စီးပွားရေးသတင်း — မန္တလေး၊ ဖေဖော်ဝါရီ ၇၊ ၂ဝ၁၃
မြဧရာ ဈေးသင်္ဘောပေါ်တွင် တွေ့ရစဉ်

မြဧရာ ဈေးသင်္ဘောပေါ်တွင် တွေ့ရစဉ်

မြဧရာ ဈေးသင်္ဘော

မြဧရာ ဈေးသင်္ဘော

ဈေးသင်္ဘော ဖျက်သိမ်းမည့် ကိစ္စသည် မှန်ကန်သောနည်းလမ်းဖြင့် ဖျက်သိမ်းခြင်းမျိုးမဟုတ်ဘဲ နိုင်ငံတော် အကျိုးစီးပွားကို လျစ်လျူရှုပြီး ကိုယ့်ကျိုးစီးပွား အတွက် ဖျက်သိမ်း ခြင်းသာဖြစ်သည်ဟု ဖေဖော်ဝါရီ ၇ ရက်၊ မွန်းလွဲ ၁ နာရီက မန္တလေးမြို့၊ ဧရာဝတီဆိပ်ကမ်းသို့ ဆိုက်ကပ်လာ သည့် မြဧရာဈေး သင်္ဘော ပါ ဈေးသူ ဈေးသားများဘက်က တညီတညွတ်တည်း ဆိုသည်။

ဈေးသူဈေးသားများကို ပြန်လည်ပို့ဆောင်သည့် နောက်ဆုံးခရီးစဉ်အဖြစ် ဇန်နဝါရီ ၇ ရက်က ရန်ကုန်မြို့မှ ထွက်ခွာ လာသည့် မြဧရာဈေးသင်္ဘောကြီးသည် ယနေ့ မွန်းလွဲပိုင်း က မန္တလေးမြို့ဆိပ်ကမ်း သို့ ရောက်ရှိ လာရာ ဈေးတွဲရေယာဉ် များပေါ်တွင် မှီတင်းရောင်းဝယ်နေ ထိုင်ကြသော ဆိုင်ခန်းပိုင်ရှင်များက ဈေးသင်္ဘော ဖျက်သိမ်းလိုက်ခြင်းနှင့် ပတ်သက်၍ ကျေနပ်မှုမရှိကြောင်း သိရသည်။

“ကျွန်တော်တို့ ဖြစ်စေချင်တာ က ဒီဈေးသင်္ဘောကြီး မဖျက်သိမ်းအောင်၊ ဒီအပေါ်မှာရှိကြတဲ့ဈေးသည် မိသားစု တွေ ဘဝမပျက်ရအောင် အကောင်းဆုံးနည်းလမ်းနဲ့ ကြိုးစား ပေးကြပါ လို့ ပြောချင်ပါတယ်”ဟု ဈေးသင်္ဘော ဈေးသည် တစ်ဦးဖြစ်သူ ကိုဟန်ဌေးက ဆိုသည်။

မြဧရာဈေးသင်္ဘောရေယာဉ်ကို ၁၉၉၂ ခုနှစ်၊ မတ်လ ၁၆ ရက်က နိုင်ငံတော်အကြီးအကဲများ၏ လမ်း ညွှန်မှုဖြင့် ဧရာဝတီမြစ်ကြောင်းတစ် လျှောက်ရှိ မြို့ရွာများအတွက် အဓိကထားပြီး ကုန်စည် စီးဆင်းမှု မှန်ကန်မြန် ဆန်စေရေးနှင့် ဒေသဖွံ့ဖြိုး တိုးတက်မှုများ ရရှိစေရန် ရည်ရွယ်ချက်ဖြင့် ရန်ကုန်-မန္တလေး- ရန်ကုန် အစုန်အဆန် သွားအဖြစ် ဈေးသင်္ဘောနှင့် ဈေးတွဲရေယာဉ် များကို အကောင်အထည်ဖော် ဆောင်ရွက်စေခဲ့သည်။

