ခေါင်းကြီးသတင်း — ဖေဖော်ဝါရီ ၁၁၊ ၂ဝ၁၃
သူရဦးရွှေမန်းနှင့် ဇနီးတို့ လာရောက် ခဲ့ကြသည်

သူရဦးရွှေမန်းနှင့် ဇနီးတို့ လာရောက် ခဲ့ကြသည်

တိုင်းပြည် ဖွံ့ဖြိုးတိုးတက်ရေး ဆောင်ရွက်ရာတွင် တိုင်းရင်းသားစည်း လုံးညီညွတ်ရေးနှင့် အမျိုးသား ပြန်လည် သင့်မြတ်ရေး၊ ပဋိပက္ခများ အဆုံးသတ်ရေးသည် အရေးကြီးဆုံး ဖြစ်သည့်အတွက် ပြည်သူ့လွှတ်တော်ဥက္ကဋ္ဌ သူရဦးရွှေမန်းနှင့်တကွ ပါတီပေါင်းစုံမှ ကယား၊ ကရင်၊ ချင်း၊ မွန်၊ ရခိုင် တိုင်းရင်းသားလွှတ်တော် ကိုယ်စားလှယ် များ သည် ကချင်ဒေသခံ ပြည်သူများ လိုအပ်ချက် ဖြည့်စွမ်းနိုင်ရေး၊ အခက်အခဲများ ကို ကြည့်မြင်နားထောင်ပြီး နယ်မြေ ငြိမ်းချမ်း သာယာ၍ ဖွံ့ဖြိုးတိုးတက်အောင် ဖြည့်ဆည်း ဆောင်ရွက်ပေးရန် ရည်ရွယ်၍ ဖေဖော်ဝါရီ ၉ ရက်က ကချင်ပြည်နယ်သို့ သွားရောက်ခဲ့ကြောင်း သိရသည်။

အထက်ပါ ခရီးစဉ်တွင်လိုက်ပါခဲ့သူ ကချင်ပြည်နယ်လွှတ်တော်ကိုယ်စားလှယ် ဦးခက်ထိန်နန်က ယခုခရီးစဉ် သည် လွန်စွာ အောင်မြင် ထိရောက်သည့် ခရီးစဉ် ဖြစ်ကြောင်း၊ ဒီမိုကရေစီ စနစ်ဖြင့် နိုင်ငံတော်သစ် စပြီး တည်ထောင်ချိန် မှစ၍ ကချင်ပြည်နယ်သို့ နိုင်ငံတော် ခေါင်းဆောင်များ ပထမဦးဆုံးသွား ရောက်ခြင်း ဖြစ်သကဲ့သို့ လူထုနှင့် တိုက်ရိုက်တွေ့ပြီး လူထုအသံကို တိုက်ရိုက် နားထောင်သည့် ခရီးဖြစ်သောကြောင့် ကချင်လူထုက အကြီးအကျယ် ဝမ်းသာအားရ ကျေနပ်မှု ရှိကြောင်း၊ ထို့ပြင် ပြည်သူများက ယင်းတို့၏ အခက်အခဲ များကို အတိအကျ တင်ပြနိုင်သဖြင့် စိတ်ဓာတ်ရေးရာအရ များစွာ ထိရောက်မှု ရှိကြောင်း၊ မြစ်ကြီးနား အပြင် အခြားသောမြို့နယ်များကလည်း လာရောက် တွေ့ဆုံပြီး လမ်းတံတား၊ ပညာရေး၊ ကျန်းမာရေး ကိစ္စများကို လူငယ်များ က တင်ပြပြီးလူကြီးသက်ကြီးပိုင်းများ က ငြိမ်းချမ်းရေး အမြန်ရရှိစေရန် တင်ပြခဲ့ကြောင်း၊ ထိုတင်ပြချက်များ အပေါ်တွင် လည်း ဝန်ကြီး ၁ဝ ဦးက ပြန်လည် ဖြေကြားပြီး စီစဉ်ဆောင်ရွက် ပေးနိုင်သည်များကို တစ်ပါတည်း ဆွေးနွေး ဆောင်ရွက် ခဲ့ကြောင်း မြန်မာအင်ဒီပဲန်ဒင့်သို့ ပြောသည်။

