ပညာရေး သတင်း — နေပြည်တော်၊ မတ် ၂၂၊ ၂ဝ၁၃
ကျောင်းသင်ခန်းစာများတွင် နိုင်ငံရေး နှင့် ပတ်သတ်သည့် သင်ခန်းစာများ သင်ကြားခွင့် ရတော့မည် ဖြစ်သည်

ကျောင်းသင်ခန်းစာများတွင် နိုင်ငံရေး နှင့် ပတ်သတ်သည့် သင်ခန်းစာများ သင်ကြားခွင့် ရတော့မည် ဖြစ်သည်

 ကျောင်း သင်ခန်းစာများတွင် နိုင်ငံတကာ ဒီမိုကရေစီ ကျင့်စဉ်များနှင့် နိုင်ငံရေးသိပံ္ပတို့ကို သင်ကြားပေးမည်ဟု မတ် ၂၂ ရက်က နေပြည်တော်တွင် ကျင်းပသော ပြည်သူ့ လွှတ်တော်၌ ပညာရေး ဝန်ကြီးဒေါက်တာမြအေးက ကိုယ်စားလှယ် ဦးမြင့်စိုး၏ မေးခွန်းကို ပြန်လည်ဖြေကြားရာတွင် ပြောကြားခဲ့သည်။

ပျော်ဘွယ် မဲဆန္ဒနယ်မှ ကိုယ်စားလှယ် ဦးမြင့်စိုးက အချို့ပြည်သူတို့မှာ ဒီမိုကရေစီသဘောတရား စံနှုန်း ကျင့်စဉ်များကို သိရှိနားလည်မှု အားနည်းသည့် အတွက် ဒီမိုကရေစီ အလွဲသုံးစားပြုသူများက ရိုးသားသော အချို့ ပြည်သူများကို အသုံးချနေမှုများလည်း ရှိနေကြောင်း၊ ထိုကဲ့သို့ အသုံးချမခံရစေရန် ဒီမိုကရေစီစနစ်ကို စနစ်တကျ ကျင့်သုံး၍ ငြိမ်းချမ်းဖွံ့ဖြိုးတိုးတက် သော ကမ္ဘာ့နိုင်ငံများ၏ ဒီမိုကရေစီကျင့်စဉ်များ၊ စံနှုန်းများ၊ ကျင့်သုံးပုံ များ၊ မြန်မာနိုင်ငံ၏ ဒီမိုကရေစီဖော်ဆောင်မှု အကြောင်းများကို အလယ်တန်း အဆင့်၊ အထက်တန်း အဆင့်၊ အဆင့်မြင့်ပညာအလိုက် သိရှိလေ့လာနိုင်ရန် ထည့်သွင်းသင်ကြား ပေးသင့်သဖြင့် ကျောင်းသင်ခန်းစာ များတွင် ကျွမ်းကျင်သော ပညာရှင်များနှင့် တိုင်ပင်ကာ ထည့်သွင်း သင်ကြားပေးနိုင်ခြင်း ရှိ၊ မရှိ မေးမြန်းခဲ့ ပါသည်။

