အယ်ဒီတာ့စကား — ဖေဖော်ဝါရီ ၁၃၊ ၂ဝ၁၃

အကာ နှင့် အနှစ်

ပြည်ထောင်စု စိတ်ဓာတ်ဟု ဆိုကြရာတွင် တိုင်းရင်းသားလူမျိုးများ အချင်းချင်း ငြိမ်းချမ်းစွာ အတူယှဉ်တွဲ နေထိုင် သည့် အေးအတူ ပူအမျှ စိတ်ဓာတ်ကို ဆိုလိုကြောင်း ကြားရလှပါပြီ။ သို့ရာတွင် သမိုင်းတစ်လျှောက် မှသည် လက်ရှိ အနေအထားအထိ သည်စိတ်ဓာတ်မှာ သည်နိုင်ငံရှိ နိုင်ငံသားများ၏ ရင်ထဲသို့ အညီအမျှ နက်ရှိုင်းစွာ နေရာ ယူပြီးဟု မယူဆနိုင်သေးပါချေ။ အခွင့်အရေးတန်းတူညီမျှမှု မရရှိသေးသောကြောင့် ထိုကဲ့သို့ ဖြစ်ရသည်ဟု ဆိုကြပါသည်။

သို့ရာတွင် တိုင်းရင်းသား အချင်းချင်းကြား မကြေလည်သော ခံစားချက်များမှာ နှစ်ကာလရှည်ကြာခဲ့ရာ အခွင့် အရေးကိစ္စ မဟုတ်သည့် အရာများတွင်ပင် “တိုင်းရင်းသားနှင့် ဗမာ”ဟူသော ခွဲခြားရှုမြင်မှုသည် သိသာထင်ရှား လာခဲ့သည်။ စင်စစ် သွေးမနှောသော တိုင်းရင်းသား စစ်စစ်များ ဦးရေ ထက် သွေးနှောသော နိုင်ငံ သားများ ဦးရေက ပိုမိုများပြား လာနေသည်ဟု ဆိုနိုင်သည့် အနေအထားကို ရောက်နေပြီ ဖြစ်ပါသည်။ ထို့ပြင် ပြည်နယ် များတွင် မွေးဖွားနေထိုင်ခြင်း မပြုသော တိုင်းရင်းသားများကို ပြည်နယ်များမှ ယင်းတို့၏ သွေးချင်းများကပင် တိုင်းရင်းသားဟု လွယ်လင့်တကူ လက်ခံရန် ခက်ခဲခြင်း များလည်း ရှိနေသည်ကို သတိပြုမိ ပါသည်။ အဓိက အကြောင်းရင်းမှာ ပြည်မရောက် တိုင်းရင်းသားများ အနေဖြင့် တိုင်းရင်းသား ဘာသာစကားကို တတ်ကျွမ်းခွင့် ခက်ခဲခြင်းနှင့် အခြားနိုင်ငံသား များနှင့် ဒွေးရောယှက်တင် ကြီးပြင်းရသဖြင့်  တိုင်းရင်းသားမာန နည်းပါးသည်ဟု ယူဆကြခြင်းကြောင့် ဖြစ်ပါသည်။

ထို့ကြောင့် လူတစ်ယောက်အတွက် တိုင်းရင်းသားမာနကို ကြက်ဥတစ်လုံး၏ အနှစ်သဖွယ် သဘောထားကာ နိုင်ငံသား စိတ်ဓာတ်ကို ကြက်ဥအကာသဖွယ် ထိမ်းသိမ်းထားနိုင်ပါမှ ထိုကဲ့သို့သော လူများနှင့် ဖွဲ့စည်း ထားသော လူ့အဖွဲ့အစည်းမှာ ငြိမ်းချမ်းမည်ဟု ဆိုရပါမည်။ ပြည်ထောင်စု စိတ်ဓာတ်ဟု ဆိုလျှင်လည်း တိုင်းရင်းသား မာန (Ethnic Pride) တည်းဟူသော အနှစ်ကို မမေ့မဖျောက်သင့်သကဲ့သို့ အသားအရောင်၊ ကိုးကွယ်သည့် ဘာသာ၊ ပြောဆိုသည့် ဘာသာစကား၊ တောင်ပေါ်မြေပြန့် နေထိုင်သည့် အရပ်များ၊ ယဉ်ကျေးမှု ဓလေ့ထုံးစံများ စသည့် ကြက်ဥအခွံတို့ မည်မျှပင် ကွာခြားနေသည်ဖြစ်စေ နိုင်ငံသား အချင်းချင်းဟူသည့် ဖြူစင် မျှတသော နိုင်ငံသားစိတ်ဓာတ် (Citizen’s Spirit) ကြက်ဥအကာ၏ လွှမ်းခြုံမှုကို အရယူကာ လူတစ်ဦး ချင်းစီ၏ ပိုင်ဆိုင်နိုင်သမျှသော အမှတ် အသားလက္ခဏာ (Identity) ကို ပုံဖော်သည့် စိတ်ဓာတ်မျိုး ဖြစ်သင့် ပါသည်။ သို့မှသာ အနှစ်နှင့် အခွံမှာ မည်မျှ ကွာခြားသည်ဖြစ်စေ လူတိုင်း၏ နိုင်ငံသား စိတ်ဓာတ် စွမ်းလျှင် စွမ်းသလောက်၊ ခွန်အားပြည့်လျှင် ပြည့်သလောက် နိုင်ငံသား အချင်းချင်း ဟူသည့် သဘောထားကို ထိမ်းသိမ်းထားနိုင်ကာ အစစ်အမှန် အေးအတူ ပူအမျှ နေထိုင်နိုင်ကြမည် ဖြစ်ပါသည်။

