အယ်ဒီတာ့စကား — ဒီဇင်ဘာ ၂၆၊ ၂ဝ၁၂

နိုင်ငံရေးပြုပြင်ပြောင်းလဲမှုနှင့် နိုင်ငံသား

မြန်မာ့ပြုပြင်ပြောင်းလဲရေးများကို နိုင်ငံတော်အစိုးရ အဖွဲ့အဆက်ဆက်က နှစ်နှစ်ဆယ်ကြာအောင် ပြင်ဆင် စီမံ ဆောင်ရွက် ခဲ့ကြရသည်ဟု အနက်ဆောင်သည့် အပြောမျိုးကို ကြားခဲ့ရပါပြီ။ ၁၉၈၈ ဒီမိုကရေစီရေး လှုပ်ရှားမှု အပြီးတွင် နဝတ၊ နအဖ အစိုးရနှစ်ဆက်နှင့် ၂ဝ၁ဝ ခုနှစ် ရွေးကောက်ပွဲအပြီး ၂ဝ၁၁ ခုနှစ် မတ်လတွင် တက်လာသော ပါတီစုံ အစိုးရတို့လက်ထက်တွင် ပြင်ဆင်စီမံဆောင်ရွက်ခဲ့သည်ဆိုသော မြန်မာ့ နိုင်ငံရေး ဖြစ်စဉ်များကို ပြန်လည်သုံးသပ်လျှင် နိုင်ငံစီးပွားရေး ချွတ်ခြုံ ကျသွားခဲ့ခြင်း၊ နှစ်ရှည်ထောင်ဒဏ် များကို နိုင်ငံအနှံ့တွင် ပေးဆပ် ခဲ့ရသော၊ ပေးဆပ်နေ ဆဲ ဖြစ်သော နိုင်ငံရေး အကျဉ်းသားများ ထောင်သောင်း ချီ၍ ပေါ်ပေါက်ခဲ့ ရခြင်း၊ မြေပေါ်မြေအောက် သယံဇာတများ ခမ်းခြောက် လျော့ပါးစေနိုင်သည့် နိုင်ငံတော် အဆင့် စီမံကိန်းများကို နိုင်ငံတော် အကြီးအကဲများ၊ အာဏာရ တပ်မတော်နှင့် ခရိုနီ လက်ပါးစေများ အကျိုးစီးပွား အလို့ငှာ ဆုံးဖြတ် လုပ်ကိုင်ခဲ့ခြင်း၊ နိုင်ငံ၏ ပညာရေး၊ ကျန်းမာရေး အခန်းကဏ္ဍများ အဖတ်ဆယ်ရန် ခက်သည်ထိ နိမ့်ပါးခဲ့ရခြင်း၊ နိုင်ငံသားများ အားလုံး မိမိတို့ ကိုယ်တိုင်နှင့် နိုင်ငံတော်၏ အခန်းကဏ္ဍကို အယုံအကြည် မရှိကြတော့ဘဲ ပြည်ပကို မှီခိုမျှော်ကိုးလိုစိတ် များသာ ပြင်းပြလာခဲ့ကြခြင်း စသည့် အကျိုးရလဒ်များ ပေါ်ထွက်ခဲ့သည်ကို မည်သူမျှ မငြင်းနိုင်ဟု ဆိုရပါမည်။ သို့ဆိုလျှင် ယနေ့ ပေါ်ပေါက်နေသော ပြု ပြင်ပြောင်းလဲမှု များကို အနှစ်နှစ် ဆယ် ကြာအောင် အစိုးရများ အဆက် ဆက်က ပြင်ဆင်စီမံ ဆောင်ရွက်ခဲ့ခြင်း ဆိုသည်မှာ ကြောက်မက်ဖွယ် စီမံကိန်းသာ ဖြစ်သည်ဟုလည်း ဆိုရပါမည်။

