ပြည်တွင်းသတင်း — နေပြည်တော်၊ မတ် ၂၈၊ ၂ဝ၁၃

မြန်မာ့ တပ်မတော်သည် နိုင်ငံတော်နှင့် ဒီမိုကရေစီရေးကို ထိန်းကျောင်း ပဲ့ကိုင်နေဆဲဖြစ်၊ လူမျိုးတုံး သတ်ဖြတ်မှု မျိုးကို တပ်မတော်က ဘယ်တုန်းကမျှ မကျူးလွန်ခဲ့ဟု ဗိုလ်ချုပ်မှူးကြီး မင်းအောင်လှိုင် ပြောကြား

မြန်မာနိုင်ငံကို ဆယ်စုနှစ် ငါးစုကြာ အုပ်စိုးခဲ့သော တပ်မတော်သည် တစ်ချိန်က ယင်းကိုယ်တိုင် နှိပ်ကွပ်ခဲ့သော အတိုက်အခံ ခေါင်းဆောင်၏ ရှေ့မှောက်၌ ယင်း၏ အင်အားကို ချီတက်ပြသလျက်နေစဉ် ယင်း၏ စစ်သေနာပတိက နိုင်ငံ၏ ဒီမိုကရေစီ အသွင် ပြောင်းလဲရေးကို ကူညီရန် နိုင်ငံရေး၌ ပါဝင် ပတ်သက် နေဦးမည်ဟု ဗုဒ္ဓဟူးနေ့တွင် ပြောကြားခဲ့သည်။

နှစ်ပတ်လည် တပ်မတော်နေ့ အခမ်းအနားကို ပထမဆုံးအကြိမ် အဖြစ် တက်ရောက်နေသည့် အတိုက် အခံ ခေါင်းဆောင် ဒေါ်အောင်ဆန်း စုကြည်က ရှေ့ဆုံးတန်းတွင် ထိုင်လျက် ယခင်က သူဖော်ပြခဲ့သည့် တပ်မတော် အပေါ် ထောက်ခံမှုကို မြင်သာအောင် မီးမောင်းထိုးပြခဲ့သည်။ ၂ဝ၁၁  ခုနှစ် တွင် ရွေးကောက်ခံ အစိုးရ တစ်ရပ် ကို နိုင်ငံရေး ဦးဆောင်မှု လွဲအပ်ပေးခဲ့သော်ငြား တပ်မတော်ကား ဒီမိုကရေစီနှင့် ဒေါ်အောင်ဆန်း စုကြည်တို့ ရှေ့သို့ မည်မျှ တက်နိုင်သည် ဆိုသည့် အချက်အပေါ် ထိန်းချုပ်သည့် အာဏာကို ဆက်လက် စွဲကိုင်ထားနေ ဆဲပင်။

စည်းကမ်း ပြည့်ဝသော ဒီမိုကရေ စီနိုင်ငံတော်ကို ထူထောင်ရန် အလို့ငှာ၊ တပ်မတော် အနေဖြင့် ယင်း၏ စွမ်းပကားနှင့် ဒေသတွင်း မဟာမိတ် ဖွဲ့မှုများကို အားကောင်း ခိုင်မာစေရမည်ဟု မြန်မာနိုင်ငံ၏ မြို့တော် နေပြည်တော်တွင် စုရုံးလာသည့် တပ်မတော်သား ၆,၃ဝဝ ကျော်ကို ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ပါသည်။

“နိုင်ငံက ခေတ်သစ် ဒီမိုကရေစီဆီကို ဦးတည် ရွေ့လျားနေတဲ့ အချိန်မှာ ဒို့တပ်မတော်ဟာ အမျိုးသား နိုင်ငံရေးမှာ ဦးဆောင်မှု အခန်းကဏ္ဍ တစ်ခု ကနေ ဆောင်ရွက်နေတယ်” ဟု သူက ဆိုသည်။ “ပြည်သူတစ် ရပ်လုံး လိုလား တောင့်တ တဲ့ ဒီမိုကရေစီ အုပ်ချုပ်ရေး လမ်းကြောင်းကို အားကောင်း ခိုင်မာအောင် ဒို့ ဆက်လက် ချီတက်သွားမယ်” ဟု သူက မိန့်ကြားခဲ့ပါသည်။

