ပညာရေး သတင်း — ရန်ကုန်၊ မတ် ၁၂၊ ၂ဝ၁၃

ပြည်ထောင်စု အစိုးရ၏ ညွှန်ကြားချက်ဖြင့် ရခိုင်ပြည်နယ်တွင် လာမည့် ၂ဝ၁၃/၁၄ ပညာသင်နှစ်တွင် အခြေခံ ပညာကျောင်းများ၌ ရခိုင်စာပေ သင်ကြားနိုင်ရန် ရခိုင်ပြည်နယ် ၁၇ မြို့နယ်မှ သမိုင်းသုတေသီများ၊ စာပေ ပညာရှင်များက ရခိုင်စာ သင်ရိုးညွှန်းတမ်း ပြုစုရေး ကော်မတီကို ဖွဲ့စည်းကာ သင်ရိုးညွှန်းတမ်း ရေးဆွဲနေ ကြောင်း သိရသည်။

ရခိုင်စာပေကို လာမည့် ပညာသင်နှစ်တွင် အစိုးရကျောင်းများ၌ တရားဝင်ပြဋ္ဌာန်းသင်ကြားနိုင်ရေး အတွက် ရခိုင်စာပေ သင်ရိုးညွှန်းတမ်း ရေးဆွဲရေး အဖွဲ့က ပြုစုနေသော ရခိုင်စာပေ သင်ရိုးညွှန်းတမ်းမှာ မတ် ၉ ရက်တွင် ရခိုင်စာပေ သင်ရိုးညွှန်းတမ်း (သူငယ်တန်း)ကို ရေးဆွဲပြီး မူလတန်း အဆင့်ရေးဆွဲကြရာတွင် ရခိုင် သဘာဝ တေးကဗျာ အရွေ့ သာချင်းများ အများစု ပါဝင်ကြောင်း သိရသည်။

လာမည့် မတ် ၁၆ ရက်တွင် ပထမတန်းနှင့်ဒုတိယတန်းကို တစ်လအတွင်း အပြီးသတ် ရေးဆွဲမည်ဖြစ်ပြီး သတ်မှတ် ထားသော အတန်းအားလုံး၏ သင်ရိုးညွှန်းတမ်းများ ရေးဆွဲပြီးပါက ရခိုင်ပြည်နယ်၊ လူမှုရေးရာ ဝန်ကြီး ဒေါက်တာအောင်ကျော်မင်းမှ တစ်ဆင့် ပြည်ထောင်စုအစိုးရထံ တင်ပြကာ လိုအပ်သော ကျောင်းသုံး စာအုပ် များကို ဧပြီနှင့်မေလတွင် အပြီး ရိုက်နှိပ်ပြီး သက်ဆိုင်ရာ ကျောင်းများသို့ဖြန့်ဝေကာ ဇွန်လ မှစ၍ သင်ကြားမည် ဖြစ်ကြောင်း သိရသည်။

ရခိုင်စာ သင်ကြားရာတွင် မသင်မနေရ စနစ်မျိုး မဟုတ်ဘဲ ကျောင်းချိန် ပြင်ပ စာသင်ခန်းတွင် သင်ရမည်ဖြစ်ပြီး ရခိုင်စာ သင်ယူမည့် ကျောင်းသား အယောက် သုံးဆယ် အတွက် ဆရာ တစ်ဦးကို သီးသန့်ငှားပေးမည်ဖြစ်ရာ အစိုးရက အဆိုပါလစာအား ပေးထားမည်ဖြစ်ကြောင်း သိရသည်။

