အုတ်တစ်ချပ်သဲတစ်ပွင့် — ဇန်နဝါရီ၊ ၂ဝ၁၃

အသိဉာဏ်ပညာ နည်းပါးပြီး ဖွံ့ဖြိုးသော နေရာဒေသများနှင့် တိုက် ရိုက်ဆက်သွယ်၍မရသော အင်အား နည်းပါးသည့် ကျေးရွာနေပြည်သူများ၏ လူနေမှုဘဝ ဖွံ့ဖြိုးစေရန်နှင့် လူမှုကူညီရေး ကိစ္စများ လိုအပ်သည့် နေရာများကို သွားရောက် ဆောင်ရွက်ပေးနေသော မြန်မာ့လူမှုဘဝ ဖွံ့ဖြိုးတိုးတက်ရေး ကွန်ရက်ကို ယခု တစ်ပတ်၏ အုတ်တစ်ချပ် သဲတစ်ပွင့် ကဏ္ဍတွင် ဖော်ပြအပ်ပါသည်။

မြန်မာ့လူမှုဘဝ ဖွံ့ဖြိုးတိုးတက် ရေး ကွန်ရက်ကို စတင်ဆောင်ရွက် ခဲ့ခြင်းသည် တစ်နိုင်ငံလုံးနှင့် သက် ဆိုင်သည့် ဖွံ့ဖြိုးတိုးတက်ရေးနှင့် တရားဥပဒေစိုးမိုးရေးအတွက် တတ် နိုင်သမျှ လုပ်ဆောင်ရန် ၂ဝ၁၂ ခုနှစ်၊ မတ်လမှ စတင် ခဲ့ကြောင်း ကွန်ရက် အနေဖြင့် ဧပြီ ၁ ရက်မှ စတင်ကာ သောက်သုံးရေရှားပါးမှု ကြုံတွေ့နေရသော ခရမ်း သုံးခွမြို့နယ် ပြည်သူများထံ သောက်ရေ ပုလင်းများ သွားရောက်လှူဒါန်းခဲ့ ပြီး ယင်းသို့ ပြုလုပ်စဉ် အလှူရှင် ပေါ်လာသဖြင့် ယင်းရရှိသည့် ငွေကြေးဖြင့် ရေတွင်း ၁၅ တွင်းကို ကျေးရွာနေ ပြည်သူများ၏ သောက်သုံး ရေ ရှားပါးမှု ပြဿနာ အား ပြေလည်နိုင်စေရန် တူးဖော်ပေးခဲ့သည်။

ကျေးရွာနေ ပြည်သူများ၏ ဖွံ့ဖြိုးရေးအတွက် ကူညီဆောင်ရွက်နိုင်ရန် ကွန်ရက် စတင်ခဲ့သည်

ကျေးရွာနေ ပြည်သူများ၏ ဖွံ့ဖြိုးရေးအတွက် ကူညီဆောင်ရွက်နိုင်ရန် ကွန်ရက် စတင်ခဲ့သည်

ဧရာဝတီတိုင်း သာပေါင်းမြို့ နယ်တွင် ရေကြီးမှုဖြစ်ချိန်၌ ဆန် အိတ်များကို သွားရောက် လှူဒါန်းရင်း ဒေသခံ ပြည်သူ လူထုကို မတရားသဖြင့် ပြုလုပ်နေသည့် ခရိုနီ စီးပွားရေးလုပ်ငန်းရှင်များ၏ အမြတ်ထုတ်မှုကို သိရှိခဲ့ရ သည်။

ယင်းကိစ္စရပ်များကို လေ့လာ ကြည့်သည့်အခါ အင်းသူကြီးများ၏ မှားယွင်းသည့် စီမံခန့်ခွဲမှုဖြစ်သည့် မတရား မြေယာများ သိမ်းပိုက်၍ အင်းများ ဖွဲ့ခွဲလုပ်ဆောင် လာမှုများက ပေါ်လွင်လာသည်။

