စာအုပ်သုံးသပ်ချက် — မတ် ၁၅၊ ၂ဝ၁၃

ဥက္ကဋ္ဌကြီးမော်၊ မင်းကျော်စွာ၊ လောကသစ်စာပေ

၂ဝ၁၃၊ ဖေဖော်ဝါရီ၊ စာမျက်နှာ ၈ဝ၇၊ တန်ဖိုး ၆၈ဝဝ ကျပ်

မင်းကျော်စွာ၏ ဥက္ကဋ္ဌကြီးမော် ကိုလောကသစ်စာပေက ပထမအကြိမ် ထုတ်ဝေလိုက်သည်။ မူရင်းစာရေးသူ Dr. Zhisui Li ၏ The Private Life of Chairman Mao ကို ပြန်ဆိုထားခြင်း ဖြစ်သည်။

လွန်ခဲ့သော နှစ်ပေါင်း ၅ဝ ခန့် အတွင်း မြန်မာစာပေ ရပ်ဝန်းတွင် နိုင်ငံရေးစာပေ အမျိုးအစားတစ်ခု ကွယ် ပျောက်နေ ခဲ့ဖူးသည်။ အထိုက်အလျောက် လွတ်လပ်ခွင့် ရလာအပြီးတွင်မူ စာပေအမျိုးအစား စုံလင်စွာ ထွက်ရှိ လာကြသည်ဟု ဆိုနိုင်သည်။ ဤအထဲတွင် ဥက္ကဋ္ဌကြီးမော်လည်း အပါအဝင်ဖြစ်သည်။

မူရင်းစာရေးသူ Dr. Zhisui Li မှာ တရုတ် ကွန်မြူနစ်ပါတီ ဥက္ကဋ္ဌကြီး မော်စီတုန်း၏ ကိုယ်ရေး ဆရာဝန်ဖြစ်ပြီး မော်စီတုန်းထံတွင် ၂၂ နှစ်တိုင် ၁ဝ၇၆၊ မော်ကွယ်လွန်သည်အထိ အနီးကပ် တာဝန် ထမ်းဆောင်ခဲ့သူ တစ်ဦး လည်း ဖြစ်သည်။ တရုတ်ပညာတတ် ဆေးပညာ မိသားစုမျိုးရိုးမှ ဆင်းသက် လာသော စာရေးသူ၏ ဘဝဖြတ် သန်းမှု တစ်စိတ်တစ်ပိုင်း ဟုလည်း ဆိုနိုင်သည်။

ဩစတြေးလျတွင် သင်္ဘောဆရာဝန် အဖြစ် ဆောင်ရွက်နေရာမှ တရုတ် ပြည်သူ့သမ္မတ နိုင်ငံ ထူထောင်သော အခါ နိုင်ငံအတွက် ကျရာတာဝန် ထမ်းဆောင်ရန် ရည်ရွယ်၍ မိခင် တိုင်းပြည်သို့ ပြန်လာခဲ့သော ဒေါက်တာလီ၊ ကွန်မြူနစ်ပါတီ၏ တာဝန်ပေးချက် အတိုင်း တာဝန်ထမ်းဆောင်ရင်း ဗဟိုအတွင်းစည်း သို့ ရောက်ရှိပြီး ဥက္ကဋ္ဌကြီး မော်၏ ကိုယ်ရေးဆရာဝန် ဖြစ်လာခဲ့သော ဒေါက်တာလီ၊ မော် နှင့် အနီးကပ်ဆုံး ကာလကြာရှည် တာဝန် ထမ်းဆောင်ခဲ့ရပြီး ကမ္ဘာ့နိုင်ငံရေး စင်မြင့်ပုံရိပ်နှင့် ကွဲပြားခြားနားသော မော်၏ ကန့်လန့်ကာ နောက်ကွယ်မှ အတွင်းရေး များကို ကြုံတွေ့ရသူ ဒေါက်တာလီ ဟူသည့် စာရေးသူ၏ ဘဝ တစ်စိတ် တစ်ပိုင်းနှင့် ပြည်သူ့ မျက်ကွယ်ရာမှ အာဏာကို ဆုပ်ကိုင်ထားသူ လူတစ်စု၏ အကြောင်းကို မှတ်တမ်း တင်ထားခြင်းလည်း ဖြစ်သည်။

