အယ်ဒီတာ့စကား — December 19, 2012

ခေါင်းဆောင်နှင့် နောက်လိုက်

ခေါင်းဆောင်ကောင်းနှင့် ခေါင်းဆောင်မှုတို့ မည်မျှ အရေးကြီးကြောင်းကို ပြောသူတို့က ပြောကြသည် ။ ခေါင်းဆောင်ကောင်း ရှိ ရန်နှင့် ခေါင်းဆောင်မှု ကောင်းရန် အရေးကြီးသည်မှာ မှန်သော်လည်း ထိုခေါင်း ဆောင်နှင့် သူ၏ခေါင်းဆောင်မှုကို အသိအမှတ်ပြုရန်နှင့် ယုံကြည်အား ထားရန်တို့မှာ သာလွန်၍ အရေးကြီး သည် ဟု ဆိုချင်ပါသည်။ ဒင်္ဂါး တစ်ချပ်တွင် မျက်နှာပြင် နှစ်ဖက်ရှိသကဲ့သို့ မည်သည့်ကိစ္စမျိုးတွင်မဆို ဘက်နှစ်ဖက် လုံးက သဟဇာတဖြစ်ရေးသည် အလွန်အရေးကြီးလှပါ သည်။ ခေါင်းဆောင်ကောင်း ရှိရုံနှင့် မပြီးဘဲ ထိုခေါင်းဆောင်ကို ခေါင်းဆောင်အဖြစ် အသိအမှတ်ပြုလက်ခံရန်နှင့် ယုံကြည်အားထားရန် လိုအပ် လှပါသည်။ သို့မှသာ ယင်း၏ကောင်း မွန်သော ခေါင်းဆောင်မှု သည် အရာရောက်မည်ဖြစ်ကာ ယင်းက ဦးဆောင်သည့် ကိစ္စများလည်း အကောင်အထည် ပေါ်လာနိုင်ပါမည်။

အလွယ်ကူဆုံး ဥပမာကို ဆိုရလျှင် ဒေါ်အောင်ဆန်းစုကြည်သည်  သူ့အသက် ၄၃ နှစ်ဝန်းကျင်ခန့်ကတည်းက သည်အရပ်တွင် ရှိနေခဲ့သော် လည်း လူထု၏ အသိ အမှတ်ပြုမှုကို သာရခဲ့ကာ အစိုးရ၏ အသိအမှတ် ပြုလက်ခံမှုကို မရခဲ့သည့်အတွက် ယင်း၏ ခေါင်းဆောင်မှုအရာထင်သင့် သလောက် မထင်ခဲ့ရ၊ ထိရောက်သင့် သလောက် မထိရောက်ခဲ့ရပါ။  ယခုအခါ အစိုးရကိုယ်တိုင်က ယုံကြည်အသိအမှတ်ပြုစွာ ကိစ္စရပ်အချို့ တွင်  ဦးဆောင်မှုပေးရန် တာဝန်ပေးခြင်းမျိုးရှိလာရာမှ ရန်ကုန် တက္ကသိုလ်နှင့် ရန်ကုန်ပြည်သူ့ဆေးရုံကြီး ဆိုင်ရာ ကိစ္စရပ်များတွင် အခြား သော အစိုးရလည်းမဟုတ်၊ အတိုက်အခံလည်း မဟုတ်သည့် စီးပွားရေး၊ လူမှုရေး နယ်ပယ်မှ စွမ်းဆောင်နိုင်သော လူပုဂ္ဂိုလ်နှင့် အဖွဲ့အစည်းများ ကပါ ယင်း၏ခေါင်းဆောင်မှုနောက်တွင် ပံ့ပိုးပါဝင်မှုများ ပြုလာခဲ့ပါပြီ။ ထိုဥပမာ ကိုကြည့် လျှင် ခေါင်းဆောင်ရှိခြင်း၊ မရှိခြင်းထက် ခေါင်းဆောင် မှုကောင်းခြင်း၊ မကောင်းခြင်းအချက်များနှင့်အတူ ရှိနှင့်သော ခေါင်း ဆောင်နှင့် ယင်း၏ကောင်းသော ခေါင်းဆောင်မှုကို အသိအမှတ်ပြု လက်ခံ ခြင်းနှင့် ယုံကြည်အားကိုးခြင်းတို့သည်လည်း ဆတူအရေးပါကြောင်း သိနိုင်ပါမည်။

