သတင်းဆောင်းပါး — ဒီဇင်ဘာ ၂၆၊ ၂ဝ၁၂
နေ့ ကလေးထိန်းကျောင်း တစ်ခု မြင်ကွင်း

နေ့ ကလေးထိန်းကျောင်း တစ်ခု မြင်ကွင်း

ဥပဒေ ခေါင်းစဉ်အရ ကလေး သူငယ်များကို ပြုစုပျိုးထောင်ရေး နှင့် ဖွံ့ဖြိုးရေးအတွက် ဥပဒေနှင့် ဆောင်ရွက် လိုသည့် ရည်ရွယ်ချက် ဖြစ်သည်ဟု ပဏာမ ကောက်ယူနိုင်ပေသည်။ မြန်မာနိုင်ငံတွင် ကလေးသူငယ်များကို စနစ်တကျ ပြုစု ပျိုး ထောင်ရေး၊ ဖွံ့ဖြိုးရေးအတွက် ဆောင် ရွက်မည်ဆိုပါက လွန်စွာ ကောင်းမွန်သော အစီအစဉ် တစ်ခုဖြစ်ပါ သည်။ နောင်တစ်ချိန်တွင် တိုင်းပြည်ကို ဦးဆောင်မည့် သူများ ငယ်စဉ်အရွယ်မှစ၍ အသိဥာဏ် ဖွံ့ဖြိုးမှု၊ အကျင့်စာရိတ္တ ကောင်းမွန်မှု၊ စည်းကမ်းလိုက်နာတတ်မှု များကို စနစ်တကျ လေ့ကျင့် သင်ကြား၍ ဆောင်ရွက်စေသင့်  ပါသည်။ နောင်အနာဂတ်အတွက် လွန်စွာ ကောင်းမွန်သော အစီအစဉ်တစ်ခု ဖြစ်ပါသည်။ ယင်းအစီအစဉ်ကိုလည်း မဖြစ်မနေ လုပ်ဆောင်ရမည် ဖြစ်ပါသည်။

သို့သော် မြန်မာနိုင်ငံတွင် လက်ရှိ အခြေအနေ၌ ကလေးသူငယ်များကို  မိဘများကသာ ယင်းတို့တတ်ကျွမ်း သရွေ့ မေတ္တာဖြင့် သင်ကြားပေးခြင်းသာ ရှိပါသည်။ သို့သော် မိဘအများစုသည် ဝမ်းစာရေးအတွက် ဦးစား ပေး ဆောင် ရွက်နေကြရသဖြင့် ကလေး သူငယ်များကို စနစ်တကျ လေ့ကျင့် ပြုစုပျိုးထောင်ပေးရန် အခက်အခဲ များစွာ ရှိနေသည်ကို တွေ့မြင်ရသည်။ လိမ္မာရေးခြားရှိအောင် ပြုစုပျိုးထောင် ပေးနိုင်မှုလည်း လွန်စွာ အားနည်း နေသည် ကို တွေ့ရပါသည်။

ကျောင်းများတွင် “စိတ်ဓာတ်၊ စည်းကမ်း၊ ပညာ” ဟူ၍ ဆောင်ပုဒ်  တစ်ခုရှိပါသည်။ ယင်းဆောင်ပုဒ် သည် လွန်စွာ ကောင်းမွန် ပါသည်။ လူငယ်များ၏ စိတ်ဓာတ်ကောင်းမွန်မှု၊ စိတ်ဓာတ်ကြံ့ခိုင်မှု၊ စည်းကမ်း  လိုက်နာ တတ်မှုနှင့် ပညာတတ်ကျွမ်းမှု တို့သည် လူ့ဘဝအတွက် ကောင်းမွန်သည့် လမ်းကြောင်းပေါ်သို့ တင်ပေး သကဲ့သို့ တိုင်းပြည်၏ ဖွံ့ဖြိုး တိုးတက် ရေးနှင့် တည်ငြိမ်အေးချမ်းမှု အတွက်လည်း လွန်စွာ အရေးကြီးလှ ပါသည်။

