လူမှုရေးသတင်း — ရန်ကုန်၊ ဇန်နဝါရီ ၂၁၊ ၂ဝ၁၃

 

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ၊ တရားဥပဒေ စိုးမိုးရေးနှင့် တည်ငြိမ်အေးချမ်းရေးကော်မတီ ဥက္ကဋ္ဌ၊ ပြည်သူ့ လွှတ်တော် ကိုယ်စားလှယ် ဒေါ်အောင်ဆန်း စုကြည်နှင့် အဖွဲ့သည် ဇန်နဝါရီ ၂ဝ ရက် နံနက်ပိုင်းက ပဲခူးတိုင်း ဒေသကြီး အတွင်း နှစ်ပေါင်း ၆ဝ ကြာ ပြည်တွင်း လက်နက်ကိုင်တိုက်ပွဲများဖြစ်ခဲ့သည့် မုန်းမြို့၊ ဖြူးမြို့၊ ကျောက်ကြီးမြို့ များတွင် မြေမြှုပ်မိုင်းများကြောင့် ကိုယ်လက်အင်္ဂါချို့တဲ့ခဲ့ကြသူများ ကို သွားရောက် တွေ့ဆုံခဲ့သည်။

ဒေါ်အောင်ဆန်းစုကြည်နှင့် အဖွဲ့သည် မုန်းမြို့၊ မြို့နယ်ခန်းမသို့ ရောက်ရှိခဲ့ကြရာ သက်ဆိုင်ရာအဖွဲ့အစည်း များမှ တာဝန်ရှိသူများ၊ မြေ မြှုပ်မိုင်းကြောင့် ကိုယ်လက်အင်္ဂါ ချို့ယွင်းခဲ့ကြသူ ၁၅ဝ ကျော်နှင့် အတူ မြို့လူထုက ကြိုဆိုခဲ့ကြသည်။  ဒေါ်အောင်ဆန်းစုကြည်က မိမိအနေ ဖြင့် ယခုလိုလာရောက်ရခြင်းသည် ဒေသတွင်း တည်ငြိမ်မှု ရရှိစေရန်နှင့် မြေမြှုပ်မိုင်းများ ရှင်းလင်းရေး အတွက် ညှိနှိုင်းဆောင်ရွက်မှုများကို ကြိုးစား လုပ်ဆောင်သွားရန် အတွက် ဖြစ်ကြောင်း၊ မြေမြှုပ်မိုင်းကြောင့် ကိုယ်လက်အင်္ဂါချို့တဲ့ခဲ့သူများအတွက် လည်း လိုအပ်သည့်ဆေးဝါးများ၊ ကျန်းမာရေးစောင့်ရှောက်မှုများကို လုပ်ဆောင်မည်ဖြစ်ကြောင်း၊ နိုင်ငံတကာမှလည်း မြေမြှုပ်မိုင်းရှင်းလင်း ရေး အတွက် ဆောင်ရွက်ရာတွင် ပါဝင်လှူဒါန်းမည့် အလှူရှင်များနှင့် လည်း မိမိတွေ့ဆုံပြီး ယခုဒေသ၏ လိုအပ်ချက်များ၊ ကိုယ်အင်္ဂါချို့တဲ့ သူများအတွက် ကူညီမှုများရရှိရန် ဆောင်ရွက်သွားမည် ဖြစ်ကြောင်း၊ ယင်းသို့ အလှူရှင်နိုင်ငံများ၏ ကူညီ မှုများသည် ဒေသဖွံ့ဖြိုးတိုးတက် ရေးနှင့် မြေမြှုပ်မိုင်း ရှင်းလင်းရေး လုပ်ငန်းတို့တွင် အသုံးပြုရန်လိုအပ် ကြောင်း၊ ယင်းလုပ်ဆောင်ချက်များ ကိုလည်း စောင့်ကြည့်လေ့လာသွား မှာဖြစ်ကြောင်း၊ ယခုခရီးစဉ်သည် ဒေသတွင်း မြေမြှုပ်မိုင်း ထိခိုက်ခံ ထားရသူများ၏ တင်ပြချက်များကို လာရောက်လေ့လာနားထောင်ခြင်း ဖြစ်ကြောင်း၊ ဒေသတွင်း မြေမြှုပ် မိုင်းများ အမြန်ဆုံးရှင်းလင်းရန် ဒေသအာဏာပိုင်များနှင့်တိုင်ပင်ပြီး အမြန်ဆုံး လုပ်ဆောင်ရမည်ဖြစ် ကြောင်း ပြောကြားသည်။ အခမ်း အနားအပြီးတွင် မိုင်းထိထားခံရသူ များကို ရင်းနှီးစွာနှုတ်ဆက်ပြီး ကျောက်ကြီးမြို့သို့ ဆက်လက်ထွက် ခွာခဲ့ရာ မွန်းလွဲပိုင်းတွင် ရောက်ရှိခဲ့ သည်။ ကျောက်ကြီးမြို့နယ် အုပ်ချုပ် ရေးမှူးရုံးအတွင်း ဒေသအာဏာပိုင် များ၊ ပါတီအဖွဲ့အစည်းများမှ ပုဂ္ဂိုလ် များနှင့် တွေ့ဆုံ၍ ဒေသတွင်း ဖြစ်ပေါ်ခဲ့သည့် မတည်ငြိမ်မှုများ၊ မြေမြှုပ်မိုင်းများ ရှင်းလင်းရေးလုပ်ငန်း စဉ်များ၊ နိုင်ငံတကာမှ မြေမြှုပ်မိုင်း ရှင်းလင်းရေး အတွက် ရှေ့ဆက် ဆောင်ရွက်ရန် ကိစ္စများကို သက်ဆိုင် ရာအာဏာပိုင်များမှ ထိရောက်သည့် ပါဝင်ကူညီမှုများ လုပ်ဆောင်ပေး ကြရန်၊ လိုအပ်ချက်များရှိလျှင်လည်း ပွင့်လင်းစွာ ပြောကြားရန် စသည် တို့ကို ရှင်းလင်း ဆွေးနွေးခဲ့ကြပါ သည်။

