မြန်မာနိုင်ငံ လူဦးရေ၏ ၇ဝ ရာခိုင်နှုန်းခန့်ရှိသော ကျေးလက်နေ ပြည်သူများ၏ အခြေပြု စီးပွားရေး လုပ်ငန်း ဖြစ်သည့် စိုက်ပျိုးရေးနှင့် ဥယျာဉ်ခြံမြေလုပ်ငန်းများကို အဓိက ထား၍ အုတ်တစ်ချပ် သဲတစ်ပွင့် အဖြစ် အရုဏ်ဦး လူမှုဖွံ့ဖြိုးရေး အသင်းမှ ပံ့ပိုးကူညီ ပေးလျက် ရှိသည်။

အရုဏ်ဦး လူမှုဖွံ့ဖြိုးရေး အသင်းကို ၂ဝဝ၈ ခုနှစ်၊ မေ ၅ ရက်တွင် စတင်ဖွဲ့စည်းခဲ့ပြီး ကျေးလက်နေ မိသားစု၏ သက်မွေး ဝမ်းကျောင်း လုပ်ငန်းများ ကို ထောက်ခံပေးခြင်း၊ တောင်သူနှင့် လယ်သမားငယ်များ အတွက် စိုက်ပျိုးရေးစရိတ် ပံ့ပိုးပေးခြင်း၊ စိုက်ပျိုးရေး ပညာသင်တန်းများ  ပို့ချပေးခြင်း၊ ဈေးကွက်များ ရှာဖွေ ချိတ်ဆက် ပေးခြင်း၊ လယ်ယာအတွင်း ဆားငံရည် ဝင်ခြင်း၊ ကျွဲနွားများ သေကျေခြင်း၊ လယ်ယာ ကိရိယာများ ပျက်စီးခြင်းနှင့် မျိုးစေ့များ ပျက်စီးခြင်း ပြဿနာ များကို ဖြေရှင်းပေးခြင်း၊ ဥယျာဉ်ခြံ လုပ်ငန်းများ ပံ့ပိုးပေးခြင်း၊ အိမ်ထောင်ရှင် အမျိုးသမီးများ အိမ်တွင်း အလုပ်များ လုပ်ကိုင်နိုင်ရန် နည်းလမ်းပေး ပံ့ပိုးခြင်း လုပ်ငန်းများကို အဓိကထား ဆောင်ရွက်သည်။

လယ်ယာ စိုက်ပျိုးရေးကို အဓိက ထား၍ ပံ့ပိုးပေးရခြင်းနှင့် စပ်လျဉ်း၍ အသင်းမှ ဒါရိုက်တာ ဦးကျင့်ခန့်လျန်းက “သူတို့ ဒေသမှာ ဝမ်းစာ မဖူလုံတာတွေ နှစ်တိုင်း ဖြစ်နေ တာ ကြာလှပြီ။ ဘာကြောင့်လဲလို့ အဖြေရှာကြည့်တော့ စိုက်ပျိုးရေး နည်းစနစ် လိုအပ်နေတာ တွေ့တယ်။ နောက် စိုက်ခင်းတွေ အားလုံးက မိုးတစ်ခုကိုပဲ မျှော်နေကြ တယ်။ အခုခေတ်မှာ လည်း ရာသီဥတု ပြောင်းလဲမှုကြောင့် မိုးအချိန် မမှန်တာတွေ ရှိတော့ ငုတ်တုတ်ပဲ နေရတော့တယ်။ အဲဒါကြောင့် ကျွန်တော်တို့က ရာသီဥတုဒဏ် ပိုခံနိုင်တဲ့ မျိုးစေ့တွေကို မိတ်ဆက်ပေးတယ်။ တောင်သူတွေကို အသိပညာ ပေးရင်းနဲ့ စံပြစိုက်ခင်းတွေ ပျိုးထောင်တာတွေ စမ်းသပ် ပြုလုပ် ပါတယ်”ဟု ဆိုသည်။

အရုဏ်ဦး လူမှုဖွံ့ဖြိုးရေး အသင်းမှ ၂ဝဝ၈ ခုနှစ်အတွင်း ရန်ကုန်တိုင်း ဒေသအတွင်းရှိ ရွှေပြည်သာ၊ လှိုင်သာယာ၊ သာကေတ၊ ကြည့်မြင်တိုင် တစ်ဖက်ကမ်း ဒေသများ တွင် ဆန်၊ ဆီ၊ ငါးပိ၊ ငါးခြောက် စသည့် အရေးပေါ် စားနပ်ရိက္ခာများ ပံ့ပိုးပေးခြင်း၊ ရေတွင်း၊ ရေကန်များ ရေလွှမ်းမိုးသဖြင့် သောက်သုံးရေသန့် ခက်ခဲသော ဒေသများ တွင် ရေသန့် ရရှိစေရန် ဆောင်ရွက်ပေးခြင်း၊ ရွေ့လျား ကျန်းမာရေး ဝန်ဆောင်မှု အနေဖြင့် အခမဲ့ ဆေးကုသပေးခြင်း၊ နာဂစ်ကြောင့် ပျက်စီးသွားသော နေအိမ်များ ကို ပြန်လည် ဆောက်လုပ်ပေးခြင်း၊ ဧရာဝတီတိုင်း ဒေသအအတွင်းရှိ ဘိုကလေး၊ လပွတ္တာနှင့် မော်လမြိုင်ကျွန်း ဒေသများတွင် သောက်သုံးရေနှင့် စားနပ်ရိက္ခာ ထောက် ပံ့ခြင်း၊ အရေးပေါ် ကယ်ဆယ်ရေး လုပ်ငန်းများ ဆောင်ရွက်ခြင်း၊ ပြန်လည် ထူထောင်ရေး အနေဖြင့် ငါးဖမ်းလှေ၊ ငါးဖမ်းပိုက်၊ ကဏန်း ထောင်ချောက်များ ပံ့ပိုးပေးခြင်းနှင့် မတင် ရင်းနှီးငွေ ပံ့ပိုးပေးခြင်း များကို ဆောင်ရွက်ခဲ့သည်။

