ကျေးရွာနေ လူထုများ၏ ဖွံ့ဖြိုး တိုးတက်ရေးကို အရည်အချင်းရှိစွာ ဆောင်ရွက်ပေးနိုင်မည့် လူမှုကူညီရေး ဆောင်ရွက်သူ များ ပေါ်ပေါက် လာစေရန် ရည်ရွယ်ချက်ဖြင့် သင်တန်းများ ဖွင့်လှစ်သင်ကြားပေးခြင်းနှင့် ကျေးလက် ဖွံ့ဖြိုးရေး လုပ်ငန်းများကို လောကအလင်း(အန်ဂျီအို)အဖွဲ့အစည်းက အုတ်တစ်ချပ် သဲတစ်ပွင့် အဖြစ် ဆောင်ရွက်လျက် ရှိသည်။

လောကအလင်း အဖွဲ့အစည်း ကို ၂ဝဝ၄ ခုနှစ်တွင် တည်ထောင်နိုင်ရန် စတင်ကြိုးပမ်းခဲ့ပြီး ၂ဝဝ၆ ခုနှစ်တွင် တရားဝင် ဖွဲ့စည်းနိုင်ခဲ့သည်။ အရည်အချင်းပြည့် (အန်ဂျီအို) အဖွဲ့ဝင်များ ပေါ်ထွက်လာရေး အတွက် သင်တန်းများ ပို့ချပေးခြင်း ၊ ကျေးလက်နေ ရပ်ရွာလူထုဖွံ့ဖြိုးရေး၊ ကျေးလက် ဒေသခံပြည်သူများ၏ စိုက်ပျိုးရေး၊ မွေးမြူရေးနှင့် အသက်မွေး ဝမ်းကျောင်းမြှင့်တင်ရေး၊ ပညာရေးနှင့် စွမ်းဆောင်ရည် မြှင့်တင် တည်ဆောက်ရေး၊ အရေးပေါ် ဘေးအန္တရာယ် ကယ်ဆယ်ရေးနှင့် လူသားချင်းစာနာထောက်ထား ကူညီပေးရေးလုပ်ငန်းများကို အဓိကထား ဆောင်ရွက်ကြောင်း သိရသည်။

အရည်အချင်းပြည့် (အန်ဂျီအို) များ ပေါ်ပေါက်လာရေးအတွက် အဓိကထားသင်ကြားပေးရခြင်းနှင့် စပ်လျဉ်း ၍ လောကအလင်းအဖွဲ့မှ စီမံကိန်းအရာရှိ ဦးထွန်းလင်းဦးက “မြန်မာနိုင်ငံမှာ (အန်ဂျီအို) တွေ များတော့ များလာတယ်။ ဒါပေမယ့် အရည်အတွက်ပဲ များတယ်လို့ ထင်တယ်။ အရည်အချင်းကတော့ လိုသေးတယ်။ အားနည်းသေးတယ်လို့ ထင်တယ်။ ဒါကြောင့် စပြီးဖွဲ့စည်းကတည်းက ရည်ရွယ်ချက်က ရပ်ရွာလူထုဖွံ့ဖြိုးရေး။ ဒါပေမယ့် လူငယ်တွေ ကြားထဲမှာ အကူအညီပေး ဆောင်ရွက်မှု လုပ်ငန်းအကြောင်း မသိသေးဘူး။ လူနေမှု ပုံစံမှာလည်း အဆင့်ဆင့်ကို တက်နိုင်ဖို့ကလည်း ပညာရေးက အရေးပါတယ်ဆိုတော့ သင်တန်းတွေ ပေးဖြစ် တယ်။ နောက် တစ်ဆက်တည်းမှာပဲ ကျေးရွာနေ ဒေသခံတွေ က သူတို့ကိုယ် သူတို့ သိမ်ငယ်စိတ် ဝင်နေတာ တွေ သွားတွေ့တော့ ကျေးလက် ကို အဓိကထားဖြစ်တယ်”ဟု ဆိုသည်။

လောကအလင်း အဖွဲ့အစည်းမှ ယခုအချိန်တွင် စပါး မျိုးကောင်းမျိုးသန့် ထွက်ရှိရေး အတွက်နှင့် မျိုးစပါး ရရှိရေး အတွက် ဘိုကလေး ကျွန်းသာယာရွာတွင် လယ်သမားများကို သင်တန်းပို့ချပေးခြင်း၊ လူငယ်များ အတွက် ခေါင်းဆောင်မှု အရည်အသွေး မြင့်မားရေး သင်တန်းများကို ရန်ကုန်မြို့၊ မန္တလေးမြို့နှင့် မကွေး မြို့များ၌ ပို့ချပေးခြင်း၊ ဘိုကလေးမြို့ ရွာ ၃ဝ တွင် လယ်သမား မြှင့်တင်ရေး လုပ်ငန်းများ ဆောင်ရွက် နေသည် ဟု သိရှိရသည်။

