နိုင်ငံတကာသတင်း — ဂျီနီဗာ၊ မတ် ၈ ၊ ၂ဝ၁၃
ကချင်ဒုက္ခသည်စခန်းသို့ ဖေဖော်ဝါရီ ၁၅က သွားရောက်ခဲ့သည့် ကင်တားနား

ကချင်ဒုက္ခသည်စခန်းသို့ ဖေဖော်ဝါရီ ၁၅က သွားရောက်ခဲ့သည့် ကင်တားနား

မြန်မာနိုင်ငံတွင် လွတ်လပ်ခွင့်ကို  ကြီးကြီးမားမား ဆောင်ကြဉ်းပေးနေသော နိုင်ငံရေး ပြုပြင်ပြောင်းလဲမှုများမှာ အကျဉ်းထောင်များအတွင်း ညှဉ်း ပမ်းနှိပ်စက်မှုများ ဆက်လက်ပြုလုပ် နေခြင်းနှင့် တိုင်းရင်းသား လူနည်းစုတို့ အပေါ် ခွဲခြားဆက်ဆံခြင်းများ အပါအဝင် အချို့သော ထင်ရှားသည် ချွတ် ယွင်းပျက်ကွက်မှုများကို အာဏာပိုင် များ အနေဖြင့် ကိုင်တွယ် ဖြေရှင်းသမှု မပြုပါက ကယိမ်းကယိုင် ဖြစ်သွားနိုင်ကြောင်း ကြာသပတေးနေ့က ထုတ်ပြန်သည့် အစီရင်ခံစာ တစ်ခုတွင် ကုလသမဂ္ဂ စုံစမ်း စစ်ဆေးရေးမှူး တောမတ်(စ)အိုဟေး ကင်တားနားက ဆိုပါသည်။

“ပြုပြင်ပြောင်းလဲမှုတွေက မှန်ကန်တဲ့ လမ်းကြောင်းအတိုင်း ဆက်သွားနေပါတယ်” ဟု မစ္စတာ ကင်တားနားက လွန်ခဲ့သည့် ဖေဖော်ဝါရီလ မြန်မာနိုင်ငံ ခရီးစဉ်အပြီး ရေးသား တင်သွင်းသော အစီရင်ခံစာ၌ နိဂုံးချုပ် ခဲ့သည်။ သို့သော် အထူးသဖြင့် လူနည်းစု မူဆလင် ဘင်္ဂါလီ(ရိုဟင်ဂျာ) များအပေါ် ခွဲခြား ဆက်ဆံမှုနှင့် မြောက်ပိုင်း ကချင် ပြည်နယ်တွင်း မတော်မတရား ပြုမူမှုစသည့် ချွင်းယွင်းချက်များ ဆက်လက် ဖြစ်ပေါ်နေဆဲဖြစ်ကြောင်း သူက ဆိုပါသည်။

“ပြုပြင်ပြောင်းလဲမှုတွေ မတည် မငြိမ်မဖြစ်ခင်၊ ပြဿနာတွေ ပိုမကြီး ခင်မှာ ဒီချွတ်ယွင်းချက်တွေကို ကိုင်တွယ် ဖြေရှင်းဖို့ အခုအချိန်ကျနေပါပြီ” ဟု မစ္စတာ ကင်တားနားက ပြောသည်။ “ပြုပြင်ပြောင်းလဲမှုတွေ တိုးတက်မှု ရှိတာ မှန်သော်လည်းပဲ အပေါ်ဆုံးက ပြုပြင်ပြောင်းလဲမှုနဲ့ အောက်ခြေက အကောင်အထည်ဖော်မှုကြား ကွာဟမှုက ကြီးမားနေဆဲပဲ။ ဒီအကဲဖြတ်ချက် ကို တရားဝင် တုံ့ပြန်ဖို့ မြန်မာ အာဏာပိုင်တွေမှာ ဘာမှ လတ်တလော အစီအစဉ် မရှိကြဘူးဟု သူက ဆိုပါသည်။

အဆိုပါ အစီရင်ခံစာကို လာမည့်  အပတ် ကုလသမဂ္ဂ လူ့အခွင့်အရေး ကောင်စီအစည်းဝေး၌ ဆွေးနွေးကြမည် ဖြစ်ပြီး ဆယ်စုနှစ်ပေါင်းများစွာ ကြမ်းတမ်းရက်စက်သော စစ်တပ်နှိပ် စက်မှုနှင့်မတော်မတရားပြုမှုများအတွင်း ရရှိခဲ့သော “စိုးရိမ်ပူပန်စရာနိုင်ငံ” တစ်ခုအဖြစ် သတ်မှတ်ခဲ့ခြင်းကို အဆုံးသတ်ခြင်းဖြင့် မြန်မာသမ္မတ ဦးသိန်း စိန် စတင်ခဲ့သော အလုံးစုံပြောင်းလဲ မှုများကို ဆုချီးမြှင့်ရန်အချိန်တန်မတန် ဆွေးနွေးငြင်းခုံမည့် နောက်ခံအခြေ အနေတွင် ဤအစီရင်ခံ စာပေါ်ထွက် လာခြင်း ဖြစ်သည်။