မော်စီတုန်းနှင့် ပတ်သက်သော တရုတ်ကွန်မြူနစ်ပါတီနှင့် စပ်ဆိုင်သော စာအုပ်စာတမ်းများစွာ ထွက်ရှိခဲ့ဖူးသည်။ ဤစာအုပ် များတွင် ကျောင်းဆရာလေးဘဝမှ ကွန်မြူနစ် ပါတီဝင် ဖြစ်လာသော မော်၊ ခရီးရှည်ချီတက်ပွဲက မော်၊ မဟာခုန်ပျံကျော်လွှားရေး ကာလကမော်၊ တိန့်အင်မင် ရင်ပြင်ထက်မှ စီးမိုး ကြည့်ရှုနေသောမော်၊ ခေတ်သစ်တရုတ်နိုင်ငံကို တစ်စုတစ်စည်းတည်း ထူထောင်နိုင်ခဲ့သော မော် စသည်ဖြင့် မော်၏ကြီးမြတ်ခြင်း၊ ကောင်းမြတ်ခြင်း၊ ကြည်ညိုဖွယ်ဖြစ်ခြင်း စသည်တို့ ပြည့်နှက်နေသည်။ တစ်ခေတ်တစ်ခါက အယူအဆအချို့ ကိုင်စွဲသူတို့၏ စံနမူနာပုံရိပ်တစ်ခုဖြစ် ခဲ့သော မော်သည် ယခုစာအုပ်တွင်းက မော်နှင့်ကွဲပြားနေသည်။

မော်၏အမှောင်ပိုင်းနှင့်ပတ်သက် ၍ ရေးသားသောစာအုပ်များအနက် ဤစာအုပ်မှာ ထိပ်တန်းက ပါဝင်သော စာအုပ်တစ်အုပ် လည်းဖြစ်သည်။ ဒေါက်တာလီ၏ မော်သည် အများ ပြည်သူမြင်ကွင်းသို့ ကန့်သတ်ထုတ်ပြ သော မော်နှင့် ကွဲလွဲသည်။ ဤ အမှောင်ခြမ်းတွင် မော်သည် သာမန် လူသားတစ်ဦးဖြစ်နေသည်။ နိုင်ငံတစ် နိုင်ငံ၏ အကြွင်းမဲ့ အာဏာကို ဆုပ်ကိုင်ထားသူပီပီ၊ အာဏာရှင်ပီပီ၊ အမှားအယွင်းနှင့် မသန့်စင်မှုများကို သာယာတတ်သော လူသားပီပီ အားနည်းချက်ပေါင်း များစွာ ပြည့်နှက်နေ သည်။ မော်၏အာဏာကို ယစ်မူးချုပ် ကိုင်လိုခြင်း၊ စိတ်ဝေဒနာ၊ မိုက်ရူးရဲ စွန့်စားခန်းများနှစ်သက်ခြင်း၊ အိမ် ထောင်ရေးနှင့်လိင်အပျော်အပါး ရှုပ်ထွေးခြင်း၊ ပြည်သူတို့အပေါ် အယူဝါဒ၏ စမ်းသပ်ခံအသွင် သဘောထားခြင်း စသည်တို့ကို ဒေါက်တာလီကြုံတွေ့ ခဲ့ရသည်။ စာရေးသူဒေါက်တာလီက လည်း နိုင်ငံ့ခေါင်းဆောင် တစ်ဦးအပေါ် ချစ်မြတ်နိုးခြင်း တစ်ဝက်၊ စက်ဆုပ် အံ့ဩခြင်း တစ်ဝက်ဖြင့် ပွင့်လင်းစွာ မှတ်တမ်း တင်ထားခဲ့သည်။ မမြင်ဝံ့ ဆေးဆရာဒေါက်တာလီ၏ မှတ်တမ်း ကြောင့် ဤစာအုပ်ပါမော်မှာ တစ်မူ ထူးခြားသော စရိုက်သစ်ဖြင့်လှုပ်ရှား နေခဲ့သည်။

