အုတ်တစ်ချပ်သဲတစ်ပွင့် — ရန်ကုန်၊ ဖေဖော်ဝါရီ ၁၇၊ ၂ဝ၁၃

ကျေးလက်ဒေသရှိ လူငယ်များ အသိပညာ၊ အတတ်ပညာ မြင့်မားလာရေးနှင့် ပညာရေးနိမ့်ကျမှုကြောင့် ဖြစ်လာသည့် စီးပွားရေး နိမ့်ကျမှုများ ပပျောက်ရန် အတွက် အသိပညာ မြင့်မားမှ လူ့အဖွဲ့စည်း မြင့်မားလာမည် ဆိုသော ရည်ရွယ်ချက်နှင့် ပညာရေး လုပ်ငန်း များကို အခြေခံကာ အခြား လူမှုရေး လုပ်ငန်းများကို လုပ်ဆောင် နေသည့် အရုဏ်ဦး လူမှုကူညီရေး အဖွဲ့ကို ယခုတစ်ပတ်၏ အုတ်တစ်ချပ် သဲတစ်ပွင့်ကဏ္ဍတွင် ဖော်ပြအပ်ပါ သည်။

အရုဏ်ဦး အဖွဲ့ကို လူမှုကူညီရေးအဖွဲ့ အဖြစ် ၂ဝဝ၇ ခုနှစ်၊ ဇူလိုင်လတွင် စတင်ဖွဲ့စည်းခဲ့ပြီး ကော်မတီ ဝင် ၉ ဦးဖြင့် စတင်ဖွဲ့စည်းတည် ထောင်ခဲ့ကြောင်း၊ နယ်မြို့များတွင် ပညာရေးသင်ကြားမှုများ မြင့်မားလာစေရန် အခြေခံ၍ တည်ထောင် ခဲ့ခြင်း ဖြစ်ကြောင်း အသင်း၏ တာဝန်ခံ ကိုလှိုင်ထွန်းသိန်းက ပြောကြားသည်။

ယင်းအဖွဲ့သည် ကျေးလက်အစွန် အဖျား နယ်စပ်ဒေသများတွင် ကွန်ပျူတာ သင်တန်းများကို လိုက်လံသင် ကြား ပေးပြီး ပခုက္ကူ၌ အနာကြီး ရောဂါ ဝေဒနာသည် များကို ပျောက်ကင်းအောင် ဆရာဝန်များ ထားရှိ ကုသ ပေး၍ ယင်းတို့၏ဘဝကို လူထုအတွင်း ပြန်လည် ဝင်ရောက်နိုင်ရန် အသိပညာများ ပေးကာ နေစရာအိမ်နှင့် ယင်းတို့၏ သားသမီးများ ပညာသင်ကြား နိုင်ရန် ကျောင်းဆောက်ပေးခြင်း၊ ရေတွင်းတူး ပေးခြင်းများ လုပ်ဆောင် ခဲ့ကြောင်း သိရသည်။

အရုဏ်ဦး လူမှုကူညီရေး အသင်း၌ အဖွဲ့ဝင်များကို ရန်ကုန်၌ တာဝန်ခံ ၁ဝ ယောက် ထားရှိပြီး နယ်ဒေသ များ၌ အဖွဲ့ဝင် ၅ ယောက်စီ ထားရှိ၍ ပဲခူး၊ ပခုက္ကူ၊ ကလေး တို့တွင် ကူညီရေးလုပ်ငန်းများ အခြေပြု ဆောင်ရွက် လျက် ရှိသည်။

