အယ်ဒီတာ့စကား — ဖေဖော်ဝါရီ၊ ၂ဝ၁၃

ပန်းတိုင်နှင့် အသွင်ကူးပြောင်းရေးကာလ

မြန်မာ့နိုင်ငံရေးအခင်းအကျင်းတွင် အာဏာရှင်နှင့် အတိုက်အခံဟူ သည့် ဘက်နှစ်ဖက်ကိုသာ ပြောဆို တွေးတောခဲ့ကြရာမှ ပါတီစုံ ဒီမိုကရေစီစနစ် ဟူသည့် အဖြေကို ၂ဝ၁ဝ ခုနှစ်နောက်ပိုင်းတွင် စတင်ကျင့်သုံး လာခဲ့ပါသည်။ အသစ်ပေါ်လာသော လွှတ်တော်မှာ နိုင်ငံရေးပုံစံသစ်ဖြစ်  သော်လည်း ပါတီစုံလွှတ်တော် မဖြစ်သေးခြင်း မှာလည်း နိုင်ငံသားများ အရိုးစွဲနေသော အာဏာလက်ရှိနှင့် အတိုက်အခံဟူသော ဘက်နှစ်ဖက် စိတ်ဓာတ်ကို ဆက်လက် ထိန်းသိမ်းထားရန် တွန်းအား တစ်ရပ် ဖြစ်နေ ပါသည်။ ထို့ပြင် ပြည်ထောင်စု လွှတ်တော် တွင်သာ အတိုက်အခံဟု ဆိုနိုင်မည့် အာဏာရှိ ပါတီကြီးမှ မဟုတ်သော လွှတ်တော် ကိုယ်စားလှယ် အများစုရှိကာ တိုင်းဒေသကြီးနှင့် ပြည်နယ်လွှတ်တော်များတွင်မူ အာဏာရှိ ပါတီကြီးမှ လွှတ်တော် ကိုယ်စားလှယ် အများစုက ရှိနေကြပါသည်။ ထို့ပြင် တိုင်းဒေသကြီးနှင့် ပြည်နယ် အစိုးရများနှင့် အုပ်ချုပ်ရေးအဖွဲ့များ  တွင်လည်း အာဏာရှိ ပါတီကြီးမှ ပုဂ္ဂိုလ်ကြီးငယ်များက အများစု ပါဝင်နေသဖြင့် ထိုနေရာများတွင် အုပ်ချုပ်ရေးမဏ္ဍိုင်သည် ဥပဒေပြုရေး မဏ္ဍိုင်အပေါ် သြဇာသက်ရောက်နေမှုများ အထင်အရှား တွေ့နေရပါသည်။ သို့ဖြစ်ရာ မြန်မာ့နိုင်ငံရေး လမ်းပြမြေပုံသည် ပါတီစုံ ဒီမိုကရေစီ စနစ်အား ရွေးကောက်ပွဲ နည်းလမ်းဖြင့် အရောက်လှမ်း သည့် နေရာတွင်ပင် ခရီးလမ်း ဆုံးနေသည်မှာ နိုင်ငံသားအားလုံး၏ ပန်းတိုင် အစစ်အမှန် ဖြစ်ပါသလော ဟု စောကြော ကြရန် လိုလာပါပြီ။

တိုင်းရင်းသား လူမျိုးများဖြင့် ဖွဲ့စည်းထားသည့် ပြည်ထောင်စု နိုင်ငံအဖြစ် ခံယူထားသော နိုင်ငံတော်အတွက် ပန်းတိုင်မှာ ပါတီစုံဒီမိုကရေစီစနစ် ဟုဆိုလျှင် ယခုအခါ ပါတီစုံရပ်တည်နေပြီဖြစ်ရာ ပန်းတိုင်ရောက်နေပြီဟု ဆိုနိုင်ပါမည်လား။ ၂ဝဝ၈ ခုနှစ် ဖွဲ့စည်းပုံအခြေခံဥပဒေကို ၉၂ ရာခိုင်နှုန်းကျော် မဲပေးထောက်ခံခဲ့ကြသော် လည်း ယခုအခါ နိုင်ငံတော် သမ္မတက အစပြု၍ ထိုအခြေခံ ဥပဒေတွင် ပြင်ဆင်ရမည့် အချက်များ ရှိနေသည်ဟု ဆိုနေကြပါပြီ။ ထို့တူ ပြည်တွင်းငြိမ်းချမ်းရေး ပန်းတိုင်အတွက် ပြည်ထောင်စု စစ်စစ် စနစ် ဖော်ဆောင်ရန် လိုအပ်သည်ဟု တိုင်းရင်းသား အများစုက ပြောလာကြပါပြီ။ ထို့ကြောင့် နိုင်ငံတော်အတွက် ပန်းတိုင်မှာ ပါတီစုံ ဒီမိုကရေစီ စနစ်လောက်ဖြင့် မလုံလောက်တော့ဘဲ ပြည်ထောင်စု စစ်စစ်စနစ်ဖြစ်ရန် ဖွဲ့စည်းပုံအခြေခံဥပဒေ ကို ပြင်ဆင်ရေးအထိ တွေးကြရပါတော့မည်။

