HSBC ၏ ထိန်းချုပ်မှု ပေါ့လျော့ခြင်းအပေါ် အမေရိကန် အထက်လွှတ်တော် စုံစမ်းစစ်ဆေးမှု တစ်ခု၌ မြန်မာနိုင်ငံနှင့် ပတ်သက်၍ ဘဏ်လုပ်ငန်းများကို ကန့်သတ် ချုပ်ချယ်သည့် အမေရိကန် ပိတ်ဆို့ အရေးယူမှု ချမှတ်ထားသည့်ကြားက ထိုဘဏ်မှတစ်ဆင့် ကျော်ဖြတ် လွတ်မြောက်သွားခဲ့သော မြန်မာ ပါဝင်ပတ်သက်သည့် အရောင်းအဝယ် လုပ်ငန်းအချို့ကို ရှာတွေ့ခဲ့သည်ဟု ဝေါ(လ)စထရိဂျာနယ် တွင် ရေးသားဖော်ပြခဲ့သည်။

HSBC ဘဏ်လုပ်ငန်း အဆောက်အဦကို တွေ့ရစဉ်

HSBC ဘဏ်လုပ်ငန်း အဆောက်အဦကို တွေ့ရစဉ်

အချို့သော ကိစ္စများတွင် အရောင်းအဝယ် လုပ်ငန်းမှတ်တမ်းများ၌ စာလုံးပေါင်း မှားယွင်းနေ သောကြောင့်၊ အလိုအလျောက် စိစစ်ရေး ကိရိယာများ က ယင်းတို့ကို လွတ်ထွက် သွားစေခဲ့သည်ဟု ဆိုပါသည်။ ဥပမာအားဖြင့် ၂ဝဝ၈ ခုနှစ်၊ ဇန်နဝါရီ ၁၈ ရက်က မြန်မာနိုင်ငံတွင် အရင်းခံသော ဒေါ်လာ ၁၅,ဝဝဝ မှာ ထိုဘဏ်၏ အမေရိကန် ဘဏ်ခွဲမှတစ်ဆင့် အပေးအယူ လုပ်သွားခဲ့ကြောင်း၊ ဆီးနိတ် အစီရင်ခံစာပါ HSBC ၏ အီးမေး(လ်)တစ်စောင် အရသိရှိရသည်။ HSBC ၏ ဥပဒေ ထိန်းသိမ်းရေး အရာရှိများအကြား ပေး ပို့သည့် အီးမေး(လ)တစ်စောင်တွင် မြန်မာနိုင်ငံ၏ ယခင်မြို့တော် ရန်ကုန်၏ ကိုလိုနီခေတ်သုံး နာမည်ဖြစ်သော “Rangoon” အစား “Yangon”ဟု အမှတ်အသား ပြုခဲ့သော ကြောင့် ထိုငွေပေးချေမှုမှာ ဘဏ်မှတစ်ဆင့် ပြုလုပ်သွားနိုင်ခဲ့ကြောင်း နောင်မှ သိခဲ့ရသည်။ အမေရိကန် ပြည်ထောင်စုနှင့် ဗြိတိန်အစိုးရများ အပါအဝင် များစွာသော နိုင်ငံများက အမည်ဟောင်းကို သုံးစွဲနေကြသော်လည်း မြန်မာနိုင်ငံ စစ်အစိုးရက ၁၉၈၉ ခုနှစ်တွင် “Rangoon” အစား “Yangon”ကို တရားဝင် အတည်ပြုခဲ့သည်။

ထိုအချိန်တွင် HSBC ၏ အမေရိကန် ဥပဒေထိန်းသိမ်းရေး အကြီးအကဲက စိစစ်ရေး ယန္တရား တပ်ဆင်ရန် ပန်ကြားခဲ့သည်။ “ဒီလွဲမှားမှုတွေက ကျွန်မတို့ရဲ့ထိန်းချုပ်ရေး ထိရောက်မှုကို အမေရိကန် ဥပဒေအဖွဲ့အစည်းတွေ မေးခွန်းထုတ်စေမယ့် အန္တရာယ်ကြီးနဲ့ ကျွန်မတို့ရင်းပြီး လုပ်ကိုင်နေရ တာပါ”ဟု သူကရေးခဲ့သည်။

၂ဝ၁ဝ ခုနှစ်တွင် နောက်ထပ် အမေရိကန်ဒေါ်လာ အပေးအယူနှစ်ခု ထိုဘဏ်မှ တစ်ဆင့်ပြုလုပ်ခဲ့ရာ တစ်ခုမှာ စစ်ဆေးမှုမခံရဘဲ လွတ်ထွက်သွားခဲ့သည်။ ထိုတစ်ခုတည်းတွင် ဘဏ်၏ စိစစ်ရေးဆော့(ဖ်)ဝဲက “Burmese”ဆိုသည်ကို မြန်မာ၏ အခြားအမည်တစ်ခုခုဖြစ်သည့် “Burma”နှင့် ဆက်နွယ်မှန်း ဖမ်းမိသိရှိခြင်း မရှိခဲ့။ အခြားတစ်ခုတွင် စိစစ်ရေးကိရိယာက “Myanmar” ဆိုသော စာလုံးမှာ “Myanmar” နိုင်ငံကို ရည်ညွှန်းခြင်း ဖြစ်နိုင်ကြောင်း ခွဲခြားဖော်ထုတ် မပြခဲ့ကြောင်း၊ ဆီးနိတ် အစီရင်ခံစာတွင် ပါဝင်သော HSBC ၏ အီးမေး(လ်)အရ သိရသည်။