သို့သော် ယနေ့မြန်မာ့မြေတွင် ပြုပြင်ပြောင်းလဲမှု အရိပ်အငွေ့များ ရှိကာ အပြုသဘောဆောင်သည့် ရှေ့သို့ ခြေလှမ်းများ ရှိနေပါသည်ဟု နိုင်ငံသား အများစုကလည်းကောင်း၊ ဒေသတွင်းနှင့် ပြည်ပနိုင်ငံများက လည်းကောင်း ပြောဆို လာကြပါသည်။ ထိုသည်မှာ မည်သည့်အကြောင်း များကြောင့်  ဖြစ်လေမည်နည်းဟု ဆန်းစစ်ကြည့်မည် ဆိုလျှင် ပထမဆုံး မြင်သာသည့် အချက်မှာ ၂ဝ၁၂ ခုနှစ် နှစ်ဆန်းပိုင်းတွင် နိုင်ငံရေးအကျဉ်း သားအမြောက်အမြားအား လွတ်ငြိမ်းချမ်းသာခွင့်ပေး ခဲ့သည့်နောက်ပိုင်း နိုင်ငံရေး အကျဉ်းသားဟောင်းအများစု လွတ်မြောက်လာသည်နှင့် အမျှ နိုင်ငံ့အရေး ကိစ္စများတွင် လှုပ်ရှားဆောင် ရွက်သူများ၏ အခန်းကဏ္ဍ ကျယ်ပြန့် လာခြင်း၊ ဧပြီလတွင် ကျင်းပခဲ့သည့် ကြားဖြတ်ရွေးကောက် ပွဲနောက်ပိုင်း အတိုက်အခံ အဖြစ် ဖယ်ထုတ်ခံ ထားရသော အမျိုးသား ဒီမိုကရေစီ အဖွဲ့ချုပ်ဥက္ကဋ္ဌနှင့် ယင်း၏ပါတီ အပါအဝင် ဒီမိုကရက်နိုင်ငံ ရေးပါတီများ၏ အခန်းကဏ္ဍမှာ လွှတ်တော်တွင်း၊ လွှတ်တော်ပ ကျယ်ပြန့်ကာ နိုင်ငံသားများ၏ အားပေးထောက်ခံမှု ရရှိလာခြင်း တို့ကို တွေ့ရှိနိုင်ကြ ပါမည်။ ထိုသို့သော ယခင်အစိုးရ အဆက်ဆက်က ပြည်တွင်း အတိုက် အခံဖြစ်ခဲ့သည့် ဒီမိုကရေစီရေး လှုပ်ရှားဆောင်ရွက်သူများက ၂ဝဝ၈ ခုနှစ် ဖွဲ့စည်းပုံအခြေခံဥပဒေကို အားနည်းသည် ဟု မြင်သည့်တိုင် ထိုဥပဒေအရ တက်လာသည့် အစိုးရအား အဆောင်အယောင် သာ ပြောင်းထားသည့် လူဟောင်းများဟု မပြစ်ပယ်ဘဲ နိုင်ငံသားများနှင့် နိုင်ငံတော်၏ အကျိုး စီးပွားအလို့ငှာ ညှိနှိုင်း ဆောင်ရွက်ဖက် အဖြစ် အပြု သဘောဆောင် မြင်ခဲ့ကြသည့် အတွက်လည်း ယနေ့မြန်မာ့နိုင် ငံရေး ပြုပြင်ပြောင်း လဲမှု ဟူသည့် ဝေါဟာရမှာ အနှစ်သာရ အားဖြင့်ပါ အဓိပ္ပာယ်ရှိလာရခြင်း ဖြစ်ပေသည်။

တိုင်းရင်းသား အဖွဲ့အစည်းများနှင့် ငြိမ်းချမ်းရေးဆွေးနွေးပွဲများ ကျင်းပလာခြင်း၊ ပြည်ပရောက် အတိုက်အခံများ ကို အရေးယူမှု တစ်စုံ တစ်ရာမပြုဘဲ ပြည်တွင်းသို့ ဖိတ်ခေါ်လာခြင်း၊ နိုင်ငံခြား ရင်းနှီးမြှုပ်နှံမှုများပြု လုပ်နိုင်ရန် ရေခံမြေခံ အပြောင်းအလဲကို ခင်းကျင်းပြင်ဆင်လာ ခြင်း၊ နိုင်ငံ့ခေါင်းဆောင်များ၏ ပြည်တွင်းပြည်ပ ခရီးစဉ်များကို နိုင်ငံသားများအား ပွင့်လင်းမြင်သာစွာ အသိပေးလာခြင်း၊ နိုင်ငံတွင်းအကောင်း အဆိုးဖြစ်စဉ် လုပ်ရပ်များကို တင်ပြခွင့် ရနိုင်သည့် မီဒီယာ ရေခံမြေခံ အပြောင်းအလဲ အချို့ရှိလာခြင်း၊ နိုင်ငံရပ်ခြား ခေါင်းဆောင်များနှင့် ပိုမို ထိတွေ့ ဆက်ဆံလာခြင်း၊ ပြည်တွင်းလူမှု အခြေပြု လူ့အဖွဲ့အစည်းများ၏ အခန်းကဏ္ဍကို ယခင်ထက် ပိုမိုအသိအမှတ်ပြုလာခြင်း စသည့်ဖြစ်စဉ် များကိုကြည့်မည်ဆိုလျှင် ၂ဝ၁၁ ခုနှစ် မတ်လ နောက်ပိုင်းတွင် ဖြစ်ခဲ့ခြင်းထက် ၂ဝ၁၂ ခုနှစ်အတွင်း ရောက်မှ သာ ဖြစ်လာခဲ့ခြင်းဖြစ်ကြောင်း ထင် ရှားပါသည်။ ထို့ကြောင့် အစိုးရအဆက်ဆက်က မြန်မာ့နိုင်ငံရေး ပြုပြင် ပြောင်းလဲမှုကို ဒီမိုကရေစီရေး ဦးတည်ချက်ဖြင့် ဆောင်ရွက် ခဲ့သည်ဟု လုံးဝ မပြောမဆိုနိုင်ကြောင်း ထင်ရှားလှပါသည်။ ၂ဝ၁၂ ခုနှစ်တွင် လက်ရှိ အစိုးရအဖွဲ့၏ အရွေ့အချို့အပေါ် တစ်ခါက အတိုက်အခံဟု သတ်မှတ်ခံရသော ဒီမိုကရေစီရေး လှုပ်ရှားသူများနှင့် ယင်းတို့အား အစိုးရအဆက် ဆက်လက်ထက်မှာပင် ကာယကံ၊ ဝစီကံ၊ မနောကံများဖြင့် အားပေးခဲ့ ကြသော နိုင်ငံသား အပေါင်း ကသာ မြန်မာ့နိုင်ငံရေး ပြုပြင်ပြောင်းလဲမှုကို ဒီမိုကရေစီရေး ဦးတည်ချက်ဖြင့် ဆောင်ရွက် ခဲ့ပါသည်ဟု ၂ဝ၁၂ ခုနှစ် နိဂုံးတွင် မြန်မာအင်ဒီပဲန်ဒင့်က ရဲရဲကြီး ဆိုလိုက်ရပါကြောင်း။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*