ပြည်တွင်းသတင်း — ရွှေပြည်သာ၊ စက်တင်ဘာ ၂၄၊ ၂ဝ၁၂

ရန်ကုန်တိုင်း၊ ရွှေပြည်သာမြို့နယ်တွင် မြေ အရောင်းအဝယ် စာချုပ်များရှိပြီး မြေဂရမ် မပြနိုင်သူချင်း ဖယ်ရှား ခိုင်းမှုများ ရှိနေကြောင်း၊ ကျေးရွာ အုပ်ချုပ်ရေးမှူးက နေအိမ်ဖယ်ပေးရန် ပြောဆိုခံရသူ ဦးအုန်းမြိုင်မှ မြန်မာအင်ဒီပဲန်ဒင့်သို့ စက်တင်ဘာ ၂၄ ရက်တွင် ပြောသည်။

အဆိုပါ မြေကွက်သည် ရွှေပြည်သာ မြို့နယ်၊ အုတ်ဖိုကျေးရွာ အုပ်စု၊ ဘုံရှည်ကုန်းကျေးရွာ၊ ဝမ်းချောင်း မြောက်ကွင်း အမှတ် ၅၃၈၊ မြေဧရိယာအကျယ် ၁၂ဝ_၅ဝ ပေရှိ မြေကွက် ဖြစ်သည်။

ယင်းမြေတွင် လွန်ခဲ့သော ဆယ်နှစ်ကျော်ခန့်က ဆယ်အိမ်မှူး ကိုလှမျိုးထံမှ ဝယ်ယူ၍ နေထိုင်သော ဦးအုန်းမြိုင် မိသားစု အပါအဝင် ၅ ဦး ရှိသည်။ ယခုအခါ ထိုမြို့နယ်နေ ဦးအေးသိန်းထံမှ ဝယ်ယူထားသည် ဟူသော မြေဂရမ် မပြနိုင် သူ ဒေါ်မြင့်မြင့်ဝင်းက ထိုမြေတွင် ဆယ်နှစ်ကျော်ခန့် နေထိုင်၍ မြေဂရမ် မပြနိုင်သူ ၅ ဦးကို ဖယ်ခိုင်းနေခြင်း ဖြစ်သည်။ ယင်းမြေကိစ္စ အတွက် ၂ဝဝ၉ ခုနှစ်တွင် ဒေါ်မြင့်မြင့်ဝင်းမှ နေထိုင်သူ ၅ ဦးကို တရားစွဲဆိုရာ ၉.၁၁.၂ဝဝ၉ ၌ပင် အမှုရှုံးထားသည်။

အဆိုပါ ကိစ္စကို လက်ရှိနေထိုင်သူ ၅ ဦးမှ ဌာနဆိုင်ရာ အသီးသီးသို့ ၂ဝ၁၁ ခုနှစ်၊ ဒီဇင်ဘာလတွင် တိုင်တန်း ထားရာ အမျိုးသား လွှတ်တော် နိုင်ငံသားများ၏ မူလ အခွင့်အရေး၊ ဒီမိုကရေစီ အရေးနှင့် လူ့အခွင့်အရေး ဆိုင်ရာ ကော်မတီက လုပ်ထုံးလုပ်နည်း များနှင့်အညီ ဆက်လက် ဆောင်ရွက်လျက် ရှိကြောင်း၊ အကြောင်းပြန် ထားသည် ကိုလည်း တွေ့ရသည်။

သို့သော် ကျေးရွာ အုပ်ချုပ်ရေးမှူး ဦးမြင့်သောင်း၊ မြို့နယ် တရားရုံး စာရေးနှင့် ရဲဝန်ထမ်းအချို့သည် ၁၇.၉.၂ဝ၁၂ ရက်တွင် ချက်ချင်း ဖယ်ပေးရန် လာရောက်ပြောဆိုကြောင်း၊ နောက်ထပ် ထပ်မံလာမည် ဟု ပြောသွားကြောင်း၊ ဦးအုန်းမြိုင်က ပြောသည်။ ထိုသို့ ထပ်မံဖယ်ရှား ခိုင်းမည်ဆိုပါက လက်ရှိနေထိုင် သူများ ဆန္ဒဖော်ထုတ် သွားမည်ဟု ပြောသည်။

ဝ၁၆

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*