ဆီးနိတ်အစီရင်ခံစာတွင် ဖော် ထုတ်ပြခဲ့သော ၂ဝဝ၅ ခုနှစ်က အကြီးဆုံး မြန်မာ၏ ငွေအလွှဲ အပြောင်းမှာ ထိုအချိန်က ကိုယ်တိုင် အမေရိကန် ဒေါ်လာဝယ်ရောင်း လုပ်နေသော  HSBC ဘဏ်ခွဲတစ်ခုသည် မြန်မာနှင့် ဆက်သွယ်သော အဖွဲ့အစည်းတစ်ခုဟု ပေါ်ပေါက်သိရှိရသော ဖောက် သည်တစ်ဦးထံမှ ဒေါ်လာ ၂.၉ သန်းကို ဝယ်ယူခဲ့ခြင်း ဖြစ်ကြောင်း၊ HSBC ဥပဒေ ထိန်းသိမ်းရေး အရာရှိများကြား ပေးပို့သည့် အီးမေး(လ်)တစ်စောင် အရသိရသည်။ အီးမေး(လ်)တွင် ထိုဖောက်သည်၏ အမည်ကို လွှဲပြောင်းထားသော်လည်း ထိုလွှဲပြောင်းမှု ဖြစ်မြောက်အောင် ခွင့်ပြုခြင်း၏ အရေးကြီးမှုကို ဥပဒေ ထိန်းသိမ်းရေး အရာရှိက သတိပြုမိခဲ့သည်။

ယင်းငွေလွှဲပြောင်းမှုမှာ အာဏာပိုင်များထံ သတင်းပို့ရန် လိုအပ်မည့် အမေရိကန် ပိတ်ဆို့ အရေးယူမှုကို ချိုးဖောက်ခြင်း ဖြစ်ကြောင်းနှင့် ကြီးမားသော ဘဏ္ဍာရေး ပြစ်ဒဏ် ခံရနိုင်ကြောင်း၊ အနည်းငယ်သာ သံသယ ဖြစ်ခဲ့သည်ဟု HSBC အုပ်စု ဥပဒေ ထိန်းသိမ်းရေး အကြီးအကဲ David Bagley က ရေးခဲ့သည်။ ထိုအချိန်က ထိုကိစ္စကို “တစ်ခုချင်းဖြစ်ရပ်”ဟု သူက ခေါ်ဝေါ်ခဲ့ပြီး “တစ်စုံလုံး ပြဿနာ” ဟုတ်ဟန် မတူကြောင်း သူကပြောခဲ့သည်။

ထင်မြင်ချက်ပေးရန် တောင်းဆိုမှုကို တုံ့ပြန်ရာတွင် ဟောင်ကောင်ရှိ HSBC ပြောခွင့်ရ အမျိုးသမီးက အစီရင်ခံစာတွင် အသေးစိတ်ပါသော လုပ်ရပ်အတွက် တောင်းပန်ကြောင်း ဖော်ပြသည့် ယင်းဘဏ်၏ တနင်္လာနေ့တွင် ထုတ်ပြန်သော ကြေညာချက်ကို ရည်ညွှန်း ပြောဆိုသွားသည်။ ကြေညာချက်တွင် မှားယွင်းခဲ့မှုကို ပြင်ဆင်သွားမည့် အကြောင်း ကတိပြုထားပြီး မြန်မာနိုင်ငံ ငွေလွှဲပြောင်းမှုကိုမူ သီးခြား ဖော်ပြမထားချေ။

မြန်မာနိုင်ငံနှင့် ဘဏ္ဍာရေး လွှဲပြောင်းမှုများကို ဆန့်ကျင်သော အမေရိကန် ပိတ်ဆို့ အရေးယူမှုမှာ ၁၉၉၇ ခုနှစ်တွင် အသက်ဝင်ခဲ့ပြီး အမေရိကန် ပြည်ထောင်စု အပါအဝင် အခြား အနောက်နိုင်ငံများနှင့် ဆက်ဆံရေးများကို တိုးတက်စေခဲ့သည့် ၂ဝ၁၁ ခုနှစ်တွင် စတင်ခဲ့သော စီးပွားရေးနှင့် နိုင်ငံရေး ပြုပြင်ပြောင်းလဲမှုများကို   မြန်မာအစိုးရက ပြုလုပ်ခဲ့သဖြင့် ၂ဝ၁၂ ခုနှစ်တွင် ဖြေလျော့ခဲ့သည်ဟု ဝေါ(လ)စထရိ ဂျာနယ်တွင် ဖော်ပြထားပါသည်။

ဝ၄ဝ

ဆက်စပ်သတင်းများ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်း၊ အောက်တိုဘာ ၁၃၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*