ခေါင်းကြီးသတင်း — ရန်ကုန်၊ ဖေဖော်ဝါရီ ၅၊ ၂ဝ၁၃
နော်ဝေနိုင်ငံသို့ သွားရောက်မည့် သမ္မတ ဦးသိန်းစိန်

နော်ဝေနိုင်ငံသို့ သွားရောက်မည့် သမ္မတ ဦးသိန်းစိန်

မြန်မာနိုင်ငံ၏ ဒီမိုကရေစီအသွင် ပြုပြင်ပြောင်းလဲမှုများကို ဆောင်ရွက်ရာ၌ နိုင်ငံတော် သမ္မတကြီး ဦးသိန်းစိန် အနေဖြင့် မိမိနိုင်ငံ အတွင်းရှိ စီးပွားရေးနှင့် ဆက်သွယ်ရေး လုပ်ငန်းများကို ပိုမိုဖွံ့ဖြိုး တိုးတက်လာစေရန် အတွက် နော်ဝေ အစိုးရ၏ ဖိတ်ခေါ်မှုအရ ယခုလာမည့် ဖေဖော်ဝါရီ ၂၅ ရက်မှ ၂၈ ရက်အထိ ၄ ရက် တိုင် အောင် အဆိုပါ နိုင်ငံသို့ သွားရောက် လည်ပတ်ရင်း လုပ်ငန်း ကိစ္စရပ်များကိုလည်း သက်ဆိုင်ရာ တာဝန်ရှိသူ များနှင့် ညှိနှိုင်း ဆွေးနွေးသွားမည် ဖြစ်ကြောင်း သိရသည်။

သမ္မတ ဦးသိန်းစိန် ကိုယ်တိုင် နော်ဝေနိုင်ငံသို့ သွားရောက်မည့် ကိစ္စနှင့် စပ်လျဉ်း၍ “ကျွန်တော်တို့ သိရသလောက် ဆိုရင်တော့ သမ္မတကြီးက ပထမဆုံးအချက် အနေနဲ့ မြန်မာနိုင်ငံ အပေါ်မှာ တင်ရှိနေတဲ့ ကြွေးမြီ နော်ဝေ ခရိုနာ ၁.၂ မီလီလျံ၊ မြန်မာငွေနဲ့ တွက်မယ်ဆိုရင် ဒေါ်လာသန်း ၅၃၄ သန်းကျော် လောက်ကို လုံးလုံး လျားလျားကြီး မကြာတဲ့ ဒီရက်ပိုင်း အတွင်းမှာပဲ လျှော်ပစ်လိုက်တာ ရှိပါတယ်။ အဲဒီလို ကြွေးမြီကို လျှော်ပစ် လိုက်တာလည်းပဲ နော်ဝေနိုင်ငံရဲ့ ဖွံ့ဖြိုးဆဲ နိုင်ငံတွေ အပေါ်မှာ တည်ရှိတဲ့ ကြွေးမြီတွေထဲမှာဆိုရင် လျော်ပစ်တဲ့ သမိုင်းမှာ အများဆုံး ပမာဏ လည်း ဖြစ်ပါတယ်။ ဒီအပေါ်မှာလည်း သမ္မတကြီးက  နော်ဝေ အစိုးရနဲ့ အာဏာပိုင် အဖွဲ့အစည်းတွေ ကို တွေ့ပြီး ကျေးဇူး တင် စကားပြောချင်တဲ့ လက္ခဏာ တစ်ခု အပါအဝင်ပေါ့” ဟု ဒေါ်အောင်ဆန်း စုကြည် ကမ္ဘာ့လွတ်လပ်ရေး ရန်ပုံငွေ အဖွဲ့မှ အဖွဲ့ဝင် ဦးကျော်သွင်က ဖေဖော်ဝါရီ ၅ ရက်တွင် မြန်မာအင်ဒီပဲန်ဒင့် သို့ ပြောကြားခဲ့သည်။

ဆက်လက်ပြီး ဦးကျော်သွင်က “အခု သွားရောက်လည်ပတ်တဲ့ ခရီးစဉ်အတွင်းမှာ မြန်မာနိုင်ငံ သမ္မတကြီး အနေနဲ့က နော်ဝေ ဘုရင်နဲ့ အစိုးရအဖွဲ့တွေ အပြင် စီးပွားရေး လုပ်ငန်းရှင်တွေနဲ့လည်း တွေ့ဆုံမယ် ဆိုတာကို သိရပါတယ်။ နောက်ပြီးတော့လည်း နော်ဝေမှာရှိနေတဲ့ ဆက်သွယ်ရေး နည်းပညာ ကုမ္ပဏီတွေကို အသေးစိတ် လေ့လာ ကြည့်ရှုမယ်။  ဒါ့အပြင် အခြားသော ရေနံကုမ္ပဏီတွေ အပါအဝင် ကုမ္ပဏီပေါင်း များစွာနဲ့ တွေ့ဆုံမယ် ဆိုတာ လည်း နော်ဝေမှာ ထုတ်ဝေ တဲ့ နော်ဝေနိုင်ငံ ဒီဂျေ သတင်းစာကနေ ပြောပြသွားပါတယ်” ဟု ဆိုသည်။

