အုတ်တစ်ချပ်သဲတစ်ပွင့် — ဒီဇင်ဘာ ၆၊ ၂ဝ၁၂

ကျေးလက်နေ အခြေခံ ပြည်သူများ လူနေမှုဆင်းရဲခြင်း ဒုက္ခမှ ကင်းဝေးစေရန် အလုပ်အကိုင်အခွင့်အလမ်း များ ကူညီရှာဖွေပေးရန်၊ လူနေမှု စိတ်ဓာတ်မြင့်မားစေရန် အသိပညာ၊ အတတ်ပညာများကို သင်ကြားပေး ၍ ကျန်းမာရေးဆိုင်ရာ ဝန်ဆောင်မှု ပေးလိုခြင်းနှင့် ကူညီဖြေရှင်းပေးလို သော စိတ်ဓာတ်ဖြင့် ဖွဲ့စည်းတည် ထောင်ထားသည့် ကျေးလက်ဒေသ ဖွံ့ဖြိုးတိုးတက်ရေးဝန်ဆောင်မှုအသင်း သည် အထက်ပါလုပ်ငန်းများကို လုပ်ဆောင်၍ အုတ်တစ်ချပ်သဲတစ် ပွင့်အဖြစ် ဆောင်ရွက်လျက်ရှိသည်။

ကျေးလက်ဒေသ ဖွံ့ဖြိုးရေးအသင်း ကို ၁၉၉၇-၁၉၉၈ တွင် စတင် တည်ထောင်ခဲ့ပြီး လူမှုရေးလုပ်ငန်း များနှင့် ကာကွယ်ဆေးတိုက်ကျွေး ခြင်း၊ အမျိုးသမီးရေးရာအသင်းများ ၏ အိမ်တွင်းမှုလုပ်ငန်းများကို လိုက် လံ ကြည့်ရှုရာမှ စိတ်ပါဝင်စားမှု ရှိလာ၍ တည်ထောင်ခဲ့ခြင်းဖြစ် ကြောင်း အသင်းဥက္ကဋ္ဌဦးခင်မောင် ဝင်းက ပြောကြားသည်။

ကျေးလက်နေ အခြေခံပြည်သူ များ၏ လူနေမှုဒုက္ခမှ ကင်းဝေးစေ လိုသည့် အသင်း၏ရည်ရွယ်ချက် အရ သင်တန်းများပို့ချပေးခြင်း၊ သက်ကြီးရွယ်အိုများ၏ ကျန်းမာရေး နှင့် လိုအပ်ချက်များကို ကူညီစောင့် ရှောက်ပေးခြင်း၊ မျက်စိဝေဒနာသည် များနှင့် နှုတ်ခမ်းကွဲဝေဒနာရှင်များ ကို ခွဲစိတ်ကုသပေးခြင်း၊ ရပ်ကွက်  တွင်းရှိ မသန်စွမ်းသူများကို အထောက်အကူပြုပစ္စည်းများ ပေး အပ်လှူဒါန်းခြင်းတို့ကို ဆောင်ရွက် ပေးလျက်ရှိကြောင်း သိရသည်။

သင်တန်းများကိုပို့ချရာ၌ ရပ် ကွက်ကျေးရွာအတွင်းရှိ အမျိုးသမီး များ အလုပ်အကိုင်ရရှိစေရန် အသက် မွေးဝမ်းကျောင်းပညာများဖြစ်သော သစ်သီးအလှပြင်ခြင်း၊ အိမ်တွင်းမှု အစားအသောက်မုန့်လုပ်ခြင်းတို့ကို သင်ကြားပေးသည်။ စက်ချုပ်သင် တန်းနှင့် ဇာထိုးပန်းထိုးသင်တန်း၊ မျက်တောင်တုလုပ်ငန်းများကိုလည်း သင်ကြားပေးသည်။

