ကျန်းမာရေး သတင်း ပြည်တွင်းသတင်း — နေပြည်တော်၊ နိုဝင်ဘာ ၁၈၊ ၂၀၁၆


ဆေးရုံ စွမ်းဆောင်ရည် အညွှန်းကိန်းများ သတ်မှတ်ရေးဆွဲရေး အတွက် ပြင်ဆင်မှုများ ပြုလုပ်နေပြီး လာမည့်နှစ်အတွင်း စတင်နိုင်ဖွယ် ရှိကြောင်း ကျန်းမာရေးနှင့် အားကစား ဝန်ကြီးဌာနမှ အကြီးတန်းအရာရှိ တစ်ဦးက ဆိုသည်။

ကျန်းမာရေးနှင့် အားကစား ဝန်ကြီးဌာန၏ ရည်မှန်းချက်ဖြစ်သော လူတိုင်း သက်တမ်းစေ့နေနိုင်ရေး၊ လူတိုင်းရောဂါဘယ ကင်းရှင်းရေးနှင့် လူမှုရေးဦးတည်ချက် ဖြစ်သော တမျိုးသားလုံး ကျန်းမာကြံ့ခိုင်ရေးတို့ကို အကောင်အထည် ဖော်ရာတွင် ဆေးရုံများ၏ စွမ်းဆောင်ရည် အညွှန်းကိန်းများမှာ အလွန်အရေးပါကြောင်း သိရသည်။

လူ့အခွင့်အရေး တစ်ခု ဖြစ်သော ကျန်းမာရေး အခွင့်အရေး (Health Right) ကို တည်ဆောက်ရာတွင် ဆရာဝန်၊ ဆရာမ၊ ကျန်းမာရေး ဝန်ထမ်းများ၏ အခွင့်အရေး (Doctor Provider Right) နှင့် လူနာအခွင့်အရေး (Patient Right) တို့ကို ညီညီမျှမျှ ထည့်သွင်းစဉ်းစားပြီး အရည်အသွေး ကောင်းမွန်သော ကျန်းမာရေး စောင့်ရှောက်မှုကို ပေးသင့်ကြောင်း သိရသည်။

ဤကဲ့သို့ လုပ်ဆောင်ရာတွင် ဆေးရုံများ၏ စွမ်းဆောင်ရည် အရည်အသွေးကို နည်းပညာပိုင်းဆိုင်ရာ၊ စီမံအုပ်ချုပ်မှုဆိုင်ရာ၊ ထောက်ပံ့ရေး ပစ္စည်းများဆိုင်ရာ ရှု့ထောင့်များမှ သုံးသပ်သင့်ကြောင်း၊ အဓိကအားဖြင့် ဆေးရုံတစ်ရုံ၏ လူ့စွမ်းအား အရင်းအမြစ်၊ ဓါတ်ခွဲနှင့် ဓါတ်မှန်ပိုင်းဆိုင်ရာ ပစ္စည်းကိရိယာများနှင့် ဆေးပစ္စည်း သိုလှောင်ထားရှိမှု၊ စီမံခန့်ခွဲမှု၊ ဆေးရုံအတွင်း / အပြင်သန်ရှင်းမှု၊ ဆေးရုံစွန့်ပစ်ပစ္စည်းများ စီမံခန့်ခွဲမှု၊ လူနာမှတ်တမ်း ထားရှိမှု၊ ကျန်းမာရေး ပညာပေး ပိုစတာများထားရှိမှု၊ လူနာလွှဲပြောင်းမှု၊ သေဆုံးလူနာ ထားရှိမှု၊ ရင်ခွဲစစ်ဆေးမှု၊ ဆေးရုံ အဝင်တွင် ထားရှိသော ဧည့်ကြိုလမ်းညွှန် ကောင်တာများ၊ ဆေးရုံဆင်းချိန်တွင် လူနာများ၏ စိတ်ကျေနပ်မှု အစရှိသည်တို့ကို အခြေခံ၍ ဆေးရုံ စွမ်းဆောင်ရည် အညွှန်းကိန်းများကို သတ်မှတ်ရေးဆွဲ သင့်ကြောင်း သိရသည်။

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*