မြန်မာနိုင်ငံ၏ အင်အားကြီးသော တပ်မတော်က နိုင်ငံ၏ လျင်မြန်သော နိုင်ငံရေးနှင့် စီးပွားရေးအပြောင်းအလဲ များအပေါ် မည်သို့ ရှုမြင်သနည်း ဆိုသည်နှင့် အနာဂတ် ကာလတွင် ရှိမည့် ယင်း၏ အခန်းကဏ္ဍအပေါ် မည်သို့ မျှော်မှန်းထားသနည်း ဆိုသည်မှာ အလွန်ပင် အရေးပါလှသော မေးခွန်းတစ်ခုဖြစ်သည်။ သမ္မတ ဦးသိန်းစိန် အစိုးရက နိုင်ငံကို တံခါး စဖွင့်ခဲ့ ကတည်းက ၂ နှစ်တာ ကာလ အတွင်း လူမျိုးရေးနှင့် ဘာသာရေး အကြမ်းဖက်မှုများ တိုးတက်ဖြစ်ပွားလာ ခဲ့သည်။ မြန်မာနိုင်ငံတွင် ငြိမ်းချမ်းရေး ထိန်းသိမ်းသူ အဖြစ် လည်းကောင်း၊ နိုင်ငံရေးတွင် ဗဟို အချက်အခြာ အခန်းကဏ္ဍ ကလည်းကောင်း၊ တပ်မတော်က ဆက်လက် ပါဝင်သွားမည် ဆိုသည် မှာ ဗုဒ္ဓဟူးနေ့က ပေးခဲ့သော ဗိုလ်ချုပ်မှူးကြီး မင်းအောင်လှိုင်၏ အဖြေပင် ဖြစ်ပါတော့သည်။

တပ်မတော်ကား သိသာထင်ရှားစွာ လွှမ်းမိုးမှုကို ရယူထားပါသည်။ သမ္မတ ဦးသိန်းစိန်ကိုယ်၌က ဗိုလ်ချုပ်ကြီး ဟောင်း တစ်ဦးဖြစ်ပြီး ထိပ်တန်း ဝန်ကြီး အများအပြားနှင့် အာဏာရှိ လွှတ်တော်အမတ်များမှာ တပ်မတော် အရာရှိဟောင်း များ ဖြစ်ကြသည်။ တပ်မတော်၏ စီးပွားရေး အင်အားမှာ မှုန်ဝါးလာနေသော်လည်း သတ္တု လုပ်ငန်း၊  ဟိုတယ်နှင့် ဆန်စပါး တင်ပို့ရေး အပါအဝင် စီးပွားရေး လုပ်ငန်းပေါင်းစုကြီး နှစ်ခုကို ထိန်းချုပ် ထားပါသည်။ ဖွဲ့စည်း အုပ်ချုပ်ပုံ အခြေခံ ဥပဒေကလည်း တပ်မတော် အတွက် လွှတ်တော်တွင် လေးပုံ တစ်ပုံသော နေရာများကို ချန်လှပ်ပေးထားပြီး အဓိက အခြေခံဥပဒေအပြောင်းအလဲများ အတွက် ထိရောက်သော ဗီတို အာဏာကို ပေးထားသည်။

ယင်း၏ တပ်များမှာ ဘယ်တုန်းကမှ လူမျိုးတုံး သတ်ဖြတ်မှုကို မကျူးလွန်ခဲ့ကြောင်း၊ မည်သည့် တိုင်းရင်းသား လူမျိုးများကို မဆို အမုန်းအာဃာတ မရှိကြောင်း ပြောကြားရင်း အမျိုးသား စည်းလုံးညီညွတ်မှုနှင့် အချုပ်အခြာ အာဏာပိုင်စိုးမှုကို ထိန်းသိမ်းရေး အတွက် တပ်မတော်၏ အရေးပါမှု ကို ဗိုလ်ချုပ်မှူးကြီး မင်းအောင်လှိုင် က အလေးတင်း ပြောကြားခဲ့သည်။

မြန်မာနိုင်ငံတွင် “အပြောင်းအလဲ” နှင့် ပတ်သက်၍ ကမ္ဘာက ပြောဆိုနေစဉ် စစ်ရေးပြကွင်းရှိ လူတချို့က ယခု “ဆက်လက် တည်မြဲရေး”ကို ပိုမိုပြောဆိုလိုကြသည်။ “အတိတ် ကာလမှာ တပ်မတော်ဟာ ပြည်သူတွေအတွက် အလုပ်လုပ်ခဲ့ပါတယ်” ဟု ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ဒုတိယဥက္ကဋ္ဌ ဦးဌေးဦးက ပြောသည်။ “နောင်မှာ လည်း ပြည်သူတွေ အတွက် သူတို့က ဆက်လက် လုပ်ဆောင်သွားကြဦးမှာပါ” ဟုသူက ဆိုပါသည်။

Ref: japantimes.co.jp

ဝ၄ဝ

ဆက်စပ်သတင်းများ

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*