ထိုကဲ့သို့ အဆုံးသတ်ရန်မှာ ပြီး ခဲ့သည့် နှစ်ကမူအရ သဘောတူညီ ထားခဲ့သော “ရန်ကုန်တွင် ကုလ သမဂ္ဂ လူ့အခွင့်အရေးရုံး ဖွင့်လှစ်ခွင့်ပေးရေး” ကို ပထမဆုံး စတင်ပြုလုပ် ရမည်ဖြစ်ကြောင်း၊ ဂျီနီဗာ လူ့အခွင့်အရေး ကောင်စီ အစည်းအဝေးက သံတမန်များက ပြောကြားကြသည်။ ကုလ သမဂ္ဂလူ့အခွင့်အရေး လုပ်သားများ သည် မကြာသေးမီလများအတွင်းက မြန်မာနိုင်ငံသို့ ညှိနှိုင်းဆွေးနွေးရန် သွားရောက်ခဲ့ကြသော်လည်း သဘော တူညီမှု တစ်စုံတစ်ရာ မရရှိခဲ့ကြချေ။

ဦးသိန်းစိန်၏ အကူအညီဖြင့် ရင်းနှီးမြှုပ်နှံမှု ရှာဖွေရေး ဥရောပခရီးစဉ် နှင့် ဆယ်စုနှစ်ပေါင်းများစွာ အပစ်ပယ်ခံ ဘဝ နောက်ပိုင်း သူ့အစိုးရ၏ ရည်ရွယ်ချက်နှင့် ပတ်သက်သည့် သံသယများကို ဖယ်ရှားပစ်ရန် ကြိုး ပမ်းမှုတို့ ဆုံဆည်းရာ အမှတ်တစ်ခု တွင် မြန်မာနိုင်ငံနှင့် ပတ်သက်သည့် သိမြင်နားလည်မှုများကို တိုးတက်စေ ရန်လည်း မစ္စတာကင်တားနား၏ အစီရင်ခံစာက အကူအညီပေးပါလိမ့် မည်။

သူ့အစိုးရက မြန်မာနိုင်ငံရှိ “အကြောက်တရား ယဉ်ကျေးမှု”ကို လျှော့ချခဲ့ပြီဖြစ်ကြောင်း၊ ဤလမ်းကြောင်း အတိုင်း ဆက်လက်လျှောက်လှမ်းရန် သူ့အနေဖြင့် ကတိပြုပါ ကြောင်း ဦးသိန်းစိန်က အင်္ဂါနေ့တွင် ဘရပ်ဆဲ မြို့၌ ပြောကြား ခဲ့သည်။

၂ဝ၁၁ ခုနှစ်တွင် ဦးသိန်းစိန် သမ္မတ ဖြစ်လာကတည်းက မြန်မာ နိုင်ငံတွင် အပြောင်းအလဲများကို ပြုလုပ်ခဲ့ပြီး နိုင်ငံရေး အကျဉ်းသား ၈၅ဝ ခန့်ကို လွတ်ငြိမ်းချမ်းသာခွင့် ဆက် တိုက်ပေးခဲ့ကြောင်း မှတ်ချက်ချခဲ့ သော်လည်း ယုံကြည်ထိုက်သည့် သတင်းများအရ နိုင်ငံရေးအကျဉ်းသား  ၂၅ဝ ခန့် ကျန်ရှိနေသေးကြောင်း မစ္မတာ အိုဟေး ကင်တားနားက ဆိုပါ သည်။ မြန်မာနိုင်ငံ ရခိုင်ပြည်နယ် အတွင်းမှ လူနည်းစု မူဆလင်ဘင်္ဂါလီ (ရိုဟင်ဂျာ)များ အပေါ် ပြုမူဆက်ဆံမှုကို အထူးသဖြင့် စိုးရိမ်ပူပန်ကြောင်း လည်း သူက ပြောကြားခဲ့သည်။ အောက်တိုဘာလနှင့် နိုဝင်ဘာလများ က ဖြစ်ပွားခဲ့သော မူဆလင်များနှင့် ဗုဒ္ဓဘာသာများကြား ပဋိပက္ခများတွင် လူ ၂ဝဝ နီးပါးသေဆုံးခဲ့ပြီး ၁၂ဝဝဝဝ ခန့် အိုးမဲ့အိမ်မဲ့ဖြစ်ခဲ့ရသည်။