မော်သာမက ကွန်မြူနစ်ပါတီ၏ အတွင်းစည်း၊ မော်နှင့်အနီးကပ်ဆုံး နိုင်ငံ့ခေါင်းဆောင်ပုဂ္ဂိုလ်များ၏ ဖုံးကွယ်ထားသော စရိုက်မှန်များကို လည်း စာရေးသူက မှတ်တမ်းပြု ထားသည်။ တရုတ်ပြည်သူတို့၏ အများစု သော ဆင်းရဲသား လယ်သမားတို့က မျှော်လင့်ချက်ကြီးစွာဖြင့် အားထားနေ ကြချိန်တွင် အထက်ပိုင်းခေါင်းဆောင် များ၏ ဥာဏ်ပညာချို့တဲ့မှု တို့ကြောင့် အစမ်းသပ်ခံဖြစ်ရရှာသော ပြည်သူများ၏ ပုံရိပ်သည်လည်း စာအုပ်၏နေရာ အနှံ့တွင်ပေါ်လွင်နေသည်။ တစ်ကမ္ဘာ လုံးက စံနမူနာ ထားခဲ့ကြသော တော်လှန်ရေးကြီး တစ်ခုနောက်ကွယ်က ပြည်သူတို့၏ ဘဝမှန်ကိုလည်း ဤ စာအုပ်တွင် တွေ့နိုင်သည်။

မော်၏အမှောင်ပိုင်းများကြားက တစ်ချက်တစ်ချက် လင်းပွင့်လာသော ကောင်းကွက်အချို့ကိုလည်း မျှတစွာ မှတ်တမ်းပြုထားသည်။ အာဏာရှင် တစ်ဦးဖြစ်လာသည့် အခါ တော်လှန် ရေးကာလ အတွင်းက ရပ်တည်ချက်များ၊ ပဋိညာဉ်များ စသည်တို့ကို ချောင်ထိုး၍ ယစ်မူးဖွယ်အာဏာ၏အရသာ ကို ခံစားသည့် မော်၏ ပုံရိပ်များ မှာကား ပိုထင်ရှားသည်။ အယူဝါဒတစ်ခု အောက်သို့ ဇွတ်အတင်း ဖိနှိပ်ပုံသွင်းယူကာ ပွင့်လင်းကျယ်ပြန့်သည့် စိတ်ထားနှင့် မြော်မြင်ဥာဏ်မဲ့သည့် အာဏာရှင် စိတ်ဓာတ်၏ ဆိုးကျိုးကို ဤစာအုပ်တွင် တွေ့သိနိုင်မည်လည်း ဖြစ်သည်။

မော်၏ အနုပညာစိတ်၊ မော်၏ ဇနီး၊ မော်၏ ချစ်သူများ၊ မော်၏ ပါတီပွဲများ၊ မော်၏ စွန့်စားလိုစိတ်၊ မော်၏ အာဏာရှင်စိတ်၊ မော်၏ အကောက်ကြံမှုများ၊ မော်၏ စီမံကိန်းများ၊ မော်၏ ကျန်းမာရေး စသည့် မော်အသစ်ကို ပုံဖော်ရင်း ခေတ်တစ်ခေတ်၏ ပဲ့တင်ဂယက်များကိုလည်း ချဉ်းကပ်သုံးသပ်ထားသည်။ အာဏာရှင်တစ်ဦး၏ လက်အောက်မှ ပြည်သူတို့၏ ဘဝများ စွာကိုလည်း ကိုယ်တွေ့ဖြစ်ရပ်များနှင့် ပုံဖော်ထားသည်။ တစ်တိုင်းပြည် လုံး အတိဒုက္ခရောက်နေစဉ်တွင် အာဏာ ကိုသာ မက်မော၍ ခြေပုန်းခုတ် အခွင့်ထူးခံစားနေကြပုံများမှာ နှိုင်းယှဉ် ခံစားဖွယ်ဖြစ်သည်။