ပြည်ထောင်စု စိတ်ဓာတ် အတွက်လည်း အလွယ်ကူဆုံး ဆုံချက်မှာ နိုင်ငံသားစိတ်ဓာတ်သာ ဖြစ်ပါမည်။ တိုင်းရင်းသား မာနသက်သက်ဖြင့် ပြည်ထောင်စုစိတ်ဓာတ်ကို အကောင်အထည် ဖော်မည်ဆိုလျှင် နှောင့်နှေး ကြန့်ကြာမည် သာ ဖြစ်ပါသည်။ အခွင့်အရေး တန်းတူညီမျှမှုကို ပြောကြရာတွင်လည်း တိုင်းရင်းသား မာနထက် နိုင်ငံသားစိတ်ဓာတ်ကို အခြေခံလျှင် ပိုမိုခရီးရောက်မည်ကို သတိပြုသင့်ပါသည်။ တိုင်းရင်းသား အချို့က မြေလတ် ဒေသရှိ လူများစုအနွယ်ဝင်ဟု သတ်မှတ် ထား သော ဗမာများ၏ ဘ၀ရှင်သန်နေရပုံများကို မြင်ရသည့် အခါ တစ်ခါက သူတို့မှာသာ တိုင်းရင်းသား များဖြစ်သဖြင့် အခွင့်အရေးမဲ့နေသည်ဟု ခံစားရချက်များ သက်သာရာ ရသွားခဲ့သည်ဟု ဆိုသည်ကို သိရှိခဲ့ရဖူးပါပြီ။ ထို့ကြောင့် တိုင်းရင်းသားမာနသည် မေ့ဖျောက် ကောင်းသော အရာ မဟုတ်သော် လည်း ရှေ့တန်းတင်ရမည့် စိတ်မျိုး မဟုတ်ဟု ဆိုရပါမည်။ ကြက်ဥ၏ အနှစ်သည် အတွင်းဆုံးပိုင်းတွင် ရှိရမည်ဖြစ်ကာ အနှစ်မပါလျှင် ကြက်ဥ မဖြစ်သကဲ့သို့ တိုင်းရင်းသားများ အတွက် တိုင်းရင်းသားမာနသည် မရှိမဖြစ်ဖြစ်ကြောင်း အသိအမှတ် ပြုကြရပါမည်။ ထို့တူ နိုင်ငံသား စိတ်ဓာတ် ဟူသည့် စိတ်ဓာတ်ကို ကြက်ဥအကာ တစ်လုံးကဲ့သို့ မွေးမြူနိုင်ကြ ပါလျှင် ငြိမ်းချမ်းရေးကို ပိုမိုလွယ်လင့်တကူ ရယူ နိုင်ကြပါမည်။ နိုင်ငံ၏ မည်သည့်အရပ်ဒေသတွင် နေနေ၊ မည်သည့်ဘာ သာစကားကို ပြောပြော၊ မည်သည့် ဘာသာကို ကိုးကွယ်ကိုးကွယ်၊ မည်သည့် တိုင်းရင်းသားသွေး ပါပါ နိုင်ငံသားများ အချင်းချင်းဟူသည့် နိုင်ငံသား စိတ်ဓာတ်က သာ ရေရှည်တည်တံ့မည့် ငြိမ်းချမ်းရေးကို အာမခံနိုင်မည် ဖြစ်ပါသည်။

ထို့ကြောင့် နိုင်ငံသားများ အနေဖြင့် အနှစ်ကိုလည်း မပစ်ပယ်ဘဲ အကာကို ဖက်တွယ်ကာ မိမိနှင့် နိုင်ငံ၏ ငြိမ်းချမ်းရေး အတွက် အားထုတ်နိုင်ကြစေရန် တိုက်တွန်းအပ် ပါသည်။

လွတ်လပ်သော နိုင်ငံသား စိတ်ဓာတ်ဖြင့် ပြည်သစ်တည်အံ့။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*