အခြား အန်ဂျီအိုအဖွဲ့များ ဖြစ်သည့် IDE Myanmar (International Development and Enterprise) အဖွဲ့ များနှင့် ပူးပေါင်း၍ စိုက်ပျိုးရေး နည်းပညာ ဖြန့်ဝေခြင်းနှင့် ငွေထုတ်ချေးခြင်း လုပ်ငန်းများကို ပြုလုပ်ပေးကြောင်း၊ ချေးငွေ ထုတ်ပေးရာ၌ IDE အဖွဲ့မှ ထုတ်ပေးပြီး အရုဏ်ဦး အဖွဲ့မှ ကြားခံအဖွဲ့အနေဖြင့် ထောက်ခံပေးပြီး ရွာက လူများ ငွေချေးမည် ဆိုပါက တာဝန်ခံပေးရကြောင်းနှင့် အတိုးနှုန်း ၁ ကျပ်တိုးကို  ၄ လ အတွင်း ပြန်ဆပ်ရမည် ဆိုသည့်စနစ် ဖြင့် ထုတ်ချေးပေးကြောင်း သိရသည်။ ချေးငွေထုတ်ပေးခြင်းနှင့် ပတ်သက်၍ ကိုလှိုင်ထွန်းက “ငွေချေးတာကို ကြားခံတာဝန်ယူ ရတယ်ဆိုတာက ဥပမာ ရွာက လူ ၁ဝ ယောက်ကို ကျွန်တော်တို့က အာမခံ ပြီး အစု အစပ်စနစ်နဲ့ လက်မှတ်ထိုးငွေချေး  ပေးတယ်။ သူတို့ မပေးရင်တော့ ကျွန်တော်တို့က စိုက်ပေးရတယ်။ IDE အဖွဲ့က ငွေထုတ်ချေး တဲ့ နေရာ မှာ ပထမတစ်လတော့ စိုက်ပျိုးရေး အတွက် အသုံးပြုမယ့် ပစ္စည်း ၄ သောင်းဖိုးနဲ့ စိုက်ပျိုးငွေ ၄ သောင်း ဖိုး၊ ၈ သောင်းကို ထုတ်ချေးပေး တယ်။ နောင်နှစ်တွေကြရင်တော့ ပစ္စည်းဖိုးမပါဘဲ အလွတ်ချေးလို့ ရတဲ့ စနစ်တွေနဲ့ ချေးပေး ပါတယ်။ အဲဒီလို နည်းတွေနဲ့ ငွေချေးတာကို ဆောင်ရွက်ပေးပါတယ်” ဟု ပြောကြားခဲ့သည်။

ယင်းမှ ဆက်လက်၍ “အဓိကတော့ ကျွန်တော်တို့ အဖွဲ့တွေက နောက်ပိုင်းနယ် ပညာဒါနကျောင်း တွေမှာ ကျောင်းဖြည့်စွက် ပညာရေး ဖြစ်တဲ့ ကွန်ပျူတာ၊ အင်္ဂလိပ်စာ သင်တန်းတွေကို မရှိမဖြစ် လိုအပ်တဲ့အတွက် သင်ကြားပေးမယ်။ နောက်တစ်ခု သက်မွေးဝမ်းကျောင်း ပညာတွေ ဖြစ်တဲ့ စိုက်ပျိုးရေး နည်းပညာကို အားပေး ပြီး လုပ်ချင်တယ်။ စိုက်ပျိုးရေးက နယ်တွေမှာ အဓိက လိုအပ်ချက် ဖြစ်ပြီး ၇၅ ရာခိုင်နှုန်းက ကျေးလက်နေ ပြည်သူတွေ ဖြစ်တော့ သူတို့ စီးပွားရေးအဆင်မပြေဘူးဆိုရင် သူတို့သားသမီးတွေကို ကျောင်းမထားနိုင်ဘူး။ အဲဒီလိုဆိုရင် ကလေးတွေ ပညာရည် တစ်ပိုင်းတစ်စနဲ့ လက်ဖက်ရည်ဆိုင်မှာ အလုပ်လုပ်တဲ့ ကလေးတွေ၊ လမ်းဘေးမှာ တောင်းရမ်း စားသောက်နေရတာတွေ အများကြီး ဖြစ်နေမယ်။ နယ်တွေမှာ ဆိုရင် တကယ် တော်တဲ့ ကလေးတွေ ကျောင်းဆက် မတက်နိုင်ဘူး။ ဒါမျိုးတွေ မဖြစ်အောင် သူတို့မိဘတွေ အဆင်ပြေဖို့ လိုတယ်။ ဒါမှ ကလေးတွေလည်း ကျောင်းတက်နိုင်မယ်ပေါ့။ ဒါကြောင့် စိုက်ပျိုးရေးပိုင်းကို စီးပွားရေး အတွက် သာမက မိသားစုတွေ အဆင်ပြေနိုင် ဖို့ပါ နည်းပညာတွေ၊ ကူညီပေးနိုင်မယ့် အပိုင်းတွေကနေ ဆောင်ရွက်ပေး ချင်ပါတယ်” ဟု ပြောကြားသည်။

