တိုင်းရင်းသားသတင်း — ရန်ကုန်၊ ဒီဇင်ဘာ ၂၄၊ ၂ဝ၁၂

မြန်မာအစိုးရ၏ လုပ်ဆောင် ချက်များအပေါ် မူတည်ကာ ဂျပန် အစိုးရမှ ဒေါ်လာ သန်း ၃ဝဝ အကူအညီ ပေးသွားမည်ဟု ကတိပြုထားသည့် အပြင် ယင်းပမာဏ အတွင်းမှ ဒေါ်လာ သန်း ၆ဝ ကို ဂျပန်နိုင်ငံရှိ နီပွန် ဖောင်ဒေးရှင်းမှ တာဝန်ယူကာ တိုင်းရင်းသားများနှင့် တိုင်းရင်းသား လက်နက်ကိုင် တပ်ဖွဲ့များကို ရိက္ခာ ထောက်ပံ့မှုများ ပေးသွားမည် ဖြစ်ကြောင်း၊ တိုင်းပြည် ငြိမ်းချမ်းမှုရှိပါက တိုင်းရင်းသား များ စုစုပေါင်း ၂၈ သိန်း ၉ သောင်း ၆ ထောင်ခန့် ပြန်လည်ဝင်ရောက် လာနိုင်ကြောင်း ပြည်ထောင်စုငြိမ်း ချမ်းရေးဖော်ဆောင်ရေး ဒုတိယဥက္ကဋ္ဌ၊ သမ္မတရုံး ဝန်ကြီးဌာန ပြည်ထောင် စုဝန်ကြီး ဦးအောင်မင်းက မွန်ပြည် နယ်၊ မော်လမြိုင်မြို့၊ ပြည်နယ် ခန်းမတွင် ပြုလုပ်သည့် ဂျပန်နိုင်ငံ နီပွန် ဖောင်ဒေးရှင်း၏ လူသားချင်း စာနာထောက်ထားမှုဆိုင်ရာ အထောက် အပံ့ပေးအပ်ပွဲတွင် ပြောကြားခဲ့သည်။

တိုင်းရင်းသား လက်နက်ကိုင် အဖွဲ့အစည်း ၁၁ ဖွဲ့အနက် ကချင် ပြည်နယ်အတွင်းရှိ လက်နက်ကိုင် အဖွဲ့အစည်းမှတစ်ပါး ကျန်အဖွဲ့ ၁ဝ ဖွဲ့နှင့် အပစ်အခတ်ရပ်စဲရေး လက် မှတ်ရေးထိုးထားပြီးဖြစ်ကြောင်း၊ ထို့အပြင် တစ်ပြည်လုံးဆိုင်ရာ ငြိမ်း ချမ်းရေးရရှိပါက မြန်မာနိုင်ငံအတွင်း သို့ လက်နက်ကိုင် တိုင်းရင်းသားဦး ရေ  ၁ သိန်းခန့် ပြန်လာမည်ဖြစ် ကြောင်း၊ (IDP) ဟု ခေါ်ဆိုသည့် မိမိနေထိုင်ရာ ကျေးရွာများတွင် လုံခြုံ မှုကင်းမဲ့သောကြောင့် ထွက်ပြေး တိမ်းရှောင်နေကြသည့် တိုင်းရင်းသား စုစုပေါင်း ၄ သိန်း ၄ သောင်း ၆ ထောင်ခန့်ရှိကြောင်း၊ ထို့အပြင် ဒုက္ခ သည်စခန်း (Refugee Camp)များ တွင် သွားရောက် နေထိုင်သူ လူဦး ရေ ၃ သိန်းခွဲခန့် ပြန်လာနိုင်ကြောင်း၊ မြန်မာနိုင်ငံတွင် အလုပ်အကိုင်ရှား ပါးမှုကြောင့် ထိုင်းနိုင်ငံတွင် သွားရောက် အလုပ်လုပ်ကိုင်နေသူ စုစုပေါင်းသိန်း ၂ဝ ခန့် ပြန်လာနိုင်ကြောင်း အဆိုပါ ပြည်ထောင်စုဝန်ကြီး ဦးအောင်မင်းက ဆိုသည်။