တစ်ဖန် “အရေးအကြီးဆုံးကတော့ ဒီညနေ သတင်း ဝင်လာတာက သေချာဖို့ များတယ်။ ဖားကန့်၊ လုံးခင်း အ ရှေ့ဘက် ဆယ်မိုင်ဝန်းကျင် တောထဲက ဆာလာရန် ဆိုတဲ့ ဒေသမှာ ဒီမြန်မာ့ တပ်မတော်ဘက် က အင်အား ၈ဝ၊ ကေအိုင်အေဘက် က အင်အား ၂ဝဝ လောက်တောထဲမှာ ဆုံကြတော့ ငြိမ်းချမ်းရေး တွေ့ဆုံပွဲ လုပ်ထားတာနဲ့ အခုလိုငြိမ်းချမ်းရေး အတွက် နိုင်ငံတော်အကြီးအကဲကိုယ်တိုင် သွားရောက် တွေ့ဆုံခဲ့တဲ့ အချက်တွေ ကြောင့်၊ သူတို့ကို အထက်ကညွှန်ကြား ထားတဲ့အရာတွေကြောင့် သတိဝီရိယ ထားပြီး ငြိမ်းချမ်းရေး ဖော်ဆောင်နေ တော့ မပစ်ခတ်ကြဘဲ တစ်ယောက်နဲ့ တစ်ယောက် ဝမ်းသာအားရ နှုတ်ဆက် ပြီးတော့ ဓာတ်ပုံတွေတောင် တွဲရိုက်တယ်လို့ သိရတယ်။ အဲဒါ မြန်မာ တပ်မတော်တပ်ရင်း ခလရ ၁ဝ၂ လို့ ကြားတယ်။ ကေအိုင်အေ ဘက်က ခွဲ ၃ နဲ့ ခွဲ ၉ လို့ကြားတယ်။ အဲဒါရွာခံရပ်မိ ရပ်ဖဆီက သိရတာပါ” ဟူ၍ ငြိမ်းချမ်းရေး ဖော်ဆောင်မှု လမ်းစဉ် ပိုမိုအောင်မြင် ပီပြင်လာခြင်းကို ဝမ်းသာအားရ အသိပေးခဲ့သည်။

ထို့နောက် ကချင်လွှတ်တော် ကိုယ်စားလှယ် ဒေါ်ဒွဲဘူက ယခုကဲ့သို့ ကချင်ပြည်နယ်သို့ နိုင်ငံတော် အကြီးအကဲ များ ကိုယ်တိုင် သွားရောက်ခြင်းဖြင့် ပြည်သူများ၏ လိုအင်ဆန္ဒ၊ တောင့်တမှုများကို လွှတ်တော်က သိရပြီး ငြိမ်းချမ်းရေး ဖော်ဆောင်မှု လမ်းစဉ် အောင်မြင်ရန် ရှေ့ဆက် မည်သို့ဆောင် ရွက်ရမည်များကို သိရှိသွားကြောင်း၊ ထို့ကြောင့် ငြိမ်းချမ်းရေး ဖော်ဆောင် ရာတွင် လွှတ်တော်၏ အခန်းကဏ္ဍ မှာလည်း အရေးပါ ကြောင်း၊ ထို့ကြောင့် လွှတ်တော်ဘက်က ထဲထဲဝင်ဝင် ဆောင်ရွက်မည် ဆိုပါက ယခုထက်ပိုပြီး အောင်မြင်မှု ရနိုင်ကြောင်းနှင့် ဥပဒေပြုရေးတွင်လည်း ငြိမ်းချမ်းရေးနှင့် ဆက်စပ်နိုင်မည့် ဥပဒေပြုရေးကို ဆောင်ရွက်နိုင်ကာ ငြိမ်းချမ်းရေးကို အလျင်အမြန်အကောင်အထည်ဖော် ဆောင်ရွက်နိုင်မည်ဟု ယုံကြည်မျှော် လင့်ကြောင်း မြန်မာ အင်ဒီပဲန်ဒင့်သို့ ပြောသည်။

