စီးပွားရေးသတင်း — မကွေး၊ အောက်တိုဘာ ၊ ၂ဝ၁၂

မကွေးတိုင်း ဒေသကြီး၊ ပခုက္ကူ ခရိုင်ဒေသနယ်မြေသည် တစ်ခေတ် တစ်ခါ လက်မှုလုပ်ငန်းရက်ကန်း ခတ်ခြင်းဖြင့် ထင်ရှားကျော်ကြား သက်မွေး ဝမ်းကျောင်းပြုခဲ့ကြ သည်။ ယနေ့ခေတ်တွင်မူ လုပ်ငန်းအများစု ပျောက်သွားပြီး ရက်ကန်းလုပ်ငန်း သည်လည်း တဖြည်းဖြည်း ပပျောက်စ ပြုလာကြောင်း ဒေသခံများပြောပြ ကြသည်။ “မြိုင်မြို့နယ်မှာ ရက်ကန်းလုပ်ငန်းနဲ့ မှီခိုအားထားခဲ့တဲ့ လူဦးရေ ၁ သိန်းနီးပါးရှိခဲ့တယ်။ အခု ရက်ကန်း လုပ်ငန်း မကောင်းတော့ လူဦးရေ ၁ သိန်းနီးပါး အလုပ်လက်မဲ့ ဖြစ်သွားတာပေါ့”ဟု မြိုင်မြို့နယ် ဒေသခံ တစ်ဦးက ပြောသည်။

မြိုင်မြို့နယ်၊ ပိုက်သင်ရွာကြီးတွင် ယခင်က ရက်ကန်းစင်ပေါင်း ၂ဝဝ ကျော်နှင့် တစ်နှစ်ပတ်လုံး လုပ်ကိုင် ခဲ့ကြသည်။ ယခုအခါ ဆယ်ဂဏန်းပင် မရှိတော့ကြောင်း လေ့လာ သိရှိရသည်။ ပြည်ပနိုင်ငံ အချို့က အထည် တွေလို ဈေးနှုန်း ချိုချို မထုတ်လုပ်နိုင်တာရယ်၊ လိုအပ်ချက်အမီ ပစ္စည်းပေါပေါများများ မထုတ်လုပ် နိုင်တာ ရယ်၊ အလုပ်သမားခ ကလည်း နည်းပါးပြီး ယနေ့ခေတ် ကုန်ဈေးနှုန်းနဲ့ မစားလောက်တာကြောင့် ရက်ကန်းသမ တွေလည်းနည်း၊ လုပ်ငန်းကလည်း မကိုက်ဆိုတော့ ရက်ကန်းလုပ်ငန်းတွေ တော်တော်များများ ရပ်နားထား ကြရပြီပေါ့ဗျာဟု ပခုက္ကူဒေသခံ တစ်ဦးကလည်း ယနေ့ခေတ် ရက်ကန်းလုပ်ငန်း အခြေအနေရှင်းလင်း ပြောကြားသည်။ ပခုက္ကူခရိုင် အတွင်း ရက်ကန်းလုပ်ငန်း လုပ်ကိုင်သူ သောင်းကျော် ရှိခဲ့သော်လည်း ၂ဝ၁၂ ခုနှစ်တွင်မူ ပခုက္ကူမြို့ပေါ်၌ ရက်ကန်းလုပ်ငန်း လုပ်ကိုင်သူ ရာဂဏန်းပင် မရှိတော့ဟု သိရသည်။

ရက်ကန်းစင်တစ်စင် အုပ်စု ၅ သောင်းဝန်းကျင် ရှိပြီး ရက်ကန်းသမ တစ်ဦး၏ လုပ်အားခမှာ အမြင့်ဆုံး တစ်နေ့ ၈ဝဝ ကျပ်သာ ရှိကြောင်း ၁၉၇ဝ ခုနှစ်မှ ၁၉၈၈ ခုနှစ်အတွင်း ရက်ကန်းလုပ်ငန်း ကောင်းခဲ့ကြောင်း၊ ပခုက္ကူဝါဒဆောင် ၊ မြစ်ခြေအိုင်ရှေ့ဆောင်၊ ခန်တောလုံချည်များ မြန်မာနိုင်ငံ အနှံ့အပြားတွင် နာမည်ရခဲ့ကြောင်း ယနေ့ခေတ်တွင် ဈေးကွက် သို့ မထိုးဖောက်နိုင်၍ လုပ်ငန်းများ ရပ်နားထားရကြောင်း၊ ရက်ကန်း လုပ်ငန်းရှင် တစ်ဦးက ပြောသည်။ စီးပွားရေး ပညာရှင်တစ်ဦးကမူ ရက်ကန်းလုပ်ငန်း မတိမ်ကော မပပျောက်အောင် ချည်ထုပ်များကို ကျေးလက်အရောက် ဈေးနှုန်း သက်သာစွာ ရောင်းချပေးခြင်း၊ ရက်ကန်း သမဝါယမအသင်း ထူထောင်ပြီး ဈေးကွက်ရှာပေးခြင်း၊ အရည်အသွေးမီအောင် လမ်းညွှန်မှုနှင့် နည်းပညာများပေးခြင်း၊ ချေးငွေများ ထုတ်ပေးခြင်း၊ ကုန်ကြမ်းပေး၊ ကုန်ချောယူစနစ်တို့ ဖြင့် မြန်မာ့ကျေး လက် စီးပွားရေး တိုးတက်ရန် စုပေါင်း လုပ်ဆောင်ပေးခြင်းတို့ကို အကြံပြု ပြောကြားခဲ့ပါသည်။

ဝ၆၆

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*