ထို့အတူ လက်ရှိအခြေအနေတွင် မြန်မာနိုင်ငံ၏ စီးပွားရေး၊ ဖွံ့ဖြိုးတိုးတက်မှု များစွာ လိုအပ်လျက်ရှိသည်ကို လည်း ငြင်း၍ မရပါ။ ထိုသို့ စီးပွားရေးဖွံ့ဖြိုးတိုးတက်ရန် လူတိုင်းကိုယ်စီ လုပ်ငန်း ဆောင်တာများကို ကျေပွန် ကျွမ်းကျင်စွာ ဆောင်ရွက်နိုင်ရန် အလွန် အရေးကြီးပါသည်။ လူတိုင်း ကိုယ်စီကိုယ်ငှ ဆောင်ရွက် ခြင်းဖြင့် တိုင်းပြည် တိုးတက်ခြင်း ဖြစ်ပေါ်စေသကဲ့သို့ လူတိုင်း၏ ဝင်ငွေ ဝင်လမ်းများ ပြည့်စုံစွာရရှိမှသာ လူတိုင်းကိုယ်စီ စားဝတ်နေရေး ပြေလည်ပြီး ဆင်းရဲတွင်းမှ ကယ်ထုတ်နိုင် မည် ဖြစ်ပါသည်။

ဆင်းရဲမွဲတေခြင်းမှ ကာကွယ် တားဆီးနိုင်ရန်အတွက် မိဘတိုင်း ကိုယ်စီကိုယ်င စီးပွားရေး လုပ်ငန်းများကို လွတ်လွတ် လပ်လပ် လုပ်ကိုင်နိုင်ရန် ကလေးသူငယ် များ ပြုစုစောင့်ရှောက် ပေးမည့် နေ့ကလေးထိန်း ဌာန များနှင့် မူကြိုကျောင်းများ လွန် စွာလိုအပ်လျက်ရှိပါသည်။ ယနေ့ မြို့ကြီးပြကြီးများတွင် လူဦးရေနှင့် ကလေးထိန်း ဌာနများ မူကြိုကျောင်းများ မမျှမတဖြစ်ပြီး အရေအတွက် လွန်စွာနည်းပါးသည်ကို တွေ့မြင်ရ ပါသည်။ အရွယ်ရောက်လာသော သူများသည် မိမိလုပ်ငန်းတွင် ဆောင် ရွက်ရန်အတွက် လုပ်ငန်းခွင်သို့ ဝင် ရောက်လုပ်ကိုင်ကြပါသည်။ ထိုသို့ ဝန်ထမ်း လုပ်ငန်းခွင်သို့ ဝင်ရောက် လုပ်ကိုင်သောသူတို့သည် အိမ်ထောင် ပြုပြီး ရရှိလာသော ရင်သွေးငယ်များ ထိန်းသိမ်းစောင့်ရှောက်ရမှု တာဝန်အတွက် အမျိုးသမီး အများစုမှာ လုပ်ငန်းခွင်မှ ပြန်လည် ထွက်ခွာသွားကြရသည်။ ထိုသို့ထွက်ခွာသည့် အတွက် ယင်းတို့၏ဝင်ငွေ နည်းပါးပြီး ကလေး ကုန်ကျစရိတ် ပိုမိုကျလာသောကြောင့် ဆင်းရဲတွင်း နက်ခဲ့ကြရပါသည်။ ထိုသူများထဲ တွင် လုပ်ငန်းခွင် ၌ တန်ဖိုးရှိသော၊ အရည်အချင်း ရှိသောသူများ၊ ကျွမ်းကျင်သူများ ဆုံးရှုံးနေရသည်ကို လည်း တွေ့မြင်နေရသည်။ ရပ်ကွက်တိုင်းတွင် ရှိနေရန် အထူးလိုအပ်ပါသည်။ သို့မှသာ မိမိရပ်ကွက်အတွင်းရှိသည့် ကလေးထိန်း ကျောင်းနှင့် မူကြိုကျောင်း များသို့ မိမိကလေးကို သွားရောက် အပ်နှံပြီး တစ်ဖက်တစ်လမ်းမှ ဝင်ငွေ ရရှိအောင် မိမိ၏အတတ်ပညာများ ကို အသုံးချနိုင်ရန် ဆောင်ရွက်မည် ဖြစ်ပါသည်။ ယင်းတို့မှာ နေ့ကလေး  ထိန်းကျောင်း နှင့် မူကြိုကျောင်းများ ဖွင့်ရန် မည်မျှ အရေးကြီးကြောင်း ဖော်ပြခြင်းဖြစ်ပါသည်။