ဈေးသင်္ဘော ဆိုက်ကပ်သည့် မြို့များအနေဖြင့် မြို့ရွာဒေသ စုစုပေါင်း ၂၅ နေရာခန့်ရှိပြီး အဆိုပါ မြို့ရွာများသည် လည်း ဆက်သွယ်ကူးသန်းရောင်းဝယ်ရန်မလွယ် ကူသောဒေသများ အထူးသဖြင့် ကုန်းလမ်း ဆက်သွယ်မှု ခက်ခဲသော ဒေသများ အနေဖြင့် ရေလမ်း တစ်ခုတည်း ဖြင့်သာ အားထားနေကြရသည့်မြို့ ရွာများ သာဖြစ်သည်ဟု သိရသည်။

ထိုသို့ ကူးသန်းရောင်းဝယ် သွားလာရာတွင် ရန်ကုန်-မန္တလေး-ရန်ကုန် အစုန်အဆန်ခရီးစဉ်တစ် ခေါက်လျှင် ရက်ပေါင်းခြောက် ဆယ်ခန့်ကြာပြီး တစ်ခေါက်လျှင် ဝင်ငွေသိန်းသုံးရာကျော်ဖြင့် နိုင်ငံတော် ဘဏ္ဍာငွေ ရှာဖွေပေးနေသည့် ဈေးသင်္ဘောကြီး တစ်စင်းဖြစ်ကြောင်း၊ အဆိုပါသုံးစီးတွဲဈေးသင်္ဘော ရေယာဉ်တွင် ပင်မရေယာဉ်ပေါ်၌ ဆိုင်ခန်း ၂၄ ခန်းအပါအဝင် ဘေး တွဲရေယာဉ်တစ်စီးစီ၌ ဆိုင်ခန်း ၁၈ ခန်းကျစီဖြင့် ဆိုင်ခန်းပေါင်း ၆ဝ ပါရှိ ကြောင်း၊ တည်ခင်ရောင်းချသော ကုန်ပစ္စည်းများ အနေဖြင့် အခြေခံ လူသုံးကုန် အပါအဝင် စားသောက်ကုန် ပစ္စည်းများ၊ စဥ့်အိုးမြေအိုးအစရှိ သည့် အိမ်ထောင်ပရိဘောဂပစ္စည်း များအပြင် နိဗ္ဗာန်ကုန်ပစ္စည်းများဖြစ် သည့် ဘုရားဆင်းတုတော်များ စသည် ဖြင့်ပါရှိကြောင်း၊ ဈေးသူဈေးသား ဆိုင်ခန်းပိုင်ရှင်များ အနေနှင့်လည်း  ဌာနမှ သတ်မှတ်ထားသည့် အခွန် တန်ဆာခများကို ချို့ယွင်းချက်မရှိ ပေးဆောင်လျက်ရှိကြောင်း စသည် ဖြင့် ဈေးသူဈေးသားများဘက်က ဆိုသည်။

ယခုအခါတွင် ဌာနဆိုင်ရာ အာဏာပိုင်များဘက်မှ အဆိုပါ ဈေးသင်္ဘောကြီးကို လုပ်ငန်းဆိုင်ရာ အရှုံးပေါ်နေသည့် အတွက်ဟုဆိုကာ အခြားသော ငှားရမ်း စနစ်ဖြင့် ပြောင်းလဲ လုပ်ကိုင်ရန်အတွက် စီစဉ် ထားရှိပြီးဖြစ်ကြောင်း၊  ထိုသို့ ဖျက် သိမ်းတော့မည့်အကြောင်းကိုလည်း ပြီးခဲ့သည့် ၂ဝ၁၂ ခုနှစ်၊ ဒီဇင်ဘာ ၂၃ ရက်နှင့် ၂၅ ရက်တွင် ပြည် တွင်းရေကြောင်းပို့ဆောင်ရေးဌာနမှ တာဝန်ရှိသူများက ဈေးသူဈေးသား များသို့ အသိပေးပြီးဖြစ်ကြောင်းနှင့် ထိုကိစ္စနှင့်ပတ်သက်၍လည်း ရန်ကုန် မြို့၌ သတင်းစာရှင်းလင်းပွဲတစ်ခု ပြုလုပ်ခဲ့ကြောင်း သိရသည်။

