အယ်ဒီတာ့စကား — မတ် ၂၈၊ ၂ဝ၁၃

ယမ်းပုံနှင့် မီးစာ

ကမ္ဘာ့မျက်နှာစာတွင် အရုပ်ဆိုး အကျည်းတန်သည့်ဖြစ်ရပ်များသည် ဗြဟ္မစိုရ်တရား လက်ကိုင် ထားပါသည် ဆိုသော မြန်မာ့မြေပေါ်တွင် ဖြစ်ခဲ့ပေပြီ။ နောက်ထပ်ဖြစ်ရန် လည်း တာစူနေကြသံကို ကြားနေရပေသည်။ ဒေါသနှင့် အာဃာတ မီးတောက် အလျှံညီးညီး တောက်လောင်နေသည့် ထို မီးပုံကြီးသည် သူ့အလိုလို ပေါ်ပေါက် လာရခြင်း မဟုတ်ပါချေ။ ယမ်းပုံနှင့် မီးစာရှိမှ မီးပုံကြီး ပေါ်ပေါက်ရပါသည်။ ယနေ့မြန်မာ့မြေပေါ်မှ မီးပုံကြီး၏  မူလရင်းမြစ် များဖြစ်သော ယမ်းပုံနှင့်မီးစာတို့ကို ရှာဖွေ သုံးသပ်ရန် လိုအပ် နေပါပြီ။

နှစ်ကာလ ရှည်ကြာသည့် အာဏာရှင် စနစ်များက ချန်ရစ်သော အမွေများတွင် အသိသာဆုံး အမွေသုံးခုမှာ ဆင်းရဲမွဲတေမှု၊ ပညာရည်နိမ့်ကျမှု နှင့် ဥပဒေကို အရိပ်အာဝါသအဖြစ်ထက် အန္တရာယ်အဖြစ် မှတ်စွဲကာ ဥပဒေ ပြင်ပဖြေရှင်း တတ်မှုများ ဖြစ်ပေသည်။ အာဏာရှင်စနစ်၏ စီမံခန့်ခွဲ နိုင်စွမ်း နိမ့်ပါးသဖြင့်ဖြစ်ရသော ဆင်းရဲ မွဲတေမှုကြောင့် လူထုသည် ဘဝကို ခါးသီးစွာ ရှုမြင်တတ်လာကြသည်။ အာဏာရှင်စနစ်က သူ့ကို အံမတုနိုင် စေရန် လူထုအား ပညာရေး အားမပေးခဲ့သည့်အတွက် လူထုမှာ ပညာရည် နိမ့်ကျမှုကြောင့်လည်း ပြဿနာ တစ်ရပ်အား ဘက်စုံထောင့်စုံမှ ရှုမြင်သုံးသပ် ဆင်ခြင်နိုင်စွမ်း နည်းပါးပြီး စိတ်ခံစားမှုကို ရှေ့တန်းတင် တတ်ကြ ပေသည်။ ထိုကဲ့သို့ ခါးသီးဒေါသများဖြင့် ထုံမွှမ်းထားသော လူထုက ပြဿနာများကို ဖြေရှင်းရန် ကြိုးစားရာတွင် ဥပဒေ၏ အရိပ်အာဝါသကို ခိုကာ ဖြေရှင်းရန် အားမထုတ်တတ်ကြတော့။ အာဏာရှင်စနစ်တွင် ဥပဒေ ကို ဖော်ဆောင်သူများက လူထုအား ဖိနှိပ်ချုပ်ချယ်ရန်သာ ဥပဒေကို အစဉ်ထာဝရအသုံးပြုလေ့ရှိသောကြောင့် လူထုသည် ဥပဒေကို အားကိုးရန် မဖြစ်နိုင်ဟု ဆုံးဖြတ်ကြသည်။ လူထုက ဥပဒေကို အဂတိထုံမွှမ်းသောအဖြေ (တစ်နည်း) အန္တရာယ် အဖြစ်သာ မြင်နေကြကာ ပြဿနာ တစ်ရပ်ဖြစ်လျှင် ဥပဒေနည်းအရ မဖြေရှင်းလိုကြချေ။ ဥပဒေသည် မတရားမှုကိုသာ အဖြေ ပေးမည်ဟု ပညာရည် နိမ့်ကျသောသူ တို့က တထစ်ချ တွေးကြကာ ဥပဒေပြင်ပ ဖြေရှင်းနည်း များဖြစ်သော အကြမ်းဖက် အနိုင်ကျင့်၊ လက်စားချေ နည်းလမ်း များဖြင့် ဖြေရှင်းတတ်ကြ ပါသည်။ ထို့ကြောင့် ထိုအမွေ သုံးခုသည် ယမ်းပုံကြီး၏ အဓိက ယမ်းတောင့်များဟု ဆိုရပေမည်။ ထိုယမ်းတောင့် များဖြင့် တည်ဆောက်ထားသော ယမ်းပုံကြီးမှာ မည်မျှပင် ကြီးစေကာမူ သူ့အလိုအလျောက် မီးမတောက်နိုင် ရကား လောင်စာ လိုအပ်ပေသည်။

