အယ်ဒီတာ့စကား — November 14, 2012

သတင်း လွတ်လပ်ခွင့်နှင့် သတင်းစာ ထုတ်ခွင့်

လတ်တလော အငြင်းအခုန်များတွင် သတင်းစာထုတ်ခွင့်ကို သတင်း လွတ်လပ်ခွင့်အတွက် အဓိက လိုအပ်ချက် သဖွယ် ပြောဆိုရေး သားလာ ကြသည်ကို သတိပြုမိပါသည်။

ဆန်းစစ်ကြည့်လျှင် ရပိုင်ခွင့် (Rights)နှင့် အခွင့်အလမ်း (Opportunity) တို့သည် သဘောသဘာဝချင်း လုံးလုံး မတူညီ ကြပေ။ ရပိုင်ခွင့်သည် မွေးရာပါ အခွင့်အရေးကဲ့သို့ မည်သူ့ထံမှ တောင်းစရာ မလိုသော  အခွင့်အရေး ဖြစ်ပြီး အခွင့်အလမ်း ဟူသည် တစ်စုံတစ်ဦးထံမှ ဖြစ်စေ၊ အခြေအနေ တစ်ခုတွင်မှဖြစ်စေ ရလာနိုင်သော အခွင့်အရေး ဖြစ်ပါသည်။ ရှင်းပါမည်။ လွတ်လပ်စွာ ထုတ်ဖော်ပြောဆိုခွင့်၊ ရေးသားခွင့်သည် ရပိုင်ခွင့် (Rights) ဖြစ်ပါသည်။ သတင်းစာ ထုတ်ခွင့်၊ ဂျာနယ် ထုတ်ခွင့် အစရှိသော အခွင့်အရေး များသည် သက်ဆိုင်ရာ အာဏာပိုင်တို့ထံမှ တောင်းဆိုမှ ရနိုင်သည့် အခွင့်အလမ်း (Opportunity) အဖြစ် အသိအမှတ် ပြုရပါမည်။ သို့ဆိုလျှင် သတင်းစာထုတ်ခွင့် တောင်းဆိုခြင်းသည် သတင်း လွတ်လပ် ခွင့်ဟု ဆိုရမည့် လွတ်လပ် စွာ ပြောဆိုရေးသားခွင့်ကို တောင်းဆိုခြင်းဟု မဆိုနိုင်ပါ။ တစ်နည်း မီဒီယာသမားများ အလိုရှိနေ သည်မှာ ရပိုင်ခွင့် (Rights) မဟုတ်တော့ဘဲ အခွင့်အလမ်း (Opportunity) ဖြစ်လာပြီလား။ စိုးရိမ်မိပါသည်။

မကြာသေးသော ကာလအထိ မီဒီယာကို ဆင်ဆာက ထိန်းချုပ်ခဲ့ရာ ရပိုင်ခွင့် (Rights) ဖြစ်သည့် လွတ်လပ်စွာ ထုတ်ဖော် ရေးသားခွင့် မရခဲ့ကြောင်း အားလုံးက သတိပြုမိပြီး ဖြစ်ပါသည်။ သို့ရာတွင် လွန်ခဲ့သော အစိုးရက ဝါဒဖြန့်ချိရေး ရည်ရွယ်ချက်ဖြင့် လည်းကောင်း၊ မီဒီယာကို မီဒီယာဖြင့် တိုက်ရန် ဟူသော ရည်ရွယ်ချက်ဖြင့် လည်းကောင်း အစိုးရ အဖွဲ့ဝင် ရာထူးရာခံ ပုဂ္ဂိုလ်ကြီးများ၏ မျိုးဆက်များနှင့် ဆွေမျိုး ဥာတကာများ၊ သူတို့အား တစ်ဖက်လှည့်ဖြင့် အကျိုးစီး ပွား ဆောင်ရွက်ပေးနေသော ခရိုနီ စီးပွားရေးသမားများ၊ ပုဂ္ဂလိက အရေခြုံ အစိုးရ အသင်းအဖွဲ့များ အား မီဒီယာလုပ်ငန်း လုပ်ပိုင်ခွင့်များကို ဖောဖောသီသီ ချထားပေး ခဲ့ဖူးလေသည်။ အတိုက်အခံ များအတွက်မူ ထိုနှယ် မီဒီယာ လုပ်ငန်းမျိူးအား ဦးဆောင် လုပ်ကိုင်နိုင်ရန် ဝေးသည့်ပြင် တာဝန်ရှိသူ အဖြစ် နာမည်ခံခွင့်ပင် မရလောက်အောင် ဆင်ဆာဌာန မှတစ်ဆင့် ပိတ်ပင် တားမြစ်ခဲ့ကြ ဖူးလေပြီ။ သို့ဖြင့် မြန်မာ့သတင်း မီဒီယာလောကတွင် ထိုကဲ့သို့သော မစစ်မှန်သည့် မီဒီယာသမား များက ခြေကုပ်ယူခဲ့ကြသည်မှာ ကာလအားဖြင့် ရှည်ကြာ လွန်းရကား သူတို့ကိုယ်သူတို့ မီဒီယာသမား စင်စစ် အဖြစ် တွေး ထင်လာသည် အထိပင်။ ထို့ပြင် မီဒီယာ လုပ်ငန်း လုပ်ကိုင်ခွင့်မှာလည်း နိုင်ငံသားအားလုံး အတွက် တစ်ပြေးညီ ရနိုင်သည့် ရပိုင်ခွင့်မျိုး မဟုတ်တော့ဘဲ အခွင့်အလမ်း(Opportunity) အဖြစ် အသွင်ပြောင်း ခဲ့သည်မှာ ကြာတောင့် ကြာခဲ့လေရာ မီဒီယာအလုပ်ဆိုလျှင် လွတ်လပ်စွာ ပြောရေးဆိုခွင့် ဟူသည့် အခြေခံ လူ့အခွင့်အရေး နှင့် တွဲဖက် မမြင်နိုင်ကြတော့ဘဲ သက်ဆိုင်ရာ အာဏာပိုင်တို့က ပေးသနားကာမှ လုပ်ကိုင်နိုင် မည့် စီးပွားဖြစ် လုပ်ငန်းအဖြစ် တွေးထင် လာကြသည် အထိ ဖြစ်လေသည်။