ကျောက်ကြီးမြို့နယ် တိုင်းရင်း သားစည်းလုံးညီညွတ်ရေးပါတီမှ ပြည်သူ့လွှတ်တော် ကိုယ်စားလှယ် ဦးဥာဏ်စိုးဝင်းက မုန်းမြို့အတွင်း ဖြစ်ပေါ်လာမည့် အနာဂတ် အခြေ အနေအချို့ကို မြန်မာအင်ပဲန်ဒင့်သို့ ပြောကြားရာတွင်  “ဒုက္ခသည် အများစုက ကျွန်တော့်မြို့နယ်က ဖြစ်နေတယ်။ ဒီဒုက္ခသည်တွေ အတွက် အကောင်းဆုံးအခြေအနေ တစ်ခုရရှိလာအောင် ကျွန်တော် ကြိုးစားသွားမှာပါ။ နောက်တစ်ခုက ကိုယ်လက်အင်္ဂါချို့တဲ့မှုအပေါ်မှာ အားငယ်စရာမလိုဘဲနဲ့ ကမ္ဘာမှာ ရှိတဲ့ လူမှုအဖွဲ့အစည်းတွေကလည်း ကူညီစောင့်ရှောက်မှုတွေပေးနေ သလို မြန်မာနိုင်ငံရဲ့ ဖွဲ့စည်းပုံ အခြေခံဥပဒေဟာလည်း သူတို့ အပေါ်မှာ အာမခံချက်ရှိပါသလား ဆိုတာ သူတို့မကြာခင်မှာ တွေ့မြင် လာရတော့မှာပါလို့ ကျွန်တော် သတင်းကောင်းပါးလိုပါတယ်” ဟု ဆိုသည်။