ဒေသခံ အများစု၏ ရှေးယခင်ကပင် ပိုင်ဆိုင်ခဲ့သည့် ယာမြေ၊ လယ်မြေများသည် အင်းသူကြီးနှင့် ကျေးရွာ အုပ်ချုပ်သူ မိသားစုက မတရား သိမ်းပိုက် ထားပြီး လျော်ကြေးပေး ရာတွင်လည်း မဖြစ်စလောက် လျော်ကြေး ပေးကာ မတရားသိမ်း ပိုက်၍ ဒေသခံတို့သည် စိုက်ပျိုးစရာ နေရာမဲ့များဖြစ်ခဲ့၍ သီးစား ခပေးပြီး ပြန်လည် စိုက်ပျိုးရကြောင်း၊ ထို့ ကြောင့် အမြတ်ငွေ ၁ သိန်းလောက် ရရင်လည်း သီးစားခ ၅ သောင်း ပေးပြီး ၅ သောင်း သာကျန်သဖြင့် စားဝတ်နေရေး အဆင်မပြေမှုများ ရှိခဲ့သည့်အပြင် ယင်းတို့၏ ဒေသ ယာမြေတွင် ငါးဖား ရှာစားခွင့်ကို အင်းသူကြီးက ချုပ်ကိုင်ထား၍ ငါး၊ ဖား၊ ဝင်ဖမ်းပါက ထောင် ၃ လ၊ ၆ လ ကျခံရကြောင်း သိရသည်။

ဤသို့ဖြင့် မြန်မာ့လူမှုဘဝ ဖွံ့ဖြိုးတိုးတက်ရေး ကွန်ရက်မှ ဒေသခံများ မျက်စိပွင့် နားပွင့်အောင် လုပ်ပေးရန် ကြိုးစားသည့် အနေဖြင့် အသိပညာ၊ အတတ်ပညာများရရှိ ၍ အသုံးချနိုင်ရန် အခမဲ့ကွန်ပျူတာ သင်တန်းများကို အဓိကထားကျ သည့် ရွာကြီးငါးရွာနှင့် ပတ်ဝန်း ကျင်ရွာမှ လူငယ်များကို ခေါ်ယူ၍ အခြေခံကွန်ပျူတာ၊ အင်တာနက် သင်တန်း စဖွင့်ခဲ့ကြောင်း၊ ဧရာဝတီ တိုင်းဒေသကြီးအတွင်းရှိ ထန်းပင် ကွင်း၊ ထန်းချုံကုန်း၊ ခရေကုန်း၊ ဘုရားကုန်း၊ ကွင်းပေါက်နှင့် ဘွကြီး ကုန်းရွာတို့၌ သင်တန်း တစ်ခုလျှင် လူငယ် ၁ဝဝ ကျော်နှင့် ရွာအားလုံး ပေါင်း လူငယ်သင်တန်းသား ၈ဝဝ ကျော်ကို သင်ကြားနိုင်ခဲ့သည်။

အဆိုပါသင်တန်းအပြင် နိုင်ငံ ရေးအတွေးအခေါ်များကို လွတ်လပ် စွာ တွေးခေါ်သိမြင်နိုင်စေရန် သက် ဆိုင်ရာ ဗဟုသုတ ဖြစ်ဖွယ်များကို သင်ကြားပေးခြင်းနှင့် အတူ ကျေးလက် စာကြည့်တိုက်များကိုပါ တစ်ခါတည်း ဖွင့်လှစ် ကာ လျင်မြန်စွာ သတင်း အချက်အလက် ရယူပေးစွမ်းနိုင်သည့် ကွန်ပျူတာနှင့် ဒီဂျီတယ် ကင်မရာ တစ်လုံးစီကို ရွာတစ်ရွာစီ၌ ပေးအပ်ခဲ့ကြောင်း ကိုနေမျိုးဇင် က ပြောကြားသည်။