ယခုဥပဒေကြမ်းတွင် နေ့ကလေး ထိန်းကျောင်းနှင့် မူကြိုကျောင်းများ ကို ဖွံ့ဖြိုးတိုးတက်စေရန်အတွက် ဆောင် ရွက်ပေးမည့် ရည်ရွယ်ချက်များ မတွေ့ရှိရဘဲ တားဆီးဟန့်တားသည့် ပြဋ္ဌာန်း ချက်များဖြင့်သာ ပြဋ္ဌာန်းထား သည်ကို ဝမ်းနည်းစွာ တွေ့ရပါသည်။ တကယ့် ရည်ရွယ်ချက်မှာ ကလေး သူငယ်များ ပြုစုပျိုးထောင်ရန်အတွက် မူကြိုကျောင်းနှင့် နေ့ ကလေးထိန်း ကျောင်းများကို စနစ်တကျ ဖွံ့ဖြိုးတိုးတက် လာအောင် အားပေးအားမြှောက် ပြုသည့် ဥပဒေဖြစ်ရန် အထူးလိုအပ်ပါသည်။ မြန်မာနိုင်ငံ၏ လက်ရှိ အခြေအနေနှင့် ဖွံ့ဖြိုးတိုးတက်နိုင်မည့် အနေအထားပေါ် ဆင်ခြင်သုံးသပ်၍ ယခုဥပဒေကြမ်းကို အမှန်တကယ် ဖွံ့ဖြိုးတိုးတက်၍ အားပေးအားမြှောက် ပြုသည့် ဥပဒေကြမ်း ဖြစ်အောင် စီမံ ဆောင်ရွက်သင့်ပါသည်။

ထိုသို့ စီမံဆောင်ရွက်ရာတွင် နေ့ကလေးထိန်းကျောင်းများ စနစ်တကျ ဖွံ့ဖြိုးတိုးတက်စေရန် အတွက် ကလေးထိန်း ဆရာ၊ ဆရာမများ ပေါ်ထွန်းလာစေရန် သင်တန်းပေးခြင်း၊ ပညာပေးခြင်းများ၊ လိုအပ်သည့် အကူ အညီ အထောက်အပံ့ပေးမှု များကို သက်ဆိုင်သည့် ဝန်ကြီးဌာနမှ တာဝန်ယူ ဆောင်ရွက်ပေးရန် လိုအပ်ပါသည်။ မြန်မာနိုင်ငံ၏ ထုံးစံနည်းစဉ်အတိုင်း ဝန်ကြီးဌာနမှ မတတ်နိုင်သည့်ကိစ္စ များကို လူမှုအဖွဲ့အစည်းများ၏အကူ အညီဖြင့် ဆောင်ရွက်နိုင် သည်လည်း ရှိပါသည်။