အရုဏ်ဦး လူမှုကူညီရေးအသင်း သည် ၂ဝဝ၈ ခုနှစ်၊ ဇန်နဝါရီလမှ စတင်ကာ ပဲခူး၊ ဧရာဝတီ၊ စစ်ကိုင်း၊ ပခုက္ကူ၊ ကလေး တိုင်းဒေသကြီးနှင့် မြို့နယ်များ၌ ကျန်းမာရေးနှင့် ပတ်သက်၍ အနာကြီးရောဂါပြန်လည် ထူထောင်ရေး၊ သား သမီး ကျောထောက်  နောက်ခံ မရှိသည့် ဘိုးဘွားများကို  ရှာဖွေ၍ ကျန်းမာရေး စောင့်ရှောက်မှု များ ပြုလုပ် ခြင်း၊ ပညာရေးနှင့် ပတ်သက်၍ ကျောင်းပြင်ပ စာသင်ပေးခြင်း၊ ကွန်ပျူတာ အခြေခံ သင်တန်းများ၊ အင်္ဂလိပ်စာ သင်တန်းများ ကို ကျောင်းများ ဆောက်လုပ် သင်ကြားပေး၍ ဘုန်းတော်ကြီးကျောင်း များတွင် သင်တန်းများ ပြုလုပ်၍ သင်ကြားပေးခြင်းများ ပြုလုပ်သည်

အသင်းမှ ဆက်လက်၍ ကျန်း မာရေးလုပ်ငန်းတစ်ခုဖြစ်သည့် HIV/AIDS ကာကွယ်ရေးနှင့် စောင့်ရှောက် ပေးခြင်း လုပ်ငန်းများ၊ လူအခွင့်ရေးပိုင်းဆိုင်ရာ Capicity Building စွမ်းရည်မြှင့် သင်တန်းများကို တိုးချဲ့လုပ်ဆောင် သွားရန် အစီအစဉ် ရှိကြောင်း အသင်းတာဝန်ခံ ကိုလှိုင်ထွန်းသိန်း က ပြောကြားသည်။

အရုဏ်ဦး လူမှုရေး အဖွဲ့သည် နှစ်စဉ် တာဝန်ယူမှု အနေနှင့် ကျောင်းသုံး စာအုပ်များ ရိုက်နှိပ်ခြင်း၊ ခဲတံ၊ ခဲဖျက်၊ ဘောပင်များ ဝယ်ယူကာ မိမိ တို့ အခြေစိုက်ကျောင်းများမှ ကျောင်း သားကျောင်းသူများအား ထောက်ပံ့ ကူညီခြင်း ကို လုပ်ဆောင်ပြီး ပိုမို ကျယ်ပြန့်စွာ လုပ်ဆောင်နိုင်ရန် ပါဝင် ကူညီဆောင်ရွက် ပေးလိုသော အဖွဲ့အစည်း များကိုလည်း လက်ကမ်း ကြိုဆို၍ ပူးပေါင်းဆောင်ရွက်မည်ဖြစ် ကြောင်း သိရသည်။ ယင်းအဖွဲ့၏ တည်နေရာ ရုံးခန်းသည် အမှတ် ၂၆ဝ တတိယထပ်၊ ယာဘက်ခြမ်း၊ ပြည် တော်အေးလမ်း၊ လေးထောင့်ကန်ရပ် ကွက်၊ သင်္ဃန်းကျွန်းမြို့နယ်၊ ရန်ကုန် မြို့၊ ဖုန်း ဝ၉-၇၃၁၂၉ဝ၄ဝ ဖြစ်ကြောင်း သိရပါသည်။

ဝဝ၅

ဆက်စပ်သတင်းများ

ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

အမေ့အရိပ် နယ်စည်းမခြား ပညာဒါနကျောင်း

ရန်ကုန်၊ နိုဝင်ဘာ ၁၈၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*