“ကိုယ်လုပ်ဆောင်ခဲ့တာ တွေနဲ့ပတ်သက်ပြီးတော့ ကိုယ့်အလုပ် အပေါ်မှာတော့ အားရတာ ရှိပေမယ့် အချို့ ဒေသတွေ မှာတော့ အများကြီး လိုအပ်တာတွေ ရှိပါသေးတယ်။ နာဂစ်တုန်းက သွားခဲ့တဲ့ ကျွန်းသာယာရွာ လေး ဆိုရင် တော်တော် ပျက်စီး သွားခဲ့တာ။ အဲဒီလို အကူအညီပေးအဖွဲ့တွေ သွားခဲ့တဲ့နေရာကို ကိုယ်သွား ကူညီပေးခဲ့ရ တာတွေတော့ အားရပါတယ်။ နည်းပညာပေးတဲ့ လုပ်ငန်းတွေကတော့ တော်တော်လေးကို ရုန်းရတယ် ။ နောက်ပိုင်း စနစ်တကျ သင်ပေးတော့မှ စိုက်ပျိုးရေးစနစ်ကို စပြီး သဘောကျ လာကြတာ တွေတော့ရှိတယ်။ ရွာသားတွေဘက်က စိုက်ပျိုးစရိတ် ကိုတော့ အရမ်းလိုချင်တယ်။ နောက် လယ်ယာမြေ ပိုင်ဆိုင်ခွင့်ကို တော်တော်လေး စိတ်ဝင်စားကြတယ်” ဟု လောကအလင်း အဖွဲ့အစည်း အနေဖြင့် ကူညီပေးရေး လုပ်ငန်းစဉ်များ တစ်လျှောက် ကြုံတွေ့ခဲ့ရသော အခက်အခဲများ၊ အားရမှုများနှင့် ကျေးလက်ဒေသခံများ၏ အတွေး အခေါ်များ လိုအပ်မှုများကို ဦးထွန်းလင်းဦး က ပြောသည်။

လောကအလင်း အဖွဲ့အစည်းမှ ဆက်လက်၍ သင်ကြားပို့ချဆဲ သင်တန်းများကို တိုးမြှင့်ဖွင့်လှစ် ပို့ချသွားမည် ဖြစ်ပြီး လယ်သမားများကို လယ်ယာမြေ ဥပဒေအကြောင်း အသိပညာပေး သင်တန်းပို့ချခြင်းနှင့် ကလေးမြို့၊ စစ်တွေမြို့၊ ဘိုကလေး မြို့၊ တောင်ကြီးမြို့၊ မော်လမြိုင်မြို့ နှင့် ထားဝယ်မြို့များတွင် (Rule of Law) ဥပဒေ စည်းမျဉ်းဆိုင်ရာ အသိပညာပေး သင်တန်းများ ပို့ချသွားမည်ဟု သိရှိရသည်။

အဆိုပါ ဥပဒေဆိုင်ရာ အသိပညာပေး သင်တန်းများကို အဓိကထား ပို့ချသွားရန် စီစဉ်မှုကို မေးမြန်းရာ “မြန်မာနိုင်ငံ မှာ ရှေ့နေတွေက ကျေးရွာနေ ဒေသခံတွေရဲ့ လှုပ်ရှားမှုမှာ ပါလာဖို့ အရမ်းနည်းတယ်။ နောက် လူတွေက ဥပဒေကို ချိုးဖောက်တာထက် နားမလည်တာ ပိုများတော့ အကြောက်တရားတွေ ပိုများနေတယ်။ ဒီဥပဒေတွေကို နားလည်လာမယ် ဆိုရင် သူတို့ကိုယ်သူတို့ စုပေါင်းခုခံနိုင်မယ်။ အဲဒီရည်ရွယ်ချက်နဲ့ ဒီသင်တန်း တွေပေးမယ်” ဟု ဦးထွန်းလင်းဦးက ဖြေကြားသည်။

လောကအလင်း အဖွဲ့အစည်းမှ အဖွဲ့ဝင် ၆ ဦးနှင့် စတင်ဖွဲ့စည်းခဲ့ပြီး လက်ရှိ ဝန်ထမ်းပေါင်း ၄ဝ ကျော်သည် အထိ အန်ဂျီအို လုပ်ငန်းဆိုင်ရာ သင်တန်းများ ပို့ချပေးခြင်း၊ ဘိုကလေးမြို့၊ ဒေးဒရဲမြို့နှင့် ဖျာပုံမြို့ရှိ ကျေးရွာ များတွင် အစားအသောက်နှင့် ဆန်များ လှူဒါန်းပေးခြင်း၊ လယ်ယာသုံး ပစ္စည်းများ၊ ငါးဖမ်းပစ္စည်းများ လှူဒါန်း ပေးခြင်း၊ စိုက်ပျိုးရေး နည်းလမ်းသစ်များ စမ်းသပ် စိုက်ပျိုးပေးခြင်း၊ ဈေးကွက် ရှာဖွေပေးခြင်း၊ ရပ်ရွာလူထုအဖွဲ့ အစည်းများနှင့် သင်းပင်း အဖွဲ့အစည်း များကို ကွန်ရက် ချိတ်ဆက်ပေးခြင်း တို့ကို ဆောင်ရွက်ခဲ့ကြောင်း သိရှိ ရပါသည်။

ဝဝ၃

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*