ထို့ကြောင့် လက်ရှိအနေအထား နှင့် စနစ်တကျ ဖွံ့ဖြိုးတိုးတက်လာစေရန် အမှန်တကယ်ဆောင် ရွက်နိုင်မည့် အနေ အထားဖြင့် အကောင်အထည် ဖော်နိုင်သည့် နည်းလမ်းများ နှင့် စနစ်များကို ဖော်ထုတ်ပေးရန် လိုအပ် ပါသည်။ ထိုသို့ဖော်ထုတ်ပေး ရန်အတွက် လိုအပ်သည့် အကူအညီ များနှင့် ပံ့ပိုးပေးနိုင်မှုများကို ထည့်သွင်း ပြဋ္ဌာန်းရမည်ဖြစ်ပါသည်။ ယခု ဥပဒေတွင် နေ့ကလေးထိန်းကျောင်း ၌ နှစ်နှစ်အောက် ကလေး ၃ ဦး အတွက် ဆရာမတစ်ဦးဟု သတ်မှတ်  ခြင်း၊ ၂ နှစ်မှ ၃ နှစ်အထိ ကလေး  ၆ ဦးလျှင် ဆရာမတစ်ဦးသတ်မှတ် ခြင်းသည် ဖြစ်နိုင်ချေရှိ၊ မရှိ ပြန် လည်သုံးသပ်ရန် လိုအပ်ပါသည်။  ၂ နှစ်အောက် ကလေး ၃ ဦးကို ဆရာမ ၁ ဦး ထိန်းသိမ်းနိုင်ခြင်းမှာ လွန်စွာ ကောင်းမွန်သည့် အစီအစဉ် တစ်ခုဖြစ်သော်လည်း ဖြစ်နိုင်ချေ မရှိကြောင်း ထင်ရှားပါသည်။ အဘယ်ကြောင့်ဆိုသော် ချမ်းသာသည့် မိသားစုမှ ကလေးတစ်ဦးအတွက် တစ်လလျှင် ကျပ် ၃ သိန်း၊ ၅ သိန်း ကုန်ကျသော်လည်း ဖြစ်နိုင်ချေ ရှိပါသည်။ သို့သော် အခြေခံ လူတန်းစား မိခင်တစ်ယောက်၏ ကလေးအတွက်  ၃ သောင်းပေးရန် များစွာခက်ခဲပါသည်။ မိမိကလေးထိန်းကို ၃ သောင်း ပေး၍ ထိန်းခိုင်းကာ မိမိမှ ၁ သိန်း ရအောင် ရှာနိုင်လျှင် အဆင်ပြေမည် ဖြစ်သော်လည်း ယင်းအလေ့အကျင့် မရှိသေး၍လည်း အခက်အခဲ ဖြစ်နိုင်ပါသည်။ အလေ့အကျင့် ဆိုသည်မှာ တစ်စတစ်စတိုးမြှင့်၍ ဆောင်ရွက်ရန် လိုအပ်ပါသည်။

ကလေးတစ်ယောက်လျှင် ၃ သောင်းဖြင့် ထိန်းသိမ်းပေးရသည့် ကလေးထိန်းဆရာမမှာ ၃ ဦးတာဝန် ယူရသည့်အတွက် ၉ သောင်းရရှိ မည်ဖြစ်ပါသည်။ သို့သော် အမှန် တကယ်ကျွမ်းကျင်သည့် ကလေးထိန်း ဆရာမ တစ်ဦးသည် ငွေကြေး ပြည့်စုံသည့်မိသားစု၏ ကလေး တစ်ယောက်ကို သွားရောက်ထိန်း လျှင် ၃ သိန်း ရရှိမည်ဖြစ်ပါ သည်။

ဆရာ/ဆရာမများအတွက် ကန့်သတ်ချက် များသည်လည်း ကနဦး အစတွင် လျှော့၍စဉ်းစားရမည် ဖြစ်ပါသည်။ နောင်မှ တဖြည်းဖြည်း  ဆရာ/ဆရာမ သင်တန်းများ မွေးထုတ်ပြီး အောင်မြင်လာသည့် အခါမှသာ အရည်အသွေး ကို တိုးမြှင့်၍ သတ်မှတ်ရန် လိုအပ်ပါသည်။ ထိုကြောင့် ဆရာ/ဆရာမအရည်အသွေး သတ်မှတ် ခြင်းသည် ဥပဒေနှင့်ဥပဒေပြုစဉ်တွင်  သတ်မှတ်ခြင်းထက် နည်းဥပဒေတွင် ပြုပြင်ပြောင်းလဲ သတ်မှတ်ခြင်းသည် ပို၍သင့်တော်မည်ဖြစ်ပါသည်။ယင်း  အပြင် အခြေခံလူတန်းစားများနေ ထိုင်သည့် ရပ်ကွက်တွင်လည်း နေ့ ကလေးထိန်းကျောင်းနှင့် မူကြိုကျောင်း များ ဖွင့်လှစ်ရန် လိုအပ်ပါသည်။ ယင်းတို့နှင့် ကိုက်ညီမည့် အခြေ အနေပေးနိုင်သည့် မူကြိုကျောင်းများ ဖြစ်ထွန်းလာရန် လိုအပ်ပါသည်။