အလုပ်အကိုင်အခွင့်အလမ်းများ အနေဖြင့် စက်ချုပ်သင်တန်းကဲ့သို့ သင်တန်းပြီးပါက သင်တန်းသူသည်  စက်ချုပ်ဆိုင်ဖွင့်လိုပါက အရင်းအနှီး အနည်းငယ်ထုတ်ချေးခြင်း၊ ရပ် ကွက်တွင်းရှိခေါင်းရွက်ဈေးသည်များ (ဥပမာ ပဲပြုတ်၊ ဖရဲသီးသည်များ) ကို အတိုးနှုန်းနည်းပါးစွာ အရင်း အနှီးထုတ်ချေးခြင်း၊ ပညာရေးလုပ် ငန်းများကိုဆောင်ရွက်ရာ၌ ကျောင်း နေအရွယ် ပညာသင်ကြေး မတတ် နိုင်သည့် ကလေးများကို စရိတ် ထောက်ပံ့ခြင်း၊ ၉ တန်း၊ ၁ဝ တန်း ညနေကျောင်းများ ဖွင့်လှစ် ပေးခြင်း၊ မူကြိုနေကလေးထိန်း ဆရာဖြစ်သင် တန်းဖွင့်လှစ်၍ ကလေးထိန်းကျောင်း များ လိုက်လံဖွင့်လှစ် ပေးခြင်းတို့ကို ပြုလုပ်သည်။ အသက်မွေးဝမ်းကျောင်း သင်တန်းများကို ရန်ကုန်နှင့် မော်လ မြိုင်(သံဖြူဇရပ်)မြို့များတွင် ဖွင့်လှစ် သင်ကြားပေးပြီး ကျန်းမာရေးစောင့် ရှောက်မှုတွင် မွန်ပြည်နယ်၌ သံဖြူ ဇရပ်ဘိုးဘွားရိပ်သာကို ဖွင့်ထား ကာ အဘိုးအဘွားများ၏ ကျန်းမာရေး နှင့် လိုအပ်ချက်များကို ဖြည့်ဆည်း စောင့်ရှောက်လျက်ရှိကြောင်း၊ ရန်ကုန်၌ လည်း ရပ်ကွက်တွင်းရှိအဘိုးအဘွား ၄ဝ ကျော်တို့ကို တနင်္ဂနွေနေ့တိုင်း အိမ်တိုင်ရာရောက် ဆေးကုသပေး ခြင်းများကိုပြုလုပ်သည့် စီမံချက်ကို ဆရာဝန်၊ ကျန်းမာရေးဝန်ထမ်းများ ငှား၍ ဆောင်ရွက်နေကြောင်း သိရ သည်။

အဘိုးအဘွားများကို အိမ် အရောက် ကျန်းမာရေးစောင့်ရှောက် ပေးခြင်း စီမံချက်နှင့်ပတ်သက်၍ အသင်းဥက္ကဋ္ဌဦးခင်မောင်ဝင်းက “အချို့ အဘိုးအဘွားတွေက ဆရာ ဝန်အဖွဲ့လာရင် သူတို့ကျေနပ်တယ်။ ဆေးကုတာမကုတာထား၊ သူတို့ရဲ့ အိမ်မှာနေရင် အထီးကျန်ဆန်တဲ့ အခက်အခဲတွေကို စကားပြောချင် တော့ ဆေးလာကုမယ့်အဖွဲ့တွေလာ ရင်သူတို့ပျော်ကြတယ်။ ဒီကျန်းမာ ရေးစောင့်ရှောက်မှုက အဓိကတော့ အဘိုးအဘွားတွေကို နှစ်သိမ့်ချင်တဲ့ သဘောလည်း ပါ ပါတယ်”ဟု ပြောကြားခဲ့သည်။

