တိုင်းရင်းသားသတင်း — မတ် ၆၊ ၂ဝ၁၃

ရှမ်းပြည်နယ် မြောက်ပိုင်းနှင့် အရှေ့ပိုင်းဒေသများတွင် မြန်မာအစိုးရ တပ်ဖွဲ့တို့ မကြာမီက ဆင်နွှဲခဲ့သော တိုက်ပွဲ များသည် ကမ္ဘာပေါ်တွင် အင်အား အတောင့်တင်းဆုံး လက်နက်ကိုင် မူးယစ်ဆေးဝါး အဖွဲ့အစည်း အဖြစ် ထင်ရှားသော United Wa State Army (UWSA) ကို ထိုးစစ် ဆင်မည့်ဟန် မရှိသော်လည်း ဆက်လက် လှုပ်ရှားမှုများက UWSA ၏ နယ်မြေကို ဝန်းရံ ပိတ်ဆို့ထားခြင်း ဖြစ်ကြောင်း Restoration Council of Shan State Army (RCSS/SSA) အကြီးအကဲ Yawdserk က သူ၏ အမြင်ကို မတ် ၄ ရက်က ထုတ်ဖော် ပြောကြား လိုက်သည်။

RCSS/SSA အကြီးအကဲ Yawdserk

RCSS/SSA အကြီးအကဲ Yawdserk

မြန်မာစစ်တပ်သည် မြောက်ဘက်တွင် ကိုးကန့် ဒေသများနှင့် တောင်ဘက်တွင် မက်မန်း၊ မုန်းပိုင်၊ မုန်းခတ် မြို့နယ်များကို သိမ်းပိုက်ထား ရုံသာမက သံလွင်မြစ် အနောက်ဘက်ကမ်းရှိ SSA စခန်းအချို့ကိုလည်း ၂၀၁၁ နှင့် ၂၀၁၂ စစ်ဆင်ရေးများ အတွင်း သိမ်းပိုက်ထားခဲ့သည်။

ဖေဖော်ဝါရီ ၁၈ ရက်မှ ၂၂ ရက် အတွင်း ဖြစ်ပွားသော တိုက်ပွဲများ၌ သံလွင်မြစ်ကို အပေါ်စီးမှကြည့်မြင်နိုင် သော လွယ်လမ်းဒေသရှိ SSA စခန်းများ ရှိရာ တောင်ကုန်းတစ်ခုကို မြန်မာစစ်တပ်က သိမ်းပိုက်ခဲ့သည်။ ဝမ် ဟိုင်းရှိ Shan State Progress Party Shan State Army (SSPP/SSA) ဌာနချုပ်ရုံးက သမ္မတထံသို့ ကန့်ကွက်စာ တစ်စောင် ပေးပို့ခဲ့ပြီးနောက် ထိုးစစ်ဆင်မှု ရပ်တံ့သွားခဲ့သည်။

ခိုလမ်းဒေသ အခြေစိုက် မြန်မာတပ်ဖွဲ့က နေပြည်တော်နှင့် ဝမ်ဟိုင်းဌာနချုပ်တို့ ယခင် သဘောတူညီချက်အရ SSPP/SSA တပ်ဖွဲ့ဝင်များနှင့် မိသားစုများ အခြေစိုက် နေထိုင်ခွင့်ပြု ထားသော (လွယ်လမ်းဒေသ အနီးရှိ) ပန်းဖူးရွာသို့ တပ်ဖွဲ့များဖြင့် ဖြန့်ကျက်လာခဲ့ကြောင်း၊ ဖေဖော်ဝါရီ ၂၆ ရက်တွင် လာရောက်ရန် ရှိသည့် မူးယစ် ဆေးဝါးတိုက်ဖျက်ရေး DEA  အဖွဲ့ ၏ လုံခြုံရေး အတွက်ဟု အကြောင်းပြခဲ့ကြောင်း၊ ဖေဖော်ဝါရီ ၂၂ ရက်က သမ္မတ ဦးသိန်းစိန်ထံ ပေးပို့ခဲ့သော SSPP/SSA အကြီးအကဲ Lt.Gen Pang Fa ၏ ပေးစာတွင် ဖော်ပြပါရှိ ခဲ့သည်။ Lt. Gen Pang Fa က ပန်းဖူးတွင် ရဟတ်ယာဉ်များ ဆင်းသက်ခြင်း မပြုရန် တောင်းဆိုပါကြောင်း၊ ယင်းအစား ယခင်ကလည်း ရဟတ်ယာဉ် ဆင်းသက်ခဲ့ရာ Pang Mieng Hib လွင်ပြင်တွင် ဆင်းသက်နိုင် ပါကြောင်း၊ ပန်းဖူးရွာတွင်သာ ဆင်းသက်လိုသည် ဆိုပါက DEA အဖွဲ့၏ လုံခြုံရေးကို မြန်မာစစ်တပ်အစား SSA က တာဝန်ယူပေး နိုင်ပါကြောင်းလည်း ရေးသား ဖော်ပြခဲ့သည်။

SSA သတင်း ရပ်ကွက်အဆို အရ DEA အဖွဲ့ ခရီးအစီစဉ်ကို  ဖျက်သိမ်းလိုက်ကြောင်း သိရှိရသည်။

SSA ကို ၁၉၆၄ ခုနှစ်တွင် စတင် တည်ထောင်ခဲ့သည်။ SSA မှာ Shan State Army ဖြစ်ပြီး ရှမ်းပြည် တပ်မတော်ဟု ခေါ်ဆိုသည်။ ရှမ်းပြည် တပ်မတော်တွင် တောင်ပိုင်းနှင့် မြောက်ပိုင်း ဟူ၍ ရှိသည်။ Yawdserk သည် Restoration Council of Shan State Army (RCSS/SSA) အကြီးအကဲ ဖြစ်သည်။

Ref: S.H.A.N

ဝ၃၉

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၁)

  1. သတင်းအချက်အလက်စုံလင် တဲ့ဂျာနယ်ပါ

Leave a Reply

Your email address will not be published. Required fields are marked *

*