စီးပွားရေးသတင်း — မတ် ၆၊ ၂ဝ၁၃

မြန်မာနိုင်ငံရှိ ကမ်းလွန်ရေနံ လုပ်ကွက် ၂၅ ခုနှင့် ကုန်းတွင်းလုပ်ကွက် ၁၈ ခုကို နိုင်ငံခြားကုမ္ပဏီများအား လုပ်ကိုင်ခွင့် ပြုတော့မည်ဟု မတ် ၄ ရက်မှ ၆ ရက်အတွင်း ကျင်းပခဲ့သော မြန်မာ့ရေနံနှင့် သဘာဝဓာတ်ငွေ့ လုပ်ငန်း ဖွံ့ဖြိုးတိုးတက်ရေး ဆွေးနွေးပွဲတွင် စွမ်းအင်ဝန်ကြီးဌာနက ပြောကြားလိုက်သည်။ ယခင်က တရုတ်၊ ထိုင်း၊ မလေးရှား၊ အင်ဒိုနီးရှား အစရှိသော အိမ်နီးချင်းနိုင်ငံများကသာ စိတ်ဝင်စားမှု ရှိသော်လည်း မြန်မာနိုင်ငံ ပြောင်းလဲလာသည်နှင့်အမျှ ယခုဆွေးနွေးပွဲတွင် အနောက်နိုင်ငံက ကုမ္ပဏီ များကပါ စိတ်ဝင်စားမှု ရှိလာပြီး ယခု ဆွေးနွေးပွဲ တက်ရောက်သူများတွင် အနောက်နိုင်ငံ ကုမ္ပဏီများ ပိုမိုများခဲ့ကြောင်း သိရသည်။

 ကမ်းလွန်ရေနံ လုပ်ကွက် ၂၅ ခု အတွက် လုပ်ကိုင်ခွင့်များကိုလာမည့် ဧပြီလအတွင်း တင်ဒါစနစ်ဖြင့် ခေါ်ယူ သွားမည် ဖြစ်ပြီး BP, Woodsite နှင့် Shell စသော နာမည်ကြီး ရေနံကုမ္ပဏီများကလည်း ဝင်ရောက် ယှဉ်ပြိုင် ကြမည် ဖြစ်သည်။ ထို့အပြင် ကုန်းတွင်းပိုင်း ရေနံလုပ်ကွက် ၁၈ ကွက်ကိုလည်း ပြည်ပကုမ္ပဏီများအား လုပ်ကိုင်ခွင့် ပြုတော့မည်ဟု သိရသည်။ ပြည်ပကုမ္ပဏီများကို လုပ်ကိုင်ခွင့်ပြုမည် ဆိုသော ကုန်းတွင်း ရေနံ လုပ်ကွက်များမှာ မြန်မာနိုင်ငံ အရှေ့ဘက်ရှိ ရှမ်းကုန်း မြေမြင့်၊ အလယ်ပိုင်း ချိုင့်ဝှမ်းနှင့် ရခိုင်ရိုးမဒေသရှိ လုပ်ကွက်များ ဖြစ်ပြီး အလယ်ပိုင်း ချိုင့်ဝှမ်းဒေသ၏ လုပ်ကွက်များမှာ ရေနံထွက်ရှိမှု အများဆုံး ဖြစ်သည်ဟု သိရသည်။

ကမ်းလွန်ရေနံ တူးဖော်ရေး လုပ်ငန်းသည် ငွေကြေး အင်အားနှင့် အဆင့်မြင့်နည်းပညာများ လိုအပ် သောကြောင့် ငွေကြေးနှင့် နည်းပညာ နှစ်ခုလုံး လိုအပ်ချက် ရှိသော ပြည်တွင်း ကုမ္ပဏီများ အနေဖြင့် ဝင်ရောက် လုပ်ကိုင်နိုင် မည် မဟုတ်ဘဲ ပြည်ပကုမ္ပဏီများသာ ဝင်ရောက် လုပ်ကိုင်နိုင်မည်ဟု မြန်မာ့စွမ်း အင်ဝန်ကြီးဌာန (Assistant Director) ဦးအောင်ကျော်ထူးက ပြောကြားသည်။ ထို့အပြင် ပြည်ပကုမ္ပဏီ တစ်ခုလျှင် လုပ်ကွက် ၃ ခု အထိသာ လုပ်ကိုင်ခွင့်ပေးမှာ ဖြစ်ကြောင်း သိရသည်။

မြန်မာ့ရေနံနှင့် သဘာဝဓာတ်ငွေ့ လုပ်ငန်းသည် မြန်မာ့ထုတ်ကုန် တန်ဖိုး၏ ၃၄ ရာခိုင်နှုန်း ရှိသည့်အတွက် မြန်မာနိုင်ငံ ဖွံ့ဖြိုးတိုးတက်မှုအတွက် အဓိက ကဏ္ဍဖြစ်သည် ဟု လေ့လာသူများက သုံးသပ်ကြသည်။ လက်ရှိ တွင် မြန်မာနိုင်ငံက လုပ်ကိုင်နေသော လုပ်ကွက်များရှိသလို အခြားသူများ ကို လုပ်ကိုင်ခွင့်ပေးလိုက်သည့် လုပ်ကွက်များ ရှိကြောင်းနှင့် ကုန်းတွင်းရေနံထွက်  ရှိမှုမှာ ယခုထက် ပိုလာနိုင်မလား ဆိုသည်မှာ ရင်းနှီး မြှုပ်နှံသူများ၏ နည်းပညာအပေါ်တွင် မူတည်ကြောင်း မြန်မာ့ရေနံနှင့် သဘာဝဓာတ်ငွေ့လုပ်ငန်း အထွေထွေ မန်နေဂျာ ဦးကျော်ဥာဏ်ထွန်းက ပြောကြားသည်ဟု သိရသည်။

မြန်မာအင်ဒီပဲန်ဒင့်

ဆက်စပ်သတင်းများ

အခွန်အကောက် ဥပဒေကြမ်း တင်သွင်း

အခွန်အကောက် ဥပဒေကြမ်း တင်သွင်း

နေပြည်တော်၊ ဖေဖော်ဝါရီ ၁၃၊ ၂၀၁၇

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*