ထိုအခါ အပြန်အလှန်လေးစားခြင်းနှင့် ဟန်ချက်ညီညီ ပူးပေါင်း လုပ်ဆောင်ခြင်းတို့သည် ခေါင်းဆောင်ကောင်း တို့အတွက် အရေးပါသော အစိတ်အပိုင်းများဖြစ် လာပါသည်။ ဒင်္ဂါးတစ်ချပ်အတွက် ခေါင်းဘက် ခြမ်းသာမက ပန်းဘက်ခြမ်း သည်လည်း အရေးပါသော အစိတ်အပိုင်း ဖြစ်သည်ကို သဘောပေါက်ကြသော်လည်း လူ့အဖွဲ့အစည်း တစ်ခုအတွက် ခေါင်းဆောင်နှင့် နောက်လိုက်(သို့) ပံ့ပိုးပူးပေါင်းသူများသည် လည်း ဒင်္ဂါးတစ်ချပ်၏ ခေါင်းဘက်ခြမ်းနှင့် ပန်းဘက်ခြမ်း သဖွယ် ဖြစ်နေကြောင်းကိုမူ သဘောမပေါက်နိုင်ကြခြင်းများ ရှိနေပါ သည်။ ခေါင်းဆောင်ဖြစ်ရန် နောက်လိုက်လိုသကဲ့သို့ နောက်လိုက်က အသိအမှတ်ပြုမှ လည်း ခေါင်းဆောင် က သူ၏ခေါင်းဆောင်မှုကို ထိထိ ရောက်ရောက် ဆောင်ရွက်နိုင်မည်ဖြစ်ပါသည်။ ထို့ကြောင့် ခေါင်းဆောင် နှင့်နောက်လိုက်တို့ အကြား အပြန်အလှန်လေးစားခြင်း၊ အသိအမှတ်ပြု ခြင်းနှင့် ဟန်ချက်ညီညီ ပူးပေါင်းလုပ်ဆောင်ခြင်းတို့မှာ ခေါင်းဆောင်ရှိ မရှိ၊ ခေါင်းဆောင် မှု ကောင်း မကောင်း ဆိုသည့် အချက်တို့ထက် သာလွန် အရေးကြီးရခြင်း ဖြစ်ပါသည်။

ထို့အတူ လက်ရှိသမ္မတကြီး ဦးသိန်းစိန်ကိုလည်း ယခင်အစိုးရလက် ထက်တွင် ခေါင်းဆောင်အဖြစ် လူထု ကရော နိုင်ငံတကာအသိုင်းအဝိုင်း ကပါ မမြင်နိုင်ခဲ့ကြ၊ အသိအမှတ် မပြုနိုင်ခဲ့ကြသည်မှာ အထင်အရှား ဖြစ်ပါသည်။ ထိုစဉ်က သူ၏ ခေါင်းဆောင်မှုနှင့် လက်ရှိအနေအထား တွင် သူ၏ခေါင်းဆောင်မှု ကွာခြားလာသကဲ့သို့ လူထုနှင့် နိုင်ငံတကာ၏ အသိအမှတ်ပြုမှုလည်း ကွာခြားလာသဖြင့် ယခုအခါ သူ၏ခေါင်းဆောင် မှုအချို့ အရာထင်လာရပါပြီ။ သည်နေရာမှာ ကောင်းသော ခေါင်းဆောင် မှုကြောင့် အသိအမှတ်ပြုမှုကို အလွယ်တကူ ရနိုင်ခဲ့သည်မှာ မှန်သော် လည်း မည်သို့ပင်ကောင်းစေကာမူ လူထုကရော၊ နိုင်ငံတကာကပါ အသိအမှတ် မပြုဘဲ မသိကျိုးကျွန်ဆက်လက်ပြုနေကြဦးမည်ဆိုလျှင် သူ၏ အားထုတ်မှုများ အရာထင်သင့် သလောက် မထင်နိုင်မည် မှာလည်း သေချာလှပါသည်။

အထက်ပါအချက်များကို ကြည့်လျှင် မည်သည့်အရေးကိစ္စမျိုးတွင် မဆို တစ်ဖက်သတ်ဆိုးနိုင်၊ ကောင်းနိုင်ကြ သည် မဟုတ်သကဲ့သို့ တစ် ဖက်သတ်လည်း ကျေးဇူးရှိနိုင်ကြသည် မဟုတ်သည်ကို မြင်တွေ့နိုင် ပါမည်။ ခေါင်းနှင့် ပန်းနှစ်ဖက်စလုံးက တစ်ဖက်၏ ဖြစ်တည်မှုနှင့် ရပ်တည်မှုကို အသိအမှတ်ပြု လက်ခံကာ ယုံကြည် အားကိုးကြပါမှ ထိရောက်သော အောင်မြင်မှုများကို ရနိုင်ကြမည်ဖြစ်ပါသည်။ ခေါင်းဆောင် များကို နောက်လိုက် များက ယုံကြည် အားကိုးရန် ဝန်မလေးသင့်သကဲ့သို့ ခေါင်းဆောင်များကလည်း နောက်လိုက် များ၏ အခန်းကဏ္ဍကို အသိ အမှတ်ပြုလက်ခံရန် ဝန်မလေးကြမှလည်း အပြန်အလှန် ယုံကြည်အား ကိုးမှုကို ရပါမည်။ သို့မှ သာ ခေါင်းဆောင်မှုများ အောင်မြင်ထိရောက်လာ မည်ဖြစ်ကြောင်း အသိပေး တိုက်တွန်းလိုက် ရပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*