ထိုမေးခွန်းနှင့် စပ်လျဉ်း၍ ပညာရေး ဝန်ကြီးဌာန၊ ပြည်ထောင်စု ဝန်ကြီး ဒေါက်တာမြအေးက မျိုးဆက်သစ် လူငယ်များ၏ စိတ်ဓာတ်နှင့် ကိုယ်ကျင့်တရား မြင့်မားရေး အတွက် စာရိတ္တနှင့် ပြည်သူ့နီတိ၊ စာရိတ္တနှင့် လောကနီတိ ဘာသာရပ် သင်ခန်းစာများကို အခြေခံပညာအဆင့်အလိုက်  သင်ကြားပေးလျက်ရှိပြီး ဒီမိုကရေစီ စိတ်ထား ကျင့်စဉ်နှင့် ဆက်နွယ်သော လူ့အခွင့်အလမ်းများ၊ ပညာရေးသင်ခန်းစာများကို ပဉ္စမတန်းမှ နဝမတန်း အထိ သင်ကြား လေ့ကျင့်ပေးလျက် ရှိပါကြောင်း၊ ယခင်က ဆရာကိုင်စာအုပ်သာ ရှိခဲ့သော်လည်း လာမည့်နှစ်မှစ၍ ကျောင်းသားကိုင် စာအုပ်တွင်ပါ ပြုစုဖြန့်ဝေသွားမည်ဖြစ်ကြောင်း၊ ကျောင်းသား ကျောင်းသူများ ၏ ကိုယ်ရည် ကိုယ်သွေးနှင့် ပညာရေး အချိုးညီပြည့်ဝလာစေရေး အတွက် လူမှုစီးပွားရေးနယ် ပယ်တွင် ခိုင်မာစွာ ရှင်သန်နိုင်မည့် တွေးခေါ် ကျင့်ကြံပြုမူနေထိုင် တတ်သည့် အရည်အသွေးများ ပြည့်ဝလာစေရန် ယခု ပညာသင်နှစ်မှစ၍ တိုင်းဒေသကြီး၊ ပြည်နယ် အလိုက် ကျောင်းသား၊ ကျောင်းသူများအား ဗဟိုအဆင့်နှင့် ကျောင်း အဆင့် ကင်းထောက် သင်တန်းများ ဖွင့်လှစ်ပို့ချပေးခဲ့ပြီး ကင်းထောက် ကတိနှင့် ကျင့်ဝတ်များတွင် ပါရှိသည့် သူတစ်ပါးအား အစဉ်ကူညီသည့် ဂုဏ်သိက္ခာသည် ယုံကြည်စိတ်ချ ရသည်၊ ကိုယ်နှုတ်နှလုံး သုံးပါးစလုံး ဖြူစင်သန့်ရှင်းသည်ဟူသည့် လူသား တစ်ယောက်ဖြစ်ရေး အတွက် လေ့ကျင့် ပြုစုလျက်ရှိပါကြောင်း၊ အဆင့်မြင့် ပညာကဏ္ဍတွင် တက္ကသိုလ် ပထမနှစ် ကျောင်းသားများအား ဒီမိုကရေစီနှင့် ပတ်သက် ဆက်နွယ်သော သင်ရိုးညွှန်းတမ်း များကို သမိုင်းဘာသာတွင် ထည့်သွင်းသင်ကြားလျက်ရှိပြီး ကမ္ဘာ့ သမိုင်း ဘာသာရပ်ကို သမိုင်းအထူးပြု ကျောင်းသား၊ ကျောင်းသူများအတွက် ပထမနှစ်နှင့် သမိုင်းအထူးပြု မဟုတ်သော ကျောင်းသား၊ ကျောင်းသူများ အားလုံး အတွက် ပထမနှစ်၊ ဒုတိယနှစ်ဝက်တွင် လည်းကောင်း၊ Modern Myanmar ကို တတိယနှစ်သမိုင်းအထူးပြု၊ ပထမနှစ် ဂုဏ်ထူးတန်း သမိုင်း အထူးပြုကျောင်းသား၊ ကျောင်းသူများ အတွက် လည်းကောင်း၊ မြန်မာ နိုင်ငံဖွဲ့စည်းပုံ အခြေခံဥပဒေသမိုင်း Constitutional History of Myanmar ကို တတိယနှစ် ဂုဏ်ထူးတန်း သမိုင်းအထူးပြုကျောင်းသား၊ ကျောင်းသူများ အတွက်လည်းကောင်း သင်ကြားပေးလျက် ရှိပါကြောင်း၊ နိုင်ငံတကာ ဆက်ဆံရေးပညာ အထူးပြု ဂုဏ်ထူးတန်းနောက်ဆုံးနှစ်နှင့် မဟာဝိဇ္ဇာ အရည်အချင်းစစ် သင်တန်းတွင် ဒီမိုကရေစီနှင့်ဆက်နွယ်သော Political Science, Democracy စသည့် ဘာသာရပ်များ ကို ထည့်သွင်း သင်ကြားလျက် ရှိပါကြောင်း၊ ထို့အပြင် မကြာခင် Political Science ဘာသာရပ်တစ်ခုကို ဌာနအသစ် အနေဖြင့် ထူထောင် သွားမည် ဖြစ်ကြောင်း လည်း ဖြေကြားခဲ့ပါသည်။

ဝ၃၆

ဆက်စပ်သတင်းများ

ပါရမီကောလိပ် ရွှေဂုံပလာဇာတွင် ဖွင့်

ပါရမီကောလိပ် ရွှေဂုံပလာဇာတွင် ဖွင့်

ရန်ကုန်၊ ဇန်နဝါရီ ၁၂၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*