ဆက်လက်၍ ဦးအိုက်ယွန်းမွန်က ယင်းအနေဖြင့် ပြည်သူ့လွှတ်တော် ဥက္ကဋ္ဌ ကိုယ်တိုင် ကိုယ်ကျ သွားရောက် တွေ့ ဆုံ ဆွေးနွေးကာ ကွင်းဆင်း လေ့လာမှုများအပေါ် များစွာ ဝမ်းသာမိကြောင်းနှင့် ထိုခရီးစဉ်သည် ငြိမ်းချမ်းရေးဖော်ဆောင်မှု အတွက် အထောက် အကူပေးနိုင်မည့် ခရီးစဉ်ဟု ယုံကြည် မျှော်လင့်မိသကဲ့သို့ ရှေ့ဆက်ပြီး တစ်ဦးနှင့် တစ်ဦး အပြန်အလှန် လေးစားမှု၊ ယုံကြည်မှု၊ ချစ်ကြည် ရင်းနှီးမှုဖြင့် အပစ်အခတ် လျှော့ချရေးမှသည် ငြိမ်းချမ်းရေးသို့ ဦးတည် သွားစေလိုကြောင်း ပြောသည်။

အထက်ပါ ငြိမ်းချမ်းရေး ခရီးစဉ်တွင် ပြည်သူ့လွှတ်တော်ဥက္ကဋ္ဌ သူရဦးရွှေမန်းအပါအဝင် လွှတ်တော်  ကိုယ်စား လှယ် ဦးခက်ထိန်နန်နှင့် ပြည်ထောင်စု ဝန်ကြီးများ၊ ဒုတိယ ဝန်ကြီးများ၊ လွှတ်တော် ကော်မတီ ဥက္ကဋ္ဌများ၊ တိုင်းရင်းသား လွှတ်တော် ကိုယ်စားလှယ်များ၊ ခရိုင်အဆင့်ဌာန ဆိုင်ရာများ၊ ကချင်ပြည်နယ် ဒေသတွင်းရှိ မြို့မိမြို့ဖများ၊ ဒေသခံပြည်သူ များနှင့် တွေ့ဆုံခဲ့ကြပြီး ဒေသဆိုင်ရာ လိုအပ်ချက်များကို ပွင့်လင်းစွာ ဆွေးနွေး ခဲ့ကြကြောင်း သိရသည်။ ထို့ပြင် ပြည်သူ့လွှတ်တော် ဥက္ကဋ္ဌ သူရ ဦးရွှေမန်းကလွှတ်တော်နှင့်သက်ဆိုင် ရာများ၏ ဆောင်ရွက်မှုများကြောင့် ငြိမ်းချမ်းရေးရောင်နီ သန်းလာပြီဖြစ်၍ နှစ်ဦးနှစ်ဖက် အချင်းချင်း ဆက်သွယ်ကာ ပွင့်ပွင့် လင်းလင်း ဆွေးနွေး ပြီး ပြည်နယ် ပြည်မ မခွဲခြားဘဲ တိုင်းရင်းသား အချင်းချင်း ရိုးသားပွင့်လင်းစွာ ပြောဆို ဆက်ဆံပြီး အပြန်အလှန် လေးစား ကာ တည်ငြိမ် အေးချမ်းရေးမှ တစ်ဆင့် ငြိမ်းချမ်းရေး ဖော်ဆောင်ရာတွင် ပြည်သူများ ပူးပေါင်းပါဝင်ကြရန်အတွက် တိုက်တွန်းခဲ့ကြောင်း သိရသည်။

ဝ၈၂

ဆက်စပ်သတင်းများ

လေဆိပ်ရောက်တိုင်း ဂုဏ်ယူနေပါ

လေဆိပ်ရောက်တိုင်း ဂုဏ်ယူနေပါ

ရန်ကုန်၊ ဇန်နဝါရီ ၃၁၊ ၂၀၁၇
ဒုတိယမြောက် လုပ်ကြံခံရခြင်း

ဒုတိယမြောက် လုပ်ကြံခံရခြင်း

ရန်ကုန်၊ ဇန်နဝါရီ ၃၀၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*