နော်ဝေနိုင်ငံမှ မြန်မာနိုင်ငံအပေါ် စီးပွားရေးလုပ်ငန်း ကိစ္စရပ်များကို အထူးဂရုပြု ဆောင်ရွက်နေခြင်းနှင့် ပတ်သက်၍လည်း “အဓိကတော့ ဒေါ်အောင်ဆန်း စုကြည်ကို နော်ဝေနိုင်ငံ ကနေပြီးတော့ နိုဘယ်ဆု ပေးတယ်။ နိုဘယ်ဆု ပေး ပြီးတော့ နိုဘယ်ဆုရှင် အဖြစ်နဲ့ ကြေညာ ပြီးတဲ့ အချိန်ကနေ စပြီးတော့ ဒေါ်အောင်ဆန်း စုကြည် ကိုလည်း နော်ဝေနိုင်ငံမှာ ရှိတဲ့ အချို့သော ကျောင်းသုံးပြဋ္ဌာန်း စာအုပ်တွေမှာ ဒေါ်အောင်ဆန်းစုကြည် အကြောင်းတွေကို ထည့်သွင်း ပြီးတော့ ရေးသား  ဖော်ပြဂုဏ်ပြုတာတွေ ရှိပါတယ်။ မြန်မာနိုင်ငံ အပေါ်မှာ နော်ဝေနိုင်ငံ က ဟိုးရှေးကတည်း က တောက်လျှောက် ကူညီခဲ့တယ်။ လူသားချင်း စာနာတဲ့ ထောက်ပံ့မှုတွေ၊ တိုင်းရင်းသား လက်နက်ကိုင် အဖွဲ့တွေနဲ့ ဗမာ အစိုးရတွေကြားမှာ ငြိမ်းချမ်းရေး တည်ဆောက်နိုင်ရေးနဲ့ ပြန်လည် ထူထောင်ရေး ဆိုင်ရာ နိုင်ငံရေး ပြင်ဆင်မှုတွေမှာလည်း ကူညီဆောင်ရွက်နေတဲ့ အခြေအနေတွေ ဒါတွေ အားလုံးနဲ့ နည်းတူ မြန်မာနိုင်ငံရဲ့ ငြိမ်းချမ်းရေး နိုဘယ် ဆုရှင် ဒေါ်အောင်ဆန်းစုကြည် အပေါ်မှာ နော်ဝေ နိုင်ငံသားတွေက ချစ်ခင်လေးစား မြတ်နိုးကြတဲ့ အတွက်ကြောင့် လည်း ဖြစ်တယ်လို့ ယုံကြည်ပါတယ်” ဟု ယင်း၏ အမြင်များကို သုံးသပ် ပြောကြားခဲ့သည်။

ဒီမိုကရေစီ ပြုပြင်ပြောင်းလဲရေး ကိစ္စရပ်များတွင် နော်ဝေနိုင်ငံမှ မြန်မာနိုင်ငံအပေါ် ကူညီဆောင်ရွက်ပေးနေခြင်းနှင့် ပတ်သက်၍ ဆက်လက် ပြောကြား ရာ၌ နော်ဝေနိုင်ငံ၏ Contribution အရ တက်ရောက် လာသည့် အစိုးရများ အနေဖြင့် ကမ္ဘာ့အတွင်း၌ ရှိသော ဖွံ့ဖြိုးရေးနိုင်ငံများအပေါ် ဆောင်ရွက်ရာတွင် ပိုမိုဖွံ့ဖြိုး တိုးတက် လာစေရန် လည်းကောင်း၊ ဒီမိုကရေစီနှင့် လူ့အခွင့်အရေးများ ပိုမိုရရှိလာစေရန်အတွက် လည်းကောင်း၊ နိုင်ငံခြားရေး မူဝါဒတွင် ထည့်သွင်း ကာ တောက်လျှောက် အကူအညီပေးနေခဲ့ခြင်း ဖြစ်ကြောင်း၊ ယခုအခါ မြန်မာနိုင်ငံ၏ ပြုပြင်ပြောင်းလဲရေးနှင့် ရင်းနှီးမြှုပ်နှံမှု အတွက် အကူအညီများ လိုအပ်နေသည် မှာလည်း အားလုံး သိရှိမည်ဖြစ်ကြောင်း၊ အဆိုပါ ကိစ္စရပ်များကို ခြုံငုံသုံးသပ် ပြောရမည် ဆိုပါက နော်ဝေနိုင်ငံသူ နိုင်ငံသားများ အနေဖြင့်လည်း မြန်မာနိုင်ငံ ဒီမိုကရေစီ ရရှိရေးအတွက် ကြိုးပမ်းခဲ့ကြသည့် ၈၈ မျိုးဆက်များ သာမက ကျောင်းသား/ကျောင်းသူ ရဟန်းရှင်လူများ အပါအဝင် တစ်တိုင်းပြည်လုံး၌ ရှိသော ဒီမိုကရေစီကို လိုလားတောင့်တ ငတ်မွတ်နေကြသည့် ပြည်သူများအား အကူအညီ ပေးနေခြင်းဖြစ်ကြောင်း၊ ထို့အပြင် ပြည်တွင်း ငြိမ်းချမ်းရေး အမှန်တကယ် ရမှသာလျှင် တိုင်းပြည် ဖွံ့ဖြိုးတိုးတက်မည် ဖြစ်သဖြင့် ကမ္ဘာပေါ်တွင် ရှိသော အခြား နိုင်ငံများ အားလုံးကိုလည်း ငြိမ်းချမ်းရေးရအောင် ဆောင်ရွက်နေသည့် အလားတူ မြန်မာနိုင်ငံ အတွင်းမှာလည်း ပြည်တွင်းငြိမ်းချမ်းရေး ရစေရန် တစ်ထောင့် တစ်နေရာမှ ပါဝင် အကူအညီပေး ဆောင် ရွက်နေခြင်း ဖြစ်ကြောင်း ဒေါ်အောင်ဆန်း စုကြည် ကမ္ဘာ့ လွတ်လပ်ရေး ရန်ပုံငွေ အဖွဲ့မှ အဖွဲ့ဝင် ဦးကျော်သွင်က ပြော ကြားခဲ့သည်။

