မြန်မာပုံရိပ်မှ စာသားသို့ ပြောင်းလဲဖတ်ရှုစနစ် (MMOCR) ကို စမ်းသပ်ထုတ်လုပ်ရန် ရည်ရွယ်ထားကြောင်း ကွန်ပျူတာသုံး မြန်မာစာစနစ် သုတေသနလုပ်ငန်း အဖွဲ့မှ ဇူလိုင် ၂၁ ရက်က သတင်း ထုတ်ပြန်ခဲ့သည်။ ပုံရိပ်မှ စာသားသို့ ပြောင်းလဲဖတ်ရှု စနစ်ဆိုသည်မှာ ပုံရိပ်ဖိုင်တွင် ပါဝင်နေသော စာသားများကို ကွန်ပျူတာမှ ဖတ်ရှုပြီး ကွန်ပျူတာတွင် စာသားအဖြစ် သိမ်းဆည်းခြင်း၊ ပြုပြင်ခြင်းနှင့် ပြန်လည် အသုံးချနိုင်ရန် ဖန်တီးထားသော ကွန်ပျူတာ အသုံးချစနစ် ဖြစ်သည်။ ပုံနှိပ်စာများကို ဖော်ပြပါစနစ် အသုံးပြု၍ စာသားများ အဖြစ်သို့ လွယ်ကူစွာ ပြောင်းလဲနိုင်မည်    ဖြစ်သည်။

ပုံရိပ်မှ စာသားအဖြစ်ပြောင်းလဲစဉ်

ပုံရိပ်မှ စာသားအဖြစ်ပြောင်းလဲစဉ်

ယင်းနှင့်စပ်လျဉ်း၍ “ပုံရိပ် ဖမ်းစက်(Scanner) မှ ရရှိလာသော ပုံရိပ်များသည် မူရင်းပုံနှိပ်စာများ၏ ပုံရိပ်သာဖြစ်   သောကြောင့် ကွန်ပျူတာမှ ပြုပြင်ခြင်းနှင့် အသုံးချခြင်း တို့ကိုလည်း မပြုလုပ်နိုင်ပါ။ ပုံရိပ်မှ စာသားသို့ ပြောင်းလဲဖတ်ရှု စနစ်သည် ပုံနှိပ်စာများကို ကွန်ပျူတာဖြင့် ပြန်လည်ပြုပြင်နိုင်ခြင်းနှင့် အသုံးပြုနိုင်သော စာသားများ အဖြစ်သို့ ပြောင်းလဲပေးနိုင်သဖြင့် မည်သည့် စာရွက်စာတမ်းကိုမဆို အစအဆုံး ပြန်လည်ရိုက်ရန် မလိုဘဲ စာသားများအဖြစ် တိုက်ရိုက် အသုံးပြုနိုင်သည်”ဟု ကွန်ပျူတာသုံး မြန်မာစာစနစ် သုတေသန လုပ်ငန်းအဖွဲ့က ဖော်ပြသည်။

ထို့အပြင် မြန်မာပုံရိပ်မှ စာသားသို့ ပြောင်းလဲဖတ်ရှုသော စနစ် (MMOCR)ကို ၂ဝ၁၁ ခုနှစ်မှ စတင်၍ သုတေသန ပြုခဲ့ကြောင်း၊ Open Source ဆော့ဝဲလ်တစ်ခုဖြစ်သည့်  Tesseract OCR Engine ကို အသုံးပြု ထားကြောင်းနှင့် ယင်းနည်းပညာကို ဂျာမနီ၊ စပိန်၊ ဂျပန်၊ တရုတ်နှင့် အခြားနိုင်ငံများမှလည်း အသုံးပြုကြ ကြောင်း ဆက်လက်သိရသည်။

နိုင်ငံတကာတွင် အသုံးပြုနေကြသော ပုံရိပ်မှ စာသားသို့ ပြောင်းလဲ ဖတ်ရှုစနစ်များ၏ မှန်ကန်မှု ရာခိုင်နှုန်းသည်လည်း ရာနှုန်းပြည့် မရှိကြောင်း လေ့လာသိရှိရသည်။ မြန်မာပုံရိပ်မှ စာသားသို့ ပြောင်းလဲ ဖတ်ရှုစနစ်၏ မှန်ကန်မှု ရာခိုင်နှုန်း သည် ၈၇ ရာခိုင်နှုန်း ရရှိနေပြီ ဖြစ်ကြောင်း သုတေသန လုပ်ငန်းအဖွဲ့၏ ထုတ်ပြန်ချက်တွင် ဖော်ပြထားသည်။ ယင်းနှင့်စပ်လျဉ်း၍ “MMOCR ၏ အကျိုးသက်ရောက်မှု အားကောင်း စေရန်နှင့် မှန်ကန်မှု ရာခိုင်နှုန်း ပိုမိုတိုးတက် စေရန်အတွက် အချောသတ် ပြင်ဆင် မွမ်းမံခြင်းများ လုပ်ဆောင် ပြီးစီးခဲ့သည်။ လက်ရှိ အခြေအနေအရ တိကျမှုရာနှုန်း ၈၇ ရာခိုင်နှုန်း ရရှိနေပြီဖြစ်သည်။ ယခုရရှိထားသည့် ရာနှုန်းဆိုသောရလဒ်သည် ပုံဖတ် အရည်အသွေး(Resolution) ၃ဝဝ ရှိသော စာမျက်နှာ ၁ဝဝ အပေါ်တွင် မူတည်၍ စမ်းသပ်ရရှိလာသော ရာခိုင်နှုန်းဖြစ်သည်။ ထို့ကြောင့် ပုံရိပ် အရည်အသွေး၊ စာလုံးပုံစံနှင့် စာလုံးအရွယ်အစား အပေါ်မူတည်၍ တိကျမှု ရာခိုင်နှုန်း ပြောင်းလဲသွားမည် ဖြစ်သည်” ဟု သုတေသန လုပ်ငန်းအဖွဲ့က ဆက်လက် ဖော်ပြထားသည်။