မော်မှာ အယူဝါဒရေးရာနှင့် သမိုင်းတွင် နှံ့စပ်ကျွမ်းကျင်သူ တစ်ဦး ဖြစ်ကြောင်း စာအုပ်တွင်ဆိုထားပြီး သာမန် ကောင်းကွက်များ မည်မျှပင် ရှိသည်ဆိုစေကာမူ သမိုင်းကို လိုရာဆွဲ၍ အာဏာရှင်စိတ်ဓာတ်အပြုအမူမှာ ကား မော်၏ အကြီးမားဆုံး အားနည်းချက်ဖြစ်သည်ဟု ယူဆသည်။ စာအုပ်တွင် မော်၏ အမှောင်ပိုင်းများအား ဦးစားပေးဖော်ပြ ထားသည်ဟု ဆိုနိုင်စရာ ရှိသော်လည်း မျှတသောဖြစ်ရပ် မှန်များအတွက် ဤစာအုပ်မျိုး လိုအပ် သည်မှာလည်း အမှန်ဖြစ်သည်။

တန်ဆာဆင်မှုမပါ ရိုးရှင်းစွာ မှတ်တမ်းတင်ထားသည့်စာအုပ်ဖြစ် သော်လည်း အဓိကဇာတ်ကောင်ဖြစ် သူ၏ စရိုက်ရှင်ကြောင့် စွဲငြိဖွယ်ဖြစ် သည်။ ဘာသာပြန်ဆိုသူ မင်းကျော်စွာ၏ ရှင်းလင်း သွက်လတ်သော ပြန်ဆိုမှုကလည်း ဆွဲဆောင်ထားနိုင်သည်။ ထုတ်ဝေသူကလည်း ဤစာအုပ်ကို သင်မသိတဲ့မော်ဟု ထိထိရောက် ရောက်ညွှန်း ဆိုထားသည်။

နိုင်ငံရေး စာပေလေ့လာသူများ၊ မော်ကို စိတ်ဝင်စားကြသူများ၊ ဘာသာပြန် လက်ရာကောင်း နှစ်သက်သူ များ၏ စာအုပ်စင်တွင် ရှိသင့်သော စာအုပ်ကောင်း တစ်အုပ်ဖြစ်သည်။ သို့သော် တော်ပင်တော်သော်လည်း အန္တရာယ်ကြီး သည့် ခေါင်းဆောင် တစ်ဦး၏ အကြောင်းလည်းဖြစ်သည်။

“ကျုပ်တို့ရဲ့ကြီးမြတ်တဲ့ ၁ဝ၅၈-၅ဝ-၆ဝ လုပ်ငန်းတွေရဲ့ နောက်ပိုင်းမှာ လူတွေဟာ ကိုယ် အလေးချိန် လျော့သွား တယ်။ ကျွဲ၊ နွား တွေလည်း အလေးချိန် လျော့ သွားတယ်။ လယ်မြေတွေတောင် အလေးချိန် လျော့သွားတယ်။ နောက်ထပ် ကြီးမြတ်တဲ့လုပ်ငန်းတွေ ထပ်မလုပ်ကြပါ စို့နဲ့” ဟု ပြောသည်။ (စာ-၅၂ဝ)

ဝဏ္ဏလင်း

သတင်းမျှဝေရန်

About Author

စာဖတ်သူ မှတ်ချက်များ (၁)

Leave a Reply

Your email address will not be published. Required fields are marked *

*