အုတ်တစ်ချပ်သဲတစ်ပွင့် — ရန်ကုန်၊ ဇန်နဝါရီ ၂၈၊ ၂ဝ၁၃

လူမှုဘဝ၏ အခြေခံကိစ္စရပ် များကို သိမြင်နိုင်စေရန် လူမှုရေး သဘောတရားများကို လိုက်လံ သင် ကြားပေးလျှက် ရှိသော ကျောင်းထား မိခင် ဖွံ့ဖြိုးရေးအဖွဲ့ကို အုတ်တစ်ချပ် သဲတစ်ပွင့် ကဏ္ဍမှ ဖော်ပြပါသည်။

ကျောင်းထား မိခင်ကို ရပ်ကွက် တွင်း မိန်းမသားများက တစ်ပိုင် တစ်နိုင် ငွေစုငွေချေးလုပ်ငန်းစုဖွဲ့ခဲ့ ရာမှ စတင် ခဲ့ပြီး ၂ဝဝ၅ ခုနှစ်တွင် ဖွံ့ဖြိုးရေးအဖွဲ့အနေဖြင့် စတင်ဖွဲ့စည်း လုပ်ကိုင်ခဲ့ကြောင်း တာဝန်ခံ ဦးဆလိုင်း ခင်မောင်အေး က ပြောကြားသည်။

ကျောင်းထားမိခင်ဟု နာမည် ပေးရခြင်းကို တာဝန်ခံက ကျွန်တော်တို့ အဖွဲ့စပြီးဖွဲ့ချိန်က ရပ်ကွက်ထဲမှာ  ၂ လုံး၊ ၃ လုံး ထီထိုးကြတာ ခေတ်စားတယ်။ ဒီရပ်ကွက်ထဲမှာ ဆိုရင် အိမ်ပေါင်၊ ရောင်းပြီး နောက်ဆုံး ကျောင်းတက် နေတဲ့ သားသမီးကိုပါ ကျောင်းထုတ်ပြီး လက်ဖက်ရည်ဆိုင်မှာ အလုပ်လုပ်ခိုင်းပြီး လုပ်အားခရ လာတာတွေ ကိုလည်း ဒီ ၂ လုံးပဲ ထိုးတဲ့အထိ မိဘတွေက ဆိုးကြတယ်။ အဲဒီတော့ ဆင်းရဲမှုတွေ ဖြစ်တယ်။ ဒါကြောင့် ဒီလိုမျိုးတွေ မဖြစ်ဘဲ အမေ၊ အဖေတွေက ကိုယ့်ကလေးကို ပညာတတ် ဖြစ်စေချင်အောင်၊ ကျောင်းထားချင် အောင် ငွေကြေး ပြေလည်နိုင်အောင်၊ ငွေ စုငွေချေး နည်းတွေ သင်ပေး၊ စုပေးရင်းကနေ ကျောင်းထားမိခင် ဆိုတဲ့အဖွဲ့ နာမည်လေး ပေးဖြစ်တာပါ”ဟု ပြောသည်။

အဖွဲ့၏ အဓိကလုပ်ငန်းသည် micro credit အသေးစားငွေစုငွေချေး ခြင်းလုပ်ငန်းများကို ဆောင်ရွက်၍ အခြေခံ လူမှုဖွံ့ဖြိုးရေး နည်းပညာပေး သင်တန်းများကို ကျေးလက်ဒေသ များသို့ သွားရောက်သင်ကြားပေး ခြင်း၊ ကချင်ပြည်နယ်၊ ကယားပြည်နယ်၊ ချင်းပြည်နယ်၊ ဧရာဝတီတိုင်း ဒေသကြီး၊ ရန်ကုန်တိုင်း ဒေသကြီး၊ ရခိုင်ပြည်နယ် တို့ရှိ ကျေးလက် ဒေသ ၁၄ ခုတွင် မိတ်ဆွေအဖွဲ့ ၁၄ ဖွဲ့နှင့် ပူးပေါင်း၍ ဖွံ့ဖြိုးရေး လုပ်ငန်းများကို ဆောင်ရွက်သည်။