သတင်းစာရှင်းလင်းပွဲတွင် ပြည်တွင်းရေကြောင်းပို့ဆောင်ရေး ကုန်စည်ပို့ဆောင်ရေးဌာနမှ ဒုတိယ အထွေထွေမန်နေဂျာ ဦးသန်းအောင် က လက်ရှိပြေးဆွဲနေသည့် တန်ဆာ စနစ်မှ ငှားရမ်းစနစ်သို့ပြောင်းလဲ မည့် အခြေအနေများနှင့် ပတ်သက် ပြီး သတင်းမီဒီယာသို့ပြောရာတွင် အဆိုပါ သုံးစီးတွဲဈေး သင်္ဘော ရေ ယာဉ်ကို ၂ဝဝ၃-၂ဝဝ၄ ခုနှစ် ဘဏ္ဍာနှစ်မှစတင်ပြီး ပြည်သူလူထု သက်သာချောင်ချိရေးအတွက် နိုင်ငံ တော်မှ အရှုံးခံပြေးဆွဲခဲ့ခြင်းဖြစ် ကြောင်း၊ ယခုအခါတွင် ယင်းတို့ ဌာန အနေဖြင့် နိုင်ငံတော်၏ထောက်ပံ့ မှုကို ဆက်လက် မခံယူတော့ဘဲ ကိုယ့် ခြေထောက်ပေါ် ကိုယ်ရပ်တည်ရ တော့မည်ဖြစ်သည့်အတွက် ဝင်ငွေ ရှာရမည်ဖြစ်ကြောင်း၊ ဌာနတွင်း အရှုံးမရှိစေရန် ဆောင်ရွက် ရမည် ဖြစ်သည့်အတွက် အရှုံးပေါ်နေသည့် ဈေးသင်္ဘောကြီးကို အကျိုးအမြတ် ရရှိနိုင်စေရန်အတွက် ငှားရမ်းစနစ် ဖြင့် ပြောင်း လဲပြေးဆွဲရန် စီစဉ်ရ ခြင်းဖြစ်ကြောင်း စာရင်းဇယားများ နှင့်တကွ ရှင်းလင်းပြောကြားသည်။

ဈေးသူဈေးသားများဘက်က ပြောရာတွင် ဌာနတာဝန်ရှိသူများ၏ ပြောကြားချက်များအနေဖြင့် မှန်ကန် မှုမရှိကြောင်း အထူးသဖြင့် ဈေး သင်္ဘောပေါ် တွင် ရောင်းချနေသည့် ကုန်ပစ္စည်းများမှာ အသင့်ချုပ်ပြီး အဝတ်အထည်များ၊ အလှကုန်ပစ္စည်း များ၊ စဥ့်ပစ္စည်းများ၊ ကလေးကစား စရာများနှင့် ဒေသ ထွက်ကုန် များ ဖြစ်ကြသည့်မြေပဲယို၊ ဇီးယို၊ သနပ် ခါးစသည့် ကုန်ပစ္စည်းအသေးအဖွဲ များသာဖြစ်ပြီး ယင်းတို့အနေဖြင့် ဈေးရောင်းချခြင်းထက် ဈေး သင်္ဘောကြီးပေါ်တွင် မှီခိုနေထိုင် ခြင်းသာဖြစ်ပါသည်ဆိုသော တာဝန် ရှိသူများ၏ ရှင်းလင်းတင်ပြချက်နှင့် ပတ်သက်၍ အပြင်းအထန်ငြင်း ဆန် ကြောင်း ဆိုသည်။

