အယ်ဒီတာ့စကား — ဇန်နဝါရီ ၉၊ ၂ဝ၁၃

ပွင့်လင်းမြင်သာမှုနှင့် ကောလာဟလ

ကောလာဟလဟူသည် အစစ်အမှန် မဟုတ်သော၊ အခြေအမြစ် မရှိသော သတင်းစကား ကျော်ကြား ပျံ့ပွားခြင်း ဟု သဘောပေါက် ကြပါသည်။ ထိုကောလာဟလသည် သတင်းရင်းမြစ်ဖြစ်သော လူပုဂ္ဂိုလ်၊ အဖွဲ့ အစည်း များတွင် ပွင့်လင်းမြင်သာမှု မရှိခြင်းက အစပြုသည် ဟု ဆိုရပါသည်။ ဖြစ်ရပ်တစ်ခုသည် အများ စိတ်ဝင်စားမှုကို ခံရသည့် အခါဖြစ်စေ၊ အများနှင့် သက်ဆိုင်သည့်အခါဖြစ်စေ ထိုအများစုအား ထိုဖြစ်ရပ်နှင့် ပတ်သက်၍ “တိတိ ကျကျ၊ မှန်မှန် ကန်ကန်၊ မြန်မြန် ဆန်ဆန်” အသိပေး အကြောင်းကြားခြင်း ကို ဆောင်ရွက် ကြရပါမည်။ ထို သို့မဆောင်ရွက်နိုင်ပါက လူအများ၏ စိတ်ဝင်စားမှု လိုအင်ဆန္ဒကို ဖြည့် ဆည်းပေးမည့် မည်သည့် သတင်းမျိုးမဆို ပျံ့နှံ့ရန် အကြောင်းဖန်လာပေမည်။ ထိုအခါ သတင်း အစစ်အမှန်ကို ပွင့်လင်း မြင်သာအောင် ထုတ်ဖော် ပြောဆိုခြင်း မရှိလျှင် ကောလာဟလ ကိုပင် သတင်းအဖြစ် အများက နားလည်လက်ခံသွား ပါလိမ့်မည်။

ထို့ကြောင့် ကောလာဟလကို မရှိစေလိုလျှင် ပွင့်လင်းမြင်သာမှုကို အချိန်နှင့်တစ်ပြေးညီ ဖော်ထုတ်သင့်ကြ ပါသည်။ အထူးသဖြင့် မလိုလား အပ်သော ကောလဟလများ ပေါ်ပေါက်ရခြင်း၏ အကြောင်းရင်းမှာ အုပ်ချုပ်ရေး မဏ္ဍိုင်မှ တာဝန်ရှိသူများ အနေဖြင့် ယင်းတို့၏ ပွင့်လင်းမြင်သာမှု မရှိခြင်းကြောင့်ဟု သဘောပေါက် သင့်ကြပါသည်။ သတင်းဟူ သည် သတင်းသမားတို့က ရေးသားတင်ပြကြမှ လူအများ သိခွင့်ရကြသည်ဟု ဆို၍ မဖြစ်နိုင်ပါ။ သတင်းတစ်ခုဖြစ်လျှင် အဖြစ်မှန်အတိုင်း တိကျမြန်ဆန်စွာ မထုတ်ဖော် လိုက်နိုင်ပါက တစ်ယောက်စကား၊ တစ်ယောက်နားဖြင့် ပျံ့နှံ့ရိုး ထုံးစံရှိပါသည်။ ဖားပြုပ်ကိုက်သည်ကို ဖားပြုပ် ကိုက်သည်ဟု ထုတ်ဖော်ရန် အချိန်ယူနေသဖြင့် တရုတ်ရိုက်သည်ဟု သတင်းမဟုတ်သော ကောလဟလ ထွက်ပေါ်ခြင်းကို သဘောပေါက် ကြလျှင် ပွင့်လင်းမြင်သာမှု ရှိခြင်းသည် မည်မျှအရေးကြီးကြောင်း သိသာ ပါသည်။