ယခုဥပဒေတွင် ပြဋ္ဌာန်းထားသည့် ကျောင်းများဖြင့် ထူထောင်မည် ဆိုပါက ရသည့်ဝင်ငွေနှင့် အဆင် မပြေ ဖြစ်ပြီး အခြေခံ လူတန်းစားများ အတွက် နေ့ကလေးထိန်းကျောင်းနှင့် မူကြိုကျောင်းများကို ဆောင်ရွက်ကြ မည်မဟုတ်ပါ။ ယင်းကိစ္စမှာ အလွန်  အရေးကြီးပါသည်။ ငွေကြေး တတ် နိုင်သူများသည် ကျောင်းကောင်းများ၊  ဆရာ/ဆရာမကောင်းများထံတွင် မိမိ တို့၏ ကလေးကို စနစ်တကျရှိအောင် သွားရောက်အပ်နှံကြမည်ဖြစ်သော် လည်း အခြေခံ လူတန်းစားများအတွက်  ထိုသို့ ဆောင်ရွက်နိုင်မည်မဟုတ်ပါ။  ထို့ကြောင့် အခြေခံ လူတန်းစားများ နှင့် ကိုက်ညီနိုင်မည့်၊ ဆောင်ရွက် ပေးနိုင် မည့် ကျောင်းများ ထူထောင် ပေးရန်လည်း ချန်ထား၍ မရပါ။ ကျွန်တော်တို့နိုင်ငံတွင် အများစုမှာ ငွေကြေးမတတ်နိုင်သည့် အခြေခံ လူတန်းစားများ ဖြစ်နေသည် ကိုလည်း  တွေ့ရမည်ဖြစ်ပါသည်။ သို့အတွက်  ယင်းတို့၏ ရင်သွေးများ ပြုစုစောင့် ရှောက်ထိန်းသိမ်းရန် လိုအပ်သည် ဖြစ်ပါသဖြင့် ယင်းတို့နှင့်လျော်ညီ သော အနေ အထားနှင့် ဖြစ်နိုင်သည့် ကျောင်းများကို ပြုစုပျိုးထောင် ပေးပြီး ထိုမှတစ်ဆင့် စီးပွားရေး အခြေအနေ ကောင်းလာသည်နှင့် အမျှ ပိုမို တိုးတက်လာရန်၊ မြှင့်တင်ပေးမှသာ တကယ့်လက်တွေ့နှင့် ကိုက်ညီမည် ဖြစ်ပါသည်။

ထို့ကြောင့် အဆောက်အအုံ၏ အရည်အသွေး၊ ဆရာ/ဆရာမနှင့် ကျောင်းသားများ၏အချိုး ကန့်သတ် ခြင်းသည် အကောင်းဆုံး စံချိန်ဖြင့် ကန့်သတ်၍ မရပါ။ အခြေခံလူတန်း စားများအတွက် သင့်တင့်လျောက် ပတ်သည့် ကန့်သတ်မှု ဖြင့်သာ ဆောင်ရွက်သင့်ပါသည်။ သို့သော် နေ့ကလေးထိန်းကျောင်းနှင့် မူကြိုကျောင်း များ၏ သန့်ရှင်းမှုကို ကလေးများ ထိန်းသိမ်းခြင်း၊ စည်းကမ်းကျမှုကို လေ့ကျင့်သင်ကြားပေးခြင်း၊ ကူညီ ပံ့ပိုးခြင်း စသည့် နည်းလမ်းများဖြင့် ပြုစုပျိုးထောင်ရန် လိုအပ်ပါသည်။

