ပြည်တွင်းသတင်း — ရန်ကုန်၊ ဒီဇင်ဘာ ၅၊ ၂၀၁၇


မြန်မာ့ရှေးဟောင်း ပေစာ၊ ပုရပိုက်စာ၊ လက်ရေးစာများကို ပြုပြင်ထိန်းသိမ်းရေး ဗဟိုဌာန ဖွင့်လှစ်ကာ ထိန်းသိမ်း စောင့်ရှောက်သွားမည် ဖြစ်ပြီး ထိန်းသိမ်းထားသူများ အနေဖြင့် ရေရှည် ထိန်းသိမ်း စောင့်ရှောက်ရန် အတွက် အခက်အခဲရှိပါက အကူအညီ တောင်းခံနိုင်ကြောင်း အမျိုးသား စာကြည့်တိုက် တာဝန်ရှိသူ တစ်ဦးက ပြောသည်။

သမိုင်းတန်ဖိုး မြင့်မားပြီး မြန်မာ့ယဉ်ကျေးမှု အမွေအနှစ် မှတ်တမ်းများ ဖြစ်သည့် ရှေးဟောင်း ပေ၊ ပုရပိုက်စာများကို အမျိုးသား စာကြည့်တိုက်သို့ မလှူဒါန်းချင်ဘဲ မိမိတို့ဘာသာ သိမ်းဆည်းချင်သူများသည် အမျိုးသား စာကြည့်တိုက်သို့ ဆက်သွယ်ပါက ရေရှည် ထိန်းသိမ်းနိုင်ရန် လာရောက် ကူညီပေးမည် ဖြစ်ကြောင်း ၎င်းက ဆိုသည်။

ထို့ပြင် အမျိုးသား စာကြည့်တိုက်ကို လှူဒါန်းမည်ဆိုပါကလည်း လက်ခံမည် ဖြစ်ပြီး လက်ရှိတွင် အမျိုးသား စာကြည့်တိုက်၌ ပေစာ၊ ပုရပိုက်စာ၊ လက်ရေးစာ အထုပ်ရေ တစ်သောင်းခန့်ကို လက်ခံ ထိန်းသိမ်းထားကြောင်း ၎င်းကဆိုသည်။

“ကျွန်မတို့မှာ ရှိသမျှကိုတော့ ပိုးကောင် မွှားကောင်တွေ၊ မှိုတွေ အားလုံး ကင်းရှင်းပြီး စနစ်တကျ ထိန်းသိမ်းထားတာ ဖြစ်တဲ့ အတွက်ကြောင့် ဘယ်တော့မှ မဆုံးရှုံးတော့ဘူး” ဟု ၄င်းကပြောသည်။

ပေစာ၊ ပုရပိုက်စာ၊ လက်ရေးစာများကို လှူဒါန်းလိုသူများ အနေဖြင့် နေပြည်တော်ရှိ အမျိုးသား စာကြည့်တိုက်သို့ လှူဒါန်းနိုင်ပြီး၊ ဖုန်း ၀၆၇-၄၁၈၄၂၅ သို့ ဆက်သွယ် လှူဒါန်းနိုင်ကြောင်း သိရသည်။

ဆက်စပ်သတင်းများ

ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *


*