ယခုခရီးစဉ်သည် မြေမြှုပ်မိုင်း ရှင်းလင်းရေးအတွက် အဓိကရှေ့ပြေး ခရီးစဉ်ဖြစ်သည့်အတွက် မြေမြှုပ်မိုင်း ကြောင့် ကိုယ်အင်္ဂါချို့တဲ့ခဲ့ကြ သူများက လမ်းဘေးတစ်ဖက်တစ် ချက်တွင် စောင့်ဆိုင်းနေကြပြီး ဒေါ်အောင်ဆန်း စုကြည်ကို ကြိုဆိုနေကြရာ မြန်မာအင်ဒီပဲန်ဒင့်မှ ကိုယ်အင်္ဂါ ချို့တဲ့ခဲ့ကြသူအချို့အား ယင်းတို့တွင် ဖြစ်ပေါ်နေသည့် အခြေအနေများကို မေးမြန်းခဲ့ရာတွင် အသက် ၅၄ နှစ်အရွယ် ဦးကျော်မြင့် ဆိုသူက “ကျွန်တော်ဆိုရင် လွန်ခဲ့ တဲ့ ၁၉၇၇ ခုနှစ်ကတည်းက လယ် ထွန်ရင်း မိုင်းထိခဲ့တယ်၊ ခြေတစ်ဖက် ဆုံးရှုံးခဲ့တယ်၊ ဘယ်အဖွဲ့ အစည်းကမှ လာရောက်ပြီး ကူညီပေးခဲ့တာမရှိပါဘူး။ မိသားစုအတွက် ကြက်ကလေးမွေး၊ ဝက်ကလေး မွေးရင်း နေထိုင်နေရတယ်” ဟု ဆိုသည်။ ခြေတစ်ဖက်ဆုံးရှုံးပြီး ခင်ပွန်း သည်ပါ မိုင်းကြောင့် သေဆုံးခံခဲ့ရ သူ အသက် ၄၂ နှစ်အရွယ် ဒေါ်ခင် အေးလွင်က “ကျွန်မဆိုရင်ခြေတစ်ဖက် မိုင်းထိခံရပြီး ဖြတ်လိုက်ရတယ်။ ကျွန်မခင်ပွန်းသည်လည်း မိုင်းထိလို့ အသက်ပါဆုံးရှုံးသွားရ တယ်။ အခု ကျွန်မမှာ မူလတန်း အရွယ် ကျောင်းသားလေးတစ်ယောက် ပဲကျန်ခဲ့တယ်။ ကျွန်မတို့ကို ဘယ်သူကမှ မကူညီကြပါဘူး။ ကျွန်မတို့ရွာ ပတ်ဝန်းကျင်မှာ မိုင်းထိလို့ ကိုယ်အင်္ဂါချို့တဲ့သွားတဲ့သူတွေ ၆ဝဝ ကျော် ၇ဝဝ လောက်ရှိပါတယ်”ဟု ပြောသည်။ ဒေသအတွင်း လက်နက်ကိုင် အဖွဲ့အစည်းဖြစ်သည့် ကေအန်ယူ ဆက်ဆံရေးရုံးသို့ ဒေါ်အောင်ဆန်းစုကြည်က ညနေ ပိုင်းတွင် သွားရောက်ပြီး ကေအန်ယူ တပ်မဟာ(၃)မှ တပ်မဟာမှူး ဗိုလ်မှူးချုပ် စောအဲ ကလူသိန်း (စောမျိုးချစ်)နှင့် တွေ့ဆုံခဲ့ရာတွင် စစ်ကြောင့် မိသားစုများ ဒုက္ခရောက် ကြရကြောင်း၊ အသက်ရှင်ပြီး ဘဝသေသူများဖြစ်ကြရကြောင်း၊ ယင်း အခြေအနေများ မဖြစ်ပေါ်လာအောင် ပူးပေါင်းဆောင်ရွက် ရမှာ ဖြစ်ကြောင်း၊ အားလုံး တိုင်ပင်ညှိနှိုင်း ပြီး ပူးပေါင်း လုပ်ဆောင် ရမှာဖြစ် ကြောင်း၊ ကေအန်ယူတပ်မဟာမှူး ဗိုလ်မှူးချုပ်စောအဲကလူသိန်းက ဆိုသည်။ မိုင်းများ ရှင်းနိုင်ရေးအတွက် အမြန်ဆုံး ကူညီနိုင်ရန် မည်သို့လုပ်ဆောင်ရမည် ကို ဒေါ်အောင် ဆန်းစုကြည်က မေးမြန်းရာတွင် “မြေမြှုပ်မိုင်းဆိုတာက နိုင်ငံတော် စစ်တပ်ဘက်က အလုံးအရင်းနဲ့ ထိုးစစ်ဆင်တယ်။ ကျွန်တော်တို့က တောင်ပေါ်ဒေသတွေမှာ မိုင်း ဧရိယာ သတ်မှတ်ထားတာတွေရှိ တယ်။ အခုတော့ ဒီမိုင်းတွေဟာ မရှိသလောက် နည်းပါးသွားပါပြီ။ ဒီအခြေအနေတွေက နှစ်ဖက်ခေါင်း ဆောင်တွေနဲ့ပဲ ဆိုင်ပါတယ်”ဟု ဆိုသည်။ ကျန်မိုင်းများ ရှင်းလင်း ရေးအတွက် နည်းပညာဆိုင်ရာ၊ ငွေကြေးဆိုင်ရာကိစ္စများ လိုအပ်မှု ရှိနိုင်မလား ဆိုသည့် မေးခွန်းကို ဒေါ်အောင်ဆန်းစုကြည်က မေးမြန်းရာတွင် ကျန်ရှိသည့် မိုင်းများသည် မိမိတို့နှင့် မြန်မာ့တပ်မတော် တို့၏ နယ်ခြားတွင်သာ များနေကြောင်း၊ လောလောဆယ် ရှင်းလင်းရန် မလွယ်ကူသေးကြောင်း၊ နှစ်ဖက် ညှိနှိုင်းမှု များ ရရှိလာမှသာ ယခုပြဿနာကို ကိုင်တွယ်၍ ရမှာဖြစ်ကြောင်း၊ မိမိ တို့ တစ်ဆင့်ချင်းစီ ကျော်လွှား လာခဲ့ သည့် အခြေအနေများသည် တစ်နှစ်ကျော် ကြာခဲ့သော်လည်း ယခုအချိန် အထိ မရသေးကြောင်း၊ ငြိမ်းချမ်း ရေးရရှိရန် အပစ်အခတ်ရပ်စဲရေးနှင့် သက်ဆိုင်သည့် အတွက် ယခုကိစ္စများသည် ဖြေရှင်းရန် မရသေးကြောင်း၊ ငြိမ်ချမ်းရေး ရပြီးမှ ဖြေရှင်းနိုင်မည် ဖြစ်ကြောင်း ယင်းကဆိုသည်၊