ထိုနှယ် အတွေးများ မလွတ်လပ်တော့သည့်အခါ သတင်းလွတ်လပ် ခွင့်အတွက် တိုက်ပွဲဝင်ရမည့် အစား သတင်းစာ ထုတ်ခွင့် အတွက် တိုက်ပွဲဝင်ကြသည့်အဖြစ်သို့ ရောက်လာခဲ့ကြပါသည်။ နိုဝင်ဘာ ၁ဝ ရက်ထုတ် ကြေးမုံသတင်းစာ တွင် ပြည်ထောင်စု ဝန်ကြီးဦးအောင်ကြည်က စာနယ်ဇင်း သမားများထံ အိတ်ဖွင့်ပေးစာတွင် ထင်ရှားသော အချက်မှာ ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေအရ ပုဂ္ဂလိက သတင်းစာ အသစ်များ ထုတ်ဝေခွင့် ရခဲ့ခြင်း မရှိကြောင်း ဖြစ်ပါသည်။

သို့ဆိုလျှင် ပုဂ္ဂလိကသတင်းစာ ထုတ်ခွင့် မရခြင်းမှာ ပြည်ထောင် စုဝန်ကြီး၏ ကတိတည်ခြင်း၊ မတည်ခြင်းနှင့် တိုက်ရိုက် မသက်ဆိုင် ဘဲ ၁၉၆၂ ခုနှစ် ပုံနှိပ်သူများနှင့် ထုတ်ဝေသူများ မှတ်ပုံတင်ဥပဒေ ကြောင့်ဆိုသည်မှာ ထင်ရှားနေပါပြီ။ မီဒီယာသမားများအနေဖြင့် သတင်း လွတ်လပ်ခွင့်ကို လိုလားလျှင် ထိုဥပဒေကို အမြန်ဆုံး ဖျက်သိမ်းရန် အတွက်သာ အားထုတ်သင့်ကြ လှပါသည်။ သတင်းလွတ်လပ်ခွင့်ကို တားမြစ် ပိတ်ပင်နိုင်သော အဓိက ကျသည့် ပြဿနာသည်လည်း ယင်းဥပဒေပင် ဖြစ်ပါသည်။ သက်ဆိုင်ရာ အစိုးရအဖွဲ့၏ ဝန်ကြီးဖြစ်စေ၊ တာဝန် ရှိသူဖြစ်စေ တစ်ဦးဦးထံမှ နှုတ်မိန့်ဖြစ်စေ၊ နားလည်မှုဖြင့်ဖြစ်စေ မှတ်ပုံတင်ချပေးသည်ကို အရယူကာ မီဒီယာလုပ်ငန်း လုပ်ပိုင်ခွင့် တစ်နည်း သတင်းစာ ထုတ်ခွင့် ကို မျှော်ကိုးရခြင်းသည် အခွင့်အလမ်း (Opportunity) ကို မျှော်ကိုးခြင်းသာ မည်ပါမည်။ ရပိုင်ခွင့် (Rights) ကို တောင်း ဆိုခြင်း မမည်နိုင်ပေ။ မိမိတို့၏ ရပိုင်ခွင့်ကို ခြိမ်းခြောက်ဟန့်တားနေသည့် မတရား မမျှတသော ဥပဒေအား အမြန်ဆုံး ဖျက်သိမ်းရန်နှင့် မိမိတို့အား ကာ ကွယ်ပေးမည့် ဥပဒေသစ် အမြန်ဆုံး အကောင်အထည်ဖော်နိုင်ရန် အား ထုတ်ခြင်းကသာ မိမိတို့၏ ရပိုင်ခွင့်ကို ကာကွယ်စောင့်ရှောက်သည့်၊ သတင်းလွတ်လပ်ခွင့်ကို တန်ဖိုးထားသော မီဒီယာသမားများ၏ တာဝန် ဖြစ်ကြောင်း မီဒီယာသမားတို့ မမေ့ကြရန် တိုက်တွန်းအပ်ပါသည်။

လွတ်လပ်သော နိုင်ငံသား စိတ်ဓာတ်ဖြင့် ပြည်သစ်တည်အံ့။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*