ဆက်လက်ပြီး မြန်မာနိုင်ငံ၏ ဒီမိုကရေစီ ပြုပြင်ပြောင်းလဲမှုများကို ဆောင်ရွက်နေသည့်အပေါ် ဦးကျော်သွင်က “ကျွန်တော်တို့ မြန်မာနိုင်ငံရဲ့ ပြုပြင်ပြောင်းလဲရေး အတွက် အဓိက ဆောင်ရွက်ပေးနေတဲ့ ဗဟို အတွင်းမှာ သမ္မတ ဦးသိန်းစိန် တစ်ယောက်လည်း အပါအဝင်ဖြစ်တဲ့ အတွက် တစ်ဆက်တည်းမှာလည်း သမ္မတကြီးနဲ့ အတူတူ ဒေသဆိုင်ရာ တိုင်းရင်းသား ခေါင်းဆောင်တွေ၊ ပါတီခေါင်းဆောင်ဖြစ်တဲ့ ဒေါ်အောင်ဆန်းစုကြည် ကိုယ်တိုင် တချို့ကိစ္စရပ်တွေမှာ ပူးပေါင်း ဆောင်ရွက် ပြီးတော့ လွှတ်တော် အတွင်းမှာ ပြည်သူ့ လွှတ်တော် အမတ် တစ်ဦးအနေနဲ့ ပါဝင်ပူးပေါင်း ဆောင် ရွက်မှုတွေဟာ ကျွန်တော်တို့ မြန်မာနိုင်ငံသမိုင်းရဲ့ ဖြစ်စဉ်မှာ အင်မတန်မှာ အံ့ဖွယ်ကောင်းတဲ့ ပြုပြင်ပြောင်းလဲမှုတွေလို့ ယူဆရတယ်။ ဒီလိုပဲ သမ္မတကြီး အနေနဲ့ နော်ဝေ နိုင်ငံကို သွားရောက်ပြီးတဲ့အခါမှာ နော်ဝေနိုင်ငံနဲ့ အတူ ပူးပေါင်းဆောင်ရွက်နိုင်တဲ့ ကိစ္စရပ်တွေကို အခုလို သူကိုယ်တိုင် သွားရောက်ပြီးတော့ ရင်းရင်းနှီးနှီး တွေ့ဆုံဆွေးနွေး မှုတွေဟာ နော်ဝေနိုင်ငံ ကနေပြီးတော့ ဝင်ရောက် ရင်းနှီးမြှုပ်နှံမယ့် ရင်းနှီးမြှုပ်နှံမှုတွေ နောက်ပြီး နော်ဝေနိုင်ငံကနေ မျှဝေခံစား ရရှိလာမယ့် နည်းပညာ တွေ စသဖြင့် ကိစ္စတွေမှာ အားလုံးဟာဆိုရင် အကောင်း ဘက်ကို ဖြစ်ထွန်းနေတယ်လို့ ယူဆပါတယ်။ ဒါကြောင့်မို့ သမ္မတကြီးရဲ့ ခရီးစဉ်ဟာ အောင်မြင်ပြီးတော့ မြန်မာနိုင်ငံအတွက် အကျိုးရှိတဲ့ ခရီးစဉ် တစ်ခု ဖြစ်လိမ့်မယ် လို့ မျှော်လင့်ပါတယ်” ဟု သမ္မတကြီး သွားရောက်မည့် နော်ဝေခရီးစဉ် နှင့်ပတ်သက်ပြီး ယင်းက ဖြည့်စွက် ပြောကြားခဲ့ခြင်း ဖြစ်သည်။

ဝ၁၅

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*