ကျေးလက်ဖွံ့ဖြိုးရေးဝန်ဆောင် မှုအသင်း၏ သင်တန်းများတွင် ထူး ခြားသည့် သင်တန်းတစ်ခုမှာ မျက် တောင်တုပြုလုပ်ခြင်းသင်တန်းဖြစ် သည်။ ကိုရီးယားနိုင်ငံမှ လုပ်ငန်း ရှင်များက မြန်မာနိုင်ငံတွင် စက်ရုံ လာရောက်ဖွင့်လှစ်ပြီး အမျိုးသမီး များ ဝင်ငွေတိုး အလုပ်အကိုင်ရရှိစေ ရန် သင်ကြားပေးကြောင်းသိရသည်။

မျက်တောင်တုလုပ်ငန်းနှင့်ပတ် သက်၍ ဦးခင်မောင်ဝင်းက “ဒီမျက်တောင်တု လုပ်ငန်းကို ကျွန်တော်တို့ သင်တန်းတွေမှာ သင်ကြားပေး ပြီး သင်တန်းသူတွေ တတ်မြောက် သွားရင် မျက်တောင်တုပြုလုပ်တဲ့ စက်ရုံမှာ သွားလုပ်ရင် မျက်တောင် တစ်စုံကို ၅ဝ ကျပ်ပေးပါတယ်။ တတ်မြောက်သွားတဲ့လူ အတွက်က မျက်တောင်တစ်စုံလုပ်ရင် ၁ဝ မိနစ် ကြာအချိန်ပေးရပါတယ်။ ဒီသင်တန်း ကို တစ်လကြာသင်ပေးပေမယ့် သုံး လေးရက်ဆိုရင် တတ်ကြပါတယ်” ဟု ပြောကြားခဲ့သည်။

အသင်း၏ ငွေကြေးသုံးစွဲမှု အနေဖြင့် အလှူရှင်များ၏ လှူဒါန်း ငွေများ၊ (Embassy small grante program) သံရုံးမှ အသေးစားငွေ ကြေးထောက်ပံ့မှုတွေကို လျှောက် ထားပြီး သုံးစွဲကြောင်း၊ စက်ချုပ် သင်တန်း သင်ကြားသည့်အခါ အပ် ချုပ်စက်များကို ယခင်က သင်တန်း သူများ သင်ကြားခဲ့သည့်စက်များကို အရစ်ကျ ငွေပေးချေမှုစနစ်ဖြင့် ပေးခဲ့ သော်လည်း ယခုတွင် အလှူရှင်များ က လှူဒါန်းခြင်းကြောင့် သင်တန်း သူများ သင်ကြားပြီးသည်နှင့် ယင်း တို့ကို အပိုင်ပေးလိုက်ကြောင်း ဦးခင်မောင်ဝင်းက ပြောသည်။

ကျေးလက်ဒေသဖွံ့ဖြိုးတိုးတက် ရေးအသင်းသည် ရန်ကုန်၊ ပုလဲမြို့ သစ်ရှိ ကာယရွာ၊ ညောင်တုန်း၊ ဘိုကလေး၊ မန္တလေးတောင်ခြေ၊ မေခလမ်း မိဘမဲ့ကျောင်းတို့တွင် မျက်တောင်တုသင်တန်းဖွင့်လှစ်ပေး ပြီး ယင်းလုပ်ငန်းနှင့် ပတ်သက်၍ စိတ်ပါဝင်စားသူ၊ လုပ်ငန်းလုပ်ကိုင် လိုသူများနှင့် အဘိုးအဘွားများကို ကျန်းမာရေး ဒါနပြုလို သူများ အနေဖြင့် အမှတ် ၁၄/၂ ဇင်ယော်လမ်း၊ ၁၄ ရပ်ကွက်၊ တောင်ဥက္ကလာပမြို့နယ်၊ ဖုန်း-ဝ၁-၅၇၇၈၉၁၊ ဝ၉-၇၃ဝဝဝ၈၅၂ တို့သို့ ဆက်သွယ်နိုင်ကြောင်း သိရသည်။

ဝဝ၅

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

အမေ့အရိပ် နယ်စည်းမခြား ပညာဒါနကျောင်း

ရန်ကုန်၊ နိုဝင်ဘာ ၁၈၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*