အထက်ပါ တိုင်းရင်းသားများ မြန်မာနိုင်ငံအတွင်းသို့ ပြန်လည် ဝင်ရောက်လာနိုင်ရန်အတွက် အစိုးရ အနေဖြင့် ဆောင်ရွက် ရသည့် ကိစ္စ ရပ်များနှင့်စပ်လျဉ်း၍ “သူတို့ ဒေသမှာ မိုင်းတွေ ရှင်းလင်းဖော် ထုတ်ပေးရမယ်၊ နေဖို့ ထိုင်ဖို့ အိမ်အဆောက် အဦတွေ ဆောက်လုပ်ပေး ရမယ်၊ စားဖို့ သောက်ဖို့အတွက် ရိက္ခာတွေ ထောက်ပံ့ ပေးရမယ်၊ အလုပ်အ ကိုင်တွေ ရှာဖွေပေးရမှာ ဖြစ်တယ်”ဟု ပြည်ထောင်စု ငြိမ်းချမ်းရေး ဖော်ဆောင်ရေး ဒုတိယ ဥက္ကဋ္ဌ၊ သမ္မတရုံး ဝန်ကြီးဌာန ပြည်ထောင်စုဝန်ကြီး ဦးအောင်မင်းက ပြောသည်။

နိုင်ငံတော်သည် စီးပွားရေး ဖွံ့ဖြိုးလာရန် ဆောင်ရွက်ဆဲကာလ ဖြစ်ခြင်းကြောင့် ဘဏ္ဍာငွေလုံ လောက်မှု မရှိကြောင်း၊ သို့ဖြစ်ရာ အထက်ပါလုပ်ငန်းများကို ဆောင် ရွက်ရာတွင် နိုင်ငံတကာမှ အကူ အညီများကို ရယူသွားရန် လိုအပ်ကြောင်း၊ ဂျပန်နိုင်ငံရှိ အစိုးရမဟုတ် သော အဖွဲ့အစည်းကြီး တစ်ခုဖြစ်သည့် နီပွန် ဖောင်ဒေးရှင်းသည် ယခင်က မြန်မာနိုင်ငံ၏ ကျန်းမာရေး၊ ပညာရေး ကဏ္ဍများတွင် ကူညီပေးလေ့ ရှိသည့် အဖွဲ့အစည်း တစ်ခုဖြစ်ပြီး ယခုအခါ ငြိမ်းချမ်း ရေး လုပ်ငန်းစဉ်များတွင် ပါဝင်ကူညီ ကာ တိုင်းရင်းသား လက်နက်ကိုင်များနှင့် တိုင်းရင်းသား များကို လအလိုက်ခွဲကာ ထောက်ပံ့ပေးသွား မည်ဖြစ်ကြောင်း၊ တိုင်းရင်းသား အဖွဲ့အစည်းများ၏ လိုအပ်ချက်များ ကို အစိုးရ မဟုတ်သော အဖွဲ့အစည်းများ (NGOs)၊ အပြည်ပြည်ဆိုင်ရာ အစိုးရမဟုတ်သော အဖွဲ့အစည်းများ (INGOs)၊ အလှူရှင် အဖွဲ့အစည်း များနှင့် ပူးပေါင်းဆောင်ရွက်ပေး သွားမည်ဖြစ်ကြောင်း အဆိုပါ ပြည်ထောင်စုဝန်ကြီး ဦးအောင်မင်း က ပြောကြားသည်။

