အယ်ဒီတာ့စကား — February 20, 2013

အရေးကြီးသည့် လူသားအရင်းအမြစ်

သဘာဝ သယံဇာတ အရင်းအမြစ်များ ထက်စာလျှင် လက်ရုံးရည်၊ နှလုံးရည်နှင့် ဉာဏ်ရည် ပြည့်ဝသော လူသား အရင်း အမြစ် သယံဇာတ သည် နိုင်ငံ ဖွံ့ဖြိုး တိုးတက်ရေး အတွက် သာလွန် အရေးကြီးကြောင်း ဆိုကြပါသည်။ သဘာဝ သယံဇာတ အရင်းအမြစ်များ ရှိသော်လည်း ယင်းကို နိုင်ငံ့အကျိုးအတွက် အသုံးချနိုင်မည့် အရည်အချင်း ပြည့်ဝသော လူ သား အရင်းအမြစ်များ မရှိလျှင် ထိုသဘာဝ သယံဇာတ အရင်းအမြစ်များသည် အချည်းနှီး ကုန်ဆုံးရုံသာ ရှိပေရာ ထိုသို့ အရည် အချင်း ပြည့် ဝသော လူသား အရင်းအမြစ်များ၏ အရေးပါမှု သည် နိုင်ငံတိုင်း အတွက် အရေးကြီးလှပေသည်။

ယခုအခါ နိုင်ငံတော်က လက်ကျန်နိုင်ငံရေး အကျဉ်းသား စိစစ်ရေး ကော်မတီဟူ၍ ဖွဲ့စည်းကာ နိုင်ငံရေး အကျဉ်းသားများ ရှိကြောင်း ဝန်ခံ အသိအမှတ် ပြု လာပြီ ဖြစ်ပါသည်။ နိုင်ငံရေး အကျဉ်းသားများသည် ၁၉၈၈ ခုနှစ် နောက်ပိုင်း တွင်ပင် အရေအတွက် အားဖြင့် သောင်းဂဏန်း ရှိရာ ထိုလူသား အရင်းအမြစ် များအား နိုင်ငံ၏ လူ့အဖွဲ့အစည်း အတွင်းသို့ ပြန်လည်နေရာပေး အသိအမှတ်ပြုရေးသည် မေးခွန်းထုတ်စရာ ဖြစ်နေဆဲပင်။ နိုင်ငံရေး အကျဉ်းသား လုံးဝမရှိ ဟု ဘူးခံငြင်းဆန်ခဲ့သော ကာလတွင် နိုင်ငံရေး အကျဉ်းသားဟောင်း များနှင့် တကွ ယင်းတို့၏ မိသားစုများမှာ နည်း အဖုံဖုံဖြင့် လူ့အဖွဲ့အစည်း၏ ပြင်ပသို့ တွန်းပို့ခံခဲ့ ကြရပါသည်။ သို့ဖြစ်ရာ ပြည်တွင်း ဦးနှောက် ယိုဖိတ်ခြင်း (Internal Brain Drainage) ဟု ဆိုနိုင်သည့် ထိုပုဂ္ဂိုလ်ကြီးငယ်တို့၏ လက်ရုံးရည်၊ နှလုံးရည်နှင့် ဉာဏ်ရည် များမှာ ယင်းတို့ကိုယ်တိုင်နှင့် မိသားစုများ အတွက်သော်လည်းကောင်း၊ နိုင်ငံ၏ လူ့အဖွဲ့အစည်း အတွက်သော်လည်းကောင်း အကျိုးဆောင်ခွင့်မရဘဲ အလဟသ ဖြစ်ခဲ့ရပါသည်။ ယနေ့တိုင် လည်း နိုင်ငံရေးအကျဉ်းသားဟောင်း အချို့နှင့် သူတို့၏မိသားစုများမှာ လက်ရှိ လူ့အဖွဲ့အစည်း အတွင်းသို့ တသားတည်း ပြန်လည် ပေါင်းစည်းနိုင်ခြင်း မရှိသေးပေ။ နှစ်ကာလရှည် ကြာစွာ အကျဉ်းကျနေ ခဲ့ရသဖြင့် သူတို့ တတ်မြောက်ထားသော အသိပညာ၊ အတတ်ပညာ များမှာ အချိန်နှင့် တပြေးညီ မဖြစ် တော့ခြင်း၊ ချို့ယွင်း လာသော ကျန်းမာရေး အခြေအနေကို ကောင်းစွာ မကုသ မပြုပြင်နိုင်သဖြင့် မိမိ ကိုယ်တိုင်နှင့် မိသားစုအတွက် ဦးဆောင်နိုင်သော သို့မဟုတ် တာဝန် မျှထမ်းနိုင်သော အခြေအနေတွင် မရှိရာမှ မိသားစု အသိုင်းအဝိုင်းတွင် သာမက လူ့အသိုင်းအဝိုင်းတွင်ပါ သူတို့၏ အခန်းကဏ္ဍမှာ သေးသိမ် လာရခြင်း စသည့် ပြဿနာများစွာမှာ ဖြေရှင်းပြေလည်နိုင်သည့် အနေ အထားသို့မရောက်ရှိသေးချေ။ ထို့ကြောင့် တစ်ခါက အရည် အချင်း ပြည့်ဝခဲ့သော၊ ယခုတိုင် အရည်အချင်း မညံ့သေး သည့်တိုင် လူ့အဖွဲ့အစည်း အတွင်း သို့ အပြည့်အဝ ပြန်လည် ဝင်ရောက်ခွင့် မရသေးသော နိုင်ငံရေး အကျဉ်းသားဟောင်းများအား နိုင်ငံအတွက် အရေးပါသော လူသား အရင်းအမြစ်များအဖြစ် ပြန်လည် အသိအမှတ်ပြု ပြုစု ပျိုးထောင်ရေးသည် လွန်စွာ အရေးကြီး လှပါသည်။