ထို့အပြင် တိကျမှုရာခိုင်နှုန်း တိုးတက်စေရန်အတွက် အချောသတ် ပြင်ဆင်မွမ်းမံခြင်း(Post-Edition) လုပ်ငန်းများကို ထည့်သွင်းလုပ်ဆောင် ရကြောင်းနှင့် ထိုသို့လုပ်ဆောင်ရာတွင် ဘာသာစကား၏ သဘာဝနှင့် အသုံးပြုရသည့် နည်းပညာတို့ အကြား အံဝင်ခွင်ကျ မဖြစ်မှုများ ဖြစ်ပေါ်နိုင်ကြောင်း သိရသည်။ ယင်းနှင့် စပ်လျဉ်း၍ “ပြင်ဆင်မွမ်းမံခြင်း လုပ်ငန်းအဆင့်ကို လုပ်ဆောင်ရာတွင် ဝဏ္ဏ(Syllable)အဆင့် အချောသတ် ပြင်ဆင်ခြင်းနှင့် စကားလုံး(Word) အဆင့် အချောသတ် ပြင်ဆင်ခြင်း ဟူ၍ရှိရာ မြန်မာဘာသာစကား၏ နက်နဲသော အခြေအနေများကြောင့် ဝဏ္ဏအဆင့် ပြင်ဆင်မှုများသာ အဆင်ပြေသေးကြောင်း၊ မှန်ကန်မှု ရာခိုင်နှုန်း ဆက်လက် တိုးတက်စေရန် စကားလုံးအဆင့် ပြင်ဆင်မှုများကို ဆက်လက် လုပ်ဆောင်သွားရန် ရည်ရွယ်ထားသည်”ဟု သုတေသန လုပ်ငန်းအဖွဲ့က ဆိုသည်။ မြန်မာပုံရိပ်မှ စာသားသို့ ပြောင်းလဲဖတ်ရှုစနစ် (MMOCR)ကို အများပြည်သူမှ အသုံးပြုနိုင်ရန် စမ်းသပ်ထုတ်လုပ်သည့်အနေဖြင့် ၂ဝ၁၂ ခုနှစ်အတွင်း၌ ထုတ်ဝေသွားမည်ဟု သုတေသနအဖွဲ့၏ တာဝန်ရှိသူ တစ်ဦးထံမှ သိရသည်။

ပုံရိပ်မှ စာသားသို့ ပြောင်းလဲဖတ်ရှု စနစ်သည် ရုံးလုပ်ငန်းများ၊ စာကြည့်တိုက်များ၊ ရှေးဟောင်းစာပေများ၊ ပုံနှိပ်စာအုပ်များနှင့် ဓာတ်ပုံအဖြစ် မှတ်တမ်းတင်ခဲ့သော ပုံရိပ်စာများကို လေ့လာထိန်းသိမ်းရန်၊ ပြန်လည် အသုံးပြုရန်အတွက် အကျိုးရှိသောစနစ်တစ်ခု ဖြစ်သည်။ ကွန်ပျူတာသုံး မြန်မာစာစနစ် အကောင်အထည် ဖော်ခြင်းအဖွဲ့ လက်အောက်ရှိ ကွန်ပျူတာသုံး မြန်မာစာစနစ် သုတေသန လုပ်ငန်းအဖွဲ့သည် သုတေသန လုပ်ငန်းများကို ပြုလုပ်လျက်ရှိပြီး ယင်းမှရရှိလာသည့် ကွန်ပျူတာသုံး မြန်မာစာစနစ်များကို အများပြည်သူ အသုံးပြုနိုင်ရန် အခမဲ့ ဖြန့်ချိလျက်ရှိသော အဖွဲ့အစည်း တစ်ခုဖြစ်သည်။

ဝ၃၃

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*