ အကျိုးဖြစ် သော၊ စိတ်စေတနာမှန်ကန်သော ဝေဖန်ချက်များကို ငြင်းပယ်ရန်မရှိပါ။သို့သော် ရန်လိုသော၊ ပြစ်တင်မောင်းမဲ သော၊ စိတ်ထားနိမ့်နိမ့်နှင့် လွယ်လွယ် ယိုးစွပ်တတ်သော သူတို့ကိုမူ တောင်း ဆိုလိုသည်။ လူကြီးမင်းများ ခင်ဗျား။ အငြင်းပွားဖွယ်ရာ လုံးဝမရှိသည့် အစီရင်ခံစာ သို့မဟုတ် စီရင်ချက် တစ် စောင် ကို ကျေးဇူးပြု ၍ရေးပြစေလိုပါ သည်။

ဇေယျာမိုးမြင့်စံ

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*