သတင်းသမားများက သတင်းအစစ်အမှန်ကို ထုတ်ဖော်တင်ပြ လိုကြသော်လည်း သတင်းရင်းမြစ်များက တိုက်ရိုက် ဖြေကြား ထုတ်ဖော်ပေးခြင်းမရှိလျှင် ဘက်လိုက်မှု ကင်းသော၊ မျှတသည့် သတင်းများ ဖြစ်ရန် ခက်ခဲလှပါသည်။ လက်ရှိကချင်ပြည်နယ်တွင် ဖြစ်ပွားနေသော တိုက်ပွဲများနှင့် ပတ်သက် ၍ ကေအိုင်အေ၊ ကေအိုင်အို တို့ဘက်မှ တာဝန် ရှိသူများအား ဆက်သွယ်နိုင်သည့်နည်းလမ်းများမှာ သတင်းသမားများ သာမက လူထု အကြားတွင်ပင် သိသာမြင်သာ စွာ ပေါ်ထွက်ခဲ့သော် လည်း တပ်မတော်ဘက်သို့ ဆက်သွယ်နိုင်သည့် နည်းလမ်းများ မပေါ် ထွက်ခဲ့ချေ။ ဆိုရှယ်မီဒီယာ အချို့တွင် တပ်မတော်သားအချို့၏ ခံစားချက်နှင့် အမြင်အချို့ ပေါ်ထွက် လာသော်လည်း အမည် မဖော်သော၊ မတိကျသော ခံစားချက် သက်သက် များသာ ဖြစ်နေခဲ့ပါသည်။

နိုင်ငံပိုင် သတင်းစာတွင် ဖော်ပြခဲ့သော သတင်းထုတ်ပြန်ချက် ၁/၂ဝ၁၃ မှာလည်း သတင်းထုတ်ပြန်ရေးအဖွဲ့၏ ထုတ်ပြန်ချက် ဖြစ်ကာ ကောလာဟလများ ပျံ့နှံ့ပြီး ကာမှ မပြည့်မစုံထွက်ပေါ်လာခြင်း ဖြစ်ပါသည်။ တိုက်ပွဲများနှင့် စပ်လျဉ်းသည့် သတင်း ထုတ်ပြန်ချက်တွင် တိုက်ပွဲများနှင့် ပတ်သက်သည့် တပ်မတော်ဘက်မှ အသုံးပြုခဲ့သည့် တပ်အင်အား၊ လက်နက် ကိရိယာပမာဏ၊ အကျအဆုံး၊ ထိခိုက်ဒဏ်ရာရမှု အရေအတွက် နှင့် ဆုံးရှုံးမှု ပမာဏ၊ ဒေသခံပြည်သူများ၏ အနေအထား၊ ဒေသဆိုင်ရာ အုပ်ချုပ်ရေး ဌာနများ၏ ဒေသခံပြည် သူများအတွက် ဆောင်ရွက်ပေးနေမှု အနေအထားများ စသဖြင့် နိုင်ငံသားများက သိအပ်သော၊ သိလိုသော အကြောင်းအရာ များကို သက်သေ ဓာတ်ပုံများနှင့် တကွ ထုတ်ဖော် ရှင်းလင်း တင်ပြမှသာ သတင်းထုတ်ပြန်ချက် သည် ပြည့်စုံပေမည်။ စင်စစ် တပ်မတော် မှဖြစ်စေ၊ သတင်း ထုတ်ပြန်ရေး အဖွဲ့မှဖြစ်စေ သတင်းစာ ရှင်းလင်းပွဲ တစ်ရပ် ကျင်းပကာ ပြည်တွင်းပြည်ပ သတင်းသမားများအား “အသိလည်းပေး၊ အမေးလည်း ဖြေ” ဆိုသည့် ထုတ်ပြန်မှုမျိုး ကို ဆောင် ရွက်နိုင်မှသာ ပွင့်လင်းမြင်သာမှု ရှိသည်ဟု ဆိုနိုင်ပါမည်။

ထို့ကြောင့် သတင်း အစစ်အမှန်များကို သတင်းရင်းမြစ် ကိုယ်တိုင်က ပွင့်လင်းမြင်သာမှု ရှိစွာ မထုတ်ပြနိုင် မချင်း ကောလာဟလ အမျိုးမျိုး သည် ဆက်လက် ပျံ့နှံ့နေဦးမည် ဖြစ်ပါသည်။ သတင်း ထုတ်ပြန်သည့် ဆိုသည့် တိုင် ကောလာဟလများ မရပ်နားနိုင်သေး လျှင် ထိုသတင်း ထုတ်ပြန်မှုသည် သတင်းရင်းမြစ် ကိုယ်တိုင်က ထုတ်ဖော်မှု မဟုတ်ခြင်း ကြောင့်လည်းကောင်း၊ တိကျ မှန်ကန်မြန်ဆန်မှု မရှိသေးခြင်းကြောင့် လည်းကောင်း ဖြစ်ပါသည်။ ကောလာ ဟလများ ရပ်ဆိုင်း သွားရန် အစိုးရနှင့် တကွ စစ်ဘက် အရပ်ဘက် အဖွဲ့အစည်း အသီးသီးက ယင်းတို့၏ လုပ်ငန်းဆောင်တာများကို ပွင့်လင်းမြင်သာမှု ရှိစွာ ဆောင်ရွက်ကြပါရန် တိုက်တွန်းအပ် ပါသည်။

 လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*