နီပွန်ဖောင်ဒေးရှင်းသည် မြန်မာ အစိုးရ၏ သဘောတူညီချက်ဖြင့် တိုင်းရင်းသား လက်နက်ကိုင် အင်အားစုများ ရှိရာ ဒေသများ အတွင်းရှိ ဒုက္ခ သည် ပြည်သူ ၁ဝ သိန်းကျော် အတွက် ဒေါ်လာ ၃ သန်း တန်ဖိုးရှိ အစားသောက်နှင့် ဆေးဝါးများ လှူဒါန်းမည်ဖြစ်ရာ  ပထမအရစ် အဖြစ် ယခုလ ၂၂ ရက်တွင် ဒေါ်လာ ၇ သောင်းတန်ဖိုးရှိ ဆန် တန် ၅ဝ၊ ဆေးရုံသုံးဆေးဝါးများ၊ တိုင်းရင်းဆေးထားသိုရန် ဆေး သေတ္တာ ၅ဝဝ တို့အား မွန်ပြည်သစ် ပါတီ (NMSP) သို့ လှူဒါန်းခဲ့သည်။

ဂျပန်နိုင်ငံမှ အစိုးရ မဟုတ်သောအဖွဲ့ အစည်းဖြစ်သည့်  နီပွန် ဖောင်ဒေးရှင်းသည် နှစ်ပေါင်း ၅ဝ ခန့် သက် တမ်း ရှိသည့် အဖွဲ့အစည်း တစ်ခု ဖြစ်ပြီး မြန်မာနိုင်ငံတွင် ဖောင်ဒေးရှင်းမှ လုပ်ဆောင်လျက်ရှိသည့် ကူညီ ထောက်ပံ့ပေးရေးလုပ်ငန်း ၄ဝ ကျော် ရှိကြောင်း မြန်မာနိုင်ငံတိုင်းရင်းသား ရေးရာဆိုင်ရာ သံအမတ်ကြီး၊ နီပွန်ဖောင်ဒေးရှင်း ဥက္ကဋ္ဌ မစ္စတာ ယောဟဲအိဆာဆာကာဝါ (Mr.Yohei Sasa Kawa)က “တိုင်းရင်းသားအဖွဲ့ အစည်းအားလုံးကို အကူအညီပေး မှာ ဖြစ်ပါတယ်။ လက်နက်ကိုင်တွေ အကူအညီ တောင်းတာက ဆန်နဲ့ ဆေးဝါးများ ဖြစ်ပါတယ် ဒါကြောင့် ဆန်နဲ့ ဆေးဝါးများ ကို အဓိက လှူဒါန်းခြင်း ဖြစ်ပါတယ်။ မြန်မာနိုင်ငံရဲ့ ဒီမိုကရေစီ အပြောင်းအလဲတွေမှာ တတ်နိုင်သလောက် အကူအညီ ပေးဖို့က ကျွန်တော်တို့ ဖောင်ဒေးရှင်း သာမက ဂျပန်နိုင်ငံရဲ့ တာဝန်ဝတ္တရား လို့ ပြောချင်ပါတယ်”ဟု လှူဒါန်းပွဲတွင် ပြောသည်။

တိုင်းရင်းသား လက်နက်ကိုင် အင်အားစုများကို လှူဒါန်းရခြင်း နှင့်စပ်လျဉ်း၍ နီပွန်ဖောင်ဒေးရှင်း ဥက္ကဋ္ဌ မစ္စတာ ယောဟဲအိဆာဆာ ကာဝါ (Mr.Yohei Sasa Kawa) က “အခုမြန်မာနိုင်ငံမှာ ငြိမ်းချမ်းရေး ရဖို့အတွက် အရမ်း အရေးကြီးနေပါပြီ။ အထူးသဖြင့် တိုင်းရင်းသား ကိစ္စတွေကို ကြည့်တဲ့အခါမှာ ပြဿနာတွေ များများရင်ဆိုင်နေရ တာကို တွေ့နေရပါတယ်။ အဲဒီလို ပြဿနာတွေကြားက တိုင်းရင်းသား အဖွဲ့အစည်းတွေကို အကူအညီ ပေးနိုင် ရင် မြန်မာနိုင်ငံနဲ့ တိုင်းရင်းသား အဖွဲ့အစည်းတွေ ကြားမှာ ငြိမ်းချမ်းရေး ဖော်ဆောင်တဲ့အခါ အထောက်အကူ ပြုမယ်လို့ ယုံကြည်ပါတယ်။ စစ်မှန်တဲ့ ငြိမ်းချမ်းရေးရဖို့ ကျွန်တော်တို့ တကယ်မျှော်လင့်နေပါတယ်။ တကယ် အကောင်အထည် ဖော်နိုင်မယ်လို့ ယုံကြည်ပါတယ်”ဟု ဆိုသည်။