ဆက်လက်၍ ဒေါ်အောင်ဆန်း စုကြည်က မြေမြှုပ်မိုင်းများ အမြန် ဆုံးရှင်းလင်းနိုင်ရေးနှင့် ဒေသခံ ပြည်သူများ၏ ဘဝရပ်တည်ရေး သည် အဓိကကျသည့် လုပ်ငန်းများ ဖြစ်သလို နယ်မြေအေးချမ်းရေးနှင့် တိုက်ခိုက်မှုများ မဖြစ်ပေါ်ရေးကို မိမိအနေဖြင့် အဓိကထားဆောင်ရွက် မှာဖြစ်ကြောင်း၊ ကေအန်ယူအနေနှင့် လည်း တိုင်းပြည်အေးချမ်းတိုးတက် ရေး၊ မိမိနယ်မြေဒေသများ ခေတ် မီတိုးတက်သည့် အခြေအနေသို့ ရောက်ရှိရန် ဆွေးနွေးညှိနှိုင်းလုပ်ဆောင် စေလိုကြောင်း၊ မကြာမီ မြေမြှုပ် မိုင်းများ ရှင်းလင်းရေးလုပ်ငန်းများ ကို အောင်မြင်သည်အထိ လုပ်ဆောင် နိုင်မှာဖြစ်ကြောင်း၊ ဒေသ ခံပြည်သူများ၊ ကလေးသူငယ်များ၏ ကျန်းမာရေး၊ ပညာရေးများ တိုးတက် ကောင်းမွန်လာစေရန် ဝိုင်းဝန်းပူးပေါင်း လုပ်ဆောင်ကြရန် တိုက်တွန်း လိုကြောင်း ပြောကြားခဲ့ပြီး ညပိုင်း တွင် နေပြည်တော်သို့ ပြန်လည် ထွက်ခွာသွား ခဲ့ပါသည်။

ဝ၃၂

ဆက်စပ်သတင်းများ

ဟာကွက်တွေနဲ့ ရန်ကုန်ဘတ်စ်

ဟာကွက်တွေနဲ့ ရန်ကုန်ဘတ်စ်

ရန်ကုန်၊ ဇန်နဝါရီ ၂၀၊ ၂၀၁၇
ပါရမီကောလိပ် ရွှေဂုံပလာဇာတွင် ဖွင့်

ပါရမီကောလိပ် ရွှေဂုံပလာဇာတွင် ဖွင့်

ရန်ကုန်၊ ဇန်နဝါရီ ၁၂၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*