ယင်းလုပ်ငန်းနှင့် ပတ်သက်၍ ကျေနပ် အားရကြောင်းကို ဦးကျင့်ခန့်လျန်းက “အစတုန်းက လှူဒါန်းပေးလာ မယ့် ပစ္စည်းကို မျှော်လင့်နေတဲ့ အနေအထား ကနေ ငွေကြေး အထောက်အပံ့ မယူတော့ဘဲ စွမ်းဆောင်ရည် မြှင့်တင်ရေး သင်တန်း၊ အတွေ့အကြုံ ဖလှယ်ရေး သင်တန်းတွေ တောင်းဆိုလာတယ်။ သူတို့ရဲ့ စိတ်နေ စိတ်ထား၊ ပူးပေါင်း ဆောင်ရွက် တတ်လာတဲ့ အတွေးနဲ့ ဒေသဖွံ့ဖြိုးရေးအတွက် သူတို့ကိုယ်တိုင် ဖန်တီးရမယ် ဆိုတဲ့ အသိစိတ်ဓာတ်တွေ မြင့်တက် လာတာ တွေကို အားရပီတိ ဖြစ်ရပါတယ်” ဟု ပြောသည်။

အန်ဂျီအိုများစွာ ပေါ်ပေါက် လာသဖြင့် အကျိုးများစွာ ရှိသော်လည်း အန်ဂျီအိုများ ဘက်မှ ယုံကြည်စိတ်ချရမည့် တာဝန် ယူမှုများ ရှိသင့်ကြောင်းကို “ကိုယ်က သူများကို အကူအညီပေးရမယ့် သူတွေ၊ နိုင်ငံတကာရဲ့ ရန်ပုံငွေ တွေ ကို မြန်မာပြည် ကိုယ်စား တာဝန်ခံရမယ့် သူတွေဆိုတော့ သူများတွေ ပေးရဲအောင်၊ စွမ်းဆောင်ရည် မြှင့်  တက် ယုံကြည်မှု ရှိအောင် ကိုယ့်ကိုယ်ကို အမြဲပြင်ဆင် ထားရမယ်”ဟု အန်ဂျီအိုများ အားလုံးအတွက် ဦးကျင့် ခန့်လျန်းက ပြောကြားခဲ့သည်။

စတင် ဖွဲ့စည်းချိန်တွင် အမာခံ ၁ဝ ဦးနှင့်စတင်ခဲ့သော အရုဏ်ဦး လူမှုဖွံ့ဖြိုးရေး အဖွဲ့သည် ယခုအချိန်တွင် ဝန်ထမ်းပေါင်း ၉ဝ ခန့်ဖြင့် စိုက်ပျိုးရေး လုပ်ငန်းများတွင် ကူညီ ပေးနေသည့်အပြင် မကွေးတိုင်း၊ မင်းတပ် မြို့နယ်တွင် စိုက်ပျိုးရေး အသိပညာ ပေးခြင်း၊ အမျိုးသမီးဦးစီး ဝင်ငွေတိုး လုပ်ငန်းများ ပံ့ပိုးပေးခြင်း၊ ငွေကြေး တွက်ချက်မှု ဆိုင်ရာ သင်တန်းများ ပို့ချပေးခြင်း၊ ရွာလမ်းနှင့် ကားလမ်းများ ပြုပြင်ပေးခြင်း၊ တံတားငယ်များ ဆောက်လုပ်ပေးခြင်းများ ဆောင်ရွက်လျက် ရှိသည်။ ထို့ပြင် ချင်းပြည်နယ်၊ တွန်းဇန်မြို့ နယ်တွင်လည်း ဒေသဝမ်းစာ ဖူလုံရေးနှင့် ကျေးလက် ဖွံ့ဖြိုးရေးအတွက် စိုက်ပျိုးရေးနှင့် မွေးမြူရေး လုပ်ငန်းများကို ကျေးလက် နေ ရွာသူရွာသားများ၏ စွမ်းဆောင်ရည် မြင့်တက်လာရန် ဦးစားပေး ဆောင်ရွက်လျက် ရှိသည်။

အရုဏ်ဦး လူမှုဖွံ့ဖြိုးရေး အသင်းအနေဖြင့် ရှေ့ဆက်၍ မကွေးတိုင်း ဂန့်ဂေါခရိုင် အတွင်းရှိ ကျေးလက်များ တွင် ရေရ ရှိရေးနှင့် ပြည်သူ့ ကျန်းမာရေး လုပ်ငန်းများ ဆောင် ရွက် ပေးသွားရန်နှင့် ချင်းပြည်နယ် တောင်ပိုင်း မတူပီ နှင့် မင်းတပ် မြို့နယ်များတွင် ဒေသဝမ်းစာ ဖူလုံရေး အထောက်အကူပြု စီမံကိန်းများ ဆောင်ရွက် ပေးသွားရန် စီစဉ်လျက် ရှိကြောင်း သိရှိရပါသည်။

ဝဝ၃

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*