မွန်ပြည်နယ် ဝန်ကြီးချုပ်ဖြစ်သူကလည်း နိုင်ငံတကာ ဆက်ဆံရေးသည် မွန်ပြည်နယ်တွင် ပိုမိုကာ ပီပြင်လာ ကြောင်း၊ နီပွန်ဖောင်ဒေးရှင်းသည် ပြည်နယ်၏ ငြိမ်းချမ်းရေး အတွက် အထောက်အကူ ပြုပေးကြောင်း သုံးသပ် ပြောကြားသည်။

လတ်တလော ကချင်ပြည်နယ် အတွင်းရှိ တိုင်းရင်းသား လက်နက်ကိုင် အင်အားစုများနှင့် ငြိမ်းချမ်းရေး ဆောင်ရွက် နေမှု များနှင့် စပ်လျဉ်း၍ ပြည်ထောင်စုငြိမ်း ချမ်းရေးဖော် ဆောင်ရေး ဒုတိယ ဥက္ကဋ္ဌ၊ သမ္မတရုံး ဝန်ကြီးဌာန ပြည်ထောင်စုဝန်ကြီး ဦးအောင်မင်းက “သူတို့နဲ့ ဆွေး နွေးပွဲလုပ်ပြီးမှ သိရမှာပေါ့။ ဆွေး နွေးပွဲမှ မလုပ်ရသေးတာ။ သူတို့နဲ့ ပြန်ပြီး ထပ်ပြီး အသေးစိတ်ဆွေး နွေးရမှာပေါ့။ အခုက ဆွေးမှ မဆွေးနွေးရသေးတာ။ အခုကတော့ အဲဒါတွေ လုပ်နေတာပဲလေ။ ရှေ့ အလားအလာကလည်း ကောင်းမှာပါ။ အားလုံးက ပြုံးပျော် ရွှင်လန်း နေကြတာ။ ကချင်နဲ့ ငြိမ်းချမ်းရေး ဆွေးနွေးပွဲက သူတို့ ခေါ်တဲ့ အချိန် သွားမယ်။ သူတို့ မခေါ်သေးတော့ သွားလို့မရဘူး” ဟုဆိုကာ ငြိမ်းချမ်းရေး အထောက်အကူပြုကာ တိုင်းရင်းသား လက်နက်ကိုင် အဖွဲ့အစည်းများကို လှူဒါန်းသည့် အစိုးရ မဟုတ်သော အဖွဲ့အစည်းများတွင် ယခုလှူဒါန်းသည့် နီပွန်ဖောင်ဒေး ရှင်းသည် ပထမဦးဆုံး ဖြစ်ကြောင်း၊ အဆိုပါဖောင်ဒေးရှင်း၏ ဒုတိယအဆင့် လှူဒါန်းမှုသည် ကရင်ပြည်နယ် အတွင်းရှိ တိုင်းရင်းသား လက်နက်ကိုင် အင်အားစုများ ဖြစ်နိုင်ကြောင်း သုံးသပ်ပြောကြား သည်။

နီပွန် ဖောင်ဒေးရှင်း၏ ယခုလှူဒါန်းမှုသည် တိုင်းရင်းသား လက်နက်ကိုင် အင်အားစုများနှင့်  မြန်မာ အစိုးရ အကြား ယုံကြည်မှု တည်ဆောက်နိုင်ရန်နှင့် အရှည် တည်တံ့သော ငြိမ်းချမ်းရေး ပေါ်ထွန်းလာစေရန် ရည်ရွယ် ကြောင်း သိရသည်။

ဝဝ၂

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*