အယ်ဒီတာ့စကား — ဇန်နဝါရီ ၂၃၊ ၂ဝ၁၃

နိုင်ငံခြားရေးနှင့် ပြည်တွင်းရေး   

နိုင်ငံရေးသမားတို့အတွက် ပြည်တွင်းအရေးနှင့် ပြည်ပအရေးကို  မည်သို့ချိန်ထိုးကာ မည်သို့ ဦးစားပေးမည် နည်းဟူသည့် အဆုံးအဖြတ် သည် အရေးကြီးသည့် မူဝါဒရေးရာ အဆုံးအဖြတ် ဖြစ်ပါသည်။ နိုင်ငံကြီးတစ်ခု ဖြစ်သည့် အမေရိကနိုင်ငံကို နမူနာ ကြည့်လျှင် ရီပတ်ဗလီကန် နိုင်ငံရေး သမားများက ပြည်တွင်းရေး ထက် ပြည်ပရေးရာတွင် ပို၍ ဩဇာ လွှမ်းနိုင်အောင် ကြိုးပမ်းလေ့ရှိကြကာ ဒီမိုကရက် နိုင်ငံရေးသမားများက ပြည်တွင်း စီးပွားရေး၊ လူမှုရေးများကို ပိုမိုအားသွန်ခွန်စိုက် ကြိုးစားတတ်ကြသည် ဟု ယေဘုယျအားဖြင့် ပြောနိုင်ပါမည်။ ထို့ကြောင့် တစ်ခါက မြန်မာ့နိုင်ငံရေး တွင် ကယ်တင်ရှင် မျှော်ကိုးသည့် အမြင်ရှိခဲ့ကြသူများ အနေဖြင့် ရီပတ်ဗလီကန်များ အာဏာရလျှင် ဝမ်းသာအားရ ဖြစ်ခဲ့ ဖူးကြပါပြီ။ ယခုအခါ ဒီမိုကရက် သမ္မတ အိုဘားမား တက်လာချိန်တွင် ရီပတ်ဗလီကန် လက်ထက်နှင့် ကွာခြား သည့် နိုင်ငံခြားရေး မူဝါဒကို ပြောင်းလဲ လာသော မြန်မာ့နိုင်ငံရေး အနေအထားအလိုက် ကိုင်စွဲကာ ဆက်ဆံလာရာ တွင်လည်း ကယ်တင်ရှင်မျှော် သမားများက ဝမ်းသာအားရ ဖြစ်ကြပြန်သည်ပင်။ သို့ဖြင့် နိုင်ငံတော်၏ နိုင်ငံခြားရေးမူဝါဒကို လည်း နဂိုကမှ ဂဃနဏ မသဲကွဲသည့်ကြား တွင် နိုင်ငံရေး သမားများ နှင့် နိုင်ငံရေး ပါတီများ၏ နိုင်ငံခြားရေး မူဝါဒနှင့် ပြည်တွင်းရေး မူဝါဒများကိုပါ နိုင်ငံသားများက သေချာဂနစွာ မသိမြဲ၊ မသိဆဲ ဖြစ်နေကြ ရပါသည်။

လတ်တလောတွင် အမေရိက အနေဖြင့် အတိတ် ရီပတ်ဗလီကန် အစိုးရ၏ ပြည်ပရေးရာ မူဝါဒနှင့် နိုင်ငံတကာ တွင် အမေရိက ဩဇာအတွက် စစ်အသုံးစရိတ် ဝန်ပိခဲ့မှုများကြောင့် ဘဏ္ဍာရေးအခက်အခဲကို ပြည်တွင်းရေး ပြဿနာ အဖြစ် ရင်ဆိုင်ဖြေရှင်းနေရပြီ ဖြစ်ပါသည်။ ပြည်ပရေးရာ ဩဇာအတွက် ပြည်တွင်းရေးမှာ ဘဏ္ဍာ ခက်ခဲရသကဲ့သို့ ဖြစ်လာသည့် ထိုနမူနာကို ကြည့်လျှင် နိုင်ငံရေး သမားများနှင့် နိုင်ငံရေး ပါတီများအတွက် ဦးစားပေးသင့်သည်မှာ ပြည်တွင်းရေးကိစ္စနှင့် မူဝါဒသာ ဖြစ် သည်ကို သင်ခန်းစာယူနိုင်ပါမည်။ ပြည်တွင်းရေး အေးချမ်းသာယာဝ ပြောနေချိန်တွင် ပြည်ပရေးရာ မူဝါဒကောင်းများဖြင့် နိုင်ငံတကာတွင် ဝင်ဆန့်၊ ဩဇာ ရှိအောင် ကြိုးစားခြင်းမှာ သဘာဝ ကျနိုင်သော်လည်း ပြည်တွင်းရေး ခက်ခဲကျပ်တည်းနေချိန်တွင်မူ ထိုစိတ်ကူး မှာ လက်တွေ့ မကျနိုင်ပါချေ။