ယခုရေးဆွဲပြီး၊ ရေးဆွဲနေသော ပြဋ္ဌာန်းချက်များမှာ ပြီးပြည့်စုံသော ပြဋ္ဌာန်းချက်မျိုး မဟုတ်သေးဘဲ ရခိုင် စာပေ သင်ကြားရေး ပထမခြေလှမ်း အဆင့်သာ ရှိပြီး ရခိုင်ဒေသမှာ မတူကွဲပြားသော စကားသံများ၊ ဝေါဟာရများ အချိန်ယူကာ ဖြည်းဆည်း ဆောင်ရွက်သွားရန်လိုအပ်ပြီး သုတေသနပိုင်းတွင်လည်း နားလည်မှုရှိရှိဖြင့် ညှိနှိုင်း ပူးပေါင်းဆောင်ရွက်ရန်၊ ဒေသစွဲ၊ ပုဂ္ဂိုလ်စွဲ၊ အယူစွဲများကို ဘေးဖယ်ပြီး မျှတစွာ ဆောင်ရွက်သွားမည် ဆိုပါက ပြီးပြည့်စုံသော ရခိုင်စာပေ သင်ကြားရေး စနစ်တစ်ခုဖြစ်ထွန်းလာ မည်ဟု ညှိနှိုင်းရေး အစည်းအဝေး တက်ရောက် ခဲ့သူ ရခိုင်သမိုင်း သုတေသီ ဦးကောသလ္လ (ဂဝေသီ)က မိန့်ကြားသည်။ ရခိုင်အက္ခရာအရေး အသားအဖြစ် မြောက်ဦးခေတ် အဝိုင်း အက္ခရာကို ရခိုင်အက္ခရာ (Arakan Alphabet) အဖြစ် အသုံးပြုသွားမည် ဖြစ်ပြီး၊ ရခိုင်ဝေါဟာရ များကိုမူ ရှေးခေတ် ရခိုင် ရွှေနန်းတော်သုံး (ရာဇဌာနီသုံး) ဝေါဟာရများနှင့် ကျေးလက်သုံး ဝေါဟာရများကို သမမျှတစွာ သုံးစွဲသွားမည် ဖြစ်သည်ဟု ဦးကောသလ္လ (ဂဝေသီ)က မိန့်ကြားသည်။

လုပ်ငန်း ညှိနှိုင်း အစည်းအဝေးမှ သင်ရိုးညွှန်းတမ်း ရေးဆွဲရေးမူများကို ချမှတ်ခဲ့ခြင်းဖြစ်ပြီး အဆိုပါမူများ အား သင်ရိုးပြုစုရေး အဖွဲ့က ပြည်နယ် ဥပဒေချုပ်ရုံး အစည်းအဝေး ခန်းမတွင် လေးရက် တိုင်တိုင် မနားတမ်းရေးဆွဲ ပြုစု ခဲ့ကြခြင်းဖြစ်ပြီး ရခိုင်သမိုင်း တစ်လျှောက် နှစ်ပေါင်းနှစ်ရာကျော် ကာလအတွင်း မည်သည့်အခါကမျှ သင်ကြားခွင့် မရခဲ့သော ရခိုင်စာပေကို လာမည့်ပညာသင်နှစ်တွင် ရခိုင်ပြည်နယ် အစိုးရကျောင်းများ၌ တရားဝင် ပြဋ္ဌာန်းသင်ကြား ရတော့မည် ဖြစ်သဖြင့် ဝမ်းမြောက်မိ ပါကြောင်း သင်ရိုးညွှန်းတမ်းရေးဆွဲရေး အဖွဲ့ဝင် ရခိုင်သမိုင်း သုတေသီ ဆရာတော် ဦးကုသလ(ငွေသဇင်)က မိန့်ကြားခဲ့သည်။

ဝ၇၄

ဆက်စပ်သတင်းများ

ပါရမီကောလိပ် ရွှေဂုံပလာဇာတွင် ဖွင့်

ပါရမီကောလိပ် ရွှေဂုံပလာဇာတွင် ဖွင့်

ရန်ကုန်၊ ဇန်နဝါရီ ၁၂၊ ၂၀၁၇
ပွင့်သောပန်းတို့ လန်းစေဖို့

ပွင့်သောပန်းတို့ လန်းစေဖို့

ရန်ကုန်၊ ဒီဇင်ဘာ ၈၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*