လူထုကိုယ်တိုင် ငွေစု၍ ငွေ ချေးပေးခြင်းလုပ်ငန်းအကြောင်းကို ဦးဆလိုင်းခင်မောင်အေးက “ကျေးလက်ဒေသ မှာ ငွေစုငွေချေး အဖွဲ့လေး တွေဖွဲ့ တစ်ယောက်ကို ၁ဝဝဝ ချင်း စုရင် အယောက် ၂ဝ ဆို ၂ဝဝဝဝ စသည်ဖြင့် အဲဒီလိုနည်းလေးတွေနဲ့ စုပြီး လိုအပ်တဲ့ သူက ငွေချေးရင် တကယ်လိုအပ်လား ဆုံးဖြတ်ပြီး ၃ ကျပ်တိုးနဲ့ ချေးကြတယ်။ အဲဒီလို လုပ်ပြီး အဲဒီစုတဲ့ ငွေကြေးထဲကို တခြားအလှူငွေတွေ ထည့်မစုဘူး။ ဘာကြောင့်လဲ ဆိုတော့ ကိုယ့်ချွေးနှဲစာလေးနဲ့ စုထားတဲ့ငွေဆိုတာ သိတော့ ချေးတဲ့သူကလည်း ပြန်ဆပ်တဲ့အခါ လေးစားတယ် ပေါ့။ အပြင်က အပူငွေတွေ ပါလာရင် အလကားရတဲ့ ငွေပူဖြစ်တဲ့အတွက် လေးစားမှုလည်း မရှိတော့ဘူးပေါ့။ အဲဒီလိုဆို သာမန် ငွေစုငွေချေးစနစ် က ပျက်ယွင်းပြီး ကြွေးပူစနစ်ဖြစ် သွားနိုင်တယ်လေ။ အဲဒါမျိုးမဖြစ် အောင် အခြေခံနည်းလမ်းတွေဖြစ်တဲ့ ရင်းနှီးချေးငွေမှသည် အကြွေးဖြစ်သော အကြောင်းအရင်းတွေကို ရှင်းပြပြီး နားလည် အောင် သင်ပေးတယ်။  စနစ်ကျတဲ့ ငွေစု၊ ငွေချေးနည်း ပညာလေးတွေ လုပ်ဆောင်ဖွဲ့စည်း ပေးပါတယ်” ဟု ပြောကြားသည်။

အဖွဲ့၏ နောက်ထပ် ကူညီရေး လုပ်ငန်းများတွင် သဘာဝ ပတ်ဝန်းကျင် ဖွံ့ဖြိုးရေး သင်တန်းများဖြစ်သော ရွှံ့မီးဖို ပြုလုပ်ခြင်း၊ သစ်မွှေး မျိုးစေ့ ဖြန့်ဖြူးခြင်း၊ သဘာဝ တီကောင် မွေးမြူ၍ တီကောင် စွန့်ပစ်ရည်နှင့် စိုက်ပျိုးရေး လုပ်ငန်းလုပ်ကိုင်ခြင်းများကို မိတ်ဆွေအဖွဲ့များ နှင့် ပူးပေါင်း၍ ကျေးလက် ပြည်သူများကိုယ်တိုင် စိုက်ပျိုး လုပ်ကိုင်နိုင်အောင် သင်ကြားပေးသည်။

mudstove

ရွှံ့မီးဖိုသည် အသုံးပြုရာ၌ လောင်စာသက်သာခြင်း၊ ဥပမာ-ထင်း ၃ ချောင်းကုန်သည့်နေရာ၌ ၁ ချောင်းခွဲသာ ကုန်ခြင်းကြောင့် သဘာဝ သစ်တော သစ်ပင်များကို လည်း ချွေတာနိုင်ပြီး သစ်ကိုင်း ခြောက်၊ သစ်ရွက်များကိုပါ သုံးစွဲနိုင်သည်။

သစ်မွှေးမျိုးစေ့ ဖြန့်ဖြူးရာ၌ လည်း ချင်းပြည်နယ်နှင့် အခြားတိုင်း ဒေသကြီးများ၌ မျိုးစေ့တစ်ပင် စိုက်လျှင် ထိုနေရာ၌ အခြားသစ်ပင်လေးပင် ပြန်စိုက်ပေးရမည်ဟု သဘာဝ ပတ်ဝန်းကျင် ထိန်းသိမ်းသည့် သဘော သတ်မှတ် ဖြန့်ဖြူးပေးကြောင်း သိရသည်။

ကျောင်းထားမိခင်အဖွဲ့တွင် ဒါရိုက်တာ၊ တာဝန်ခံနှင့် ပရဟိတ လုပ်ဆောင်သူ လူငယ်များနှင့် ဆောင်ရွက်နေပြီး အန်ဂျီအိုလူမှုကူညီ ရေးအဖွဲ့ မှတ်ပုံတင်ကို တင်ထား သည်မှာ နေပြည်တော်သို့ ရောက်ရှိ နေပြီး အသင်းအဖွဲ့ မှတ်ပုံတင် ရရှိရန် ဆောင်ရွက်နေဆဲဖြစ်ကြောင်း ဦးဆလိုင်းခင်မောင်အေးက ပြော ကြားခဲ့သည်။

ကျောင်းထားမိခင်အဖွဲ့၏ ရုံးခန်းတည်ရှိရာနေရာသည် အင်းစိန် မြို့နယ်၊ ဇီးအုန်ကုန်းလမ်း၊ ခြံနံပါတ် ၁ဝ၁၊ ဖုန်း-၉၅-ဝ၁-၆၄ဝ၆၃၈ ဖြစ်ကြောင်း သိရသည်။

ဝဝ၅

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

အမေ့အရိပ် နယ်စည်းမခြား ပညာဒါနကျောင်း

ရန်ကုန်၊ နိုဝင်ဘာ ၁၈၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*