ယခုပြဋ္ဌာန်းထားသည့် ဥပဒေ သည် ရပ်ရွာအခြေပြုနှင့် အိမ်အခြေ ပြုလုပ်ငန်းများကို မည်သို့ကူညီပံ့ပိုး မည်၊ မည်သည့် ဌာနက ကူညီပံ့ပိုး ပေးရမည်ဆိုသည့် အချက်များမပါ ရှိဘဲ ကန့်သတ်သည့်အချက်များသာ ပါရှိနေခြင်း သည် ဖွံ့ဖြိုးတိုးတက် စေခြင်းကို အဟန့်အတားဖြစ်စေမည်  ဖြစ်ပါသည်။ ယင်းအပြင် အခက် အခဲဆုံး ဖြစ်စေသည့် အကြောင်းမှာ ကျောင်းဖွင့်ခြင်း၊ လုပ်ငန်း ဆောင်ရွက်ခြင်း အားလုံးသည် မြို့နယ်အဆင့်မှ ဝိုင်းဝန်း ကူညီဆောင်ရွက်ပေးမှသာ လက်တွေ့တွင် လျင်မြန်စွာ ဖြစ်ပေါ် လာနိုင်မည် ဖြစ်သော်လည်း ကျောင်း ဖွင့်ခြင်းကို အဆင့်ဆင့် ဗဟိုအထိ ခွင့်ပြုချက် တောင်းခံခြင်းဖြင့် အဟန့်အတားပေါင်းများစွာ ဆောင်ရွက်ပေး  သကဲ့သို့ ဖြစ်နေပါသည်။ ဖွံ့ဖြိုး တိုးတက်စေရန် မရည်ရွယ်ဘဲ ဟန့်တားသည့် ဥပဒေအဖြစ် စီမံထားသည်ကို  တွေ့ရှိရပါသည်။ ယခုဥပဒေကို ဖွံ့ဖြိုးတိုးတက်စေရန် ကူညီပံ့ပိုးသည့် ဥပဒေတစ်ခုအဖြစ် ပြင်ဆင်ရေးသား ဥပဒေပြုသင့်ပါကြောင်း အကြံပြု အပ်ပါသည်။

ယခုဥပဒေတွင် မည်မျှထိန်းချုပ်  ထားသည်ကို ပြန်လည် စိစစ်ကြည့်ပါက စေတနာရှိ၍ အလှူလှူမည့် သူပင် လျှင် ခွင့်ပြုချက် အဆင့်ဆင့် တောင်းခံပြီးမှ ပေးအပ် လှူဒါန်းရ မည်ဟု တားမြစ်ထားခြင်းသည် စဉ်းစား၍ မရနိုင် လောက်အောင် ထိန်းချုပ် ထားသည့်အဖြစ် တွေ့နေရပါသည်။  အကျိုးအမြတ် ရယူခြင်း မရှိဘဲ စေတနာဖြင့် ဆောင်ရွက်သည့် လုပ်ငန်းများကို လည်း ထိန်းချုပ်ထားသည့် ဥပဒေမှာ ပြင်းထန်လှပါသည်။