“ဒီရှင်းလင်းတင်ပြချက်မှာ ရေးထားတာ တစ်ဖက်သတ်ဆန် လွန်းပါတယ်။ ကျွန်တော်တို့ ရောင်း ချတဲ့အထဲမှာ အိမ်ထောင်ပရိဘောဂ ပစ္စည်းတွေလည်းပါ,ပါတယ်။ ဘုရားပလ္လင်တွေနဲ့ နိဗ္ဗာန်ကုန်တွေလည်း ပါတယ်။ ဈေးသင်္ဘောပေါ် အမှီပြုပြီး လုပ်ကိုင်စားသောက်နေရသူတွေ ဖြစ်ပါတယ်။ ဒါကို ဖျက်သိမ်း လိုက်မယ်ဆိုရင် အမှီပြု လုပ်ကိုင်စား သောက်နေသူတွေ ဒုက္ခရောက်ရမှာ ပါ”ဟု ဆိုင်ခန်း ပိုင်ရှင်တစ်ဦးက ဆိုပြန်သည်။ ““နောက်တစ်ခုက ကုန်မရလို့ဌာနအနေနဲ့ အရှုံးပေါ် တယ်လို့ လည်းပြောတယ်။ ကုန်ရတယ် မရဘူး ဆိုတာက သူတို့ အပေါ်မှာပဲ မူတည်တယ်။ ကုန်ရအောင် ရှာရမှာက သူတို့အလုပ်ပါ” ဟု နိဗ္ဗာန် ကုန်ရောင်းသည့် ကိုကျော်စိုးမင်းက မကျေမနပ် ပြောသည်။

ဈေးသင်္ဘောကို အမှီပြု လုပ် ကိုင်စားသောက်နေရသည့် ဈေးသည် များအနေဖြင့် ဈေးသင်္ဘောဖျက်သိမ်း လိုက်ပါက စားဝတ်နေရေးအခက် အခဲများအပြင် လူမှုရေး၊ ပညာရေး များဘက်တွင်လည်း ထိခိုက်နစ်နာမှု များရှိမည်ဖြစ်သဖြင့် သင်္ဘောဖျက် သိမ်းမည့်ကိစ္စနှင့်ပတ်သက်၍ ဒေါ်အောင်ဆန်းစုကြည် ဦးဆောင် သော တရားဥပဒေစိုးမိုးရေးနှင့် တည် ငြိမ်အေးချမ်းရေးကော်မတီသို့ တင်ပြ ထားပြီးဖြစ်ကြောင်းနှင့်ဆက်လက် ၍လည်း နိုင်ငံတော်သမ္မတနှင့် တကွ ပြည်သူ့ လွှတ်တော်၊ အမျိုးသား လွှတ်တော်စသည်ဖြင့် သက်ဆိုင်ရာ အကြီးအကဲများထံသို့ အသနားခံစာ တင်သွား မည်ဖြစ်ကြောင်း ဈေးသူ ဈေးသားများက ဆိုသည်။

ဖျက်သိမ်းမည့်အကြောင်းအရာ ကိစ္စသည်မှန်ကန်သောနည်းလမ်း ဖြင့် ဖျက်သိမ်းခြင်းမဟုတ်ဘဲ အခြား စီးပွားရေး သမားများ၏ နိုင်ငံတော် အကျိုးစီးပွားကို လျစ်လျူရှုပြီး မိမိ တို့၏ ကိုယ်ကျိုးစီးပွား အတွက် ဈေး သင်္ဘောကြီးဖျက်သိမ်းရန် အခြေခံ အကြောင်းရင်းတစ်ရပ်အဖြစ် ပေါ်လွင် နေကြောင်း ဈေးသူဈေးသားများ၏ တင်ပြချက်အရ သိရသည်။

ဝဝ၉

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*