အကြမ်းဖက်မှုများအတွင်း လူ ၁၁ဝဝ ခန့် ဖမ်းဆီးထိန်းသိမ်းခံရပြီး အများစုမှာ မူဆလင်(ရိုဟင်ဂျာ)များ ဖြစ်ကြောင်းနှင့် အကျဉ်းထောင်များ အတွင်း နှိပ်စက် ညှဉ်းခံရပြီး သေသည် အထိ ရိုက်နှိပ်ခံရမှုများရှိခဲ့သည်ကို မိမိ သိရှိ နားလည်ကြောင်း မစ္စတာကင်တားနားက ပြောကြားခဲ့သည်။ ဒုက္ခသည် စခန်းများတွင် လူသားချင်း စာနာမှု ဆိုင်ရာ အကူအညီနှင့် ကျန်းမာရေး စောင့်ရှောက်မှုများပေးရာတွင် ကယ်ဆယ်ရေး အေဂျင်စီများ၏ စွမ်းရည် မပြည့်ဝမှုနှင့် ပတ်သက်၍လည်း စိုးရိမ် ပူပန်မိကြောင်း၊ စခန်းများမှာ အကျဉ်းထောင်များနှင့် တူနေကြောင်း၊ မိုးရာသီ နီးကပ်လာပြီဖြစ်သည့်အတွက် လူသားချင်း စာနာမှု ကပ်ဘေးတစ်ခု ကျရောက်မည်ကို ရှောင်ရှားနိုင်ရန် ပြန်လည် နေရာချထားမှုများ ပြုလုပ်ရန် တိုက်တွန်းကြောင်း သူကဆိုပါသည်။

ထို့ပြင် ရခိုင်ပြည်နယ်တွင်း ကြုံ တွေ့နေရသော ကြမ်းတမ်းခက်ထန် သည့် အခြေအနေများနှင့် မလုံခြုံမှု ကြောင့် ထွက်ပြေးသူများမှာ ဧပြီလ ဆိုလျှင် လူပေါင်း ၂ဝဝဝဝ ခန့်ထိ ရောက်ရှိမည်ဟု ခန့်မှန်းထားသဖြင့် ယင်းတို့နှင့်ပတ်သက်၍ လိုလား တက်ကြွစွာ ကူညီပါရန် မြန်မာ့အိမ်နီးချင်း နိုင်ငံများသို့လည်း သူက တိုက်တွန်း ခဲ့သည်။ ဖြစ်ကတတ်ဆန်း လှေများ ဖြင့် ထွက်ပြေးကြသူ အတော်များများ မှာ လှေနစ်မြှုပ်၍ ရာနှင့်ချီသေဆုံးခဲ့ ကြရသည်။ ဘင်္ဂလားဒေ့(ရှ)၊ အိန္ဒိယ၊ နှင့် ထိုင်းနိုင်ငံ များမှာ မကြာသေးမီ လများအတွင်း ထွက်ပြေးဝင်ရောက် လာသည့် ရိုဟင်ဂျာများကို ပြန်လည် မောင်းထုတ်ခဲ့ကြောင်း၊ လူသားချင်း စာနာမှု အကူအညီအဖွဲ့များက ဆို သည်။ မြန်မာနုင်ငံရော လက်ခံနိုင်ငံ များတွင်ပါ ရိုဟင်ဂျာများနှင့် ပတ် သက်၍ ကိုယ်တွယ်ရာ၌ အကျင့်ပျက်  ခြင်းနှင့် လူမှောင်ခိုကုန်ကူးခြင်းများ ရှိကြောင်း၊ ထိုအမှုများတွင် လုံခြုံရေး အရာရှိများ ပါဝင်ပတ်သက် နေကြောင်း သတင်းများ ရရှိထားသဖြင့် အရေးယူ ဆောင်ရွက်ရန်လည်း မစ္စတာကင်တား နားက တိုက်တွန်းခဲ့သည်။

Ref: nytimes.com

ဝ၄ဝ

ဆက်စပ်သတင်းများ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်းဘုရင် ဘူမိဘော အဒူရာဒေ့ခ်ျ နတ်ရွာစံ

ထိုင်း၊ အောက်တိုဘာ ၁၃၊ ၂၀၁၆

သတင်းမျှဝေရန်

About Author

စာဖတ်သူ မှတ်ချက်များ (၀)

Leave a Reply

Your email address will not be published. Required fields are marked *

*