ထိုနည်းတူ ငြိမ်းချမ်းရေးကို အာမခံနိုင်လာလျှင် လက်နက်ကိုင် ခဲ့သော တပ်မတော်သားများနှင့် တိုင်းရင်းသား လက်နက်ကိုင် တပ်ဖွဲ့ဝင် များကိုလည်း လူ့အဖွဲ့အစည်း အတွင်း အကျိုးရှိစေမည့် လူသား အရင်းအမြစ်များ အဖြစ် ပြန်လည် အသက်သွင်းနိုင်ရန် ပြင်ဆင် စဉ်းစားသင့်ကြပါသည်။ ငြိမ်းချမ်းသော နိုင်ငံတွင် လက်နက်ကိုင် အရည် အသွေးရှိသော  လူသားအရင်းအမြစ်များထက် ပညာရပ်ဆိုင်ရာ ကျွမ်းကျင်သည့် လူသား အရင်းအမြစ် များကို ပိုမိုလိုအပ်မည်ဖြစ်ရာ လက်နက်ကိုင်ခဲ့ဖူးသောသူ များအနေဖြင့် သူတို့ မရင်းနှီးမကျွမ်းဝင်ခဲ့ရသော ပညာရပ်ဆိုင်ရာ အသိပညာ၊ အတတ်ပညာများကို ဆည်းပူးခွင့်ရကာ နိုင်ငံ့အကျိုးကို အခြား တစ်နည်းဖြင့် သယ်ပိုးနိုင်သည့် အရည်အသွေးကို ပိုင်ဆိုင်ခွင့် ရသင့်ကြပါသည်။ သို့မှသာ နိုင်ငံ၏ လူ့အဖွဲ့အစည်းသည်လည်း အရည်အသွေး မျိုးစုံ ပြည့်ဝသော လူသား အရင်းအမြစ်များဖြင့် တိုးတက် ပြည့်ဝလာနိုင်မည် ဖြစ်ပါသည်။

သို့ဖြစ်ရာ မျိုးဆက်သစ်များအား အရည်အချင်းပြည့်ဝသော လူသား အရင်းအမြစ်များဖြစ်လာရန် ပြုစု ပျိုးထောင်ရေး အတွက် ပ ညာရေး၊ ကျန်းမာရေး၊ စီးပွားရေး စီမံကိန်းများကို ချမှတ်ကြသည့် နည်းတူ အရည်အချင်း ရှိခဲ့သော၊ ရှိနေဆဲ ဖြစ်သည့်တိုင် တောက်ပြောင်စွာ အသုံးချခွင့်မရ သော၊ မူလရှိပြီးသား အရည်အချင်း သာမက နောက်ထပ် အရည် အချင်းများ ပြည့်ဝလာနိုင်ရန် ထိရောက်သော သင်ကြား ပျိုးထောင်မှုဖြင့် ကြိုးစားလျှင် ဖြစ်နိုင်ချေ ရှိနေသော မျိုးဆက်ဟောင်း လူသား အရင်းအမြစ် များကိုလည်း လူ့အဖွဲ့အစည်းအတွင်း အကျိုးရှိရှိ နေရာချထားပေးနိုင်ရေး အတွက် ယင်းတို့၏ အခန်းကဏ္ဍနှင့် အရည် အချင်းများအား အသိအမှတ်ပြုရေး၊ နစ်နာခဲ့သည် များအတွက် ထိရောက်သော ပြန်လည်ပေးဆပ် မှုများဖြင့် နှစ်သိမ့်ရေး၊ ထိုက်တန်သော တာဝန်များ ပေးအပ်ခြင်းဖြင့် လူ့အဖွဲ့အစည်း အတွင်း အပြည့်အဝ ပြန်လည် ထည့်သွင်း နေရာပေးခြင်း များကို ဆောင်ရွက်သင့်ကြကြောင်း အသိပေးအပ်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*