နှစ်ပေါင်းများစွာ ကမ္ဘာ့ဇာတ်ခုံတွင် ကန့်လန့်ကာနောက်သို့ ရောက် ခဲ့ရသည့် မြန်မာနိုင်ငံအနေဖြင့်လည်း ကတ္တီပါကားလိပ် အဖွင့်တွင် မီးရောင်အောက်သို့ ဝင်ကာ တင့်တောင့်တင့်တယ် ဟန်ရေးပြခွင့်ကို လက် မလွှတ်သင့်သည်မှာ မှန်သော်လည်း သတိကြီးကြီးထားကာ ဆုံးဖြတ်နိုင်ရန် အရေးကြီးလှပါသည်။ သို့မှသာ မျက်နှာပေါ်က သနပ်ခါးနှင့် ဆံထုံးပေါ်က ပန်းကိုပြရန် ရင်ကော့ခေါင်းမော့ ဟန်ရေးပြချိန်တွင် ဗလာထဘီ အကွဲအောက်မှ ကျင်ငယ်စီးကြောင်းကို မီးမောင်း အထိုးမခံ ရမှာ ဖြစ်ပါသည်။ ပြည်တွင်းရေးမှာ သွေးချောင်းစီး နေသည်ကို ရပ်ဆိုင်း သွားအောင် အားမထုတ်နိုင်သေး ချိန်တွင် ပြည်ပမျက်နှာစာမှာ သကာရည်ဆွတ် အပြုံးများနှင့် သီအိုရီ အကောင်းစားများကို ကိုးကားပြောဆိုကာ “ဒါ မြန်မာ”ဟု ဂုဏ်ယူဖွယ်ရာ အားထုတ် လျှင်ပင် ထိရောက်ပါမည်လော ဟု စောကြော သင့်ကြလှပါသည်။

ပြည်တွင်းရေး ပြဿနာများကို ကိုယ်ပိုင်မူဝါဒ၊ သဘောထားများဖြင့် ထိရောက်သော ကိုင်တွယ်ဖြေရှင်းမှု မရှိသည့် နိုင်ငံရေး သမားများနှင့် နိုင်ငံရေး ပါတီများ အနေဖြင့် ပြည်တွင်းရေး ကိစ္စများသည်သာ နိုင်ငံတော်၏ အရေးကြီး ပြဿနာဟု သဘောထားကြောင်း ထိရောက်သည့် သက်သေ ပြနိုင်ရပေမည်။ နိုင်ငံတကာနှင့် ဆက်ဆံရေး အဆင်ပြေချောမွေ့ ကာ အောင်မြင်နေမှုများ ရှိနေသည့်တိုင် ပြည်တွင်းတွင် မိမိနှင့် မိမိကိုယ်စား ပြုသော နိုင်ငံရေး အဖွဲ့အစည်း၏ ပြည်တွင်းရေးရာ မူဝါဒများကို အခိုင် အမာ ရပ်တည်ဖော်ပြရန် အားနည်းလျှင် နိုင်ငံတော်နှင့် နိုင်ငံသားတို့ ၏ အားကိုးယုံကြည်မှုကို အခိုင်အမာ ရနိုင်ရန် ခဲယဉ်းမည်မှာ မလွဲပေ။

ကမ္ဘာ့ဇာတ်ခုံတွင် မြန်မာ့ပုံရိပ်ကို အတိတ်နှင့်မတူဘဲ တင့်တယ်ဝင် ဆံ့နိုင်စေရန်ဟူ၍လည်းကောင်း၊ အနာဂတ်၌ အဆင်ပြေချောမွေ့စေရန် ဟူ၍လည်းကောင်း ရည်ရွယ်ကာ ပြည်ပဆက်ဆံရေး၊ နိုင်ငံခြားနှင့် ဆက်သွယ်ရေး တို့ကို ဆောင်ရွက်ကြရာတွင် ပြည်တွင်းရေးကိစ္စများကို လျစ်လျူရှုထားခဲ့ရန် မဖြစ်နိုင်ကြောင်း သဘောပေါက် သည့် အားလျော် စွာ ပြည်တွင်းရေးကိစ္စများကို မျက်ခြေပြတ်၊ လျစ်လျူရှုရာရောက်မည့် အပြုအမူ၊ အပြောအဆို များကို ရှောင်ရှားရန် မှာ နိုင်ငံရေး သမားများနှင့် နိုင်ငံရေးအဖွဲ့အစည်းများ၏ တာဝန်ဖြစ်ကြောင်းနှင့် နိုင် ငံခြားရေးနှင့် ပြည်တွင်းရေး တို့ကို ဆတူအလေးထား တုံ့ပြန်ကြခြင်းဖြင့် နိုင်ငံ့အကျိုးကို ဆထက်ထမ်းပိုး ကြိုးစားသင့် ပါကြောင်း အသိပေး တင်ပြလိုက်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*