အခန်း ၉ အထွေထွေအခန်းတွင် နေ့ကလေးထိန်း သို့မဟုတ် မူလတန်း ကြိုကျောင်းများကိုလည်းကောင်း၊ ရပ်ရွာ အခြေပြုလုပ်ငန်း သို့မဟုတ် အိမ်အခြေပြုလုပ်ငန်း များကို ငွေကြေး  ပစ္စည်း သို့မဟုတ် နည်းပညာ ထောက်ပံ့လိုပါက ကုလသမဂ္ဂအဖွဲ့အစည်း၊ အစိုးရမဟုတ်သော အပြည်ပြည်ဆိုင် ရာ အဖွဲ့အစည်း သို့မဟုတ် ပြည်ပ ရှိ အစိုးရ မဟုတ်သော အဖွဲ့အစည်း များပင်လျှင် ဗဟိုအဖွဲ့၏ ခွင့်ပြုချက် ဖြင့် ဆောင်ရွက်ရမည်ဟု ပြဋ္ဌာန်း ထားပါသည်။ ပြည်တွင်းရှိ အစိုးရ မဟုတ်သော အဖွဲ့အစည်းနှင့် ပုဂ္ဂိုလ် တစ်ဦးချင်းသည် သက်ဆိုင်ရာ ဒေသကြီး(သို့မဟုတ်) ပြည်နယ်ကြီးကြပ် ရေးမှူး၏ ခွင့်ပြုချက်ဖြင့် ဆောင် ရွက်ရမည်ဟု ပြဋ္ဌာန်းထားပါသည်။ ပံ့ပိုးသူများ စေတနာပျက်စေရန် တားမြစ်ထားခြင်း ပင် ဖြစ်ပါသည်။ ကျောင်းများ၏ ကိုယ်ပိုင် လွတ်လပ်ခွင့်ကို လည်း ထိန်းချုပ်လွန်းရာကျပါ သည်။ ယင်းအတွေးခေါ်များ ယနေ့ ဒီမိုကရေစီခေတ်တွင် လုံးဝမရှိသင့်ပါ။ ကလေးများအတွက် ငွေကြေး၊ ပစ္စည်း ကူညီပံ့ပိုးခြင်း၊ နည်းပညာ ကူညီပံ့ပိုးခြင်းသည် လွတ်လပ်စွာ ပံ့ပိုးသူများ၊ သက်ဆိုင်ရာအစိုးရ ဌာနများ၊ ဝန်ကြီးဌာနများ လိုအပ် သလို ဝိုင်းဝန်းကူညီဆောင်ရွက်ပေး ပြီး အလျင်အမြန် ရရှိစေရန် ပိုမို စေတနာ ထက်သန်စေရန် ဆောင်ရွက် ရမည် ဖြစ်သော်လည်း ယခုကဲ့သို့ တားဆီးပိတ်ပင်ခြင်းမှာ လျှောက်ထား၍ ခွင့်ပြုချက်ရယူခြင်းမှာ လွန်စွာ ရုပ်ဆိုးလှပါသည်။

ယင်းအပြင် ပြစ်မှု၊ ပြစ်ဒဏ် များတွင်လည်း ကလေးထိန်းကျောင်းများ၊ မူကြိုကျောင်းများ တည်ထောင်ခွင့် မရှိဘဲ တည်ထောင်ခဲ့သော၊ ခွင့်ပြုချက် မရှိဘဲ စေတနာနှင့် လုပ်ဆောင် ခဲ့လျှင် ထောင်ဒဏ်၊ ငွေဒဏ်များ ချမှတ်မည် ဟု ပြင်းထန်စွာ ပြဋ္ဌာန်း ထားခြင်းသည်လည်း လွန်စွာ ရုပ်ဆိုးသော ပြဋ္ဌာန်းချက်သာဖြစ်ပါသည်။ ရာဇဝတ်မှု ကျူးလွန်သည့် ကိစ္စမဟုတ် ပါ။ ရပ်ရွာကောင်းကျိုးအတွက် စေတနာဖြင့်သော်လည်းကောင်း၊ မိမိ၏ ဝမ်းစာရေး အတွက် ဆောင်ရွက် ခြင်း သည်သော် လည်းကောင်း၊ နိုင်ငံအကျိုး ရှိသည့် လုပ်ငန်းဖြစ်လျှင် စည်းကမ်းတကျ လွတ်လပ်စွာ ဆောင်ရွက်သင့်သည့် အတွေးအခေါ်များ၊ ဥပဒေပြုသူတစ်ဦး၏ ထည့်သွင်း စဉ်းစားရမည့် အရေးကြီးသော အချက် ဖြစ်ကြောင်း တင်ပြအပ်ပါ သည်။

ကိုကိုထွေး

ဆက်စပ်သတင်းများ

ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇
ဖိုရမ်တစ်ခုပေါ်မှ ငြိမ်းချမ်းရေးအမြင်

ဖိုရမ်တစ်ခုပေါ်မှ ငြိမ်းချမ်းရေးအမြင်

ရန်ကုန်၊ ဇန်နဝါရီ ၁၅၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*