ပြည်တွင်းသတင်း — မတ် ၁၃၊ ၂ဝ၁၃

မတ် ၁ – ရန်ကုန်စီးပွားရေး တက္ကသိုလ် ကျောင်းသားများ သမဂ္ဂ (ဗကသ များအဖွဲ့ချုပ်)မှ  ရန်ကုန်မြို့၊ ဒဂုံမြို့သစ် မြောက်ပိုင်း ရှိ အိပ်မက်လှရထားလေး ကလေးသူငယ် ဖွံ့ဖြိုးတိုးတက်ရေး ပရဟိတဂေဟာသို့ သွားရောက်ပြီး အဖွဲ့ဝင်ကျောင်းသားများ၏ စုဆောင်းထည့်ဝင်ငွေများဖြင့် နေ့လယ်စာနှင့် အအေး၊ မုန့်များ လှူဒါန်း ခဲ့ကြကြောင်း သိရှိရသည်။

မတ် ၄ – ယခင် ကျေးရွာ အုပ်ချုပ်ရေးမှူးဟောင်းနှင့် အပေါင်းအပါများ၏ ကန့်ကွက်ချက်ကြောင့် ကျောက်တန်း မြို့နယ် အထွေထွေ အုပ်ချုပ်ရေး မှူး၏ ကျေးရွာ အုပ်ချုပ်ရေးမှူး ပြန်လည်ရွေးချယ်ရန် ညွှန်ကြားချက်အား မကျေနပ် ကြသည့် ရွာသူ/သားများ၏ ပထမဆုံးအကြိမ် တရားဝင် စီတန်းလှည့်လည် ဆန္ဒဖော်ထုတ်ပွဲတွင် ရန်ကုန် တောင်ပိုင်း ခရိုင် ကျောင်းသားများ သမဂ္ဂမှ ကျောင်းသားများက ပူးပေါင်းပါဝင်ခဲ့ကြောင်း ယင်း သမဂ္ဂ၏ သတင်း ထုတ်ပြန်ချက်အရ သိရှိရသည်။

မတ် ၄ – မန္တလေးမြို့၊ အာဇာနည် ၁၇ ဦး ဗိမာန်တွင် ကျင်းပခဲ့သော  ၁၃ဝဝ ပြည့်အရေးတော်ပုံ ၇၄ နှစ်မြောက် စိန်ရတုအကြို မန္တလေး အာဇာနည် ၁၇ ဦး ဂုဏ်ပြုပွဲအခမ်းအနားသို့ ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ချုပ်မှ သဝဏ်လွှာနှင့် လွမ်းသူ့ပန်းခွေ ပေးပို့ခဲ့ ကြောင်း သတင်းရရှိသည်။

မတ် ၅ – ရန်ကုန်စီးပွားရေး တက္ကသိုလ် ကျောင်းသားများသမဂ္ဂ အလုပ် အမှုဆောင် အစည်းအဝေးကျင်းပခဲ့ပြီး  ယခင်ဥက္ကဋ္ဌဟောင်းမှ အသစ်ဖွဲ့စည်းလိုက်သော အလုပ်အမှုဆောင်အဖွဲ့ထံ ယင်းလက်ထက်တွင် ရန်ကုန် စီးပွားရေး တက္ကသိုလ် ကျောင်းသားများ သမဂ္ဂစတင်ဖြစ်ပေါ်လာပုံ၊ ဆောင်ရွက်ခဲ့သော လုပ်ငန်းများနှင့် ယင်း၏ သဘောထား အမြင်များကို ဖော်ပြထားသည့် စာတစ်စောင်အားပေးပို့ခဲ့ရာ ထိုစာပါအချက်များအား အလုပ် အမှုဆောင်အဖွဲ့က ဆွေးနွေး ခဲ့ပြီး အောက်ပါ လုပ်ငန်းစဉ် များအား ချမှတ်ခဲ့သည်။

(၁) ရန်ကုန် စီးပွားရေး တက္ကသိုလ်နှင့် နီးစပ်ရာ တက္ကသိုလ် များတွင် ကျောင်းသားသမဂ္ဂများ ပေါ်ပေါက်စေရန် ဆက်လက်ဆောင်ရွက် သွားမည်။

(၂) အကယ်၍ အခြားသမဂ္ဂများ ဖွဲ့စည်းပြီးပါက ခရိုင်အဖြစ် ရပ်တည်ရန် သင့်မသင့်အဆိုကို ဆွေးနွေးရာတွင် ရန်ကုန်စီးပွားရေး တက္ကသိုလ်ကျောင်းသားများသမဂ္ဂအား သီးခြားလွတ်လပ်သော တကသ  အဖြစ်သာ ရပ်တည်သွားရန် ဆုံးဖြတ်ချက်ချခဲ့ကြသည်။

(၃) ဗမာနိုင်ငံလုံး ဆိုင်ရာကျောင်းသားသမဂ္ဂများအဖွဲ့ချုပ်အား တစ်ခုတည်းသော ဗဟိုအဖြစ် အသိအမှတ်ပြုပြီး ဗကသများ အဖွဲ့ချုပ်၏ မူ ၅ ချက်ကို ကိုင်စွဲ သွားမည် ဖြစ်ကြောင်းဆုံးဖြတ်ခဲ့ကြသည်။