သည်နေရာမှာ အသွင်ကူးပြောင်းရေးကာလဟူသည့် အသုံးအနှုန်းကို လည်း ပြန်လည်သုံးသပ်သင့်ကြပေသည်။ ပန်းတိုင်ကို တပ်အပ်သေချာ မသိဘဲ အသွင် ကူးပြောင်းရေး ဆိုသည်ကို ဆောင်ရွက်၍ မရနိုင်ပေ။ ပန်းတိုင်သည် ပါတီစုံဒီမိုကရေစီ ဆိုလျှင် နိုင်ငံရေး အခင်းအကျင်းတွင် ပါတီစုံ၏ အခန်းကဏ္ဍ သည် ပေါ်လွင်နေရပေမည်။ ထို့အတူ ပန်းတိုင် သည် ပြည်ထောင်စု စစ်စစ် စနစ်ဆိုလျှင်လည်း ဒေသဆိုင်ရာအစိုးရနှင့် လွှတ်တော်များ၏ အခန်းကဏ္ဍ သည် ပြည်ထောင်စု အစိုးရနှင့် ပြည် ထောင်စု လွှတ်တော်နည်းတူ အရေးပါပြီး ပေါ်လွင်ထင်ရှား ရပေမည်။ တိုင်းရင်းသားများ မှီတင်းနေထိုင် ရာဒေသများ၊ ပြည်နယ် များ၏ အုပ်ချုပ်ရေး၊ တရားစီရင် ရေးနှင့် ဥပဒေပြုရေးမဏ္ဍိုင်အသီးသီးအနေဖြင့် တူညီမျှတသော သြဇာ၊ အားထုတ်မှုများကို လက်ကိုင်ပြုကာ ဒေသတွင်း တိုင်းရင်းသား များနှင့် နိုင်ငံသားများ၏အကျိုးကို ကာကွယ်ဆောင် ရွက်နိုင်ရပါ မည်။

ယခုအခါ ပြည်ထောင်စုလွှတ်တော်နှင့် နိုင်ငံတော်အစိုးရ၏ အခန်း ကဏ္ဍသည် ပေါ်လွင်ထင်ရှားသလောက် ဒေသဆိုင်ရာ အစိုးရများနှင့် တိုင်းဒေသကြီး၊ ပြည်နယ် လွှတ်တော်များ၏ အခန်းကဏ္ဍမှာမူ မှေးမှိန် နေဆဲ ဖြစ်ပါသည်။ ထိုသို့ဖြစ်နေခြင်း သည် နောင်တွင် ပြည်ထောင်စုစစ်စစ် စနစ်ဟူသည့် ပန်းတိုင်အတွက် အသွင် ကူးပြောင်းရေးကာလတွင် ရှိအပ်သော နိုင်ငံရေးအခင်းအကျင်းဟု မဆိုနိုင်ပေ။ ထို့ကြောင့် ပန်းတိုင်ကို တပ်အပ် သေချာ မသိလျှင် အသွင်ကူးပြောင်းရေးကို မည်ကဲ့သို့ ဆောင်ရွက်ရမည်နည်း ဟုမေးကြရပေမည်။ ပန်းတိုင်သို့ ဦးတည်သော အားထုတ်မှုများ၊ ပြုပြင်မှုများ ဖြင့်သာ အသွင်ကူးပြောင်းရေးကာလကို  အကောင်းဆုံး ဖန်တီး ဖြတ်ကျော်ကြ ရပါမည်။ ပန်းတိုင်နှင့် ဖီလာဖြစ်သော သို့မဟုတ် အထောက်အပံ့ မဖြစ်သော အားထုတ်မှုများ၊ ပြုပြင်မှုများကို ဆောင်ရွက်နေလျှင် ထိုအားထုတ်မှု များမှာ အသွင်ကူးပြောင်းရေးကာလဆောင်ရွက်ချက်များ ဖြစ်လာမည် မဟုတ်ဘဲ နောက်ကြောင်း မပြန်သော်လည်း ရှေ့လည်းမတိုးသည့် ဝဲကတော့ လှည့်လည် ရေအိုင် နွံ သဖွယ် ဆောင်ရွက်ချက်များသာ ဖြစ်လာပါမည်။

ထို့ကြောင့် နောက်ကြောင်းပြန်လှည့်မည်ကို စိုးရိမ်ကြသော နိုင်ငံသားများ အနေဖြင့် မိမိတို့၏ ပန်းတိုင်ကို မိမိတို့ ကိုယ်တိုင် တပ်အပ်သေချာစွာ သိနိုင်ရန် အားထုတ်သင့် ကြသကဲ့သို့ ပန်းတိုင်နှင့် လျော်ညီသော အသွင် ကူးပြောင်းရေး ကာလအားထုတ်မှုနှင့် ပြုပြင်မှုများကို ဆောင်ရွက် သင့်ပါကြောင်း တိုက်တွန်းအပ်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*