မီးစာဟု ဆိုရမည့်လောင်စာများကို သုံးသပ်ရာတွင် နောက်ကွယ်မှ ကြိုးကိုင်အားပေးမှု၊ ဘာသာရေးအရ မှိုင်း တိုက်ကာ သွေးထိုး လှုံ့ဆော်မှု၊ လူမျိုးရေးအရ သွေးခွဲကာ ဆွပေးမှု၊ ဆိုရှယ်မီဒီယာများအပါအဝင် လှုံ့ဆော် စာ၊ ဗီဒီယိုခွေ၊ စတစ်ကာအစရှိသည်တို့ကို အသုံးပြုကာ အခြေအမြစ် မရှိ၊ မခိုင်မာသော်လည်း၊ စိတ်ခံစားမှု ပြင်းထန် အုံကြွလာစေရန် ကြိုးပမ်းမှု စသည်တို့ကိုတွေ့ရပြန်ပါသည်။ ၂ဝ၁၂ ခုနှစ် မေလကုန်မှစတင်ကာ မည်သည့် အငြင်းပွားမှုနှင့် ပဋိပက္ခမျိုးကို မဆို ဘာသာရေး၊ လူမျိုးရေးအဓိ ကရုဏ်းမျိုးအထိ ကြီးထွားလာစေရန် အားထုတ်မှုများကို တွေ့လာရပါ သည်။ ထိုသို့အားထုတ်ကြရာတွင် တရားဝင်သတင်းမီဒီယာများ၏ သတင်း တင်ပြမှု များထက် အခြေအမြစ်မခိုင်မာသော၊ တစ်ဖက်သတ်စွပ်စွဲ ပြောဆို ရေးသားထားသော၊ အမြော်အမြင်မဲ့ သွေးထိုးလှုံ့ဆော်တတ်သော ဆိုရှယ်မီဒီ ယာများ၊ ခွင့်ပြုချက်မဲ့ လက်ကမ်းစာစောင်၊ စတစ်ကာ၊ ဗီဒီယိုခွေ၊ ကောလာ ဟလ အစရှိသည့်အရာများအား အသုံးပြု ကိုးကားလာကြသည် ကိုလည်း သတိပြုမိပါသည်။ ထိုကဲ့သို့သော လှုံ့ဆော်ပစ္စည်းများ ပျံ့သထက် ပျံ့နှံ့လာသည်ကို သတိပြုမိကြသည့်တိုင် မည်သည့် အဖွဲ့အစည်းကမျှ တားမြစ် ပိတ်ပင်ခြင်းနှင့် ဖြန့်ဝေသူများအား စုံစမ်းဖော်ထုတ် အရေးယူခြင်းတို့ မပြုကြချေ။ ထိုသို့ မဆောင်ရွက်ကြခြင်းမှာလည်း တစ်စုတစ်ဖွဲ့၏ အကျိုးစီးပွားကိုသာ ကာကွယ်ရန် လေ့ကျင့်ခံထားရပြီး အများ၏ အကျိုးစီးပွားကို ကာကွယ်ရန်ကိုမူ အချိန်ယူတတ်သော အာဏာရှင်စနစ် အလေ့အထကြောင့် ဟုလည်း ဆိုနိုင်ပါသည်။ လောင်စာပျံ့လျှင်  မီးလောင်လွယ်သည် မှာ သေချာနေပါပြီ။

လတ်တလောဖြစ်ပွားနေသည့် အကြမ်းဖက်မီးတောက်များကို သုံး သပ်လျှင် ဆင်းရဲမွဲတေမှု၊ ပညာရည် နိမ့်ကျမှုနှင့် ဥပဒေကို အရိပ်အာဝါသ အဖြစ်ထက် အန္တရာယ်အဖြစ် မှတ်စွဲကာ ဥပဒေပြင်ပဖြေရှင်းတတ်မှုများ  ဟူသည့် ယမ်းတောင့် ယမ်းပုံကြီးများကို အာဏာရှင်စနစ်က ပုံပေးခဲ့သကဲ့သို့  အခြေအမြစ် မရှိ၊ မခိုင်မာသော် လည်း စိတ်ခံစားမှု ပြင်းထန် အုံကြွလာစေရန်   ဗုဒ္ဓ ဘာသာဝင်အချို့၊ အစ္စလာမ် ဘာသာဝင်အချို့နှင့် လူမျိုးစု အချို့တို့က နည်း အမျိုးမျိုးဖြင့် ကြိုးပမ်းမှု များအား အချိန်ကာလကြာမြင့်စွာ လက်ပိုက်ကြည့် နေခြင်းအားဖြင့် လည်း လောင်စာပုံကြီး ကြီးထွားလာစေရန် အာဏာရှင် စနစ် အလေ့အထက အားထုတ်ခဲ့သည်ကို တွေ့မြင်ရပါသည်။ မီးပုံနှင့် မီးတောက်ကို သာမက ယမ်းပုံနှင့်လောင်စာကိုပါ သိမြင်ကြရပြီးနောက်တွင် မီးတောက်နှင့် မီးပုံကို အလိုမရှိကြပါက ယမ်းပုံနှင့်လောင်စာ ကို  အမြစ်ဖြတ်နှိမ်နင်းနိုင် ကြရန် အားထုတ်သင့် ကြပါကြောင်း တိုက်တွန်းအကြံပြုအပ်ပါသည်။

လွတ်လပ်သော နိုင်ငံသားစိတ်ဓာတ်ဖြင့် ပြည်သစ်တည်အံ့။  ။

အယ်ဒီတာ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*