မတ် ၇ – မုံရွာခရိုင် ကျောင်းသားများ သမဂ္ဂ (ဗကသများအဖွဲ့ချုပ်)မှ ဦးဆောင်၍ မုံရွာခရိုင်၊ ကနီမြို့နယ်တွင် အခြေခံပညာ ကျောင်းသားများသမဂ္ဂ (အကသ)ကို  ဖွဲ့စည်းပေးခဲ့ပြီး အကသ အလံအား လွှဲပြောင်းပေးအပ် ခဲ့ကြောင်း သတင်းရရှိသည်။

မတ် ၇ – ၂ဝ၁၃ ခုနှစ်၊ ဖေဖော်ဝါရီ ၁၅ ရက်က စတင်ဖွဲ့စည်းခဲ့သော မကွေးဆေးတက္ကသိုလ် ကျောင်းသားများ သမဂ္ဂမှ  သမဂ္ဂ ဖွဲ့စည်းရခြင်း၏ ရည်ရွယ်ချက်များကို အောက်ပါအတိုင်းထုတ်ပြန်လိုက်သည်။

(၁)     ကျောင်းသား၊ ကျောင်းသူများ၏ ရသင့်ရထိုက်သောအခွင့်အရေး များကိုတောင်းဆိုရန်၊

(၂)     ကျောင်းသား၊ ကျောင်းသူများ၏ အခွင့်အရေးများကို ကာကွယ် စောင့်ရှောက်ရန်၊

(၃)     ကျောင်းသား၊ ကျောင်းသူများ၏ စုပေါင်း ဆောင်ရွက်တတ်မှု စွမ်းရည်ကို မြှင့်တင်ရန်၊

(၄)     ကျောင်းသား၊ ကျောင်းသူများ၏ ရုပ်ပိုင်းဆိုင်ရာနှင့် စိတ်ဓာတ်ပိုင်းဆိုင်ရာ ဖွံ့ဖြိုးတိုးတက်လာစေရန်၊

(၅)     ကျောင်းသား၊ ကျောင်းသူများ၏ အတွေးအခေါ်စွမ်းရည် မြင့်မားလာစေရန်၊

(၆)     အရည်အသွေးပြည့်ဝသောနှလုံးလှဆရာဝန်များ ပေါ်ထွက်လာစေရန်၊

(၇)     ကျောင်းသား၊ ကျောင်းသူများ၏ အရည်အသွေးကို မြှင့်တင်ခြင်းမှ တစ်ဆင့်နိုင်ငံတော်၏ လူ့စွမ်းအား အရင်းအမြစ် တိုးတက်ဖွံ့ဖြိုးလာစေရန်တို့ ဖြစ်ကြကြောင်း ယင်းသမဂ္ဂ၏ သတင်းနှင့် ပြန်ကြားရေး ကော်မတီ၏ ထုတ်ပြန်ချက် အရ သိရှိရသည်။

မတ် ၁ဝ – ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (မြင်း ခြံခရိုင်ကျောင်းသားများသမဂ္ဂ) ဖွဲ့စည်းခြင်း တစ်နှစ်ပြည့် နှစ်ပတ်လည် အဖြစ် ပညာရေးပြုပြင်ပြောင်းလဲမှုဆိုင်ရာ နှီးနှောဖလှယ်ပွဲကို မြင်းခြံ မြို့တွင် ၂ဝ၁၃ ခုနှစ်၊ မတ် ၉ ရက်မှ ၁၁ ရက်အထိကျင်းပပြုလုပ်ခဲ့သည်။ ယင်းအခမ်းအနား သို့ ကျောင်းသား ကျောင်းသူများ၊ ဗကသများ အဖွဲ့ချုပ် (ဗဟိုကော်မတီ)မှ အဖွဲ့ဝင်များ၊ ဗကသများ အဖွဲ့ချုပ်(အထက်မြန်မာပြည် လုပ်ငန်းကော်မတီ) အဖွဲ့ဝင်များနှင့် စိတ်ပါဝင်စားသူမြို့ခံများ၊ လူမှုကူညီရေး အဖွဲ့အစည်းများ တက်ရောက်ခဲ့ကြပြီး တက္ကသိုလ်အက် ဥပဒေနှင့် ကျောင်းသားထု လိုအပ်ချက်များ၊ ပညာရေးပြုပြင်ပြောင်းလဲမှု ဆိုင်ရာများ ဆွေးနွေးခဲ့ကြကြောင်း သိရှိရသည်။

မတ် ၁၁ – မကွေးဆေးတက္ကသိုလ် ကျောင်းသားများ သမဂ္ဂက ဆေးမင်တံ စာစောင်ကို ပထမဦးဆုံး အကြိမ် အဖြစ် ထုတ်ဝေခဲ့ကြောင်း သိရှိရသည်။

ဝ၆၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*