ပြည်တွင်းသတင်း — ရန်ကုန်၊ မတ် ၂၉၊ ၂ဝ၁၂

လာမည့်ဧပြီ ၁ ရက်နေ့တွင်ကျင်းပမည့် ကြားဖြတ်​ ရွေးကောက်ပွဲတွင် မင်္ဂလာတောင်ညွန့် မြို့နယ်၌ ဝင်ရောက် ယှဉ်ပြိုင်မည့် ပါတီများ၏  မဲဆွယ် စည်းရုံးရေး အခြေအနေများနှင့် မဲဆန္ဒရှင်များ၏ သဘောထားများကို တောင်ညွန့်ရထားရပ်ကွက်မှပြည်သူများက ပြောကြားခဲ့ပါသည်။

မင်္ဂလာတောင်ညွန့် မြို့နယ်တွင် မဲပေးခွင့်ရှိသည့် ရပ်ကွက်ပေါင်း ၂ဝ နှင့်  မဲရုံ ၆၈ ရုံ ရှိသည့်အနက် တောင်ညွန့် ရထားရပ်ကွက်တွင် အခြေခံပညာ မူလတန်းကျောင်း အ.မ.က ၂၃ ၌ မဲရုံ ၂ ရုံထားရှိရန် စီစဉ်ထားကြောင်း၊ မဲဆွယ်စည်းရုံးသည့် ပါတီများအနေဖြင့် ဆင်ခြေဖုံးရပ်ကွက်များ အထိပါ လာရောက်​ ဟောပြော စည်းရုံးမှုများပြုလုပ်လျက် ရှိကြောင်း၊ ယခင် ၂ဝ၁ဝ ခုနှစ်၊ ရွေး ကောက်ပွဲနှင့် ပတ်သက်၍လည်း ““အရင်ရွေးကောက်ပွဲကတော့ ဦးသုဝေကို မဲပေးခဲ့တာပေါ့၊ အဲဒီတုန်းကတော့ NLD မှမပါတာ၊ အခုတော့ ဒေါ်အောင်ဆန်းစုကြည် ပါလာပြီဆိုတော့ NLD ကိုမဲပေးမှာပါ၊ အခု​  ရွေးကောက်ပွဲကျရင်တော့ ပိုတိကျရင်ကောင်းတာပေါ့”” ဟုတောင်ညွန့် ရထားရပ်ကွက်နေ မဥမ္မာမှ ပြောကြားခဲ့ပါသည်။

တောင်ညွန့် ရထားရပ်ကွက် မီးရထား ဝန်ထမ်းအိမ်ရာနေ မဲရုံ၌မဲထုတ် ပေးရေးတာဝန်ကျသူ တစ်ဦးကလည်း ““မဲဆွယ်တဲ့ ပါတီတွေအနေနဲ့တော့ သူ့ကဏ္ဍနဲ့သူ ကောင်းပါတယ်၊ ကျမတို့ ကလေးတွေမှာ ပညာရေးအပိုင်းတွေ အရမ်းအားနည်းတယ်၊ ကလေးတွေကို ပညာရေးကောင်းအောင် လုပ်ပေးဖို့ အဓိကပါပဲ၊ မဲရုံပညာပေးသင်တန်းတွေမှာလဲ တကယ်လေ့လာထားပါတယ်”” ဟု ထပ်လောင်းပြောကြားခဲ့ပါသည်။


၀၀၁

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Comments are closed.