ယင်းမှ ဆက်လက်၍ “ကျွန်တော်တို့ရွာတွေကို ကွန်ပျူတာ နဲ့ ဒီဂျီတယ်ကင်မရာတွေလှူပြီး ကွန်ပျူတာ၊ အင်တာနက် သင်တန်းတွေ ပေးတယ် ဆိုတာ ရပ်ရွာမှာ မတရား လုပ်တာ ရှိရင် ချက်ချင်းရိုက်ပြီး အွန်လိုင်းပေါ် တင်ပြီး အကူအညီ ရယူနိုင်ဖို့ ရည်ရွယ်ပါတယ်။ အချို့ တောရွာတွေက ခေါင်လွန်းတာကြောင့် ကလေးတွေက စာကြည့်တိုက် ဖွင့်တော့ ကားတွန်းပါတဲ့ ဂျာနယ်ကို မမြင်ဖူးလို့ လုဖတ်ကြတာ တွေ့ရတယ်။ သူတို့က ကျောင်းစာအုပ် ကလွဲရင် ဘာမှမမြင်ဖူးဘူး။ ဒါကြောင့် ကျွန်တော် တို့ က စာကြည့် တိုက်တွေနဲ့ ကလေးငယ်တွေ အတွက် စာအုပ်တွေ၊ ကွန်ပျူတာ အစုတ် ပြင်သုံးလို့ ရနိုင်တာတွေ၊ သုံးပြီးသား ကစားစရာ ပစ္စည်းလေးတွေကို အားရင် အားသလို ကားတစ်စီးနဲ့ လိုက်လံ အလှူခံပါတယ်” ဟု ပြောခဲ့သည်။

မြန်မာ့လူမှုဘဝ ဖွံ့ဖြိုးတိုးတက်မှု ကွန်ရက်သည် လူမှုကူညီရေး လုပ်ငန်းများ၊ ရပ်ရွာဖွံ့ဖြိုးရေး လုပ်ငန်းများနှင့် မတရားမှု ခံစားနေရသည့် ဒေသခံလယ်သမားများ၊ လက်လုပ်လက်စားများ၏ ငြိမ်းချမ်းစွာ ဆန္ဒထုတ်ဖော်ပွဲ များ၌လည်း ပါဝင်ကူညီမှုများ လုပ်ဆောင်ပေးပြီး ဧရာဝတီတိုင်း၊ မကွေးတိုင်း၊ စစ်ကိုင်းတိုင်း၊ မွန်ပြည်နယ် များသို့ သွားရောက် ကူညီမှုများ လုပ်ဆောင်ပေးခဲ့ကြောင်း သိရသည်။ မြန်မာ့လူမှုဘဝ ဖွံ့ဖြိုး တိုးတက်မှု ကွန်ရက်ကို စာအုပ်စာပေ နှင့် ကွန်ပျူတာ၊ ကလေးကစားစရာ များ လှူဒါန်းလိုပါက ဖုန်း-၀၉-၄၉၃၂၈၅၅၉၊ ၀၉-၄၅၀၀၅၈၂၇၆ ကိုနေမျိုးဇင်သို့ ဆက်သွယ်နိုင်ကြောင်း သိရသည်။

ဝဝ၅

ဆက်စပ်သတင်းများ

အရုဏ်ဦး လူမှုကူညီရေး အသင်း

ရန်ကုန်၊ ဖေဖော်ဝါရီ ၁၇၊ ၂ဝ၁၃
ခရေမိသားစု ဒါနပြုအဖွဲ့

ခရေမိသားစု ဒါနပြုအဖွဲ့

ရန်ကုန်၊ ဇန်နဝါရီ ၂ဝ၊ ၂ဝ၁၃

ဘဝမြင့်မိုရ်

ရန်ကုန်၊ ဒီဇင်ဘာ ၂၂၊ ၂ဝ၁၂

အမေ့အရိပ် နယ်စည်းမခြား ပညာဒါနကျောင်း

ရန်ကုန်၊ နိုဝင်ဘာ ၁၈၊ ၂ဝ၁၂

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*