စာပေလွတ်လပ်ခွင့် တောင်းသံများ တိုး၍သွားသောအခါ

သို့မဟုတ် ကင်ပေတိုင်ကြီး မလှုပ်ရှားတော့သောအခါ

စာမျက်နှာများပေါ်တွင် ပွင့်လင်းမြင်သာမှုများကို

ဟိုပေါ်သည်ပေါ်ပုံတွေ ဖော်ပြရုံမက

သံဃာတော် ဝတ်လစ်စားလစ် ဓာတ်ပုံများပါ

ယူကျုံးမရစွာ တွေ့မြင်လာရ

စာပေလွတ်လပ်ခွင့်နှင့် စာပေဝတ်လစ်စားလစ်ခွင့်ကိုများ

မှားတောင်းခဲ့ကြလေသလား မသိနိုင်

စာနယ်ဇင်းမဏ္ဍိုင်၏ ဦးသျှောင်ကောင်စီဝင်များကလည်း

ပြည်ထဲရေးဘောလီဘောဂိုးကို

အလဲလဲအကွဲကွဲ မကာကွယ်နိုင်တော့သလား မပြောတတ်

နောက်ဇာတ်တစ်မျိုးက ပေါ်ပြန်သေး

တွေ့မိတွေ့ရာပုံကို ညဥ့်ငှက်အဖြစ် သရုပ်ဖော်

နစ်နာရှာသူအတွက် နစ်နာကြေးက

ဖြေရှင်းခြင်းသတင်းအတွက် နောက်တစ်ကြိမ်ပုံနှိပ်သတဲ့

အံ့သြကုန်နိုင်ကြပါပေ့။

 

ရခိုင်ပြည်နယ်အရေးမှာလည်း

ပြည်ပမီဒီယာက လူမျိုးတုံးသတ်ဖြတ်ခြင်းဝေါဟာရကို သုံးလာ

မကြာသေးခင်က ရှင်းလင်းပွဲမှာ ကြားရသည်က

အနှစ်နှစ်ဆယ်အတွင်း ထိုလူမျိုးဦးရေကား

ငါးဆ တက်လာသဖြင့် ဉာဏ်ချင့်ချိန်ကြပါရန်တဲ့

မှန်လိုက်သည့် အဖြေ၊ ပြေလိုက်သည့် စကား

စုံစမ်းရေးအဖွဲ့၏ အစီရင်ခံစာအား

အမြန်ဖတ်ချင်လှပါဘိ

တိကျသော အဖြေကို အခြေတည်ကာ

လိုအပ်မည့် ချေပမှုကို ပြုနိုင်ပါစေကြောင်း

နိုင်ငံသားအပေါင်းက ဆန္ဒရှိပါ၏။

ပွင့်လင်းမြင်သာ ဘက်မလိုက်ကြပါလေနှင့်။

မှားလျှင် ဆဲရန် ဝန်မလေးသကဲ့သို့

မှန်လျှင်လည်း လက်ခုပ်သံ တသဲသဲဖြစ်ပေလိမ့်။

တာဝန်ကျေကြပါချိမ့်။

 

တိုင်းရင်းသားအသီးသီးကလည်း

ငြိမ်းချမ်းရေးအတွက် ဦးတည်ကာ ဆွေးနွေးလာကြ

သို့ပါသော်လည်း ပင်လုံညီလာခံနှယ်

အားလုံးသော တိုင်းရင်းသားလူမျိုးများ

အမုန်းကင်းကင်း အာဃာတရှင်းရှင်းဖြင့်

မျက်နှာချင်းဆိုင်၊ ပခုံးချင်းဖက်၊ ရွှေလက်တွဲကာ

နိုင်ငံ့အရေး၊ ငြိမ်းချမ်းရေးကို ဆွေးနွေးနိုင်မည့်

တိုင်းရင်းသားညီလာခံကြီးကိုသာ မျှော်ကိုး

တစ်ပွဲတိုး၊ တစ်ဖက်ရပ် ညှိနှိုင်းမှုမျိုး မလိုချင်

လက်သိပ်ထိုး၊ လက်ဝါးချင်းရိုက် သဘောတူမှုမျိုး မလိုလား

ဖက်ဒရယ်စကား မဆိုပါဘဲနှင့်

အပစ်အခတ်ရပ်ရေး၊ စီးပွားအတူ ပူးပေါင်းရေးများကို

ကြားပွဲစားအားကိုးဖြင့် ရှေ့တန်းတင်

မီဒီယာခါးကြားထိုးပြီး မျက်နှာပန်းလှအောင် ဆင်ကြမည်ဆိုလျှင်

ထာဝရငြိမ်းချမ်းရေးဆိုသည်မှာ

လမ်းဘေးထမင်းဆိုင်ဆိုင်းဘုတ်ဘဝအဖြစ်သာ

ငုတ်တုတ်မတ်တပ် ကျန်ရစ်ရမည့် အခြေအနေမျိုး ဖြစ်ကြောင်း

နိုင်ငံသားအပေါင်းက ကြေညာမောင်းခတ်ချင်မိ

သက်ဆိုင်သူတွေ သတိရှိကြပါအံ့။

 

မည်သို့ပင်ဖြစ်စေ

နိုင်ငံသားများအနေဖြင့်

စံမမီ ဝါဒဖြန့် မီဒီယာဘေးဆိုးမှ လွတ်မည်ဖြင့် မကြံသေးခိုက်

စံမရှိ ဝတ်လစ်စားလစ် မီဒီယာအချို့၏

အရောင်းမြှင့်တင်ရေးနည်းနာများဘေးဆိုးထဲ ချော်ကျ၊

အခွင့်အရေးတန်းတူ ဖက်ဒရယ်မူကို မျှော်သလောက်

နောက်လိုက်ကောင်းရှာသည့် ပြည်ထောင်စုစီမံကိန်းထဲ ရောက်ရ၊

ကိုယ့်ဘာသာကိုယ် တန်းတူညီမျှရေးကို မနည်းပြောနေရဆဲတွင်

ပြည်ပက ကြုံရာ ပြဿနာအစ ဆွဲကာ

စတုတ်တိုက် ဝေဖန်ပြစ်တင် ခံရ၊

ပြည်ထောင်စုမြန်မာနိုင်ငံသား ဖြစ်ရခြင်း၏ ရလဒ်များပေလားဟု

ရင်ဘတ်ထု မေးလိုစိတ်များ တဖွားဖွား ပေါ်ပေါက်ကြခြင်းမှ

မြန်မကြာ ကင်းဝေးနိုင်ကြပါစေ။

ပြောင်းဖူးရိုး

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*